_ انتي عبيطه راحه تدافعى عن واحد قاتل؟ وهيتحكم عليه بالاعد.ام

ردت بهدوء

_ مين قالك انه هو اللى قتل؟!

بصت لها صحبتها بتهكم وقالت

_ انتي عبيطه يا همسه..ده الصحافه مليانه اخبار عنه بأنه قتل صاحبه ..ولا انتي بتدافعى عنه عشان بتحبيه؟

ردت همسه بضيق

_ وهو ولازم اي حاجه نشوفها نصدقها يا ملك وبعدين حب ايه بطلى عبط

ملك بنرفزه

_ لا والله يعني انتي بتعملى كدا لله وللوطن؟..

همسه بزهق وهى بتقوم

_ خلاص يستى سيبك مني بقى ..انا راحه اشوف شغلى..

وسابتها ومشيت

_ ربنا يهديكي يا ملك..

♡♡♡♡♡♡♡♡♡♡♡

فى مكتب الضابط احمد الهوارى..كان هو قاعد قدامه ببرود او لنقول بهدوء ما قبل العاصفه..

اللوا احمد بصله بتركيز وقال

_ هاا مش ناوي تعترف برضو؟

رد عليه الاخر ببرود

_ عايزني اعترف بحاجه معملتهاش !

هبد الضابط احمد بعصبيه على المكتب وقال

_ انت ليه مصمم تنكر كل الادله ضدك ..بصمات ايدك اللى على المسدس وكمان ساعتك اللى كانت جنب الجثه ده كله ايه مش دليل كافى انك انت اللى قتل.ته؟؟

ابتسم الاخر ببرود ورد

_ انا مش بنكر انا بقول الحقيقه اللى انت مش قادر تستوعبها او مش عايز تستوعبها..

احمد بنرفزه

_ عبدالله لاخر مره بقولك اعترف كدا كدا القضيه لبساك ..

ابتسم عبدالله بهدوء

_ وانا طول م انا واثق اني مقتلتوش مش هقول حاجه معملتهاش..

احمد كان هيتكلم بس الباب خبط ودخل العسكرى

_ فى ايه؟

_ فى واحد برا يا فندم بيقول انه معاه محاميه للمتهم..

_ خليهم يتفضلو...

_ تمام يا فندم

خرج العسكرى وثواني ودخل محمد صاحب عبدالله ومعاه المحاميه..

عبدالله فى سره

_ همسه !

دخلت همسه بهدوء وقالت

_ انا المحاميه همسه المنشاوى الحاضره عن المتهم..

الضابط احمد ببرود

_ اتفضلى

قعدت همسه قدام عبدالله وابتسمت ليه بهدوء ..

_ اتفضلى يا استاذه قولى اللى عندك..

همسه بثقه

_حضرتك موكلى الاستاذ عبدالله المهدى ..مش هو اللى قتل المجني عليه عاصم المُرشدي...

احمد بسخريه

_ انتي جايه تهزرى يا استاذه ولا ايه؟

همسه بهدوء

_ فين الهزار يفندم انا بتكلم فى القضيه دلوقتى..

احمد بتهكم

_والله؟ طب وبصمات الاستاذ اللى على المسدس وغير ساعته اللى كانت موجوده جنب الجثه..ووجوده هناك فى التوقيت ده بالذات ايه ده كله مش دليل كافى انه القاتل !!

همسه بثقه..

_ اكيد دليل يا فندم..بس برضو دلوقتى احنا نقدر نعمل بصمات شخص بسهوله وبخصوص الساعه حضرتك شوفته وهو اللى كان لابسها؟ 

بصلها احمد باستغراب...ف كملت وقالت

_ طب بلاش دي حضرتك هو فى حد يقتل حد ويسيب بصماته وكمان ساعته؟ لا وكمان هيبقى عارف ان الكاميرات بتاعت العماره هتصوره وميخفيش وشه او مثلا يحاول يهرب 

احمد: عايزه توصلى لايه بالظبط؟

همسه بثقه

_ عايزه اثبت ان موكلى عبدالله مش هو القاتل واقدر اثبت ده لو عملته تشريح للجثه وتحليل DNA  ..لان زي م حضرتك بتقول انه قبل م يتم  قت.له حصل بينهم شد وفى خدوش على رقبه المجني عليه..

عبدالله كان بيبصلها بهدوء بس ف حاجه من جواه غريبه ..مش عارف يحددها بس هو مطمن ف وجودها جنبه مش عارف قلبه بيدق بالشكل ده ليه ..بس هو كل اللى حاسه انه مبسوط لانها بدافع عنه وواثقه انه مقتلش عاصم...

الضابط احمد

_ اكتب يبنى عندك ..يتم تحويل الجثه للطب الشرعي مع تحليل DNA ..ويتم حجز المهتم عبدالله محمود المهدي اربعه ايام على ذمه التحقيق..

نده احمد للعسكرى وقاله..

_ خده يبنى على الحجز

همسه بسرعه

_ ممكن اتكلم معاه شويه..

_ تمام خمس دقايق بس..

سابهم الضابط وخرج ومحمد قرب منه وحضنه وقال

_ متخافش يا صحبى هتعدي على خير بإذن الله..

عبدالله هز رأسه بهدوء ..بعدها محمد خرج وسابهم

عبدالله كان قاعد باصص لهمسه بهدوء من غير كلام.. بس نظراته كانت كفيله تبين كل حاجه ..لحد م همسه قطعت الصمت ده بهدوء وهي بتقول..

_ استاذ عبدالله انا عايزه اعرف كل حاجه من اول ما روحت لعاصم بيته و...

قاطعها عبدالله ببرود وقال

_ بس انا مروحتش اصلا..!!

بصتله همسه بزهول وعدم استيعاب

_ يعني ايه مروحتش؟ الكاميرات جيباك وانت خارج من باب العماره..

بصلها عبدالله ببسمه جانبيه وقال

_ كنت فاكرك اذكى من كدا يا سياده المحاميه..

سكتت همسه للحظات بعدها قالت بصدمه 

_ بس ازاى ده مستحيل !!

&&&&&&&&&&&&&&&&&&&&&&&