رواية العقدة والحب معا براء والين الفصل الاول 1 بقلم امل بكر
رواية العقدة والحب معا براء والين الفصل الاول 1 هى رواية من كتابة امل بكر رواية العقدة والحب معا براء والين الفصل الاول 1 صدر لاول مرة على موقع التواصل الاجتماعى فيسبوك رواية العقدة والحب معا براء والين الفصل الاول 1 حقق تفاعل كبير على الفيسبوك لذلك سنعرض لكم رواية العقدة والحب معا براء والين الفصل الاول 1
رواية العقدة والحب معا براء والين الفصل الاول 1
-ماما هو انتي بتتكلمي جد الجد يعني
اتكلمت وهي بتقطع الخيار الي في ايديها،
-يا إلين هو شكله انسان كويس وراجل محترم في اي لما نتجوز
ضحكت بسخريه وانا بحاول امسك اعصابي ،
-ياماما ازاي عايزه تتجوزي انتي ام وكبيره
-انا عندي ٤٥ مش كبيره اوي وبعدين انتي مش عايزاني افرح يا إلين؟!
خلصت كلامها وهي بتبصلي باستعطاف
وانا غمض عيوني وانا خلاص متعصبه وفي نفس الوقت عايزها تكون مبسوطه
اتكلمت وانا خلاص الدموع هتوصل لعيني ،
-طب وانتي بعد لما تتجوزي مش هتسبيني ؟!
سابت الي في ايديها وبصتلي وكأني قولت حاجه غلط،
-اي الي بتقولي ده اكيد لا طبعاً انتي هتبقي معايا
ضحكت بسخريه ،
-معاكي اي بس ياماما الراجل ده اول لما يتجوزك هيخليكي تنسينا
قربت عليا واخدتيني في حضنها وانا حضنتها جامد ،
-متقوليش كده محدش يقدر يخليني اسيبك وابعد عنك
اتكلمت بهدوء ودموعي بتنزل ،
-انتي بتقولي كده بس علشان لسه متجوزتيش اول لما تتجوزي هيخدك
بعدتني عنها وهي بتمسك وشي ،
-هتزعليني كده والله صدقيني مجدي مش كده ده راجل طيب واستحاله يرضي انك تبعدي عني
ابتسمت بهدوء ،
-وعرفتي كمان انه طيب
اتكلمت بهدوء وهي بتمسح دموعي ،
-إلين لو انتي مش موافقه بجد خلاص بلاش
مسكت ايديها الي علي خدي وبوستها ،
-لا ياماما اعملي الي يريحك طالما متأكده انه شخص كويس ربنا يسهلك
اتكلمت بحزن عليا حسيت من نظارتها ،
-انتي بنتي وحبيبتي انتي واخوكي
اتكلمت وانا بفتكر،
-صح وهتعملي اي في زياد بيه هتقوليله اي
-ماهو انتي هتساعديني
-انا ازاي ؟!!
-هنتكلم معاه مع بعض
-طيب ربنا يسهل انا هخش انام تصبحي علي خير
باستني في خدي بحنيه ،
-وانتي من اهله ياجميلتي
ابتسمت بهدوء للقابها ليا وبوست ايديها ودخلت اوضي
قعد علي السرير ببص للفراغ شويه ومحستش بنفسي غير ودموعي بتنزل علي خدي حطيت ايدي علي وشي وانهارت في العياط
اتكلمت بهمس
-ماما هتنساني ومعتتش هتحبني انا وزياد هتتجوز وهتحبه وهو هيعاملنا وحش من وراها انا متأكده
حضنت المخده وانا بحاول معيطش ولكن علي الفاضي
ماما هي الي ربتني ولوحدها وبابا طلقها وسافر اول لما عرف انها حامل في زياد اخويا والسبب لانه مكنش عايز
اولاد وانا جيت غلطه وهو ندمان عليا طلب انها تنزل زياد وهي رفضت طلقها وسافر واكيد دلوقتي عنده اسره
ماما كل حاجه بالنسبالي وانا خايفه لتنساني وفي نفس الوقت انا عايزها تكون مبسوطه هي تستاهل انها تنبسط ولو شويه ليها حق تعيش حياه حلوه
نمت وانا بدعي ربنا يحصل الي فيه الخير
صحيت الصبح قومت صليت ورتبت البيت وقعد اتفرج علي التليفزيون
ماما اتكلمت وهي بتقعد جمبي وبتقطع الكوسه،
-جميلتي قاعده زعلانه لي
بصيتلها وانا بيتسم بهدوء ،
-مش زعلانه ولا حاجه زهقانه علشان مش لاقيه حاجه اعملها
-خدي ياختي قطعي الكوسه معايا
-ياماما كوسه اي اقصد عايزه حركه
-حركه؟!! روحي اغسلي المواعين
-مواعين اي بس اقصد عايزه اخرج بره
-طب حلو اوي خدي هاتي حاجه من تحت
ضربت علي وشي وبعدين بصيتلها وانا بضحك بتمثيل،
-تعرفي بقيت كويسه اوي دلوقتي الحمدالله علي نعمه الزهق والله
ضحكت،
-شوفتي علشان تعرفي انتي مرتاحه علي الاخر
-عارفه عارفه زياد فين
-في المدرسه هتلاقي دلوقتي جاي
-ايوا
اتكلمت تاني بتوتر ،
-لما يجي هنكلمه صح؟!
هزيت راسي وانا عيني علي التلفزيون ،
-ان شاء الله
-انتي لسه زعلانه ياإلين
-لا ياماما مش زعلانه متقلقيش
اتكلمت طبعا بكذب بس في نفس الوقت مش عايزها تزعل وترجع في قرارها الي شكله هي مبسوطه بيه
-انتي بنتي وعرفاكي وعارفه انتي حاسه باي دلوقتي وعلشان امحي اي افكار في دماغك انا بقولك اني عمري ماهنساكي انتي واخوكي لانك انتو هتكونو معايا في اي مكان هروحو وكمان انا هتكلم معاه في الموضوع ده ولو حسيت انه مدايق ولا حتي رفض انا استحاله اوافق لانكو اهم حاجه عندي ياجميلتي
بصيتلها وحضنتها ،
-بحبك وانتي فهماني
بعد عنها وكملت،
=وانا موافقه ياماما طالما انتي جمبنا وانتي تستاهلي تفرحي
كانت هتتكلم بس زياد دخل وهو بيقلع الشنطه وبيرميها علي الارض
صوتت فيه،
-ياابني بقي شيل شنطتك دي
قرب وهو بيبوس ماما من خدها ،
-انا جاي تعبان مش قادر
بصيتله بسخريه،
-تعبان لي كنت بتشيل الطوب ده انت عيل في خمسه ابتدائي
-شوفتي ياماما بتقول اي
-معلش ياحبيبي روح يلا شيل شنطتك وغير هدومك علشان تاكل
-علشان خاطرك بس ياماما ياحبيبتي
خلص كلامه وهو بيطلعلي لسانه
بصيتله بغيظ ،
-بارد والله
-هقوم احط الغدا تعالي معايا
حطينا الغدا واكلنا وقعدنا جمب بعض علي الركنه وزياد في النص
ماما لعبتله في شعره وهي بتتكلم بتوتر،
-زيزو حبيبي عايزه اقولك حاجه
-اي ياماما
بصتلي وبعدين بصيت عليه واتكلمت،
-انت عارف انا بحبك انت واختك قد اي بص انا بتكلم معاك كأنك راجل وفاهم ماشي
اتكلم بزعل،
-اي كأنك دي ياماما مانا راجل بجد
ضحكت عليه وماما ابتسمت بهدوء وهي بتكمل كلامها،
-طبعاً راجل واجدع راجل كمان
دلوقتي انا عايزه اقولك اني هتجوز وكمان يعني انتي ممكن تعتبره باباك و
قاطعها وهو بيتكلم بفرحه ،
-ماما بجد هيبقي ليا اب طب هو فين ياماما
بصيتله باستغراب انا فكرت انه هيزعل زي اي طفل ولكنه فرح انه هيكون عنده اب
بصيت لماما الي استغربت وفي نفس الوقت فرحت
-هتتعرف عليه بس قولي اي رائيك
-في اي ياماما
-اني اتجوز ياحبيبي وانتو تتعرفو عليه يعني
-فرحان اوي
ابتسمت وهي بتبوس خده،
-هخليه يتعرف عليكو قريب ياعيون ماما
بصلي واتكلم بفرحه،
-شوفتي ياإلين هيبقي لينا اب زي مابتتمني
هزيتله راسي بحزن مش موجود غير في قلبي
اتكلمت وانا بمسح علي وشه،
-شوفت ياحبيبي انت راضي اهم حاجه
-راضي وفرحان اوي يإلين انتي مش فرحانه
سألني بطفوله
ابتسمت علي فرحته بهدوء،
-فرحانه علشان انت فرحان يازيزو
كمل تفريج علي التلفيزيون وماما تقريباً راحت تعرف خالو يكلمو وانا بصيت في الفراغ وانا بفكر في الي جاي
قطع تفكيري دماغ زياد الي مالت عليا بصيت عليه لقيته نام بوسته من خده وقولتله يقوم ينام في اوضه
مامت اجت واتكلمت ،
-كلمت خالك يكلم مجدي وقالي انه ممكن يجي الاربع الجاي
هزيتلها راسي واتكلمت،
-تمام ياماما ربنا يسهل
-تيجي ننزل نجيب فستان ليكي وليا
كنت عايزه اضحك بس مسكت نفسي حسيت ماما عيله صغيره فرحانه ان العيد قرب بس برجع وافكر من تاني هي تستاهل
-تمام هقوم البس دلوقتي
-ماشي وانا كمان
بعد وقت^^^^
اتكلمت ماما وهي بتشاور علي فستان
-حلو ده ياإلين
-تحفه ولونه زيتي الي بتحبي
-هدخل اقيسه
-ماشي هستناكي هنا
طلعت وبصت عليه في المرايه
-حلو خالص ياماما
-بجد
-بجد شكله مختلف وبسيط
اتكلمت وهي بتبص للبنت الي واقفه،
-تمام هناخد ده
=إلين شوفي انتي كمان فستان
-لا ياماما مش عايزه
-لا لازم تيجي يلا نقي حاجه
مسكت فستان لونه بني ،
-حلو ده
-جميل اوي
ماما اتكلمت واحنا راكبين التاكسي ومروحين
-دلوقتي زياد اخوكي صحي
-مظنش بقالنا ساعتين وهو بينام للصبح
-ياريت مش عايزا يقلق
روحنا ولقينا لسه نايم دخلت
غيرت هدومي ونمت علي السرير
"1”
يتبع..