رواية قريب دون قصد مريم وجون الفصل الثاني 2 بقلم فونا
رواية قريب دون قصد مريم وجون الفصل الثاني 2 هى رواية من كتابة فونا رواية قريب دون قصد مريم وجون الفصل الثاني 2 صدر لاول مرة على موقع التواصل الاجتماعى فيسبوك رواية قريب دون قصد مريم وجون الفصل الثاني 2 حقق تفاعل كبير على الفيسبوك لذلك سنعرض لكم رواية قريب دون قصد مريم وجون الفصل الثاني 2
رواية قريب دون قصد مريم وجون الفصل الثاني 2
أبويا عايز يتجوز أم اللي معجبه بيه!!
قرب مننا بهدوء وهو عينه عليا متشالتش!
نزلت عيوني بسرعة وبدأت اهز رجلي بتوتر.
سحب الكرسي وقعد بهدوء.
_ مساء الخير.
كلهم ردو إلا أنا،كنت قاعدة مضايقة ومش طايقة القعدة وعايزة أمشي!
ـ أهلا يا حبيبي أعرفك دي مريم بنت عمك يوسف وده چون ابني الكبير.
سكت دقيقة بعدين اتكلم.
_ أهلا.
مردتش عليه وقومت من مكاني.
_ عن اذنكم.
كنت لسه هتحرك بس بابا مسكني من ايدي ووشوشني.
_رايحه فين.
ـ مش قادرة اقعد أكتر من كدا.
_ يا مريم اس...
سحبت ايدي منه بهدوء وطلعت برا الكافيه!
حسيت بخنقه وأنا شايفه بابا قاعد مع واحدة غير ماما!
لأ ومش أي واحده دي أم الشخص اللي أنا كنت معجبة بيه!
طلعت اتمشيت علي البحر شوية،كنت مخنوقة أوي.
كنت واقفه وجت في بالي ذكرياتي مع ماما،كنا بنحب نتمشى علي البحر سوا ونضحك ونهزر.
دموعي تلقائيا نزلت وأنا بفتكرها،حاولت اهدي نفسي ومسحت دموعي،حسيت بحركة جنبي ببص لقيته چون.
ـ تفتكري أنا مبسوط باللي بيحصل!
قلبي دق وبسرعة بصيت قدامي.
_ قصدك ايه.
ـ قصدي إني برضو مش موافق علي الجوازة دي.
بصيتله بسرعة.
_ طب ما ترفض.
ـ طب ما رفضتيش أنتِ ليه.
اتنهدت_بابا مصمم علي اللي في دماغه.
خد نفس هو كمان واتكلم.
_ وأمي نفس الشئ برضو.
سكتنا شوية بعدين هو اتكلم:
_ بس متوقعتش اتعامل معاكي بسبب الموضوع ده.
ـ مش فاهمه.
_ متاخديش في بالك.
بصيتله بأستغراب ،مجنون ده؟
خدت نفس عميق وقولت بنفاذ صبر:
_ يكون في علمك الجوازة دي مش هتكمل ومش هسمح للمهزلة دي تستمر.
كنت لسه هتحرك بس وقفني كلامه.
_ تفتكري دي انانية مننا؟!
ـ نعم.
_ يعني هما لا بيعملو حاجة عيب ولا حرام أنتِ مامتك متوفيه وأنا أمي منفصله.
رديت بنرفزة بسيطة.
_ أنا ميخصنيش كل ده أنا يخصني بابا يفضل جنبي وبس.
وأنا مش هقبل بوجود واحده تانية في حياته غير أمي!!
سيبته ومشيت، دموعي كانت على خدي.
الموضوع مش سهل أبدا واللي عاش نفس احساسي هيفهم!
عارف يعني ايه تبقو عايشين في بيت مليان حب وفجأة ماما تسافر عند ربنا وبابا يقرر يتجوز بعدها على طول!
عدى أسبوع وأنا مش بخرج من البيت ومش بروح الكلية!
وفي يوم قررت أروح الكلية أغير جو شوية.
لبست ونزلت روحت وكالعادة بقعد لوحدي.
كنت قاعدة على كرسي في جنينة الكلية بشرب قهوة وفجأة لقيت حد قعد جنبي وكان چون.
متكلمتش ولا نطقت بحرف وهو كان ساكت برضو.
فضلنا علي الحال ده لغاية ما هو قطع الصمت وقال.
_ لازم نبوظ الجوازة