_ اي المستحيل ف. كدا؟

ردت همسه وهي مش مستوعبه

_ ازاي حد يقدر يعمل كدا !! مش قادره استوعب..

عبدالله بهدوء

_ بصى هحكيلك اللى حصل..

_ تمام اتفضل..

تنهد عبدالله بثقل بعدها قال

_ اولا اليوم اللى عاصم اتقت.ل فيه كان معايا قبلها فى الشركه ..وكان جاي سكران ومش مركز ..وفضل يتكلم كدا كلام كتير مقدرتش افهم منه حاجه غير انه اتجوز واحده فى السر  ولكن معرفش مين وهي كانت بتهدده يا يعلن جوازهم يا تقت.له...ده اللى فهمته من كلامه..

همسه 

_ طب والساعه؟ وبصماتك اللى على المسدس.؟ وظهورك ف وقت م حصلت الجريمه؟

عبدالله بهدوء

_ البصمات اللى على المسدس اكيد هتبقى بصماتي ..لاني كنت اخر واحد ماسكه واديته لعاصم ..اما بخصوص الساعه ف انا معرفش هي وصلت هناك ازاى ؟ 

همسه بحيره

_ اللى انت بتقوله ده مش بيدل غير على حاجه واحده ان اللى اتجوزها دي نفذت تهديدها ..بس برضو هيفضل فى سؤال محيرني..

_ اللى هو؟

_ ازاى انت كنت هناك.؟

ابتسم عبدالله ببرود وقال

_ م قولتلك مكنتش انا اللى هناك. ازاى هكون هناك وف الكافيه اللى جنب شركتي فى نفس الوقت؟    

همسه سكتت القضيه متعقده كل الادله ضد عبدالله بس برضو استحاله يبقى هو القاتل..

_ بتفكرى ف ايه؟

همسه اتنهدت وقالت

_ القضيه متعقده اوي كل الادله ضدك بس..

عبدالله بصلها واتكلم 

_ انتي واثقه اني مقتلتوش صح.؟

بصتله همسه بصمت ومعرفتش تقول ايه بس هي فعلا واثقه فيه طب ليه ؟ ايه مخليها واثقه فيه كدا ..!

_ ردي على سؤالى 

همسه بهدوء

_ ايوا واثقه انك مقتلتوش...

اتنهد عبدالله براحه وقال

_ تمام كدا ..عامة عشان تعرفى ان كلامي صح روحي الكافيه اللى جنب الشركه فى كاميرات مراقبه هناك وبخصوص اللى كان فى العماره ف ده مش انا..

همسه بصلته. قالت

_ متأكد ان مفيش حاجه تاني مخبيها.؟

اتردد عبدالله وسكت شويه بعدها قال

_ لا مفيش 

همسه كانت هتتكلم بس الضابط دخل وقال

_ اظن كفايه كدا يا استاذه 

_ تمام ..بصت همسه لعبدالله وابتسمتله بثقه وخرجت..

اما هو اتنهد وقال

_ يارب اظهر برائتى..

♤♤♤♤♤♤♤♤♤♤♤♤♤

فى مكان اخر كانت تجلس هى ..وامامها رجل يتحدث بغضب

_ انتي ليه مقولتيش ان كان فى زفت كاميرات فى العماره ؟

اتكلمت بزهق

_ انت متعصب ليه؟ ها وبعدين م خلاص كدا كدا القضيه لبست عبدالله..

الرجل بغضب

_ وافرضى عرف يثبت برائته؟ هروح انا فى الرجلين 

قامت وقالت بغضب

_ يوه م قولتلك خلاص اطمن مش هيحصل حاجه عاصم وخلاص مات وعبدالله خدنا انتقامنا منه وهيتعدم كل حاجه بتثبت انه القاتل خلاص اقفل على الموضوع

قرب منها الرجل وقال بتحذير

_ يكون فى علمك لو عبدالله عرف يثبت انه مش هو اللى قت.ل وروحت انا ف داهيه ..يبقى عليا وعلى اعدائى فاهمه !!

قال كدا وسابها وخرج..

اما هي بقت تكسر اي حاجه حواليها بغضب وبتقول

_ غبي غبي هيبوظ كل حاجه عملتها...بس لا مش هسمحلك ابدا ..

♡♡♡♡♡♡♡♡♡♡♡♡

كان عبدالله قاعد فى الزنزانه...بيبص قدامه بتوهان ومش قادر يفكر..او مش عايز يفكر ف كدا...استحاله يبقى هو !! استحاله يعمل فيه كدا...

تنهد بتعب وقال

_ يارب افرجها من عندك يارب..وميبقاش هو يارب خيب ظني فيه..

**************

عند همسه كانت هي ومحمد صديق عبدالله فى شقه عاصم بعد م خدو اذن نيابه عشان يقدروا يدخلو..

محمد بتعب

_ همسه احنا بقالنا ساعه بندور ولحد دلوقتى ملقناش حاجه..

همسه باصرار

_ عارفه بس انا مش هيأس ..انا متأكده اننا هنلاقى حاجه..

محمد بضيق

_ هنلاقى ايه؟ ها بقالنا ساعه ولسه موصلناش لحاجه وكل حاجه بتدل ان عبدالله هو اللى قتله..

ردت عليه بنرفزه

_ متقولش هو اللى قتله..عبدالله لايمكن يعمل كدا ف صاحب عمره ..حتي لو كان بينهم ايه ده اتهام باطل عشان مش حقيقه...اكيد حد بيكره عبدالله هو اللى عمل كدا بس ازاى الشخص اللى بان فى الكاميرات نسخه من عبدالله !!

اتوتر محمد اول لما قالت كدا ف بصلته بشك وقالت

_ محمد انت عارف حاجه؟

محمد بتوتر

_ حاجه..!! حاجه ايه لاا هعرف ايه يعني ..

همسه بضغط

_ محمد اي معلومه ومهما كانت تافهه هتكون مهمه اوي لينا وممكن ننقذ عبدالله..

رد عليها وهو بيحاول يهرب من الموضوع..

_ بصى انا معرفش حاجه دي حاجه تخص عبدالله ولو عايز يحكيها هو هيقول غير كدا لا..

همسه كانت هترد عليه ولكن شافت حاجه خليتها تتصنم مكانها...

&&&&&&&&&&&&&

فى مكان تاني ..كان هو بيضمد الجرح اللى ف دراعه..وهو بيلعن اللى اتسبب فيه...دخلت هي عليه وقالت باستغراب.

_ايه الجرح ده؟ وحصل ازاى؟

بصلها ورد عليها ببرود

_ جرح صغير عادي متشغليش بالك

_ ايوا حصل ازاى...بعدها سكتت بصدمه وقالت

_ ينهاار اسود !! اوعا تقول انه من...

قاطعها ببرود

_ اه منه بس خلاص هو غار ف داهيه

اتكلمت بغضب

_ انت ازاى م تاخدش بالك من كدا !!! انت غبى وهضيعناا

قام اتجه ليها ومسكها من شعرها بقسوه وقال

_ بقولك ايه يروح امك انتي مش هتعلميني شغلى مااشى...واياكي تتكلمى معايا بالطريقه دي تاني عشان متشوفيش وشى التاني وهيزعلك مني اوي...

ردت بألم

_ انا مقصدش يا **** بس قولت كدا عشان خايفه يبقى دليل ضدك..

سابها ورد ببرود

_ لا متقلقيش ..ويلا برا بقا عشان صدعت

بصتله بكره وغل وقالت فى سرها

_ اخلص بس من عبدالله وساعتها هنتقم منك...ومش هرحمك

زعق بقوه

_ قولت برا ايه مبتسمعيش !!

_ خلاص خارجه..

سابته وخرجت اما هو قعد على الكرسى وقال بكره وقسوه.

_ مكنتش حابب اعمل فيك كدا ...بس انت تستاهل بسبب اللى حصلى زمان بسببك..

بعدها ضحك بهستريه وقال بخبث

_ وانت طلعت غبى اوي وسهلت عليا حاجات كتير وقدرت اوقعك..وصدقنى نار انتقامي مش هتبرد غير لما اشوفك ميت قدامي..

♡♡♡♡♡♡♡♡♡♡♡♡♡

يُتبع..