رواية العقدة والحب معا براء والين الفصل الثاني 2 بقلم امل بكر
رواية العقدة والحب معا براء والين الفصل الثاني 2 هى رواية من كتابة امل بكر رواية العقدة والحب معا براء والين الفصل الثاني 2 صدر لاول مرة على موقع التواصل الاجتماعى فيسبوك رواية العقدة والحب معا براء والين الفصل الثاني 2 حقق تفاعل كبير على الفيسبوك لذلك سنعرض لكم رواية العقدة والحب معا براء والين الفصل الثاني 2
رواية العقدة والحب معا براء والين الفصل الثاني 2
اجي اليوم الي عمو مجدي هيجي وهيشرفنا
رتبت البيت من الصبح وماما شغاله في المطبخ
وزياد اخويا ملهوش لازمه طبعاً بيلعب في الشارع
الليل اجي والبيت بقي جاهز وانا لبست الفستان والطرحه وكان شكلي واو
وماما كمان جهزت وشكلها جميل
خالي الاتنين اجو واستقبلو الي جاين
"خالو محمد الكبير عنده ٤٨سنه " وخالو احمد الصغير وده صاحبي عنده ٣٠ سنه "
وخالاتي الاتنين كمان اجو
خالتو مروه عندها ٣٥ وخالتو ليلي عندها ٢٦ والاتنين بحبهم اكتر من بعض لانهم بيفهموني وبحسهم قدي كمان لاني عندي ٢٣سنه
-ماما هو مين الي جاي معا؟!
-معرفش زي زيك
طلعنا قاعدنا معاهم وكان لوحده ومحدش معاه
عقد حواجبي باستغراب فكرت هيبقي عنده عيال ولا حاجه حمد ربنا احسن يبقي الراجل لوحده مش ناقصين صداع
عمو مجدي طلب من خالو يكلمني
هزيت راسي بموافقه
اتكلم وحسيت من نبرته انه متوتر طبيعي يتوتر كلنا بنسمعه معندناش خصوصيه احنا
-انسه إلين انا عارف انك خايفه باخد مامتك منك او ابعدها عنك انتي واخوكي ب…
قاطعه خالو محمد بضيق،
-لا ماهما هيعيشو معايا
بصيت لخالو بخضه من كلامه حتي ماما بصتله بخوف واستغراب
عمو مجدي ،
-انا كنت اقصد اني مش هبعد مامتها عنها ولا اخوها وطبعاً يقعدو في المكان الي يريحهم
قال كلامه بطيبه عصبتني اكتر
خالو محمد اتكلم ،
-احنا هنتفق هنعمل اي وهنبلغك
ولو علي الكتب الكتاب نشوف المعاد ونرد عليك
خالو احمد الصغير اتكلم ،
-متقلقش احنا هنشوف هما عايزين اي وهنعملو
حسيت ان كلهم ضاغطين عليه وانه اتوتر صعب عليه للحظه بس ابتسمت بهدوء علي طريقتهم الي حستها غيره علي اختهم
عمو مجدي مشا وانا اتكلمت برهبه وانا بوجه كلامي لخالو محمد
-خالو تقصد اي بهنعيش معاك؟!
شرب بوق شاي واتكلم بثبات وهو بيبصلي،
-اظن كلامي مفهموم ياإلين انتي واخوكي هتعيشو معايا
ماما اتكلمت ،
-ايوا بس يامحمد في اي لما يعيشو معايا
بص لماما بضيق وكأنه مستغرب كلامها،
-انتي بتقولي اي ياچيهان عايزه العيال يقعدو معاكي وفي بيت واحد غريب
حسيت من صوت ماما انها هتعيط وهي بتتكلم،
-ايوا بس يامحمد هنتجوز ومش هيبقي غريب
اتنفس بضيق وهو بيتكلم من تاني ،
-چيهان الراجل عنده شاب عنده ٢٥ سنه وإلين الي هتبقي في البيت ده اي؟! والراجل كمان !!!
اتصدمت لما عرفت ان عنده ابن ده الي كان ناقص فكرت طب ولي مجاش معا ياتري؟!
اتكلمت خالتو مروه وهي بتحاول تلطف الجو،
-خلاص ياجماعه يتجوزو الاول وبعدين العيال يقعدو في المكان الي عايزينو مش صح ياإلين
بصلتها وانا تايه يعني اي هفضل راحه هنا شويه وهنا شويه
اتكلم خالو احمد،
-انا شايف ان محمد عنده حق ياچيهان انتي هترضي ان العيال يقعدو في مكان فيه رجاله ؟!!
ماما اتكلمت ،
-ماشي يااحمد اكيد مجدي مش هيخلي ابنه يقعد في البيت او هيظبط الموضوع علي الاقل اتكلم معا واسألو لكن متقلوش ان العيال مش هتبقي معايا
اتكلمت خالتو ليلي بمرح،
-مع علينا من كل الكلام ده دلوقتي انتي مرتاحه ياچيهان موافقه يعني
ضحكت ماما وهي بترد،
-انتو شايفين اي
اتكلم خالو محمد الي حاسا مضايق وفي نفس الوقت مرتاح لعمو مجدي ،
-انا عن نفسي شايفه كويس بس انتي الرأي رائيك
ماما اتكلمت وهي بتبص لخالو احمد ،
-وانت يااستاذ احمد رائيك اي
اتكلم وهو مبتسم،
-كويس المهم انتي ولو فكر يزعلك تقولنا علي طول
خالتو مروه اتكلمت ،
-وانا حاسه راجل كويس
خالتو ليلي اتكلمت ،
-وانا كمان ربنا يسعدك يارب
كلهم بصولي وكأنهم بيقولولي رائيك اي
بلعت ريقي وانا بفكر هعيش فين انا واخويا والي كنت خايفه منه حصل ماما هتبعد عننا
قطع تفكيري خالو احمد الي قعد جمبي ومسك ايدي وهو بيتكلم بهدوء ،
-ورائي إلين حبيبتي اي ؟!
بصتله وانا خلاص هعيط وحسيته فهمني وهو بيضغط علي ايدي اكتر اتكلمت وانا باخد نفس ،
-موافقه طالما ماما هتكون مرتاحه طبعاً
قولت كلامي بسرعه وماما اتكلمت،
-وانا كمان هكون مبسوطه لو انتي راضيه
طلع اخويا زياد وهو بيفرك في عينه من النوم ،
-عمو فين ياماما
خالو ضحك عليه ،
-عمو مشا ياحبيبي
بزعل،
-لي كده انا كنت عايزه اشوفو
خالتو ليلي اتكلمت وهي بتحضنه،
-المره الجايه ان شاء الله يازيزو
-امتي المره الجايه ياخالتو؟
ليلي،
-معرفش ي..
كمل خالو محمد،
-يوم كتب الكتاب ياحبيبي
خالو احمد بمرح ،
-هتلبس بدله يازيزو
-اه ياخالو عايز البس بدله
ماما اتكلمت،
-اي يااحمد احنا هنعمل فرح
احمد،
-في اي الله الولا عايز يلبس بدله
اتكلم خالو محمد وهو بيوجه الكلام لاحمد،
-بتعشم الولا انت تسكت خالص
-في اي ياجماعه خلاص انا الي هجبله البدله علي حسابي
ليلي بضحكه،
-ياعم اتنيل انت هتدفع!!!
احمد باصرار،
-طب والله لاجيب للولا زيزو البدله
بص للكل وهو بيسأل ،
-حد عايز حاجه
رد علي نفسه بسرعه
=لاء كويس الحمدالله
بصتله وانا بضحك عليه وطريقته الي بحبها
دخلت أوضي غيرت هدومي ولبست بيچامه ولسه بفتح الباب لقيت خالو احمد واقف وساند ضهره علي الحيطه
-هههي خضتني يااحمد
دخل الاوضه وهو بيقعد علي السرير ،
-سلامتك من الخضه ..تعالي عايز اتكلم معاكي
فهمت انه عايز يكلمني في جواز ماما
-قولي في اي ؟!
-لاء قوليلي انتي مالك زعلانه ؟
بصيت علي الاوضه وانا مش عارفه اقول اي ،
-لاء يعني مش بالمعني
-خايفه ليبعدها عنك انتي واخوكي مش كده ؟!
بصتله والدموع اتجمعت في عيني ،
-اممم
شدني لحضنه وانا حاوطه جامد وانا مداخله راسي في صدره اوي وكأني مش عايزه اطلع دموعي نزلت من الفكره
اتكلم بهدوء وهو بيلعب في شعري،
-بصي يإالينو انتي كبيره وفاهمه ان امك محتاجه لراجل وخصوصاً ان ابوكي سابها بدري وهي ربتكو لوحدها مع علينا انتي عارفه كل ده بس الي عايز اقولهولك انتي عارفه امك كويس عمرها ماهتسيبكو وتنساكو ابداً وانا متأكد انك مبسوطه علشانها وكمان حبتي عمو مجدي
كمل كلامه بهزار ،
-بس اوعك تحبي اكتر مني هاا
ضحكت وانا بطلع من حضنو وبمسح دموعي ،
-اكيد طبعاً انت حبيبي
-في حاجه عايزه تقوليها؟!
-امم هو احنا هنعيش فين مش مع ماما ؟
هرش في شعره بتوتر،
-يعني بصراحه انا مش عارف بس ياإلين الراجل عنده ولد يعني راجل وهو كمان شخصياً فااحنا برده خايفين عليكي
-انا مكنتش اعرف انه عنده ولد
-متقلقيش كله هيتحل وحتي ياستي باخدك انتي وزيزو وانتي عارفه عائشه بتحبك
-وانا بحبها جداً بس مش عارفه وافقت عليك ازاي
ضربني بالمخده في وشي ،
-بالله انتي بت سمجه
ضحكت وانا بحدف المخده عليه،
-انا ياخالو الله يسامحك
-خالووو!!! يوغتي علي الاحترام
ضحكت وانا مش قادره اخد نفسي،
-طب خلاص متزعلش هقولك خالو
-خالو اي قولي احمد مبحبش الاحترام
-ايوا انا عرفت طالعه لمين
-ليكي الشرف
-بس يااحمد بالله عليك متتكلمش تاني
-انا غلطان اني بكلمك انا طالع
-استني طالعه معاك
طلعنا قعدنا شويه مع بعض وبعدين كل واحد مشا وانا دخلت نمت
بعد يومين خالو محمد كلم عمو مجدي واتفقو علي كتب الكتاب وهيكون بكره في البيت عندنا
يوم كتب الكتاب خالاتي اجو وخالاني وعيالهم
عمو مجدي وصل وكان معا ابن قد زياد برقت بدهشه وانا بكلم نفسي
-هو ده الراجل ولا اي
خالتو ليلي اتكلمت في ودني ،
-اتهبلتي ولا اي ؟!
-ليلي هو ده ابنه الراجل الي بتتكلمو عليه ؟!
رفعت كتافها بعدم معرفه ،
-معرفش انا حاجه خالص بس اكيد مش ده يعني ياإلين
-امم انا هروح اسال احمد
-ماشي اسألي وتعالي قوليلي
-ماشي
قربت علي احمد وانا بتكلم،
-احمد متقوليش ان ده ابنه
هز. راسه ،
-ايوا ابنه لي في اي ؟!
رفعت حاجبي بسخريه ،
-ده الراجل الي بتقولو عليه!! ده قد زياد
زياد اتكلم وكأنه قفشنا،
-بتجيبو سيره زياد لي بقي
احمد ،
-اختك زعلانه علشان انت لابس بدله وهي لابسه جلابيه
شاورت علي فستاني بصدمه ،
-ده جلابيه !!! انت تعرف تجيبه اصلاً
احمد،
-هش ابت ده فستان معفن
زياد اتكلم وهو بيرفع صباعه في وشنا،
-اوعكو تجيبو سيرتي تاني انا حذرتكو
قال كلامه ومشا واحنا بصينا لبعض وضحكنا
الكتب الكتاب بدءً والجواز تم علي قد مافرحت علي قد مااحساس جوايا مضايق غضبان خايف مش قادره احدد مالي
زينب بنت خالتو مروه في اوله ثانوي وقفت جمبي واتكلمت،
-إلينو رمالك؟!
بصتلها ،
-مفيش يابنتي
-لا شكلك مضايق قوليلي مالك
-صدقيني مفيش حاجه بالعكس انا فرحانه علشان شايفه ماما فرحانه
ضيقت عينها بشك ،
-إلين يعني انتي مش زعلانه من حاجه بجد
-لا ياستي مش زعلانه قوليلي فين مراد السكر
بسخريه،
-سكر مين ياستي اتنيلي
-خساره الولا ده يبقي اخوكي
-هو بصراحه بيجبلي مايه
"مراد" في سنه سته ابتدائي اكبر من زياد بسنه
قعدنا ولقيت مراد جاي ومضايق
نزلت علي ركبتي وانا ببوسه من خده
-مالك يامراد
اتكلم بضيق وهو بيشاور علي ابن عمو مجدي،
-الولا ده ياإلين زياد عمال يلعب معا وسايبني
ضحكت بهدوء علشان ميزعلش
-طب ماتروح انت كمان تلعب معاهم يامراد
-لاء هو سابني وراح يلعب معاه وانا معتش هلعب معاه تاني
-لي كده بس ده زياد بيحبك
-وانا كمان بحبه بس هو سابني
-طب خلاص تعالي معايا اكلمه
-لا ياإلين متقوليش ليه انا عايزه هو الي ياخد باله اني زعلان منه
رفعت حاجبي اي افكار الاطفال دي !!
-مش عيب يامراد لما تروح وتقولو انا زعلان منك
لانك لو استنيت ممكن هو غصب عنه مياخدش باله
وهو لو مخدش باله انت هتزعل
-طيب انا هاجي معاكي بس قوليلو انتي
-لاء انت الي هتقولو ماشي ؟!
-ماشي
روحنا وعرفت ان ابن عمو مجدي اسمو مازن
سيبتهم وهما بيلعبو مع بعض ولسه بلف برقت بخضه وانا لاقيه حد بيبوسني من خدي
بصيت لقيته يوسف ابن خالو محمد واخويا في الرضاعه اصغر مني بسنه
-وحشتني يازفته
حضنته،
-وانت كمان يازفت
خالتو ليلي اتكلمت وهي بطلع يوسف من حضني علشان تحضنو،
-وانت كمان وحشتني يازفت
يوسف بضحكه،
-مقبوله منك ياليلي
قرب علينا كريم زوج ليلي بضيق اكيد من يوسف والحضن اتكلم وهو بيحاوط ليلي بدراعه والايد التانيه شايل مهند ابنهم،
-اي ياحبيبي مش كفايه
ضحك يوسف،
-عامل اي ياكيموو
-بخير
اتكلمت ،
-احم طب تعالا يايايوسف سلم علي ماما
بعد وقت واحنا قاعدين مع بعض كعيله اتكلم يوسف وهو بيهمس في ودني
-مالك ؟
بصيتله باستغراب ،
-مالي !
-انا الي بسألك
رفعت كتفي،
-مفيش حاجه
-هتنامي فين انهارده ياقطه
بضيق ،
-بلاش يايايوسف الهزار البايخ ده
-لي هو انا قولت اي
-معرفش هروح فين ولا هعيش فين بعد كده
ضبطب علي كتفي بمواسه،
-خلاص اهدي جوز خالتي شكله طيب وهياخدك
بصيتله بغيظ،
-وربنا انت بارد يايايوسف
ضحك،
-بهزر ياستي هناخدك انتي وزيزو عندنا
-لا مش راحه في حته سيبني بقي
خالو محمد طلب مني انا وزياد نروح نبات عنه لمده اسبوع وبعدين هنشوف هنعمل اي
ماما حضنتني جامد علي باب البيت،
-هتوحشيني ياجميلتي
-وانتي كمان ياماما خلي بالك من نفسك
-حاضر
باست زياد من خده وهي بتحضنه ،
-متتعبش حد ياحبيبي وخليك مؤدب
-حاضر ياماما بكلميني
-حاضر ياحبيبي
ماما مشت
خالو محمد اتكلم ،
-يلا بينا نمشي
نزلنا كلنا مع بعض وكل واحد مشا في طريق بيته
وانا وزياد روحنا مع خالو محمد بعد اصراره كنت عايزه نقعد في البيت ولكنه رفض نقعد لوحدنا
نمت في سرير لوحدي وجمبي السرير التاني نايم عليه يوسف وزياد الي حاضنين بعض
بصتلهم بملل وانا بتكلم ،
-يوسف وطي صوت الموبايل شويه
-لا احنا بنحب الصوت العالي صح يازيزو
زياد،
-صح
قلبت عيني ببرود ،
-مشوفتش ارخم من كده
-استغفري ربنا اخد ذنب اهو
-استغفر الله العظيم وطي بقي الصوت عايزه انام
-وطينا اهو اتخمدي بقي
بعد خمس دقايق ،
-احم يوسف
-هااا
-انت مش جعان
-لا انت جعان يازيزو؟!
بغيره ،
-اي ده مش انا الي بكلمك مالنا بزيزو دلوقتي
ضحك،
-طب ماتقولي انك جعانه وخلاص
باحراج ،
-لا خلاص مش جعانه
قام وقف وراح طلع بره الاوضه ورجع وهو شايل صنيه وفيها سندوتشات اكلنا مع بعض ورجعت نمت علي السرير
قضيت اسبوع جميل عند خالو
اتكلم خالو محمد واحنا بناكل علي السفره
-إلين امك اتصلت وطلبت مني اوصلكو ليها
سببت المعلقه بلعت ريقي وانا بسأل،
-هنروح ونرجع؟!
-معرفش الصراحه لو لقيت ابنه موجود اكيد هاخدك معايا متقلقيش
ضحكت واتكلمت بسخريه ،
-ياخالو ده طفل وانتو الي عاملين تقولو عليه راجل
بصيت عليهم كانو باصلي باستغراب اتكلمت تاني،
-هو انتو متعرفوش ان ابنه قد زياد !!
زياد بضيق،
-قصدك اي يعني مش راجل
ضحكنا عليه وانكرنا انه طفل وانه اجدع راجل
اتكلم خالو محمد ،
-ده ابنه التاني وهو ليه ابن تاني اكبر طبعاً
يوسف،
-قد اي يابابا الولا ده؟!
خالو ،
-تقريباً ٢٥ سنه كده
يوسف ،
-واكيد طبعاً الين مش هتقعد في البيت وواحد فيه
خالو،
-اكيد يعني يايايوسف
فضلت ادعي ميكونش موجود ابنه ده علشان انا عايزه اقعد مع ماما شويه وعلشان عارفه ان خالو بيخاف علينا واستحاله يوافق لو هو موجود
خلصنا اكل ولميت هدومي انا وزياد
حضنت مرات خالو وودعت يوسف
ونزلنا انا وزياد مع خالو علشان يوصلنا
بعد وقت وصلنا وخالو طلع معانا
العماره كانت قديمه بس لما بصيت
علي البلاكونه من تحت كان شكلها حلو اوي
"2”
يتبع..