عند همسه كانت هي ومحمد صديق عبدالله فى شقه عاصم بعد م خدو اذن نيابه عشان يقدروا يدخلو..

محمد بتعب

_ همسه احنا بقالنا ساعه بندور ولحد دلوقتى ملقناش حاجه..

همسه باصرار

_ عارفه بس انا مش هيأس ..انا متأكده اننا هنلاقى حاجه..

محمد بضيق

_ هنلاقى ايه؟ ها بقالنا ساعه ولسه موصلناش لحاجه وكل حاجه بتدل ان عبدالله هو اللى قتله..

ردت عليه بنرفزه

_ متقولش هو اللى قتله..عبدالله لايمكن يعمل كدا ف صاحب عمره ..حتي لو كان بينهم ايه ده اتهام باطل عشان مش حقيقه...اكيد حد بيكره عبدالله هو اللى عمل كدا بس ازاى الشخص اللى بان فى الكاميرات نسخه من عبدالله !!

اتوتر محمد اول لما قالت كدا ف بصلته بشك وقالت

_ محمد انت عارف حاجه؟

محمد بتوتر

_ حاجه..!! حاجه ايه لاا هعرف ايه يعني ..

همسه بضغط

_ محمد اي معلومه ومهما كانت تافهه هتكون مهمه اوي لينا وممكن ننقذ عبدالله..

رد عليها وهو بيحاول يهرب من الموضوع..

_ بصى انا معرفش حاجه دي حاجه تخص عبدالله ولو عايز يحكيها هو هيقول غير كدا لا..

همسه كانت هترد عليه ولكن شافت حاجه خليتها تتصنم مكانها...

محمد بصلها باستغراب انها مبتردتش فقال

_ همسه ! يبنتي انتي بكلمك ..

ردت بفرحه

_ بص هنااك...

محمد بص على مكان ما هى بتشاور لقى فى بقعه د.م على الارض قدام الاوضه ..

محمد باستفسار..

_ بقعه د.م !! هتفيدنا ب ايه؟

_ هتفيدنا كتير اوي

_ ازاى؟

_ لانها اكيد هتبقى للى قت.له

_ مش ممكن تكون لعاصم؟

هزت همسه راسها بنفى وقالت

_لا استحاله تبقى لعاصم عاصم اتقت.ل هناك وشاورت على الصاله بعدها كملت..

_ وبعدين فى مسافه بينهم واكيد اللى قتل.ه ممشيش غير لما اتأكد انه ما.ت ف بالتالى بقعه الد..م دي مش لعاصم خالص..

_ كدا لازم نبلغ ونعمل تحليل للبقعه دي ..ونشوف هتبقى مطابقه لدم عبدالله ولا لا..

همسه ف سرها

_ اكيد مش لعبدالله انا واثقه انه عمره ما يقت..ل ابدا..

بعدها قالت لمحمد

_ تمام وكمان لازم نشوف تقرير الطب الشرعى..بعد تشري.ح جث..ه عاصم..

_ تمام يلا...

خرجوا من الشقه وعلى مسافه منهم كانت هي واقفه بتبصلهم  

_ جايين بيعملو ايه دول تاني ؟ مش لازم يلاقو دليل براءه لعبدالله  ابدا 

♡♡♡♡♡♡♡♡♡♡♡♡♡

فى القسم

♡♡♡♡♡

راحت همسه ومحمد وهمسه طلبت انها تقابل الضابط احمد لانه هو المسئول عن القضيه..

الضابط احمد

_ خير يا استاذه؟

_ حضرتك انا عايزه اشوف تقرير الطب الشرعى بعد م تم تحليل الجثه..

اتنهد الضابط بضيق

_ تمام حقك..اتفضلى

خدت همسه التقرير وبدأت تقرأ لحد م لقت حاجه ..ف رجعت بصت للضابط وقالت

_ حضرتك قرأت التقرير ده؟

_ يا استاذه التقرير انا لسه مستلمه مقرأتش حاجه

فكرت همسه شويه بعدها قالت

_ تمام يفندم التقرير بيقول انهم لقو جلد فى ضوافر الجثه..

_ جلد؟!!

_ اه جلد..وكمان لما روحنا شقه عاصم ..لقينا بقعه د.م

رد الضابط بسخريه

_ م اكيد هتلاقي د.م يا استاذه ده مقتول فيها بنى ادم !!!

تنهدت همسه بضيق وحاولت ترد بهدوء

_ يفندم عارفه بس الدم اللى لقيته مش للمجنى عليه..

_ تقصدى ايه؟

همسه بدأت توضح

_ اللى اقصده يفندم ان الدم ده للقاتل الحقيقى وبيدل ان القاتل اتعور اثناء م حصل بينهم شد وكمان الجلد ده برضو هيبقى ليه.. ف انا بطالب انه يتعمل تحليل DNA للجلد وبقعه الد.م..

رد الضابط

_ تمام يا استاذه واول م التقارير تظهر هبلغك

همسه قامت وقالت

_ شكرا يفندم..بعد اذنك...

خرجت همسه اما الضابط اتنهد ومسك تليفونه ورن على حد وقال 

_ المحاميه دي مش سهله وقربت تكشف كل حاجه وده غلط علينا قولت ابلغك عشان تعرف تتصرف..سلام..

♡♡♡♡♡♡♡♡♡♡♡♡♡

عدي يوم من غير اي احداث جديده ..وانهارده نتيجه التحاليل..

كانت همسه واقفه قدام المعمل هي ومحمد مستنين النتيجه ..

محمد بتساؤل

_ همسه بس انا عايز اعرف حاجه

_ قول !

_ ليه خلتينا نيجي نستلم التقارير مع ان المفروض التقارير دي تروح للضابط وبعدها احنا نشوفها ..

_ عايزه الصراحه؟

_ اكيد

ردت همسه بحيره

_صراحه يا محمد انا مش مطمنه للضابط ده خالص ..حاسه كل م احاول اوصل لحاجه هو بيشتتنى عنها وحاسه انه مش عايزيني اوصل لاي دليل..وحتي يوم م قولت عايزه الاذن عشان نروح شقه عاصم هو اعترض لولا وكيل النيابه وافق ..

محمد بتفكير

_ بس ليه يعمل كدا؟ وايه مصلحته !

_ معرفش يمحمد معرفش كل اللى هاممني دلوقتى ان يارب التقارير دي تبقى دليل البراءه الجلسه مش فاضل عليها غير يومين !!

_ خير ان شاء الله

_ يارب

بعد ساعتين الدكتور جه واداهم التقارير..

تنهدت همسه بأمل وفتحت التحاليل وقرأت اللى فيها..ثواني وقالت بصدمه 

_ مستحيل...!!!!&&&&&&&&&&&&&&

على الناحيه الاخرى ...دخلت هي بكل عصبيه وقالت

_ قولتلك انت هتودينا ف داهيه

رد عليها بملل

_ عايزه ايه يا رنا؟ 

رنا بعصبيه

_ انت قاعد هنا ومش دارى باللى بيحصل من وراك

_ نخلص فى ايه؟

_ المحاميه الزفته اللى بتدافع عن عبدالله لقت دليل فى شقه عاصم ضدك...

قام بخضه وقال

_ بتقولى ايه؟

_ بقول اللى سمعته يا****

_ ايه الدليل ده.؟

_ بقعه د.م وراحت النيابه وطلبت انهم يعملو تحليل DNA

عدت ثواني ثم ضحك هو بأعلى صوته وقال

_ اه يا رنا ايه النكته دي

ردت بزهول

_نكته؟

قال ببرود

_ اه نكته..لانك غبيه وقلقتى عالفاضى انتي ناسيه ان انا وعبدالله نفس فصيله الدم..!!

_ لا مش ناسيه بس...

قاطعها ببرود

_ مفيش بس الحوار مش مستاهل قلقك ده وطول م انتي قلقانه هنتكشف.. 

_ تمام ..متنساش الجلسه بعد يومين..

قال بكره

_ خلاص هانت وهشوفه ميت قدامي...

_ انت ليه بتكرهه كدا مع انه اخ...

قاطعها بغضب 

_ بس اخرسي اوعي تقولى الكلمه دي تاااني سامعه !!

رنا بخوف

_حاضر انا...انا مقصدش...

_ براا..اخرجيي براا...

خرجت رنا برعب من غضبه...

اما هو فكسر الكأس اللى كان ف ايده وقال

_ لا لاا مش هرجع عن اللى ف دماغي لازم اكمل انتقااامي لازم وزي م حرق قلبى عليها زي م انا هشوفه بيموت قدامي...

♤♤♤♤♤♤♤♤♤♤♤♤♤♤♤

محمد بص لهمسه ولصدمتها وقال بقلق

_ فى ايه؟ همسه ردي عليا متقلقنيش..

همسه بدموع

_ مستحيل لاا لا يمكن...

محمد بقلق

_ يبنتى ردي عليااا ف ايه؟

ردت وقالت وهي لسه مش مستوعبه...

_ النتيجه طلعت....

♡♡♡♡♡♡♡♡♡♡♡♡♡♡

يُتبع..