رواية هوس مجهول مريم وجون الفصل الرابع 4 بقلم فونا
رواية هوس مجهول مريم وجون الفصل الرابع 4 هى رواية من كتابة فونا رواية هوس مجهول مريم وجون الفصل الرابع 4 صدر لاول مرة على موقع التواصل الاجتماعى فيسبوك رواية هوس مجهول مريم وجون الفصل الرابع 4 حقق تفاعل كبير على الفيسبوك لذلك سنعرض لكم رواية هوس مجهول مريم وجون الفصل الرابع 4
رواية هوس مجهول مريم وجون الفصل الرابع 4
_أنتِ بتاعتي يا مريم!
وفجأة رش في وشي حاجة،حسيت بدوخه وعيني تقلت.
حاولت أقاوم بس للأسف مقدرتش وعيني بدأت تقفل.
آخر حاجة قولتها قبل ما يغمى عليا.
_ يارب احميني.
_ فين مريم يا ماما.
ـ نزلت تجيبلي حاجة من تحت يا يوسف بس اتأخرت دي بقالها أكتر من ساعة.
ـ هنزل أشوفها ولو رجعت كلميني.
نزل يوسف وفضل يدور عليها بس ملقهاش.
اتخض وفضل يدور في الشوارع اللي جنب البيت وبرضو ملقهاش.
رن علي مامته.
_ مرجعتش.
ـ لأ يا ابني.
_ وأنا مش لاقيها يا ماما.
ـ يامصبتي يا بنتي،دورلي علي البت يا يوسف أنا عايزة مريم.
اتنهد يوسف وهو مش عارف يتصرف،مخه وقف.
بدأت افوق،دماغي تقيلة بس حاولت أقاوم.
فتحت عيوني وبدأت ابص حواليا،كنت في أوضة منورة.
حاولت اتحرك بس كنت مربوطة علي كرسي.
حاولت اتحرك جامد بس للأسف مقدرتش.
الباب اتفتح فجأة ودخل منه چون!
بصيتله بخوف وهو كان باصصلي وعلي وشه ابتسامه غريبة!
_ صباح الخير يا مريومتي.
مردتش عليه،صوته كان مخوفني أوي.
بدأ يقرب مني وأنا قلبي دقاته بتزيد من الخوف.
شد كرسي وقعد قصادي علي طول وهو مبتسم.
_ أنتَ عايز مني ايه.
ـ عايزك.
_ ده في أحلامك!
ضحك ضحكة غريبة.
ـ أنتِ طول عمرك كنتي في أحلامي وجيه الوقت أنك تبقي بتاعتي ومعايا.
هنا اتعصبت.
_ أنا عمري ما هكون مع شخص مريض زيك أنتَ فاهم!!
أنتَ مجنون يا چون روح اتعالج!
بصلي بصة والغريب أن عيونه كانت بتلمع.
_ قولي اللي تقوليه يا مريم أنتِ مش هتخرجي من هنا غير وأنتِ مراتي!
بصيتله بخوف حاولت اداريه.
_ علي جثتي أني اتجوز واحد مريض زيك.
ابتسم ومردش،قام وطلع برا ودخل تاني وكان معاه أكل!
قعد قدامي وبدأ يحط الاكل في المعلقة وقربه مني.
_ابعد أنا مش هاكل حا..
مكملتش كلامي لما لقيته حط الأكل في بُقي.
بصيتله بصدمة من اللي عمله فلقيته ضحك!
وكان هاين عليا اتف الأكل في وشه بس نعمة ربنا حرام.
كنت بصاله بغضب وبعد ما بلعت الأكل صرخت في وشه.
_ابعد عني أنتَ عايز مني ايه سيبني بقى.
قرب ومسك خصلة من شعري بس أنا بعدت راسي.
_ بحبك يا مريم.
اتعصبت_واللي بيحب حد بيخطفه ويكتفه بالشكل المهين ده!
اتنهد وقرب مني فكني،مسكت ايدي بألم مكان الحبل.
بصيتله كان باصصلي وساكت.
_ أنا عايزة أروح.
ـ انسي يا مريم مفيش خروج من هنا تاني.
قال كلامه وقام واتجه ناحيه الباب.
بعصبية_أنتَ شكلك مجنون بقي عشان تحبسني وأنتَ ملكش علاقة بيا.
وقف مكانه بعدين لف وابتسم ابتسامة سمجة.
_بليل هتبقي مراتي بمزاجك أو غصب عنك!
للانضمام لقناة الواتساب اضغط هنا