اتكلم الشخص بتساؤل

_ وطبعا انتي استغليتي وجود عبدالرحمن عشان تلبسيها ليه صح؟

ابتسمت رنا بخبث

_ مش بالظبط الباشا كان هدفه عبدالله انه يخليه يتحبس ويتعدم..ف ضرب عصفورين بحجر واحد..

اتكلم الشخص وقال

_ وطب الباشا عمل كدا ازاى؟

_ هقولك...المسدس اللى كان مع عاصم فى الاصل بتاع عبدالله ودي جت مت حظنا يعني واصلا المسدس مكنش فى رصاص لان عاصم لما كنت معاه كان شايل منه الرصاصات.. ف انا استنيت وقت ما عبدالرحمن انفعل وداس على الزناد بالغلط..ف طلعت رصاصه بس مش من مسدسه... 

ابتسم الشخص على مكرهم هذا وقال

_ وطب وحصل ايه؟ وازاى اقنعتو عبدالرحمن يلبسها لاخوه؟

اقتربت منه رنا وقالت بمكر

_ سهله خالص بيقولك الزن على الواد امرْ من السحر ..ف شويه كلام من الباشا على شويه كلام مني ..خليناه يكره اخوه ويتمنى موته قبلنا...

_ وليه الباشا بيكره عبدالله اوي كدا ايه سر العداوه بينهم ! 

توترت وقالت

_ بص دي حاجه انا مقدرش اقولها عشان....

قاطعها بمراوغه

_ رنا حياتي انتي خايفه مني انا؟

_ لا بس يعني...

_ مفيش بس يلا احكي...عايز اعرف الحكايه...

_ تمام بس توعدني الكلام ده الباشا ميعرفش بيه عشان ممكن يقتلنى..

_ عيب عليكي يلا احكي...

توترت رنا وقالت

_ اصل صراحه الباشا كدا...يعني..

رد بملل

_ م تتكلمى على طول يا رنا !

رنا بسرعه

_ الباشا يبقى ابو عبدالله وعبدالرحمن..

بصلها الشخص بصدمه كبيره...ازاى ده يحصل؟ وهو واقع من فوق الجسر قدامه ! تدارك صدمته بسرعه عشان رنا متلاحظش...وابتسم غصب وقال

_ بس ازاى هو ابوهم؟ مع ان عندي معلومات ان ابوهم وقت ما كان بيسلم بضاعه حصل غدر ووقع من فوق الجسر.. ! 

رنا ردت عليه وقالت

_ ايوا دي حقيقه بس يومها فى حد لقاه ووداه المستشفى ...وفضل هناك حوالى شهر ونص وبعدين رجع وبقا الباشا اكبر رئيس مافياا ...

استوعب وقال

_ عشان كدا دايما حاطط قناع على وشه..

هزت رنا رأسها بهدوء..وقالت

_ بالظبط يا أنس..

_ وايه سبب العداوه بقى ده حتي يعني دول ولاده؟

ضحكت رنا بسخريه وقالت

_ الباشا وولاده طب ازاى ؟ الباشا قلبه حجر وعمره ما بيحس ..ثم اتكلمت بقهر..

_ اذا كان رمي بنته زمان من مراته الاولى رماها فى ملجأ ايتام..وهي لسه مكملتش اربع سنين...

انس اتكلم بتساؤل

_ وهي فين بنته دي دلوقتى؟ 

بصتله رنا بدموع..

انس بصدمه اخرى

_ انتي؟؟؟

◇◇◇◇◇◇◇◇◇◇◇◇

(عند الباشا)

كان قاعد ماسك صوره ف ايده ...وبيبص ليها بشوق كبير وعينه تجمعت فيها الدموع وقال

_ وحشتيني ..وحشتيني اوي يا سما...مكنتش قادر اكمل حياتي من غيرك...مشيتي بدرى اوي يسماا وحياتي فضيت من بعدك..

ابتسم بحزن وكمل

_ بس قبل م تمشى كنتي سيبالى حته منك..كل م توحشيني ابصلها كانت شبهك اوي...بس غصب عني مقدرتش احميها..غصب عني اتخليت عنها....كنت قافل على قلبى وقولت مش هحب ولا اتجوز بعدك ..بس ..اتكلم بقسوه وهو بيفتكر..

_ ابويا اللى اجبرني ان اتجوز بنت صاحبه..لمجرد بس شويه ملاليم مش عايز يخسرها اجبرني ارمي بنتي واتخلى عنها...عشان بنت صاحبه متزعلش... ضحك بجنون وقال

_ مكنش متخيل اني هخليها تشوف اسود ايام حياتها معاياا...كنت بكرها اوي من اول م اتجوزتها وانا كنت دايما شايفها انتي...مكنتش قادر احبها حتى ربع حبى ليكي ...ويوم م عرفت انها حامل اتصدمت ومكنتش عايز منها ولاد بس ازاى..؟؟ لازم اسكت عشان ابويا ميزعلش ...سكت لحظه...

بعدها كمل بشر

_ مكنتش عايز اوصل لدرجه اني احرمها من ولادها بس انا اتجبرت اتجبرت على حاجه مش عايزاها واهو دلوقتى كل واحد بيتحمل نتيجه غلطه... امسك الصوره مره اخرى وقال

_ انا مش هسيب بنتنا انا هدور عليها ومش هيأس ابدا غير لما الاقيها وارجعها لحضنى تاني ...مش هيأس ابدا يسما اوعدك...

قطع شروده وكلامه صوت عبدالرحمن...ف لبس القناع ورجع لبروده وقال

_ تعالَ يا عبدالرحمن...

دخل عبدالرحمن بهدوء...وراح قعد جنبه ..ف الباشا سأله وقال

_ هاا عملت ايه؟

_ وافقت تبقى معانا...

الباشا بسعاده وخبث

_ كويس اوي ده...بكرا تخليها تيجي هنا عشان نتفق على كام حاجه...

عبدالرحمن بتساؤل

_ بس انا عايز افهم همسه هيبقى وجودها ايه معانا؟ 

رد الباشا ببرود

_ هتعرف كل حاجه ف وقتها..يلا اتفضل..

بصله عبدالرحمن بجمود وقال

_ تمام..

سابه وخرج اما الباشا كان بيفكر هيعمل ايه مع همسه ويا ترى هتوافق باللى هيقولو ولا لا؟!

&&&&&&&&&&&&&&&&&

(ف بيت بسنت)

دخلت والدتها الاوضه وقالت بغيظ

_ حيوان كسلان نايم...

راحت فتحت الستاير ..قلقت بسنت بانزعاج وقالت

_ ليه يحجه كدا ليه؟ يعني انتي يرضيكي حد يعمل معاكي كدا؟

_ ليه يعين امك شيفاني غيبوبه زيك؟

_ اقفلى باب يست الكل وخليني اكمل نوم...

_ انتي يبت مش عندك امتحان انهارده؟ 

_ اه عادي و....قامت بفزع وبصت ف الساعه وقالت

_ ينهااار فٌحلقى...الساعه ٨ ونص قامت بسرعه وقالت

_ يا ماما مش قولتلك صحيني بدرى..

ردت والدتها بغيظ

_ انا مش هرد عليكي عشان هترفعيلى ضغطي ..يارب صبرني على البلوه دي.. وسابتها وخرجت..

ضحكت بسنت بخفه وقالت

_ يااه بتعشقنى الست دي والله...يلهوي الامتحان...

قامت اتوضت وصلت ولبست هدومها..ونزلت بسرعه ...وهى ف طريقها..

_ يارب متأخر يارب الدكتور مش بيطقنى اصلا ده انا غلبانه يارب و....

وقفت بصدمه..لما عربيه جايه بسرعه وكانت هتخبطها

_ احيه انا كنت هموت!

نزل بسرعه وراح ليها وقال بخوف

_ انتي كويسه يا انسه؟

_ انا كنت هموت !رفعت وشها ليه بعصبيه وقالت

_ اه هو انت مستقصدني بقا ولا ايه؟

رد ببرود

_ هو انتي؟

_ اه انا ايه انت ماشى مش شايف قدامك ليه؟

قال بملل

_ مكنتش واخد بالى خلاص

ردت بزهول

_ خلاص؟ صدق انك قليل الذوق بصحيح...و...بصت ف الساعه لقيتها بقت تسعه وربع....صرخت فى وشه بغضب وقالت

_ ده انت بومه...اتأخرت على الامتحان بسببك ..منك لله يا اخي وسابته ومشيت وهي بتكلم نفسها..

اما هو بصلها بزهول وضحك وقال

_ يبنت المجانين !

فضل باصص فى اثرها شويه بعدها رجع لبروده وركب عربيته ومشى

♧♧♧♧♧♧♧♧♧♧♧♧

همسه كانت قاعده فى مكتبها ومركزه على ورق قدامها بشده ..لحد ما لقت باب المكتب اتفتح ..ودخل منه شخص..

قالت بنرفزه

_هو مفيش باب يتخبط عليه ولا ايه؟؟

ملقتش رد رفعت وشها وقالت بعصبيه

_ هو انا مش....سكتت وبصت للشخص اللى واقف بفرحه واشتياق وقامت جريت عليه حضنته بحب كبير..

قال بحنان

_ وحشتيني اوي يهمستي.!

همسه بحب

_ وانت كمان وحشتني اوي يا انس..!!

♡♡♡♡♡♡♡♡♡♡♡♡♡♡♡