خدت شور ودخلت عشان تنام وكانت مبسوطه جدا مصطفى ياخدها ويفسحها كل يوم كانت مبسوطه جدا اول مره تشوف راجل غير سالم لكن مش اي راجل .. راجل شايفها وفرحان بيها .. بيهتم بيها جدا وبيخاف عليها بيسمعها كلام حب اول مره تسمعه لما تقارن حياتها قبل مصطفى وبعده تعرف كويس أنه أضاف لحياتها حاجه مختلفه.. كانت هي محتاجاها جدا.. بالرغم من رفضها أن مصطفى يقرب منها إلا أنه لسه سايبها براحتها .. دخلت سريرها وهو كان في البلكونه بيعمل مكالمه .. عاوزه تنام قبل ما يدخل عليها ومتعرفش تتهرب منه .. هي مكسوفه منه .. الا أنها حبت اهتمام بيها حبت ازاي شايفها حبت كلامه ليها هي مش رافضه قربه لكنها لسه مش مستوعبه جوازهم جي فجأه ولسه مش جاهزه كل ده غير خروجها من بيت ابوها بطريقه مش حلوه ابدا.. غمضت عينيها عاوزه تنام لكنها حست بيه جمبها محاوط خصرها ودافن وشه بشعرها وهمس ليه هتنامي

ارتعشت بارتباك وحاولت تبعد لكنه منعها ولفها ايه وهو بيقول :هتروحي فين

زينه بتوتر: انا .. انا ... عاوزه انام قالت كده وهي بتحاول تبعد اديها اللي محاوطاها لكنه همسه ليها بخفوت : لسه بدري ولفها ليه وهي مش عارفه تتهرب منه ارتعشت شفايفها وهي بتقول : مصطفى انا تعبانه و عاوزه انام .

مصطفى بتوهان : ماشي هننام ولسه هتتكلم باسها وووووو

***********

اشواق : يعني هي لسه متعصبه منك..

سالم : دي حتى مش راضيه نتكلم ولا تسمعني

اشواق: بصراحه ياسالم هي عندها حق انا مش عارفه انت جرالك ايه اول مره تعملها وتضرب ست ولما تجي تعملها تبقى مراتك وام ابنك..

سالم : اشواق انا مش ناقص والله اللي فيا مكفيني.. عارف اني غلطت بس عاوزك تساعديني

اشواق ماشي هتكلم معاها ولو هي اكيد لسه زعلانه مني عشان اللي حصل زمان

***********

اشواق : سهام

سهام باستغراب : اشواق انتي جيتي امتى

اشواق : من شويه عامله ايه ..

سهام: الحمدلله

اشواق بحرج : بصي انا عارفه انك لسه زعلانه مني لكن والله كنت مصدومه باللي حصل لسالم ومكنتش مستوعبه انك ممكن تتجوزي غيره .. كنت قاسيه معاكي جدا عارفه لكن سامحيني والله مكنتش اعرف انك مغصوبه .. حتى انتي مببررتيش ولا اتكلمتي انك اتغصبتي عالجوازه دي ..

سهام بهدوء : حصل خير

اشواق : اكيد يعني مش شايله مني..

سهام ابتسمت وقالت اكيد خلاص..

اشواق :طب حيث كده اديني الحلو ده أخده معايا النهارده هبات هنا وعاوزاه ينام فحضني

سهام : بس هيتعبك..

اشواق : يعني مش هتسيبيه معايا يبقى لسه زعلانه

سهام :لا والله خلاص هيبات معاكي لكن لو عذبك تندهيلي

اشواق خدت الصغير فحضنها وقالت عذابه على قلبي زي العسل ارتاحي انتي بس..

اول ما خرجت اشواق شاورت لسالم ودخلت اوضتها تلاعب الصغير وتحاول تنيمه ...

اول ما خرجت اشواق دخل سالم

سهام : انت جاي هنا ليه

سالم اترمى عالسرير وقال :مش دي اوضت مراتي ادخلها في الوقت اللي انا عاوزه

سهام :والله طب هسيبهالك. ولسه هتخرج جري ناحيتها ومسكها وحاوط.خصرها :على فين

سهام : سيبني

سالم مش دلوقتي .. مش هسيبك دلوقتي ..

بصت ناحيته

سالم: مش بعد ما اتأكدت انتي أيه بالنسبه ليا... مش بعد ما اتأكدت أن قلبي ده بينبض ليكي انتي وبس