مشيت ودخلنا البيت زي ما هو من وقت موت أختي، مفيش أي تغيير،واقفة بشنطة هدومي جنب الباب بعد مادخلنا وقعد الولاد على الأرض جنب مجموعة لعب بتاعتهم 

- احم، هو... أقصد يعني أوضتي فين؟

- أوضة الضيوف اللي جنب أوضة الأولاد

- طيب، عن إذنك

سبته ودخلت الأوضة،بجد شيء يدعو للضحك،قالها صريحة أوضة الضيوف،دا حتى مهنش عليه يغيرها، نفس الأوضة اللي كنت ببات فيها وقت ما بزور نهي بصيت لنفسي شوية في المرايا، صعبان عليا نفسي جداً ليه ماما تحطني في الوضع ده؟ ده منظر عروسة عندها 23 سنة

غيرت هدومي ولبست اسدال الصلاة بتاعي وطلعت أشوف القطاقيط يوسف وسيلا

- حبايب خالتوا بتعملوا إيه لوحدكم، وبابا راح فين؟

- بابا

- أيوة بابا يا سي يوسف، هات بوسة وأنت عسل كده. يالهوي يا ناس، مكنش يبقى سنك 25 بدل السنتين اليتامي دول كنت اتجوزتك

- مالك يا سيلا؟ غيرانة ولا إيه؟ تعالي يا قلبي أبوسك أنتِ كمان أنا ليّا غيركم يا عساسيلي

- احم... أنا طلبت أكل هيوصل كمان شوية

-تمام يا أبيه....احم قصدي يامح....يا ابو يوسف

عدي علي اليوم ده ٦ شهور وأنا حياتي بقت عبارة عن روتين ممل،أصحى الصبح أحضر الفطار قبل ما ينزل شغله،وبعدين أخلص شغل البيت وأهتم بالولاد،وأعمل الغدا ييجي ياكل ويدخل أوضته،قليل لو اتكلمنا،إحنا عايشين زي الاغراب أفتكر وقت ما كان جوز أختي،كنا بنتعامل أحسن من كده،حتي ماما مبشوفهاش غير يوم في الاسبوع،وبتبقى مشغولة بالولاد مش بيا، كأنها ما صدقت تخلص مني،وكأنها ما صدقت إن حد بقى مع الولاد،كنت متخيلة حتى لو أنا معاهم إنها هتيجي تشوفهم كل شوية أو هتطلب نروح لها

- منه

- نعم يا محمود

- معلشي نيمي الولاد، محتاج أتكلم معاكي

- حاضر 

نيمتهم ورجعت لقيته في أوضة المكتب، خبطت ودخلت أما سمحلي

- خير؟

- احم... الصراحة الشركة عندي عاملين حفلة ولازم كل واحد ييجي بزوجته،فلو معندكيش مانع تحضري معايا

- طيب والولاد؟

- هنسيبهم لطنط،دا غير إننا مش هنتأخر

- تمام مفيش مشكلة

- جهزي نفسك بكره ننزل نجيب طقم ليا وفستان ليكي

- ملوش لزوم أنا عندي لبسي

- جهزي نفسك بكره يا منه

- حاضر. الولاد هينزلوا معانا مش كده؟ حرام بقالهم فترة منزلوش في أي مكان

- خلاص يا ستي بكره ننزل بعد الشغل نتغدى بره ونفسح الولاد ونجيب الحاجات

- تمام، عايز حاجة قبل ما أنام؟

- لا شكرا، تصبحي على خير

- تلاقي الخير

عدي أسبوع وجه يوم الحفلة،طلع من جوة وهو بيتأفف علشان الكرافته مش مظبوطة،وبدأ يسأل لو ينفع ميحضرش بيها،بس أنا ظبطتهاله وخلصت باقي لبسي الفستان كان لطيف،أسود مظبوط من فوق ونازل بوسع بسيط من تحت وعليه ورد أحمر منطور في كذا مكان، ولبست هيلز طبعاً وميك اب بسيط،والولاد ماما كانت جايه تقعد بيهم

- منه، طنط جات برة وأنا جهزت.د

- أنا كمان خلصت، يلا بينا

وقف يبصلي شويه وبعدها اتنحنح وطلع،وصيت ماما على الولاد وبوستهم ونزلت،أول ماشافني قالي علي فكره شكلك حلو جداً وبعدها طول الطريق مش بنتكلم، أول ما وصلنا مكان الاحتفال مسك إيدي كأننا زوجين بجد

الحفلة كانت لطيفة وحلوة لغاية ما سابني يسلم على صديق ليه

- منورة

- شكرًا

- أنا أمجد الحسيني رجل أعمال، والقمر مين؟

- عن إذنك

- استني بس

 الولاد كانوا بينادولي بماما،أحلي إحساس بجد حسيته وقتها وهما فاتحين إيديهم ليا وبينادولي،عيوني دمعت وبصيت لمحمود أشوف رد فعله،لقيته زي ما يكون اتضايق،مش عارفة نظرته كانت غريبة،وبعدها سبنا وطلع

-منه

-ايوة

-قومي البسي نروح لطنط

-انت عارف الساعة كام؟

--أيوه،طنط رنت عايزاني انا وانتي والولاد

-مرنتش عليا يعني،دا غير اننا عدينا نص الليل،والولاد نايمين

-هاله اختي هتيجي كمان شوية علي بال ماتلبسي

-اشمعنا يعني هتيجي دلوقتي ليه،وبعدين الوقت هتسيب عيالها وجوزها وتيجي،في ايه يامحمود؟

-يلا بس قومي علي باب ماأغير للولاد هدومهم

لبست ولبست الولاد وهاله جات ونزلنا،قلبي مش مطمن ومجي هاله معانا زود القلق جوايا،أول ماوصلنا لاقيت اننا قدام مستشفي مش قدام البيت،وده عرفني ان اللي جاي أكيد شئ مؤذي،محمود مسك ايدي وسحبني وهو شايل سيلا

وقفنا قدام باب ومحمود خطب ودخلنا لاقيت ماما علي السرير وشها شاحب وشفايفها زرقا أول مادخلنا محمود قرب الولاد منها شافتهم وباستهم كانت بتشم ريحتهم بعمق وبعدها طلع هو وهاله يالولاد وسبوني،مش قادرة اتحرك او افكر 

-قربي يامنه

-......

-تعالي جمبي ياحبيبتي،انا أسفة عارفة إني زعلتك لمل غصبت عليكي تتجوزي محمود ،بس صدقيني غصب عني حبيت أموت وانا متطمنة عليكي

-انتي بتقولي ايه ياماما،يعني ايه هتموتي ازاي ؟

- بقالي كام شهر تعبانة وكل الدكاترة قالوا إن الموضوع موضوع كام شهر، كان لازم أطمن عليكي،محمود كويس، صدقيني هو ما حبش مريم زي ما أنتي متخيلة،كان بينهم مودة ورحمة،بأيدك تخليه يحبك وتبني حياة معاه،سامحيني يا حبيبتي،انا بحبك أوي يا منة،أنتي بنوتي الصغيرة الشقية اللي كانت ضحكتها تفرح قلبي،كان نفسي أطم.....

- ماما، ماما، مالك؟ سكتي ليه؟ مامااااااا

عدي شهرين على وفاتها، محمود ماسابنيش،كنت كل ما أنهار ياخدني في حضنه ويطمني،كنا راجعين من المقابر اما قبلنا عادل جارنا وكان مسافر ايطاليا

- البقاء لله يا أنسة منه

- ونعم بالله

- إزي حضرتك يا شمهندس محمود؟

- الحمد لله فضل ونعمة يا عادل

- احم، كنت عايز حضرتك في كلمتين

- استنيني في العربية

هزيت راسي وركبت العربية وركنت راسي على الشباك

- خير يا عادل؟

- احم، هو الوقت مش مناسب بس أنا يعني قلت أكلمك قبل ما حد تاني يسبق

- في إيه؟

- الآنسة منه

- مالها؟

- كنت عايز أتقدم لها، وعارف إنك في مقام أخوها الكبير،أنا الصراحة معجب بيها من قبل ما أسافر وبحب...

فقت من سرحاني على صوت عالي، ببص لقيت محمود بيضرب عادل بالبوكس وعادل بيزعقله

- في إيه يا بشمهندس؟ هو أنا بقولك همشي معاها؟

- تمشي مع مين يا حيوان انت دي مراتي،ايه مش شايف الدبلة اللي في إيدها؟

- مراتك ازاي يعني؟

- امشي من وشي وتنساها نهائي، سامعني. متفكرش فيها بينك وبين نفسك حتي

- في إيه يا محمود؟

- أما نروح نتكلم يا منه

- أدينا روحنا، في إيه بقي؟

- البيه قال إيه؟ عايز يخطبك،هههههه دي حاجة حلوة خالص،كل شوية ألاقي واحد بيكلمني عايز يتقدم لمراتي

- عادي يا محمود، محدش يعرف بجوازنا غير عدد قليل جدا،طبيعي الكل يفتكرني مش مرتبطة،وبعدين متقلقش ما دام قلت لعادل هتلاقي المحافظة كلها عارفة بعد ساعة ههههههههه

- أنتي ازاي بتكلمي بالبساطة دي؟ دا مش أول واحد من وقت موت طنط وكل شوية حد ينطلي

- أنت متضايق ليه دلوقتي؟ محدش يعرف قلت لك،وبعدين يا سيدي أنا مراتك كده كده يعني

- أنتي ليه مش فاهماني؟

- فهمني أنت

- أووووف، أنا نازل

كنا بنتعامل عادي الفترة اللي فاتت،قربنا جدا من بعض حسيت فعلا إن محمود هو سندي بعد ربنا وإن ماما عملت الصح،الولاد عوضوني كتير غياب مريم وغياب ماما، ومحمود عوضني عن بابا وعن الكل،رجعنا أحسن من الأول وبقينا نسهر كل يوم في البلكونة بعد ما ننيم القطط بتوعنا، معرفش اتأخر ليه، الساعة عدت 1 بعد نص الليل وتليفونه مقفول هموت من القلق

أول ما سمعت فتح الباب جريت عليه وحضنته غصب عني من خوفي كنت بتكلم وأنا بعيط

- أنت كويس؟ تليفونك مقفول ليه؟ اتأخرت ليه؟ أنا كنت هموت من القلق

- اهدي يا حبيبي، أنا كويس بس كان في اجتماع واتأخرنا وللأسف التليفون فصل

- مش مبرر، كنت كلمتني من أي فون تاني

- حقك عليا يا منمن

- لا وهخاصمك، اوعي كده أنت قافش حرامي

- الله مش أنتي اللي جريتي حضنتي، أسيبك يعني ولا أحضن أنا كمان؟ وبعدين أنا ما صدقت عشان كده تلاقيني ماسك فيكي جامد

- ها

- ها إيه بس يا قمرايتي؟ العيون الحلوة دي حرام تعيط على فكرة

- مالك يا محمود؟ إنت سخن؟

- هههههه هو عشان بقول كلمتين حلوين لمراتي أبقى سخن؟

- مش الفكرة، بس يعني أنا منه

- عارف، منه مراتي حبيبتي وأم عيالي الحاليين وعيالي في المستقبل القريب بإذن الله،بس قولي يارب

- ...

- ساكتة ليه؟

- مش عارفة

-طب تعالي نقعد

منه أنا الأول كنت شايفك أخت مريم وفي مقام هاله أختي،بعد كده أما طنط كلمتني نتجوز قلت أهوا تبقي مع الولاد وطنط تبقي متطمنة عليكي،بس بعدها أما بقينا سوي وشفت تعاملك مع الولاد وحنيتك عليهم،حتي انا اماا بتعب بشوف قلقك وحنيتك في التعامل معايا كأني عيل زيهم،كل حاجة فيكي خلتني أتشدلك برائتك واسلوبك وطيبتك اتعلقت بيكي من غير ما أحس،أنا بحبك يامنه وأتمني توافقي تبقي مراتي بجد المرة دي ونعمل عيلة بجد،ولا انتي لسه شيفاني منفعكيش؟

-أااا....أنت بس فجأتني

-طيب ياستي معاكي لبكرة تفكري وتقرري انتي عايزة ايه

معقول حبني بالسرعة دي!

أناا محبتش قبل كده فمش فاهمة أحساسي تجاهه إيه، بس أنا بقيت بتطمن بوجوده بخاف عليه، لو اتأخر عليا بحس بفراغ كأن ناقصني حاجة مهمة يومي بيكمل بيه هو والولاد محمود كشخصية مفيش زيه، راجل بجد، فيه كل الصفات اللي أي بنت تتمناها في شريك حياتها يا ترى لو محمود سابني هيحصل إيه؟ لأ مجرد الفكرة لوحدها موتتني مش هستحمل حياتي من غيره ومن غير الولاد

-منه

-يانعم يابشمهندي

-" نَصبَتْ حَبائِلَ هُدْبِهَا فتصَيَّدت .. قلْبِي فَراحَ فرِيسةَ الأهْدابِ

ما كُنت أعلمُ قبلَ طارقةِ الهَوى . . أنَّ العُيُون مَصايدُ الألْبابِ"

-ها

-دا البارودي

-يعني ايه؟

-يعني بحبك يامنمن

-احم...هو يعني...شكراً

-شكراً حاف كدة

-بص بالراحة عليا،متقلبش شخصيتك معايا ٣٦٠ درجة مرة واحدة كده

-عنيا الاتنين

-تسلملي عنيك

-طب ايه؟فكرتي

-اهاا

-والنتيجة

-النتيجة اننا هنخلينا متجوزين للأبد

تمت بحمدلله