*******

هارون ضرب المكتب بعنف : جوااااد لاخر مره هحذرك اياد اخو حنين و خيال ابن شاكر الشرقاووووي فين 

جواد خد نفس طويل و بهدوء : الموت الاسود بقا اسمه black death بختصار ديث رعب المافيا المصريه و الي اوسخ منه قسوره الي فاهم انه اخوه الكبير و زعيم المافيا هنا و سيطرته وصله في كذا بلد أوروبية و عربية 

و هيثم الشرقاوي بعد ما خطفه و خفاه من وهو صغير و داه مكان الجن الازرق ميعرفش مكانه شاف فيه عذاب اشكال حصله انفصام في الشخصية نص ابن حلال و نص ابن حرام مصفي 

هارون كان بيسمعه له و مش مستوعب الي بيسمعه و الي حصل في طفل مالهوش اي ذنب غير انه اخوه 

حب ينتقم من ابن عمهم بعد ما طمع في مراته

و مقدرش يطولها بكل الطرق و خطف اياد 

منهم وهو لسه خمس سنين و مكنتش

حنين لسه اتولدت و خفاه في مكان 

مش موجود في مصر اصلا 

و لما شاكر الشرقاوي فقد الامل انه يلاقي ابنه و كان طبعا وقتها هيثم و هادي الشرقاوي ميقدرش عليهم 

غير الي خلقهم بسبب شغلهم في التجارة الشمال 

خد مراته و هرب بيها برا مصر بعد ما عرف انها حامل للمره التانيه و فضل يتنقل بيها من بلد لبلد لحد ما هيثم الشرقاوي مات و ارتاحوا من شره بس كان اياد ضاع منهم و فقد الامل في رجوعه للابد عشان كده معرفوش خيال و حنين ان ليهم اخ مخطوف مش قدرين يرجعوا

جواد بسخريه : روحت فين يا خال

هارون قام صب لنفسه كاس جديد : انا عايز اعرف كل حاجه و بالتفصيل الحساب بدأ

جواد ضحك و صقف بحماس : اللعب هارون الشرقاوي رجع يلعب من تاني 

حنين خبطت علي باب لوسيندا بهدوء بعد ما خرجت من اوضة الياس و معاها مفاتيح في ايدها 

: لولو معلشي كنت عايزه اسألك علي حاجة 

: خير يا حنون اتفضلي 

: عايزه اعرف عنوان شقة الياس قالي عليها و نسيت و برن عليه مش بيرد عشان كان المفروض اروح اتفرج عليها 

: تمام هبعتلك اللوكيشن بس ليه عايزه تتفرجي عليها اوعي تكوني عايزه تسبيني و تمشوا خلاص بقا انتي بقيتي مننا انتي و خوخه 

: لا يا قلبي ما تقلقيش انا بس عايزه اجيب زيها 

نزلت حنين بعد ما خدت العنوان من لوسيندا و خدت اول عربيه جت قدامها و خرجت بيها من الفيلا و هي 

مش عارفه رايحه ليه و عشان ايه بس كان جواها 

تصميم غريب و وصلت العنوان و طلعت عند الشقه

و فضلت وقفه متردده مكانها 

جواد كان لسه بيتكلم علي اياد و مضيه و الي حصل و جت له رساله خلته قام منفوض : ليا لسه باعت لي رساله هيا مراقبه كل تحركات ديث بسبب قربها من قسوره 

هارون ببرود : ايوه و بعدين يعني في ايه 

: ديث في شقة الياس حاليا قسوره بعته في مهمه 

هارون هب واقف بعنف لدرجة الكرسي الي كان قاعد عليه اتقلب : انت اتجننت بتقوووول ايه ياض انت 

جواد اتحرك لبره : معرفش معرفش يا عمي المهم نلحقه و نعرف رايح هناك ليه 

و خرج بسرعه و هارون وراه بعد ما خد سلاحه من درج المكتب و مكنش يتخيل في يوم انه ممكن يستخدمه بعد ما كان جايبه لغرض الحمايه و طلعوا علي شقة الياس 

حنين لفت عشان تمشي و هي بتلعن نفسها و تفكيرها و جت تنزل سمعت صوت رصاص مكتوم وقف الدم في عروقها بعديها صرخه عاليه 

حنين فتحت باب الشقة برعب و دخلت و اعصابها كلها سابت و شافت مايا وقعه في الارض سايحه في دمها 

و الياس قاعد علي الكرسي في الصاله و صدره عريان 

و رافع ايده لفوق بصدمه و قدامه واحد موجه نحيته السلاح 

حسه بوجود حنين و المسلح لف لها حنين شافته وشهقت بصدمه و رعب و اتصلبت في ارضها و بخوف : انت بتعمل ايه يا اياد نزل سلاحك ده عشان خطري 

ديث عقد حواجبه بإستغراب و بعدين ابتسم نفس الابتسامه المخيفه بعد ما سمع صوت اياد الضعيف وهو بيهمس جوه دماغه بخوف : حنين 

ديث افتكر حنين و افتكر نفس الهمس الضعيف جواه و هو نصه التاني ملهوف عليها عشان كده اتعمد يرعبها المره الي فاتت : هالو هااالو 

حنين شهقت برعب من صوت الخشن المرعب ده مكنش صوته لما قبلته : انت مين 

ديث لسه بيقرب منها كان الياس نزل علي دماغه بكل قوته بتحفه تقيله كانت فوق التربيزه ديث ابتسم بشر و عيونه لمعت بطريقة تخوف و لف ببطء لالياس و و لا كأنه اتعرض لضربه عنيفه زي دي 

الياس رجع لوراه بصدمه : يا دين امي ايه 

ولسه مكملش كلامه كانت نزلت بنيه علي وشه هبدته في الارض حنين صوتت بخوف و جريت نحيتهم بس مقدرتش تبعدهم عن بعض و كل واحد ماس في التاني و نازل فيه ضرب 

لحد ما ديث طلع فوق الياس و مسك سلاحه و حطه علي دماغه حنين بكت بعنف و هي حطه ايده علي و عيونها برعب و الياس عيونه عليها بحزن 

ديث بص لها و كأنه بيتعذب كأنه متكتف و بيتخنق : حن.ين اهربي عشان خطري اهربي مش هقدر امنعه 

انه يقتلك 

حنين فتحت عيونها بعد ما سمعت صوت اياد الي تعرفه و حست انه مرعوبه اكتر قدامها شخص بيتحول بصوت و نظراته حطه ملامح وشه و تركيبت جسمه 

و وقعت في الارض لما سمعت ضحكته الخشنه و صوت شد الاجزاء 

: دييييييث نزل سلاحك 

ديث رفع عيونه و شاف جواد و بصوت خشن : تعاله نزل سلاحي لو تقدر و خده من تحت ايدي 

جواد قرب منه بخوف : ديث بلاش جنان انت عارف ده مين 

: مش عايز اعرف لو يهمك اوي ابقا خده ادفنه من بعد ما اخلص عليه 

: مش هيحصل يا ابن الشرقاوي نزل سلاحك اختك خايفه 

هارون اتكلم ببرود و عيونه علي الياس و رجع شاور علي حنين الي شهقت بخفه 

ديث ضحك ببرود : اختي انا ماليش اخوات اختي ماتت زمان 

جواد بهدوء : هيثم الشرقاوي ماله دماغك بحوديت كدابه انت ابن شاكر الشرقاوي و حنين و خيال اخواتك 

هو الي خطفك من اهلك و انت صغير و الي انت عايز 

تقتله ده الياس ابن عمك هارون 

ديث زمجر بخشونه : جووووواد متلعبش في عداد عمرك 

و بسبب التخبط الي حس بيه و دموع حنين الي غلبت قوته و قع من فوق الياس بضعف و هو بيتنفس بصعوبه 

و قام قرب من حنين و هو رافع ايده بحذر و بيقرب بهدوء : بس خلاص عشان خطري اهدي مشي خلاص

ديث نايم دلوقتي هرب من المسؤليه كالعادة انا معاكي

انا اياد يا حبيبتي 

حنين بكت بصوت عالي و اياد قرب منها حضنها بهدوء و قلبه بيدق بعنف معقل بعد المرار الي شافه يكون ليه اختين ينسوه مر الايام و الحضن الي اتحرم منه 

و بقا يبوس في راسها بخفه و عيونه بتلمع بحب ...

***********