_والله ماوقتك تعطلي دلوقتي خالص؟!

طلعت التليفون علشان ارن علي ايهم اخويا بس من سوء حظي التليفون فاصل شحن هو كمان نزلت من العربيه علشان اشوف اي حد معدي يساعدني ولكن محدش كان بيقف اصلا لانو دا طريق سريع وحاليا الساعه خمسه والمفروض اكون روحت لمحت عربيه كانت قدامي بشويه اترددت اني اروح واطلب المساعده ولكن قررت اروح.

=لو سمحت ممكن، ينهارابيض اي الدم ده؟!

قلتها بخضه لما شوفت في دم علي التيشرت اللي كان لابسه كان شاب تقريبا في أواخر العشرينات وكان بينزف و تيشرته كله دم.

_فتحت باب العربيه وسالته:انت كويس!!

رد بصعوبه:

= اه كويس متقلقيش اتفضلي قولي كنتي عاوزه اي.

اتكلمت باحراج:

_ممكن ترفع تيشرتك ده لو سمحت.

=بصلي باستغراب:افندم.

_اتكلمت بتوضيح: يااستاذ ارفع تيشيرتك اشوف جرحك انا دكتوره وواضح انو جرحك اتفتح انت مش واخد بالك من الدم ولااي.

=واخد بالي بس جرح بسيط،لما اروح هعالجه.

_جرح بسيط اي يااستاذ انت لو استنيت اكتر من كده هتتصفي ارفع التيشرت.

رفع التيشيرت باستسلام وانا بصيت علي الجرح وكان جرح عميق وواضح انو جرح رصاصه وكمان قريب من القلب.

=استناني ثواني وجايه.

روحت جبت معقم وشاش كان موجودين معايا في العربيه للضروره وجبت تليفوني وشنطتي وقفلت العربيه وروحتله.

سألني باستغراب:

_ انتي هتعملي اي.

=هحاول أوقف نزيف الجرح موقتا لانو الغرز فكت داجرح رصاصه انت شغال اي بالظبط.

رد عليا بتعب بعد مافهم اني بسأل عن سبب الرصاصه:

_ مقدم.

= تمام انا حاليا كتمت الجرح بس انت لازم تروح مستشفي علشان يتخيط تاني انت ازاي اصلا تتحرك وانت متصاوب اصابه زي دي.

رد بهدوء وعينو بدأت تقفل بسبب وجع الجرح:

_عادي متعود علي الموضوع مش اول مره المهم انتي بتعملي اي هنا وكنتي جايه ليه.

= اه عربيتي عطلت وانا مروحه وكنت جايه اطلب مساعده.

_ تمام مفيش مشكله انا هوصلك في طريقي متقلقيش.

= شكرا جدا ليك ممكن تديني تليفونك اكلم اخويا بس.

عطاني التليفون وكلمت ايهم وطمنته عليه وقولتله يقول لماما وبابا اني هتاخر شويه لاني هروح المستشفي.

_انزل اركب في الجمب التاني.

=بصلي بعدم فهم:افندم.

_ بقولك اركب في الجمب التاني علشان اسوق العربيه انا لانك مش هتقدر تسوق.

= لا طبعا اتفضلي اركبي انتي وانا هسوق اللي هيخليني معرفش.

_اتكلمت بهدوء: يااستاذ اسمعني بس الجرح حاليا مفتوح ومكانه اصلا خطر وانا متاكده انو بيوجعك ومش هتقدر تسوق فانزل يلا مش عاوزين نعمل حادثه.

نزل باستسلام وركب الجمب تاني لما لاقي نفسه انو فعلا مش هيقدر يسوق قعد علي الكرسي وغمض عينه بعد وقت كنا وصلنا المستشفي نزلت وهو جيه ينزل بس كان دايخ دخلت ناديت دكتور يجي يساعده لانو ماينفعش اساعده.

=اتكلم اسر ابن خالتي باستغراب:مين دا ياعائشه.

_ هحكيلك بعدين يااسر لازم الاول نخيط جرحه لانو جرح رصاصه وقريب من القلب.

= تمام بس انتي بلغتي حد من اهله.

_ لا مبلغتش حد هشوف تليفونه كان في العربيه.

روحت شوفت تليفونه وكان بيرن اترددت شويه وبعدين فتحت وتقريبا كانت مامته بلغتها انو في المستشفي ودخلت تاني.

= ها ييا اسر عملت اي.

_ خيطنا الجرح بس هو حاليا لازم يقعد في المستشفي يومين علي الاقل علشان نضمن انو مفيش اي نزيف داخلي. 

= تمام انا كلمت والدته وعرفتها انت لسه مخلصتش شغل ولااي.

_يعتبرخلصت المهم احكيلي اي اللي حصل.

حكيتله اللي حصل وفي الوقت ده كان اهله وصلو واسر طمنهم عليه بس مدخلوش لانو حاليا نايم مامته كانت بتعيط فحاولت أهديها.

_اهدي ياطنط، هو بخير بس نايم بسبب البنج.

=سألتني باستغراب وهيا بتعيط: انتي مين يابنتي.

_ انا اللي كلمتك وجبته المستشفي.

= شكرا ليكي ياحبيبتي انك ساعدتيه وطمنتيني عليه.

_رديت عليها بابتسامه:الشكر لله ياطنط دا وجبي المهم انو بخير دلوقتي.

= احمد بقولك انا هروح انا لو خلصت ماتيجي توصلني.

_ماشي هجيب حاجتي من المكتب وجاي.

راح جاب حاجته وبعدين جيه طلعنا من المستشفي وصلني الاول وبعدين مشي واه احمد ابن خالتي واخوات في الرضاعه

>>>>>>>>>>>>>>>>>>>

"في البيت"

_سالتني ماما بقلق:اتاخرتي كده ليه ياعائشه وتليفونك مقفول ليه.

=قعدت علي الكرسي بتعب:دااكان يوم مايعلم بيه الاربنا.

_سال معاذ باستغراب:اي اللي حصل رقم مين اللي انتي رنيتي منه ده وبعدين روحتي المستشفي ليه وانتي كنتي واخده اجازه النهارده علشان رايحه لخالتك.

= اهدوا ياجماعه وانا هحكيلكم كل حاجه بس اكلوني الاول لاني جوعت

_اتكلم معاذ بسخريه:دا علي اساس انك متغديتيش عندخالتك يعني.

= الكلام دا من ساعتين حصل فيهم حاجات كتير وترتني وجوعت.

بصولي بنفاذ صبر وقال معاذ خلصي ياعائشه احكي اي اللي حصل.

حكتلهم اللي حصل والله زهقت كل شويه احكي لحد.

_ طب وهو عامل اي دلوقتي.

=كويس بس هيفضل فتره في المستشفي لانو المفروض مكنش يتحرك اصلا.

اتكلم بابا المهم انك بخير بس بعد كده مش هتروحي عندخالتك لوحدك تاني.

_ والله انا نفسي حرمت اني اروح مكان لوحدي المهم انا هقوم انام لانو بجد تعبت.

=اتكلم معاذ:احم بس في ضيوف جايلنا مش هتقعدي معاهم.

_سالته باستغراب:ضيوف مين.

=خالك محمد وعياله ومعاهم سيف.

_سالته باستغراب ،وهو نزل من امريكا امتي.

=امبارح وهما جايين يسهرو معانا وكدا وانتي وسيف تقعدو مع بعض.

_وانا وسيف نقعد مع بعض ليه بقا ان شاء الله.

=اتكلم باستغراب:هو اي اللي ليه ياعائشه انتي ناسيه انكو مخطوبين ولااي.

_بصيتله وقولت:اه ماانا نسيت اقولكو انا مش هكمل في الخطوبه دي اناوسيف مننفعش لبعض.

= انتي اكيد بتهزري.

وده مكانش حد غير سيف.

يتبع