- استني .....هاتي ايدك 

بصتله بضيق - وبتاع ايه اديك ايدي لا طبعاً 

- انتي هبلة يا بنتي انتي مراتي....هاتي ايدك يلا علشان نعدي 

وجيه علشان يمسك ايدي بعدت واتكلمت - انا مش مرات حد ..ابعد عني 

وجيت علشان أتحرك اعدي راح مسك أيدي بسرعه - استني نعدي علشان الطريق سريع بعدين نبقى نشوف حوار انك مش مراتي ده بعدين 

واتحركنا وهو ماسك ايدي والأيه بيعدينييي 

عدينا و روحت فتحت باب العربية وقعدت وبصيت لشباك بغيظ قعد من الناحية التانية وهو بيستعد علشان يسوق 

بصلي وهو بيحاول يمسك ايدي نفض ايدي عنه - كريييم مضايقنيش ابعد عني 

- طب بس فهميني طب انتي مضايقة ليه دلوقتي 

- وحيات طنط ..هو ايه اللي مضايقة ليه على أساس إنك مش عارف انا مضايقة ليه 

سكت لأنه فاهم ايه اللي مضايقني 

وانا اتكلمت بغيظ وعصبية - هو انا مش قولتلك كتير متتكلمش مع البت دي ولما اكون معاك متردش عليها 

-يعني يا أمل عايزاني اقاطع بنت خالتي

- اه قاطعها يا كريم..انا عايزاك تقاطعها 

- أمل اعقلي الكلام ماينفعش اللي بتقوليه ده يعني ايه قاطعها 

- والله اعقل الكلام...شايفني مجنونه ولا ايه 

- ولا شايفك مجنونة ولا حاجة يا حبيبي بس انتي دلوقتي متعصبة فَ اهدي بس كده بعدين نتكلم 

- متقوليش حبيبي دي تاني فاهم.... ومش هنتكلم دلوقتي ولا بعدين 

ورحت بصيت على الشباك بعصبية وانا بهز في رجلي بحاول اتحكم في الدموعي اللي اتجمعت في عيني 

روحنا البيت وانا اول ما دخلت جريت على الاوضة قفلتها وقعدت على السرير وانا بعيط 

أنا أمل 26 سنة اتجوزت كريم عن حب كان ابن صاحب بابا وفي شراكة بينهم أنا كنت كل مرة اشوفه فيها كأني أول مرة اشوفه من كتر ما كان بيسرق قلبي وعقلي في كل مره بشوفه فيها و لما جيه طلبني انا ساعتها حسيت اني اسعد واحدة في دنيا حسيت اني معايا الدنيا ومش محتاجه حاجه تانيه، إلا لما شوفتها في كتب كتابنا بنت خالته معرفش بس حسيت اول ما جت تبركلنا وهي عيونها على كريم حسيت كأنها بتلومه وأن في حاجه مش طبيعيه لحد ما اتجوزت كريم ومرة كنا معزومين عند مامته وهي كانت هناك لقيتها  عماله تعمل حركات وتلبس احلى حاجه عندها وكل شويه تعدل في الميكب وتسأله شكلي كده احلى ولا كده لحد ما اتعصبت منها وقلت اتكلم بيني وبينها علشان متحصلش مشكله لقيتها بتقولي أن كريم ده ليها وانا اللي اخدته منها وأن هي هتعمل ايه حاجه علشان تفرق ما بينا وتاخده مني ساعتها انا اتعصبت اوي عليها وحصلت مشكله ولما حكيت ل كريم قالي أن ماماته كانت تفضل تقوله أن هي بتحبه بس هو ولا في دماغه هي خالص وان هو اختارني انا وبيحبني انا وإلا لو كان بيحبها كان اتجوزها من زمان انا عارفه ده بس انا بجد مبطيقش اشوفها بتكلمه ولا بتدلع عليه بحس بنار بتغلي جوايا وانهارده كنت داخله المكتب لقيتها قاعده جمبه ويعتبر لزقه فيه ومغمضه عينها كأنها بتستمتع بالبرفيوم بتاعه انا أضيقت جداً وروحت اتخانق معاها وزعقت وكريم حشني منها بالعافية وانا كنت ماسكه شعرها اللي فرحانه بيه ده وكان نفسي أطلعه في أيدي بس كريم حشني منها هو مش فاهم هي بتحاول تعمل ايه وتغظني ازاي هو لحد الان مفكر اني مضايقة بسبب اني عرفت انها بتحبه بس انا اللي مجنني هي محاولتها في أنها تتقرب منه 

قومت من على السرير وانا بتجه ناحية الدولاب وبطلع بجامه لونها سماوي وكان شكلها رقيق ودخلت الحمام اخدت دوش يمكن أهدى من النار اللي مش بتطفي جوايا دي اتوضيت وخرجت صليت واستغربت اني مش سامعه صوت خالص ولا حتى حاول يدخل يصالحني خرجت بره لقيته في المطبخ بيعمل بودنج بالشوكولاته اللي انا بحبه شافني مسك أيدي بسرعه علشان مجريش على الاوضة حط أيده على خدي واتكلم بحنيه - ممكن نتكلم بهدوء لأن مش هينفع ننام واحنا متزعلين كده وانا مش هعرف انام وأمل حياتي زعلان مني 

بصتله بدموع هو ديما بيقولي أمل حياتي ولما سألته اشمعنا الاسم ده قالي لأني اجمل امل في حياته 

دموعي نزلت وهو مساحها وقالي - حقك على عيوني خلاص أنا أسف 

اتكلمت بزعل - يعني يرضيك كده ...كريم دي كانت عماله تشم البرفيوم بتاعك كانت لازقه فيك ومستمتعه كريم انت عارف اني الوحيده اللي من حقي اعمل كده وان هي هي ...

مقدرتش اكمل من العياط

- طب ممكن افهم بتعيطي ليه ده انتي خدتي حقك وزيادة 

- علشان أنت كلمتني وحش وكمان بتقولي انك هتكلمها عادي حتى لو انا مضايقة واتفلق انا 

- لا يا حبيبي والله ماقدر بس انتي عارفه يا أمل أنها شريكه معايا في الشركة وليها أسهم واني مطر اتعامل معاها وكمان عارفه اني بحبك أنتِ ولا عمري هبص لوحده غيرك واني بكلمها بحدود وبرد عليها بالعافية كمان علشان ارضيكي اعمل ايه تاني طيب يا ستي وانتي ترتاحي فاهميني بس 

ضحكت عليه هو معاه حق بس مبقدرش اشوفها جمبه خالص خصوصاً وانا عارفه انها بتحبه 

انتبهت له لما لقيته اتكلم - اموله أنتِ مش شايفه أن الموضوع ده زاد عن حده احنا بقالنا سنتين متجوزين وفي سنتين دول مافيش مره متخنقناش بسببها انا عايز بس نعيش حياتنا بهدوء من غير مشاكل سببها شخص ميستهلش نتخانق بسببه ولا ايه 

بصتله من غير ما اتكلم هو معاه حق هي فعلاً شخص ميستهلش نعيش حياتنا متزعلين بسببها اتكلمت - معاك حق...انا هحاول اتجنبها بس لو هي عملت مشكله معايا ولا حاولت تضايقني بكلامها مش هسكتلها انا بقولك اهو 

ضحك عليا - متخافيش يا اموله هنكلمها ونفهمها كمان ولو مفهمتش بالذوق يبقى لينا كلام تاني مسكته من ياقة القميص وشديته وانا ببصله بشرار -مين دول اللي هيكلموها ها 

اتكلم وهو بيتصنع الخوف

- مش انا والله انا بتكلم عن ماما وخالتي 

- اه بحسب 

- بتغير عليا يا حبيبي 

- لو مكنتش اغير عليك هغير على مين هو انا ليا حد غيرك اغير عليه بس يا كريم 

- لا يا قلب كريم 

بصيت على البودينج اللي على الرخامه ومديت ايدي اخده 

- استني

- ايه في ايه 

- لسه محتطش الكراميل من فوق زي ما بتحبي 

ابتسمت له بحب خده مني وهو بيظبطه وانا ببصله وبحمد ربنا أنه رزقني بكريم انا كل يوم بحمد ربنا على كل النعم اللي انعامها عليا اني اكون عندي عيله بتحبني وزوج بيحبني وبيخافوا عليا فَ دي نعمة كبيرة أوي والحمدلله على كل حال 

خلص البودينج ودخل غير وانا جهزت فيلم نتفرج عليه وجهزت القاعدة وهو جيه واخدني في حضنه وقعادنا نتكلم ونحكي وهو يضحكني علشان يحاول ينسيني اللي حصل ربنا يخليه ليا قرة عيني ده والله ، نمنا وصحينا تاني يوم روحنا الشركة انا بشتغل مع كريم في الشركة انا في الأول كنت بشتغل عند بابا بس لما اتجوزنا انا وكريم ، كريم طلب من بابا اني اشتغل معاه علشان افضل قدام عينه ديما علشان بوحشه حبيبي دخلت مكتبي خلصت الورق اللي كريم كان طَلبهُ مني ورحت ناحية مكتبة ولسه بدخل شوفت بنت خالتو دي بتحضنه و..........يتبع 

بقلمي حنان أحمد ماهر