- طب وبعدين يعني !!!؟؟ 

= هو حضرتك بتسألني انا؟! انا عايزه اكلم بابا كلمهولي طالما خت موبايلي دعْدغته

- اكلم ايه! هو انتي فكرانا بنلعب ببجي؟! احنا في 

مصـ ـيبة انتي مش مدركه ده!؟

= و اي علاقه الموبايل مش فاهمه !!

- يافندم يمكن عشان فيه جهاز تتبع و اي حد هيوصلنا من خلاله مثلا !!

رفعت كتافي: احمم تمام منطقي شوية

- طب تسمحي بقي تركبي العربية خلينا نتحرك؟!

= طب وانا اي يثبتلي انك تبع بابا مش تبع الناس الوحشه الأشرار الى عاوزين نهرب منهم؟!

- يا الله ! قولتلك كلمه السر الى بينكم انتي و والدك

= مش كفايه

- طب انتي عايزه !! انتي عايزه ايه دلوقتي ؟؟ 

نفضل على الطريق كده ؟! 

= انت بتزعقلي ولا اي

جز على سنانه بعصبيه:  لاء.. اطلاقا مش بزعق !

" ركبت العربية مره تانيه بصمت فضل ساكت فا اتكلمت بأندفاع "

- يعني هو بقي ادالك عنوان الكلية و قالك روح خدها و امشوا بعيد عشان في مشاكل طب مانا طول عمري بفضل فى الفيلا وسط الحراسه! ايه الجديد يعني يا اسمك ايه؟؟؟

= اسمك ايه اه.. هو شايف كده افضل حاليا

- مبعتش ليه اي بودي جارد من الى اعرفهم! اشمعنا انت واشتغلت امتي اصلا! وانت اسمك اي ؟؟

= سيف الدين عثمان تحبي اعملك كشف فيش؟؟ ممكن كفايه أسئلة بقا! لما يجي الوقت كلميه واسأليه براحتك انا اصلا فيا الى مكفيني!

" سكت لحد ما وصلنا فيلا حلوة اوي و لكن وسط مباني غريبه وكأن المكان منبوذ ولكنه مش كده! " 

" دخلنا الفيلا ولاحظت انه بيتعامل كأنه في بيته" 

- اوضتك فوق على اليمين لو حابة تنامي و في شنطه هتلاقيها فيها هدوم هتلاقي كل حاجه هنا عشان مفيش خروج

أتنهدت بحزن: هو كان عارف ان في حاجات هتحصل فا جهز المكان ده؟ هو انت تعرف حصل اي؟ او هشوفه امتى!

= لاء معنديش معلومات حاليا

"سابني و طلع وانا فضلت قاعده لحد ما نمت مكاني"

>>>>>>>>>>>>>>>>>>>>>>>>>>>>>>>>>>>

" صلِ على محمد "

|| تاني يوم الصبح | الساعه 8 || 

" صحيت رقبتي وجعاني بسبب النوم على الركنه بصيت حواليا ملقتوش بقلمي سلسبيل احمد اكيد لسه نايم ف اوضته فضلت قاعده شوية بحاول افوق غسلت وشي و صليت دعيت ربنا اخلص من كل ده و اعيش حياة هاديه.. امنيتي الى عمري ما غيرتها.. " 

" بعد شوية خرجت بره فى الجنينه و اتفاجئت انوه بره في ركن كده بيتمرن! " 

روحت قدامه: هو انت مبتنامش! 

حاولت مبصش ناحيته: طب بابا مكلمش! 

رد وهو بيلعب على كيس الملاكمه: لاء

- طب انا عايزه اكلمه 

= هنستني مكالمته مينفعش نتصل

- وانت بقا معاك موبايل اشمعنا انت

= موبايلي عارف مأمنه ازاي

- كنت آمنت بتاعي بدل ما دغدعْدته كدا

= انا كسرت الشريحه بس و الكارت الفون موجود لما نخلص هبقي اديهولك

- طب جعانه

= التلاجه فيها كل الأكل 

- اعملك معايا؟

= مش باكل دلوقتي..

" روحت كلت لوحدي يعني اي الجديد ..  

خلصت و طلعت قعدت فى الاوضة ولما زهقت نزلت الجنينه تاني وحاجه قمه في الملل و هو!!! مش بيتكلم معايا خالص "

- بقولك ايه هو احنا فين طيب

= مكان آمن 

- فين علي الخريطه يعني

= في القاهرة 

- تؤ... طب ايه المباني الغريبة الى حوالينا دي؟

= معرفش

- انت ممل اوي تعرف كدا ولا لاء ! 

= أعرف اه

- طب انا عايزه اخرج زهقت او اكلم بابا انا هفضل قاعده كده لحد امتي! 

= واحده في سنك تحب تعمل ايه عشان متبقاش زهقانه! اجبلك فيلم كرتون؟

- انت بتكلم طفله

= أها عندها 19 سنه 

- 19 ونص 

= يعني بتشوفي كرتون ولا لاء

- بشوف طبعا! الكرتون لكل الأعمار! 

= طيب يعني اجبلك كرتون و تستكي؟ 

- اه هاتلي كرتون واعملي فشار وكاكاو 

" بصلها بمعني فعلا؟ "

" بصلي بنص عين و سكت لوهله وبعدين قام " 

" رجع بعد لحظات و شغل البروجكتور و كانت بدايه كرتون  الجميلة و الو..حش!! انا حفظاه بحبه اوي!! " 

- انا بحب الكرتون ده اوي !!!!

= طيب كويس يعني هتتلهي فيه 

و تسبيني في حالي مش كده

- استني هنا اتفرج معايا! 

بصلها بجديه: اتفرج علي ايه لامؤاخذه؟ 

= الكرتون !!

- انا مش بشوف العبـ ـط ده! 

بصتله بعيونها: اتفرج معايا هيعجبك! مش عايزه اتفرج لوحدي لو سمحت وهقعد ساكته.. وهيعجبك والله بس جرب

" كنت هرفض رفض قاطع هبـ ـل ايه ده الى اتفرج عليه ده انا متفرجتش على كرتون وانا طفل هشوفه دلوقتي؟  ولكن حاجه جوايا رفضت تزعلها خصوصا ان هي فعلا في ظروف مش افضل حاجه.. و نظراتها ليا مكانتش هينه"

" قعدت تاني بصمت وهي سقفت "

- صدقني هيعجبك.

" بدأنا نتفرج و كل شوية كانت بتبصلي وبتحاول تستخلص اي رد فعل مني ولكني لم ابدي اي تعابير و ريأكشن وشي متغيرش.. لحد ما اتكلمت هي "

- زعقلها جامد اوي! مش مفروض يزعق كده

= ماهو كان لازم تسمع كلامه ومتروحش الجناح الغربي هو حذرها برضو

- وفيها اي يعني كانت بتستكشف

= من حقه يحكم القصر براحته هي الى دخيلة

- بس هي بقت جزء منه خلاص و عايشين سوا! لأنه اجبرها تفضل معاه !!

" مردش فا قلبت عيوني بأستسلام و رجعنا نتفرج"

بصتله بحماس: خلص!! ها عجبك؟ 

=  مش وحش

- انا ليا كمان كرتون مُفضل حورية البحر اريل و الكرتون ده بحبه اكتر شوية من كرتون الجميلة و الوحش .. وكمان تنه و رنه و شركة المرعبين..

= امممم نشغله بكره بقا ان شاء انا هاروح اطلب غدا عاوزة حاجه معينه؟

- لاء ، مش هتفرق 

>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين' 

" فات يومين كان دايما مشغول و بيخرج في المناطق الى جمبنا و يرجع.. بيدج الفيس بوك بتاعتي سلسبيل احمد كالعادة انا الى ببدء كلام بس عادي هو أكيد مش متعود يتكلم مع اهداف بيأمنها.. كنت زهقانه و عايزه اكلم بابا بأي شكل لكن مفيش فايده! " 

- انت جيت خلاص ولا هتخرج تاني؟ 

سيف بتنهيده: جيت خلاص

- طب لسه مش هكلم بابا؟ 

= للأسف اه

- ولا هنجيب فشار و نشغل الكرتون التاني؟ 

= خدي البروجكتور وهاتي الى تحبيه انا بخلص شغل حاليا مش فاضي.

- شغل ايه ؟ مش انا شغلك برضو ؟ لو سمحت بقي تيجي تتفرج معايا

= لا لا انسي يا انسة ليلي انا بس قعدت المره الى فاتت لأني كنت قاعد كدا كدا و مش مهتم بقي تشغلي كرتون ولا مهرجان حتي 

- وانا بقي بطلب منك تقعد معايا

= وانا بقولك ان ده مستحيل.. 

- After 5 minutes " بعد خمس دقائق "

- انا مش فاهم يعني اي الممتع انك تتفرجي على شوية سمك و كابوريا مزعجه بتتكلم زي دي؟ وكمان سود*انيه

= ده لهجته تحفه و دمه خفيف! وبعدين دول حوريات بحر كمان 

- كلام فارغ 

= اتفرج للآخر! 

" في نص الكرتون "

- شوفت عملت اي عشان عريق! 

= شوفت اها مسمعتش كلام ابوها و مشيت ورا ساحرة المحيط الى معرفش إسمها برسيلا ايه دي

- اورسولا هو انت مش مركز كمان

= واتيفر مش هتفرق عصت اوامر والدها

اتكلمت بعصبيه شوية:  هو اصلا مش مهتم بيها! ولا فاهمها لو كان حاول يفهمها من الأول مكنش حصلها كل ده هو غلط 

- هو خايف عليها و بيحميها فين الغلط ف ده!!

= طريقته غلط!!

- لاء صح هي لسه صغيره ومش لازم كل حاجه تعرفها و تفهمها 

" سكت ولكني رافضه كلامه وانا اكتر واحده حاسه بالموضوع ده اصلا و .. بيضايقني " 

- الحمد لله الكرتون خلص قومي نامي بقا 

= وانت؟ انت مش بتنام زينا ولا ايه

- بنام أكيد اطلعي انتي ورايا حاجات لسه

= أوكيه جود نايت يا سيف. 

" مشيت وانا اتنهدت انا حارس شخصي لطفله عندها 19 سنه ده انا لو قاعد بأولاد اختي مش هفرهد كده!.. بقلمي Slsbell Ahmed " 

|| خامس يوم في الفيلا ||

" رجعت من بره بصيت ف انحاء البيت ملقتهاش خمنت انها نايمه فا اتنهدت براحة.. طلعت اخدت شاور و خرجت وفضلت ساعتين شغال على اللاب ف هدوء لحد ما الساعه جت 10 بليل و كده طول اليوم متشرفتش بغلاستها وكلامها الى مش بيخلص هو و الاسئلة الكتير الى بتفضل تسألها.. طلعت خبطت على اوضتها كتير مفتحتش فا زقيت الباب و الأوضة كانت فاضيه!!!! 

اعصابي سابت طبعا في اللحظه دي..

قلبت البيت عليها مكانتش موجوده ف اي مكان خرجت الجنينه بسرعه و فتحت موبايلي و قبل ما اعمل مكالمه للجهاز شوفتها على سطح الفيلا من تحت وانا واقف فا طلعت بسرعه لعندها.. " 

- انتي كل ده كنتي قاعده هنا !!

انا بقالي حبه بلف عليكي في الفيلا تحت!!

حاولت امسح دموعي و ابصله: آسفه.. مكنش قصدي

=  انتي كويسة ؟ انتي معيطه؟ 

- تؤ مش بعيط

= طيب تعالي ننزل ونتكلم تحت هنا مش امان تعالي

" مد ايده ليا كنت قاعده سانده بدراعي على رجلي وبعدين مسكت في ايده و قومت بأستسلام "

' سبحان الله وبحمده سبحان الله العظيم '

"قعدت قصادها بعد ما جبتلها عصير المانجا الى بتشربه من وقت ما جت"

- كل ده عشان عاوزة تكلمي باباكي صح 

= ....................

- عموما هحاول اوصله ف اسرع وقت متقلقيش

= ماما

بصتلها بتركيز: ايه؟

= ماما و اخويا..

 ماتـ ـو في حدثه زي انهاردة من 13 سنة كان عندي ست سنين وقتها مكنتش فاهمه راحو فين مكنتش اعرف إن هيعدي كل ده و هكره حياتي عشان هما مش فيها هما وحشوني و انا حاسه اني مش قادره اكمل من غيرهم انا تعبت وانا لوحدي مليش غير بابا و هو.. هو مش مهتم بيا !! انا طول الوقت حتي في حْطر من غير ما اعرف ليه لو حصلي اي حاجه هبقي لوحدي! أنا كان نفسي يكونوا جمبي

" فضلت تعيط وانا عمري ما كنت مهنج كده ومش عارف اتصرف.. حاولت على قد ما اقدر اساعدها " 

- لكن والدك بيحبك جدا و عمل حاجات كتير عشانك مش لازم تعرفيها كلها و لكن .. مفيش اب مش بيحب بنته او قاصد ميهتمش بيها يمكن هو لسه عنده جانب انتي مشفتيهوش واكيد مامتك واخوكي في مكان احسن وهما جمبك لكن انتي مش شيفاهم.. اعرفي ده.

"سحبت منديل وناولته لها فا خدت و مسحت دموعها"

بصتله: هو انت باباك موجود؟ 

= لاء.. ربنا يرحمه من 17 سنه كده

- ربنا يرحمه

= ربنا يرحمه ويرحم اخوكي و مامتك

- يارب.. طيب و مامتك موجوده؟

= أها 

- و ازاي سايبها كل ده؟ 

= قاعدة مع اختي هو بيت للعيلة فيه شقة ليا و تحتها شقه اختي وماما فالدور الأرضي

- مفروض تزورها برضو

= ظروف شغلي بقا هعمل ايه

- هو عشان تبقي حارس شخصي لازم تبعد عن الى بتحبهم و متهتمش بيهم

= مش بالظبط اكيد بروحلها

- هو احنا ممكن نروحلها انا و انت نزورها ولا هي مش بتحب الأغراب؟ 

= لا هي بترحب عادي.. هشوف الأول لو ينفع نتحرك ونخرج من هنا واخدك معايا..

- و هتشوف مع مين بقا ؟ هتسأل بابا؟ 

= لاء القيادة بتبلغني أوامر

- ليه

= طبيعيي اي حارس شخص بيأمن الهدف بتاعه بيتلقي أوامر من القياده مش بيتصرف من مخه.

-  القيادة بتبلغك ايه؟ 

بحزم:  تؤ تؤ كفايه اوي لحد كده كلام روحي نامي عينيك شكلها تعبان فا ارتاحي

- أوكيه 

= استني..

 بعد كده متخرجيش بره لوحدك ابداً فاهمه؟

- انا عايشه اهو ماموتش يعني

= لسه عايشه.. 

لو فضلتي تعاندي مش هتكملي يومين

ضحكت: انت أوفر اوي..

= اسمعي الكلام و في تلج فالفريزر حطيه على عينك لأنها هتورم... متبقيش تعيطي بالشكل ده تاني

رديت بهدوء: اوكيه جود نايت يا سيف..

>>>>>>>>>>>>>>>>>>>>>>>>>>>>>>>>>>

استغفروا " استغفرالله العظيم واتوب اليه "

|| سادس يوم  | الساعه 7 الصبح ||

- احمم صباح الخير.. بقيتي كويسة؟

بصتله بأبتسامه: دي أول مره تسألني عن حاجه .. بقيت كويسة ؛ بس كنت بتقول هقدر اكلم بابا صح؟

= ايوه قريب إن شاءالله 

- طيب مش هنروح لمامتك؟

= خت إذن ياستي وهنروح كمان ساعتين

- انت بتهزر

= بتكلم جد

- مقلتش ليه انا هطلع اللحق اللبس واجهز بسرعه

" جريت على فوق وانا مكنتش فاهم هما ساعتين مش وقت كافي ولا ايه؟ انا بجهز في خمس دقايق!" 

" بعد كام ساعه "

" طلعت اغير هدومي و اجهز ونزلت استناها لما فات ساعتين وفضلت مستني كمان نص ساعه ومكنتش فاهم انا فين ولا بعمل ايه ولا مستني ليه وايه ده ؟" 

- سيف انا جيت خلصت خلاص

بصتلها: احمم ساعتين ونص؟ ليه

- خت شاور و عملت شعري و حطيت ميكب وجهزت شنطتي و لبست وحطيت اكسسوريز ونزلت بس! 

= بس؟ هو في حاجات تانيه 

ضحكت: مش باين اني بقيت حلوة ولا اي 

بصيت للعدم: احممم تمام يلا بينا

" اتحركنا ودخلنا العربية " 

- اربطي الحزام و بصي بقي لو حصل اي شيء على الطريق علينا تنزلي تحت علطول او حد حاول يخبطنا تنزلي تحت او حتي

قاطعته: انت اوردي قولت لي كل القواعد دي لما اخدتني من الكلية 

= تمام ماشي بأكد عليكِ مش عايز لماضه.. 

- حاضر

" وصلنا و برضو منطقه غريبه و هاديه نزلنا من العربية و وقفنا قدام فيلا بكذا دور وبعدين دخلنا.. " 

- سلامُ عليكو

بصتله ست كبيرة بلهفه وحضنته: سيف!! ازيك يا حبيبي وحشتني اوي!!

= وانتي كمان والله يا ماما 

- كده تغيب كل ده ؟؟ ومين البنوتة الحلوة دي!؟

" بصتلي بنظرات دافية فا ابتسمت لها وهو عرفنا ببعض وبعدين قعدنا"

- انتي بقي في كلية اية؟ 

= كلية فنون جميلة رايحه سنه تالتة

- ربنا معاكي يحببتي ، بص بقا يا سيف انا كنت بعمل مكرونة بشاميل حظك حلو 

= تسلم ايدك يا ست الكل

- وانتي يا ليلي بتحبيها؟ 

= هو انا يعني مش جعانه و

قاطعتني: مش جعانه ايه ابقي شمي ريحتها بس الاول وبعدين نشوف 

" ضحكت كنت حاسه بـ جو غريب عمري ما حسيته قبل كده!! بس كان شعور حلو شعور خوفت اني امشي واسيبه.. " 

- ها ايه رأيك بقا ؟ 

= جميلة جدا شكرا يا طنط 

- هجيب رز بلبن بقي عملته امبارح بليل 

"بصيت لسيف فا قلب وشه بمعني مليش دعوه"

- انا مش قادره اتنفس!!

= قوللها انتي بقا

- دي مامتك انت قولها 

= منك ليها

" جت بطبق الرز بلبن والى كنت بقنع نفسي لو صغير ادوق منه لقيته بوله بحالها.!!. " 

- انا مش قادره اكل بجد يا طنط

= تؤتؤ محدش يجي هنا ياكل وميحليش لا لا

" قاطعنا دخول بنت جميلة و معاها طفل صغير والى توقعت إنها اخته.. الطفل جري على سيف بحب ونط لحضنه و هنا كنت بشوف جانب مختلف فيه سلمت عليهم والغريب اني محستش اني غريبة وسطهم.. بقلمي سلسبيل احمد" 

- ليلي سيف بيغش 

فريده: ولد عيب حد يقول على خالو كده! 

ضحكت: أمير انت خسرت اعترف

- صدقيني بيغش!! حتي اسألي تيته

سيف: ادي اخرة الى يلعب مع عيال

انا و فريده بصينا و اتكلمنا فنفس الثانيه: انا عيال؟! 

بصلنا وسكت اما احنا ضحكنا.. 

" مطولناش عندهم وبعد ساعه و شوية كنا ماشين.."

- ليلي خلينا نشوفك تاني

= اكيد انا اتشرفت بحضرتك يا طنط ومبسوطه اني اتعرفت عليكم 

نزلت لمستوي أمير وميلت على ودنه: احنا صحاب ها؟ انا مش زي سيف 

ابتسم وحضني: انتي جميلة 

" سلمت عليهم و سيف ودعهم وبعدين ركبنا العربية و اتحركنا" 

بصتله: هي ايه العلبة دي ؟

= احمم ده اكل و التانيه رز بلبن

ضحكت: امممم .. طنط اكلها جميل و ..

 انا حبيتهم اوي

- وهما كمان واضح حبوكي

= انت محتاج تقعد معاهم اكتر منك كده واضح انهم كانو مفتقدينك اوي و .. انت باصص على ايه

- فكي الحزام وانزلي تحت بسرعه

= في ايه؟! 

"قرب مني وفكه بسرعه وهو سايق وحط ايده على دماغي ونزلت لتحت و.." 

يتبع.. 

>>>>>>>>>>>>>>>>>>>>>>>>>>>>>>>>