اه ماانا نسيت اقولكو انا مش هكمل انا وسيف مننفعش لبعض.

= انتي اكيد بتهزري.

وده مكانش حد غير سيف بس كان لوحده واضح انو سبقهم بس ده كان أفضل لانو اصلا الموقف محرج لوحده.

نزلت من علي السلم واتكلمت بهدوء:

_ بس انا مش بهزر ياسيف انا بتكلم بجد انا وانت مش هينفع نكمل مكنتش حابه تعرف بالطريقه دي بس عرفت.

=اتكلم بتساءول:طب اي السبب انا عملت حاجه ضايقتك وانا مخدتش بالي.

_معملتش ياسيف ولاضايقتني في حاجه بالعكس دايما بتحاول تتجنب اي حاجه بتضايقني وبتحاول تفرحني باي طريقه وصدقني انت شاب اي بنت تتمناه المشكله مش فيك الفكره بس اني مش مرتاحه فاهمني فعلشان كده الافضل اننا نسيب بعض بس مش عاوزاك تزعل مني اوعلاقتنا تتاثر وربنا يرزقك ببنت احسن مني."

=رد بهمس سمعته:معتقدش اني هلاقي احسن منك.

"اتنهد ورد بحزن بان في صوته:ماشي ياعائشه اللي انتي عاوزاه اهم حاجه تكوني مبسوطه ومتقلقيش علاقتنا مش هتتاثر اطلاقا وربنا يوفقك وقام علشان يمشي دخل معاذ بعد ماكانو سابونا علشان نتكلم."

_ رايح فين ياسيف اهلك جايين.

=عندي مشوار مهم ياايهم ولازم امشي هبقا اجي وقت تاني.

طلع ايهم وراه بره:

_ سيف استني مشوار اي اللي طلع فجاءه ده.

ركب العربيه وبصلو من الشباك:مشوار مهم ياايهم كنت ناسيه لما ماما وبابا يجو ابقا عرفهم بقا ومشي.

"بلغت ماما وبابا اللي حصل وقالولي اللي شايفاه صح اعمليه وأهم حاجه راحتك طلعت اوضتي وانا مضايقه علشان سيف اه انا اللي رفضت بس انا مش مرتاحه الموضوع مش بايدي،مردتش انزل لما خالو جيه لاني بصراحه محرجه بسبب الموضوع ده فغيرت هدومي ونمت من تعب اليوم."

>>>>>>>>>>>>>>>>>>>

تاني يوم صحيت بدري علشان عندي شغل وصليت الصبح ولبست ونزلت.

_اتكلمت بهدوء:صباح الخير.

ردو عليا:صباح النور.

=سالني معاذ باستغراب:انتي رايحه المستشفي دلوقتي ولااي.

_ اه هروح دلوقتي علشان عندي شيفت صباحي وهاجي علي الساعه ٤ ان شاءالله.

=طب اقعدي افطري قبل ماتمشي.

_ لا ياماما يادوب امشي دلوقتي علشان متاخرش وهبقي اكل اي حاجه في المستشفي.

=ماشي يا عائشه خلي بالك من نفسك.

_ حاضر يلا سلام.

>>>>>>>>>>>>>>>>>>>

"في المستشفي"

"وصلت متاخره عشر دقايق بسبب الزحمه ودخلت وانا بدعي مدير القسم مايخدش بالو من تأخيري ولكن لقيتو في وشي او مادخلت."

=متاخره ليه يادكتوره.

_ احم اسفه يادكتور الطريق كان زحمه.

= تمام يادكتوره اتفضلي علي شغلك.

"هو مشي وانا روحت حطيت حاجتي في المكتب وخدت تليفوني وطلعت علشان ابدا الشفت بتاعي."

_ صباح الخير ياعائشه.

اتكلمت بابتسامه: صباح الخير يااسوره اي الأخبار.

بصلي بقرف وهو بيخبطني في كتفي:

= هو انا مش قولتلك يابت انتي بطلي اسوره دي.

قولتله باستفزاز:

_ليه مالها اسوره والله حلو بدلعك.

=لا ياختي مش عاوزك تدلعيني وروحي يلا شوفي شغلك مش كفايه جايه متاخر.

_ بصتله وقولت:الزحمه اللي اخرتني علفكره انا منظبطه في مواعيدي علفكره.

=رد عليا بسخريه:اه طبعا ياحبيبتي انتي اكتر واحده منظبطه فعلا احنا ظالمين يابنتي معلش.

كان لسه هيرد بس جيه دكتور محمد مدير القسم تاني.

_ انتو سيبين شغلكو وواقفين بتحكو يادكاتره.

رد عليه اسر:

=احم لا يادكتور الدكتوره كانت بتسألني علي حاجه بس.

_ طب اتفضلو علي شغلكو وانتي يادكتوره عاوزك تتابعي بنفسك حاله سياده المقدم اللي اسعفتيه امبارح.

اتكلمت ببلاهه:

=انا اتابع حالته.

_اه في مشكله ولااي.

= لا طبعا مفيش اي مشاكل خالص تمام هتابع حالته.

هو مشي واسر راح يكمل شغله وانا روحت علشان اشوف المقدم مكانش حد عنده معرفش ليه دخلت  بهدوء وكان نايم شوفت موشراته الحيويه وكانت طبيعيه والجرح كمان تمام ومفيش نزيف وقفت اشوف التقارير بتاعته كان فتح عينه.

_اتكلمت بهدوء وانا مركزه في التقارير:حمد الله علي السلامه.

رد بتعب بعد مابص عليا نظره سريعه:

=الله يسلمك شكرا ليكي.

_الشكرا لله دا واجبي انا معملتش حاجه ها حاسس باي وجع.

= لاالحمد لله احسن دلوقتي.

_ تمام انت هتفضل في المستشفي يومين كدا لحد ما تتحسن شويه ومفيش اعتراض.

اتكلم برفض:

= لاطبعا انا هطلع النهارده مش هقعد يومين حد من اهلي عرف.

_ اه انا بلغتهم بس راحو يجيبلوك حاجات من البيت تقريبا

=رد بهدوء: تمام.

في الوقت ده كانت دخلت مامته وأخوه ومعاهم بنوته.

اتكلمت مامته:

_ حمد الله علي سلامتك ياحبيبي كده تقلقني عليك.

= الله يسلمك ياامي ماتقلقيش انا بخير.

_ حمد الله علي سلامتك يا برو.

= الله يسلمك ياعمرو.

اتكلمت البنت اللي كانت معاهم بقلق:

حمد الله علي سلامتك يايوسف قلقتني عليك

رد عليها بهدوء:

= الله يسلمك تعبتي نفسك.

ردت امه لما لاحظت توتر الموقف:

_ نور رنت عليك مردتش فرنت عليا وانا عرفتها اللي حصل وقالت تيجي تتطمن عليك.

يتبع