سألتها انتى زعلانه ليه حاسس انك مش كويسه ،وكنت فى الفتره إلى اترددت فيها عليها قدرت افهمها شويه

سكتت شويه بعدها قالت!!  مش عايزه ادوشك كفايه عليك ضغط الشغل وانى بتيجى يوم فى الاسبوع تخدمنى.

قتلها تعبك راحه يمكن اقدر اساعدك، ابتسمت بكسوف

وقالت بنتى مقطعانى من زمن طويل والصراحه انا كان معايا حق ،جوزها طماع عايز كل حاجه وهى مطوعاه وانا ست كبيره وخايفه من الزمن، لكن بعد إلى عملته معاك

انا بفكر اديها حقها ،قلبى وجعنى اوى لأنها بعيده عنى

حاسه لو اديتها حقها هترجع تزورنى وتخلينى العب مع احفادى، دول وحشونى جدا ،تصور منعانى اشوفهم من اكتر من سنتين، وحشتنى ضحكتهم ولعبهم نفسى اشيلهم فى حضنى وابوسهم.

انصدمت من حزنها وقسوة بنتها ،قلت يمكن ربنا بعتنى عشان

يصلح بينهم، انا اشتغلت فى المعمار والحمد لله الدنيا ماشيه معايا، لو انا قلت الحقيقه هزود الخصام بينهم

قلتلها عين العقل يا امى اتوكلى على الله

بعد تردد قالت انا شايفه كده برضه، هكلمها واراضيها ورجعت تضحك تانى

بعدها قالت اسمع لما اتصالح مع بنتى انت مش مضطر تخدمنى ، بنتى هتتكفل بكل حاجه ،بس ابقى زورنى كل شهر كده اتطمن عليه

قلتلها حاضر من عنيه، اخدت قعدتى ومشيت ،وخدتنى الدينا والشغل ،كنت بشتغل من الصبح لحد غروب الشمس

اشيل اسمنت واطلع بيه الدور الخامس والسادس

لما بخلص شغل كنت بكون منتهى يدوبك اتعشى وانام

بعد شهرين الست دى جات فى بالى وانا شغال واليوم كله مش عارف اطلعها من دماغى، قلت بعد ما اخلص شغل هزورها وفعلا وصلت عندها قبل العشا ،خبطت على الباب

وانتظرت مده كبيره لحد ما فتحت الباب اول ما شافتنى

قعدت تبكى ،اتوترت معرفتش اعمل ايه

اخدتها فى حضنى وقعدت اقلها متبكيش انا اسف انى اتأخرت عليكى

_همست انا افتكرتك نسيتنى خلاص

قلت معلهش يا امى الدنيا خدتنى والله حقك عليه

بصيت بعينى لقيت حالتها مستوره وعندها كل حاجه متوفره

قلت الظاهر بنتك واخده بالها منك اوى

رفعت حاجبها بحزن وقالت بنتى ؟ وضحكت بسخريه

قالت إياك تكون فاكر انى فقيره، انا مش محتاجه ومعايا إلى يكفيني واكتر ، لما قابلتك كان معايا فلوس كتيره جدا

بس مكنتش بصرف منها لأنها حق بنتى، مكنتش بمد ايدى عليها ومنتظره اللحظه إلى تراجع فيها نفسها وترجع لحضنى

انا عملت إلى قلتلك عليه واكتر معاها وافتكرت ان خلاص هترجعلى وتسيب الاولاد يزورونى  لكن تصدق

اول ما اخدت إلى هى عايزاه قفلت كل الطرق فى وشى

دى قالت إنها مش عايزه تعرفنى تانى وان أولادها ميشرفهموش تكون جدتهم وأحده ذى

 متوقعتش ممكن يحصل كده لكن مش بالطريقه دى

حاولت أفهم، سألتها انتى ادتيه ايه ؟

قالت فلوس فى البنك والمحلات والشركه

ضحكت  فى سرى وهى لاحظت كده قالت مالك كده

قلت الصراحه مكنتش افتكر انك سيدة أعمال وغنيه كده؟

قالت منا قلتلك انت متعرفش كل حاجه، وبعدين اكتشفت انك كنت بتكدب عليه وانك مشتغلتش عند بنتى 

زعلت منك واخدت على خاطرى ومرضتش اتصل بيك

قلتلها ولا يهمك رزقى ورزقك على الله  انتى بقيتى على الحديده وانا هرجع اخدمك تانى

بصتلى بدهشه ،حتى بعد ما عرفت انى كان معايا فلوس كتير وخبيت عليك  هتساعدنى ؟

قلتلها انا مكنتش بساعدك عشان فلوسك والله  ،ولم كدبت عليكى كدبت عشان ترتاحى وتفرحى باحفادك وبنتك.

خرجت من عندها وانا غضبان جدا مش متخيل ان فيه بنت ممكن تعمل فى والدتها كده، لكن افتكرت لما روحت هناك وعاملتنى بطريقه مش كويسه وقلت شخص زيها ممكن يعمل اى حاجه.

الصراحه مكنتش بصرف مليم واحد من جيبى على الست دى، كل إلى كنت بشتريه كانت بتدفعه وتقول مستوره

حتى لما اعزم عليها كانت بترفض وتقول كفايه انك بتساعدنى لوجه الله

مش انت بتساعدنى لوجه الله ؟

اضحك واقلها ايوه لكن عندى سؤال؟

قالت قول!

قلت كل ما ادخل عندك تسألينى ان كنت بخدمك لوجه الله

يعنى هكون بخدمك ليه يعنى ؟

تسكت شويه وتقول بحب اتأكد منك مش اكتر

مر اكتر من شهرين ولقيت المقاول بيطلبنى ،قلت خير ان شاء الله انا معملتش حاجه غلط ومش مقصر فى الشغل

لما دخلت عنده المكتب لقيته محضرلى بقيت فلوسى وبيقولى ملكش شغل هنا

حاولت أفهم منه ليه ؟

قال اهو كده، اتفضل امشى ،قلتله متزعقش الأرزاق على الله

خرجت من عنده وانا مضايق، غيرت هدومى وانا ماشى

شفت عربيه كانت راكنه تحت العماره وبتركبها ست ولما دققت فيها عرفتها ،كانت نفسها بنت الست إلى انا بخدمها