دخلت مكتبي خلصت الورق اللي كريم كان طَلبهُ مني ورحت ناحية مكتبة ولسه بدخل شوفت بنت خالتو دي بتحضنه وبتقول - كريم حبيبي متسبنيش انا هعمل ايه حاجه انت عاوزها بس ارجوك لأ..صدقني انا بقول الحقيقة هي ....

وفي لحظة دي كريم اتعصب ونفضها بعيد عنه - أنتِ مجنونه هي وصلت بيكي لكده أنتِ ازاي تقربي مني بقيتي بعيدة عن دينك لدرجة دي ومش هصدق أي حاجة من اللي قولتيها انا واثق فيها فاهمه وياريت تبعدي عنا بقى لأن الموضوع ذاد عن حده اوي اتفضلي اطلعي بره ...بره 

في اللحظه كريم لف لقاني واقفه قال بهمس ممذوج ببعض القلق - أمل 

لقيتها بتقرب مني وبتتكلم بهمس جنب ودني - انا هوريكي إن مخدوتش منك وفرقت ما بينكم ميبقاش اسمي اميره

بصتلها بضيق وعصبية من اللي عملته وأن هي قربت منه بس لو مكانش كريم رد عليها برده ده كانت زمانها قرعه دلوقتي مني اتكلمت - أنا مش عارفه اسمك أميرة ازاي وانتي مافكيش صفة منها اصلا بس على العموم أعلى ما في خيلك اركبي 

بصيتلي بغيظ وراحت خرجت بره المكتب انا روحت قفلت الباب كريم قرب مني واتكلم بقلق - أمل انا....

مسكت أيده وانا بسكته - هشششش..متقولش حاجه أنت مش محتاج تبرر 

اتنهدت بضيق وكملت- هي اللي مش متربيه أنت ذنبك ايه 

بصلي بابتسامه واتنهد بارتياح - ايه العقل ده من امتى وأنتِ عاقلة كده يا اموله

قال كده وهو بيقرص على خدي بلطف 

اتكلمت بضيق وانا ببعد أيده - قصدك اني مكنتش عاقلة قبل كده اهو شوف مين اللي بينكد على التاني اهو وفي الاخر تقولوا الستات هي اللي نكديه 

قرب مني وحضني - خالص يا ستي حقك عليا انا كلب اصلا 

ضحكت عليه - لا يا حبيبي متقولش كده الكلاب كيوته يا كريم 

بصلي بغيظ وانا في حضنه - والله...ماشي يا امل انا نروح علشان احنا بس في المكتب يبقى لينا حساب تاني 

ضحكت وانا بشدد من حضنه بعدين افتكرت حاجه - كريم 

قلتها وانا ببعد عن حضنه 

بصلي باستغراب - ايه يا حبيبي في ايه 

اتكلمت بتوتر - هي كانت بتقولك ايه انا مش فاهمه وانت كنت بتقولها كلام غريب زي انك واثق فيها والكلام ده 

اتكلم بضيق واضح وهو بيروح يقعد على الكرسي - مافيش دي بتخرف انا مش حابب اتكلم في اللي قالته علشان كل ما افتكر بتعصب 

روحت وقفت قدامه- يعني مافيش حاجه تقلق يعني 

مسك أيدي وهو بيقعدني قدامه - لا يا حبيبي ملكيش دعوة باللي قالته 

اتنهدت وقفلت الموضوع علشان شايفه مضايق 

روحنا واتعشينا وكنت داخلين ننام 

- كريم بقولك 

- قولي يا قلب كريم 

ضحكت عليه - بتثبتني أنت من قبل ما اتكلم كملت- انا كنت عايزه اروح عند ماما بكره 

اتكلم بقلق - في حاجه ولا ايه 

- لا يا حبيبي متقلقش ...بس هو خالتي جايه بكره من السفر وهي وحشتني اوي وماما قالت لي تعالى وقالت لي جيبي كريم معاكي بس انا عارفه أن المشروع اللي شغال عليه واخد وقتك ف قلت يمكن ماتجيش بس ياريت لو تيجي بجد يا كريم 

- لا يا حبيبي روحي أنتِ وابقي اعتزري من زوزو أنتِ عارفه المشروع بشتغل عليه بقالي اد ايه 

اتكلمت بزعل - ايوه ماهو علشان كده انا قلت كده بس كان نفسي تيجي 

قرب مني وهو بيحضني - إن شاء الله يا حبيبي لما اخلص هعوضك ونبقى نخرج حتى نسافر نجدد شهر العسل بتاعنا 

بصله بفرحة - بجد.يا كريم.. هنروح فين 

- لا دي خليها مفاجأة يا قلب كريم 

دخلنا نمنا صحيت تاني يوم الصبح عملت القهوة لكريم علشان هو مابيحبش يفطر على الصبح بيحب القهوة 

جهزنا ونزلنا وصلني عند بيت بابا وهو مشي طلعت سلمت على ماما وجهزت معاها الأكل 

- قوليلي يا أمل عامله ايه وكريم عامل ايه 

- كويسين يا حبيبتي انا حكتلك مَعّرفش يجي بسبب الشغل بس إن شاء الله هيخلص واول حاجه يعملها أنه يجي يسلم عليكي 

- ربنا معاه ويوفقه يارب انا بتكلم انتوا عاملين ايه اللي اسمها بنت خالته دي عملتلك حاجه تاني

اتكلمت بضيق - وهي لو عملت انا هسكتلها يا ماما بالله عليكي متجبيش سيرتها علشان بتقلبلي بطني انسانه لزجه 

- طب خلي بالك من نفسك ومن كريم ومتخربيش جوزاك ولا تتخانقي معاه بسبب واحده متستهلش اصلا كريم بيحبك وأنتِ عارفه ده كويس يبقى شغلي عقلك ومش كل حاجه تعلقي عليها ولا تدي ردة فعل سريعة تندمك بعدين فاهمه 

بصتلها بابتسامة وحضنتها - فاهمه يا زوزو ربنا يخليكي ليا يا حبيبتي يارب

- ويخليكي يا حبيبتي ويوفقك ويبعد عنك أي حاجة  تاذيكي يارب يا بنتي 

بوستها من خدها وانا فرحانه من دعواتها اوي ربنا يديمها في حياتي يارب 

خلصنا الاكل الباب خبط روحت فتحت اتكلمت بفرحة - نونا وحشتيني 

حضنتها حبيبتي وحشتني اوي 

- يا بكاشه ما انا لو كنت وحشتك كنتي سألتي بس لأ من ساعت ما اتجوزتي وأنتِ نسيانه خالص 

- لا والله ما قدر أنتِ عارفه 

- لا متعرفش 

دخل علينا ده معرفش جيه منين وايه اللي جابه 

بصتله بغيظ - ايه اللي جابك 

اتكلم باستفزاز - انا جاي لخالتي مش جايلك أنتِ 

- طب خالتك مش عايزاك امشي يلا من هنا 

- يلا متخلنيش اضيقك هتزعلي 

- لا والله هتعمل ايه يعني متقدرش 

وروحت طلعتلوا لساني 

رح قرب مني وعينه بطلع شرار انا خوفت الصراحه ولسه هجري ملحقتش رح مسك أيده وشدني لحضنه 

ابتسمت وبدلته الحضن طلعت من حضنه - وحشتني والله يا اسوري 

- بلاش اسوري دي كرزمتي هتقع 

بصيت على الأرض وانا بتصنع الغباء - هي فين دي مش لاقيها 

لطعني بالكف على قفايه وجري - اه منك لله يا أسر يابن ناهد قفايه ورم 

اللي مش فاهم يا جماعه ده أسر إبن خالتي واخويا في الرضاعة علشان كده حضنته عادي هو مش بس ابن خالتي هو اخويا بجد بس هو مجاش في فرحي جاله ظروف في شغله وقعد من ساعتها يصالحني كتير مع أن كان عادي معايا انا عارفه أن شغله صعب واكيد أضيقت بس هيعمل ايه يعني هو بيشتغل في المخابرات 

قعدنا ناكل ونهزر بجد وحشوني اوي و وحشتني لمتهم أكلنا وكريم اتصل بيا كان قرب يجي قالي اجهز علشان نروح ماما كانت عايزاه يطلع بس هو كان تعبان اوي من الشغل قلتلها مره تانيه روحت معاه وهو حبيبي كان تعبان اوي اول ما طلعت جهزت بسرعة العشاء علشان يلحق يأكل ودخلت علشان أقوله لقيته نام حبيبي تعبان قربت منه غطيته وملست على شعره  بحب روحت الناحية  التانية من السرير ونمت في حضنه 

صباح يوم جديد 

صحينا الصبح روحت جهزت القهوة بتاعته لقيته جاي بيحضني من ضهري - حبيبي معلش نمت وسبتك امبارح 

لفتله وانا بملس على خده - لا يا حبيبي متقولش كده انا عارفه أنك تعبان انت دلوقتي عامل ايه 

- كويس يا حبيبي 

لفيت تاني وانا بعمل القهوة وبجهزلي ساندوتش بسيط علشان اكله لقيته بيقولي - أمل 

- ايه يا حبيبي 

- عمي كان موجود معايا امبارح وقالي أنه كان عايزك تحضري معاه الإجتماع بتاع انهارده 

لفتله بانتباه - إجتماع ايه ده يا كريم 

- مش عارف والله يا حبيبي كل اللي اعرفه أنه في وفد ألماني جاي ومحتاجك 

- طب وأنت مش محتاجني 

- أنا محتاجك كل يوم يا حبيبي طبعا بس اكيد لازم استغنى عن خدماتك انهارده وإلا الرأس الكبيرة تزعلك وتزعلني 

ضحكت عليه شرب قهوته وجهزنا نزلنا قلتله اروح بالعربيه بتاعتي علشان متعبوش وكده بس هو رفض و وصلني بعدين راح على شركته طلعت عند بابا سلمت عليه وعرفت تفاصيل الإجتماع ده والاجتماع بدأ بس فجأة كريم دخل علينا وهو متعصب وجيه وقف قدامي و شدني و......... يتبع 

بقلمي حنان أحمد ماهر