لقيت قدامي أكبر صدمة زينة وزينب مدبو..حين بوحشيه!!

 وجثثهم مرمية جنب بعض .. والدنيا مقلوبه جنبهم كأنهم كانوا بيدافعوا عن نفسهم قبل إللي حصل بس شكل الشخص اللي قتـ..لهم ده وفرط في روحهم كان أقوى منهم؟! 

حاولت أطلع من الصدمة وأنا كل حته فيا من جسمي بتترعش وقلبي صوته عالي من الدق..

 جريت بره وأنا بصوت وبقول لهم :

-يا ناس إلحقوا "زينة" و"زينب" مقتـ..ولين جوه.. 

الناس كلها اتجمعت قدام البيت وأنا واقفه مكاني، جسمي متخشب بارد مش بقيت حاسه بنفسي..  ولا حاسه باللي حواليا كل تفكيري مع المنظر إللي شفته..

دول بنات في عز شبابهم  أعمارهم بتتراوح بين الــ17و19 سنة مين قتلهم مرة واحده وفي نفس اليوم إللي انقـ..تلت فيه أمهم، وليه عمل كده؟ وفين أبوهم وإخواتهم الصغار؟! 

مش عارفه بقينا قد إيه واقفين ..  لغاية ما وصل البوليس، وأهل "كريمة" اللي وصلهم الخبر والدنيا نقلبت عياط وقلق ..

البوليس خرج الناس كلها من المكان ودخلوا علشان يعاينوا المكان ويطلعوا الجثث بتاعة البنات..

بقينا كلنا بره مستنين إي حاجه نعرفها ..لغاية ما طلعوا الجثث من جوه..

 واخدتهم الاسعاف جنب أمهم، والظابط أمر  أنه نروح معاهم إحنا كمان علشان ياخدوا أقوالنا..

 وأمها المريضة وأخوها وأنا والبنات اللي كانوا معايا الصبح وقفنا كلنا في قسم البوليس. 

وشوية وطلبوا مني أدخل علشان يسألوني إزاي لقينا على المجني عليها وأقول كل تفاصيل 

شديت الكرسي وقعدت قدام الضابط وأنا بحاول اسيطر على دموعي ورغشة أيدي حتى سألني :

-أحكي ليا كل حاجة من أولها إزاي لقيتوا المجني عليها وهي تقرب ليك إيه؟

أخذت نفس بحاول اسيطر على دموعي وبدأت أحكي:

-كريمة صحبتي لينا سنين عايشين جنب بعض كل يوم الصبح نطلع نجيب الخشب مع بعض، بس في  الأيام كانت ماتروحش معانا لأنها بتبقى عند أمها العيانه .. 

وفضلت احكي له عن بنطلع الجبل ازاي لغاية ما نرجع..  لحد ما لقينا "كريمة" جنب الطريق وإزاي رجعت علشان اقول لجوزها وساعتها لقيت بناتها كمان مقـ..تولين. 

كملت ولما خلصت طلب مني أخرج بره .. خرجت وأنا مش شايفه قدامي من كتر العياط،  وساعتها كل البنات دخلوا  وراء بعض  علشان يقولوا أقوالهم كلهم ..

وبعدها دخل أخوها إللي كان في حالة صدمة مش مركز !

دموعه نازله تايه مش مصدق أن أمه التانيه واخته راحت خلاص مقتولة ومسحولة في الأرض..

 قعد قدام ظابط التحقيق وهو بيحاول ما يعيطش 

عيونه متنفخه من العياط  فسأله الظابط:

-أنت امتى آخر مره شفت اختك ؟هو ليها عدواة سابقه مع حد من الجيران او حد تاني؟.

أخد نفس وهو بيحاول  يتكلم من غير ما يعيط وقال:

-اختي رنيت عليها المسا طلبت منها تيجي تبات مع ماما لأن عندي شغل الصبح بدري ولازم حد يبقى مع ماما لأنها تعبت اليومين دول أكتر .. وكريمه ما رفضتش بالعكس وافقت والمسا حت بسرعه ومعاها ابنها الصغير.. وفضلت معانا بس بالليل لقيتها خارجه  سألتها رايحه فين .. قالت ليا جوزها رن عليها ولازم تروح له، وهترجع بسرعه وخرجت، ومن ساعتها ما رجعتش..

 أنا قلت يبقى لما رجعت بيتها  قالت هتفضل لغاية  صبح  وهترجع تاني الصبح لأمي بدري.. 

بس إللي حصل ان الصبح سمعنا إللي حصل لها،.. أختي ملهاش أعداء خالص؟

صوته اتخنق ودفن وشه بين ايديه، بيحاول يبقى ماسك نفسه قصاد الظابط .  بس ما قدرش  أعد يعيط شوية  لغاية  ما هدأ وسأله الظابط تاني:

-جوز أختك فين هو مختفي ومش له أثر من الصبح؟

رد أخوها بصوت حزين وهو بقول :

-هو يمكن طلع شغله بدري ولسه ماعندوش خبر  باللي حصل..

الظابط ضيق عيونه وهو بيفكر في حاجه واتكلم :

-طيب هو فين مكان شغل جوز اختك ده؟

-جوز اختي بيشتغل في السوق إللي بيتعمل كل أسبوع في شارع كذا........ 

هز المحقق رأسه أنه عارف المكان ، وشاور له يخرج ويدخل الباقي علشان يعرف أي حاجه أو نقطه توصلهم للقاتل إللي عمل الجريمة دي؟ 

وبعد التحقيق مع كل الناس والجيران ..

 الظابط قرر يروح مكان شغل زوج المجني عليها وبناتها علشان هو المشتبه الوحيد لأنه مختفي كل ده معقول لسه ما وصلوش الخبر .. ؟!

وكمان موت بناته كان تقريبا مع الفجر وده وقت طلوعه هو من البيت  على السوق اللي بيقولوا عليه؟ وكمان مفيش حد معاه مفاتيح البيت غيره!

 وده يعني القا.تل دخل بسهولة من غير كسر الباب أو محاولة 

شرطة طلعت على مكان شغل زوج المجني عليها سألوا عنه ولكن هناك قالوا  أنه مش موجود وكمان ماجاش انهاردة خالص !

ولسه الظابط بيلف في  المكان لقى حد من الضابط بيقول له:

-يا فندم إحنا  لقينا جثة زوج المجني  عليها  وأبو البنات قريب من هنا؟!

......يتبع......