محمد .. الكلام الي هقوله مفيهوش نقاش فاهمين 

شهد .. خير يا عمي قول احنا سمعينك

محمد .. بيبص علي سيف 

سيف .. قول يا بابا 

محمد ..  الجمعه الجايه هيكون كتب كتابك علي شهد 

سيف .. انت بتقول ايه يا بابا 

محمد .. مش عايز اسمع ولا كلمه والخميس الي بعده هيكون الفرح 

شهد .. لكن يا عمي 

محمد .. بيقاطعها قولت مش عايز اسمع ولا كلمه وقام من علي الاكل اقعده سوا واتفقو علي كل حاجه 

شهد .. حاضر يا عمي بس اقعد كمل اكلك 

محمد .. الحمد لله انا شبعت وانا عايز افرح بيكم قبل ما اموت 

سيف .. بعد الشر عليك يا بابا 

محمد .. عمر الموت ما كان شر لو عايزيني ارتاح نفذو الي انا قولته وبيطلع علي اوضته 

سيف وشهد بيبصه لبعض وهما مش عارفين يقولوا ايه والصمت ساد المكان لحد سيف ما كسر الصمت 

سيف .. هنعمل ايه يا شهد 

شهد .. مش عارفه يا سيف انا مش هقدر ازعل عمي وفي نفس الوقت مستحيل اتجوزك 

سيف .. عارف انك بتعتبريني اخوكي ومعاكي حق احنا اتربينا سوا بس هنعمل ايه ليلي لو عرفت ممكن يحصلها حاجه 

شهد .. انت لسا بتجيب سيرتها قدامي 

سيف .. حقك عليا وانا والله عرفتها غلطها 

شهد .. برحتك خليها تنفعك 

سيف .. يعني انتي سبتي الموضوع الاساسي و مسكتى في الموضوع ده خلينا نفكر هنعمل ايه 

شهد .. نقول له لا بصراحه بس انت اللي تقول 

سيف .. انتي عارف الدكتور قال مش لازم نزعله وانا خايف يحصله حاجه 

شهد .. معاك حق طب العمل ايه 

سيف .. لازم يكون فيه حل 

شهد .. فكر وانا معاك 

سيف .. كلها يومين و هنلاقي نفسنا قدام المأذون 

شهد .. خلاص لازم تلاقي حل بسرعه 

سيف .. تعالي نطلع لبابا ونحاول نتكلم معاه بس هناجل كتب الكتاب لحد ما تخلصي السنه دي ومن هنا   لوقتها نكون لقينا حل 

شهد .. ماشي بس بالراحه 

سيف .. ماشي يلا بينا 

وبيطلعوا فوق عشان يتكلمه مع محمد و بيوصله لحد الاوضه وقبل ما سيف يخبط سمع ابوه بيكلم الدكتور واتسمر مكانه لما سمع كلام ابوه 

محمد .. كان بيتكلم في التليفون وفاتح الميكروفون .زي ما قولتلك يا دكتور مش عايز سيف وشهد يعرفه حاجه عن حالتي 

الدكتور .. بس يا عم محمد انت لازم تعمل العمليه 

محمد .. احتمال اني اطلع من العمليه ٢٠ % ولازم قبل ما اعملها اطمن علي سيف وشهد 

الدكتور .. بس التاخير مش في صالحنا يا حاج 

محمد .. الي ربنا كاتبه هو الي هيكون يا دكتور بس زي ما قولتلك مش عايز سيف ولا شهد يعرفوا حاجه 

الدكتور .. حاضر يا حاج بس لازم نعمل العمليه في خلال الاسبوعين دول بالكتير 

محمد .. ان شاء الله يا دكتور سلام وبيقفل السكه

شهد .. الدموع بتنزل منها وبتميد ايدها عشان تفتح الباب 

سيف .. يمسك ايديها و يقولها بصوت واطي لا و يشدها بالراحه وبينزله تحت 

شهد .. انا مش مصدقه اللي سمعته ازاي احنا ما نعرفش ان عمي تعبان وانه لازم يعمل عمليه وانها خطيره اووي 

سيف .. بيحاول يحبس دموعه وبيبص  لشهد احنا لازم نتجوز بسرعه عشان كده الحل الوحيد عشان نقدر نعرض بابا علي اكبر الدكاتره وان شاء الله ربنا يشفيه 

شهد .. وانا موافقه يا سيف عشان عمي انا هعمل ايه حاجه بس ليا طلب عندك 

سيف .. قولي يا شهد 

شهد .. انتي بنسبالي زي اخويا وهنفضل كده حتي بعد الجواز 

سيف .. وانا كنت هقول كده 

شهد .. تمام يبقا متفقين 

سيف ..  يلا نطلع عشان نفرحه 

شهد .. بتمسح دموعها يلا بينا وبيطلعه وبيخبطه علي الباب 

محمد .. ادخل 

سيف .. خلاص احنا اتفقنا علي كل حاجه يا بابا وكمان ياريت الجواز يكون بسرعه 

محمد .. سبحان مغير الأحوال خلاص يبقا جاهزه نفسكم كتب الكتاب الجمعه والخمس الي بعده الفرح زي ما قولت 

شهد .. ماشي يا عمي المهم انك تكون راضي عننا 

محمد .. اكيد يا بنتي سيف سيبنا لوحدنا 

سيف .. حاضر يا بابا وبيطلع وبيقفل الباب وراه

محمد .. انتي كنتي بتبكي يا شهد 

شهد .. لا يا عمي 

محمد .. عليا انا يا بت ده انا اللي مربيكي انا عارف انك مش موافقه علي الجواز من سيف بس انا بعمل كله عشانك انتي وعارف انك هتقدري تكسبي قلب سيف 

شهد .. ما تقلقش عليا يا عمي انا هعمل كل الي انت عايزه وبتترمي في حضن عمها وهي بتكتم دموعها 

محمد .. طبطب عليها ربنا يحفظك يا بنتي و يتمم لك علي خير ويكرمك بالذريه الصالحه 

شهد .. اللهم امين يارب العالمين بعد اذنك يا عمي هروح انام 

محمد .. ماشي يا بنتي 

شهد .. بتطلع بتلاقي سيف مستنيها 

سيف .. خير يا شهد كان عايزك في ايه 

شهد .. كان بيوصيني عليك 

سيف .. بيبص لفوق وبيقول يا رب احفظ ابويا واشفيه يارب العالمين 

شهد .. ان شاء الله ربنا يشفيه ويحفظه ليا 

سيف .. يلا ادخلي نامي عشان بكره نروح نخلص الاوراق عشان كتب الكتاب 

شهد .. ماشي يا سيف تصبح علي خير 

سيف .. وانتي من اهله ويدخل اوضته وتنزل دموعه يارب ارجوك واتوسل إليك احفظ ابويا وشفيه انا من غيره ما ليش قيمه هو كل حاجه بنسبالي 

شهد .. بتدخل اوضتها وبتنام علي السرير وهي بتبكي 

محمد .. الف حمد وشكر ليك يارب اللهم اسعدهم ورزقهم بالذريه الصالحه 

الليله دي بتكون طويله اووي علي سيف وشهد وكل واحد منهم يفضل صاحي للصبح واول ما ياذن الفجر يقوم محمد وسيف يصلوا في المسجد وشهد بتصلي في اوضتها وبتفضل تدعي ربنا انه يشفي عمها واول ما الشمس ما بتطلع بينزله بيلاقو زينب مجهزه الفطار وبيقعده علي الفطار وبيفطره سوا 

محمد .. ايه هتعملوا ايه النهارده 

سيف .. هاخد شهد ونروح نخلص الشهاده الصحيه عشان كتب الكتاب و نتصور وكده

محمد .. اتصوره واحجز الكوافير والفستان وما فيش داعي للشهاده الصحيه 

سيف .. ازاي دي لازم عشان كتب الكتاب 

محمد .. انت ناسي ان بنت عمك ابوها متوفي يعني عشان نكتب رسمي لازم يكون عندها ٢١ سنه 

سيف .. ايوه فعلآ طب هنعمل ايه 

محمد .. المحامي هيخلص الورق انت ما تقلقش واول ما شهد توصل ٢١ سنه ابقي اكتب كتابك عليها رسمي 

سيف .. ماشي يا بابا زي ما تحب بعد اذنك ووقف وقرب منه وباس ايده 

شهد .. كمان باسة ايد عمها و طلعوا وركبه العربيه سوا وتحركه 

سيف .. تحبي نروح فين الاول 

شهد .. اي حاجه مش فارقه 

سيف .. معلش يا شهد انا عارف انك مش موافقه علي اي حاجه من الي بتحصل بس عشان بابا 

شهد .. زي ما هو ابوك هو كمان عمي وفي مقام ابويا تليفونك بيرن شوف مين 

سيف .. بيطلع تليفونه ويلاقي ليلي بيرد الو 

ليلي .. ايه فينك اتاخرت 

سيف .. معلش نسيت اقولك اني مش رايح الجامعه النهارده 

ليلي .. ليه خير فيه ايه 

سيف .. لما نتقابل علي اخر النهار هقولك 

ليلي .. خلاص ماشي هستناك 

سيف .. ماشي سلام وبيقفل السكه وبيبص علي شهد وبيلاقي علامات الغضب علي وشها خلاص يا شهد بطلي عصبيه 

شهد .. هو انا اتكلمت 

سيف .. انا بعرفك من نظرت عنيكي وليلي غلطت ولو حابه تعتذر لك اجيبها لحد عندك

شهد .. ولا تجيبها ولا تجيبك انا مش عايزه اشوفها اصلا 

سيف .. مالك كده انتي قلبك ابيض وانا متاكد انك هتحبي ليلي هي طيبه ومع الوقت هتحبيها 

شهد .. ممكن نقفل علي الموضوع ده احسن 

سيف .. حاضر هسكت خالص 

بيخلصوا كل حاجه وسيف يوصل شهد الفيلا و يطمن علي ابوه و بيرن علي ليلي عشان يتقابله و بيروح يأخذها وبيطلعه علي كافيه 

ليلي .. خير يا سيف طمني فيه ايه 

سيف .. انا هتجوز شهد 

ليلي .. اتصدمت انت بتقول ايه