سيف .. بيقرب من شهد مالك يا شهد مرتبكه ليه 

شهد .. وهي بتحاول تخبي ارتباكها مفيش حاجه 

سيف .. احنا اخوات و هنفضل كده ما تقلقيش يلا قومي غيري لبسك ونامي 

شهد .. انام فين انا عايزه انام في اوضتي 

سيف .. بطلي هبل انتي عايزه عمك يقتلنا 

شهد .. بصت له امال ازاي هنام معاك في نفس الاوضه 

سيف .. انتي نامي علي السرير وانا هنام علي الكنبه دي وبكده المشكله اتحلت 

شهد .. والله انا مش هقدر أنام  انا وانت في الاوضه 

سيف .. لازم تتعودي انا جوزك يا بت وابتسم 

شهد .. بتقول ايه يا سيف باشا 

سيف .. قصدي جوزك قدام الناس يعني 

شهد .. افتكرت احنا هنعمل ستاره بينا 

سيف .. امري لله حاضر وقام شد ستاره بينهم ارتحتي كده 

شهد .. ايوه اوعي تتخطه الستاره دي فاهم 

سيف .. ايوه يلا بقا انا هموت من الجوع غيري عشان ناكل 

شهد .. وانا كمان ما اكلتش من الصبح 

سيف .. طب يلا انا مستنيكي 

شهد .. حاضر وبتدخل الحمام وبتغير وبتلبس بجامه وبتطلع 

سيف .. بيكون حط الاكل وبيقعده ياكله سوا وهما بيبصه لبعض كانهم بيسرقوا النظرات وبعد كده بينزل الاكل وبينام علي الكنبه 

شهد .. بتنام علي السرير وبتفضل تتقلب ومش عارفه تنام وبترفع الستاره عشان تشوف سيف نام ولا لسا بتلاقيه نام وبتفضل تبصله وهو نايم وبتبتسم من غير ما تحس وهي بتبصله وسرحانه بتسمع صوت تليفون سيف بتقوم وبتمسك التليفون وبتلاقي ليلي بترن بترد عليها هو في وحده محترمه وعندها دم ترن علي عريس ليلة دخلته 

ليلي .. فين سيف عايزه اكلمه يا عروسه 

شهد .. مش فاضي دلوقت و قفلت السكه في وشها و بتحط التليفون مكانه وبترجع علي سريرها وبتنام 

ليلي .. طيب انا هوريكي هعمل ايه فيكي وانت يا سيف يلي بتقولي اخوات 

داليا .. اهدي كده يا لولو ما هو عرف يثبتك

ليلي .. قصدك ايه 

داليا .. يعني معقول سيف هيكون معاه بنت زي شهد ومراته و يقولك اخوات 

ليلي .. اطلعي من دماغي انا مش نقصاكى دلوقت 

داليا .. انا بس بوعيكي وهتقولى داليا قالتها احسبي تسع شهور من دلوقتى وهتلاقي اول مولود  لسيف شرف وانتي قاعده هنا جنبي 

ليلي .. والعمل ايه 

داليا .. لازم تخلي سيف يكرها وما يبقاش قادر يبص في وشها 

ليلي .. ياريت بس ازاي 

داليا .. هتدفعي 

ليلي .. مش هتبطلي اسلوبك ده 

داليا .. هتدفعي ولا اسكت 

ليلي .. ماشي بس قوليلي هخليه يكرها ازاي  

داليا .. الراجل بيكره الست الخاينه فهماني 

ليلي .. صح بس دي هنعملها ازي 

داليا .. هنشوف عيل فرفور قريب من سنها ونديها مخدر ونصورها في الاوضاع ايها وكده يبقا خلاص سيف مش هيفكر فيها ومش هيبقا علي الحجر غيرك 

ليلي .. يخربيت ام تفكيرك انتي شيطانه 

داليا .. تلميذتك 

ليلي ..  مفيش عيل قدامك يخلص الحكايه دي 

داليا .. عيب عليكي موجود بس حراق شويه 

ليلي .. المهم النتيجه 

داليا .. هتدعيلي 

محمد .. بيخبط علي الباب صباحيه مباركه يا عرسان 

سيف .. يقوم وبيجري يشيل الستاره وبيصحي شهد 

شهد .. انت بتعمل ايه 

سيف .. مش وقته عمك بره 

شهد .. عمي وقامت بسرعه و لمت هدومها وحطتها في الدولاب 

سيف .. الله يبارك فيك يا بابا وبيروح ناحيت الباب وبيفتح 

محمد .. الف مبروك يا ولاد 

سيف .. الله يبارك فيك ويحفظك يا بابا 

محمد .. هخلي زينب تطلعلكم الفطار 

شهد .. لا يا عمي احنا هننزل ناكل معاك 

محمد .. لكن 

شهد .. بتقاطعه يا عمي الاكل من غيرك ما لوش طعم 

محمد .. ماشي يا بنتي انا هنزل وستناكم تحت 

سيف .. واحنا وراك يا حاج 

شهد .. طالعه 

سيف .. مسك ايدها 

شهد .. من اولها بتمسك ايدي بلاش شغل الافلام القديمه ده 

سيف .. افلام ايه يا هند رستم كنت عايزك 

شهد .. خير قول انا سامعه 

سيف .. طب حتي افردي وشك 

شهد .. اهو بتبتسم كويس كده 

سيف .. ما علينا المهم حاول تتكلمي مع عمك عشان نشوف الدكتور ونحدد العمليه 

شهد .. حاضر عندي فضول ازاي ليلي وافقت انك تتجوزني 

سيف .. عادي هي عارفه اني بحبها 

شهد .. انت قولتلها اننا هنكون زي الاخوات 

سيف .. ارتبك اه لا طبعآ ازي اقولها كده 

شهد .. جدع عشان لو ده حصل هيكون اخر ما بينا اصلي بالليل لقيتها بترن في وحده عاقله ترن علي واحد ليلة دخلته 

سيف .. مسك التليفون وبص ايه ده انتي رديتي عليها 

شهد .. اه مش جوزي لازم اوقفها عند حدها 

سيف .. جوزك لا والله من امتي 

شهد .. قصدي قدام الناس يعني 

سيف .. ماشي بس انتي عارفه اللي بيني وبين ليلي فمعلش بلاش تردي عليها تاني 

شهد .. بصتله من فوق لتحت وطلعت ونزلت تحت وهو وراها بيضرب كف علي كف 

محمد .. مبروك يا اجمل عرسان 

شهد .. الله يبارك فيك يا عمي 

وبيقعده يفطره سوا وبتدخل زينت وبتزغرط وسيف وشهد بيضحكه وبيحاولوا يحسسو محمد انهم مبسوطين وفي قمة السعاده وبعد الفطار زينب بتجيب العصير وبيقعده سوا 

شهد .. عمي التعب واضح عليك انا هكلم الدكتور عشان يجي يشوفك 

محمد .. لا يا بنتي الحمد لله انا كويس 

شهد .. لا انا مش حاسه كده سيف رن علي الدكتور 

سيف .. حاضر وبيرن علي الدكتور 

الدكتور احمد بيجي وسيف بيستقبله 

سيف .. اتفضل يا دكتور 

د احمد .. شكرا يا سيف بيه ماله الحاج 

سيف .. انا الي عايز اعرف منك ماله بالظبط 

د احمد .. مش فاهم 

سيف .. انا عارف كل حاجه ازاي يا دكتور احمد وانت دكتور العيله تخبي عليا حقيقة مرض ابويا 

د احمد .. دي كانت رغبت الحاج 

سيف .. ما علينا المهم عايز اعرف الوضع بالظبط 

د احمد .. الحاله متاخره والعمليه خطيره ونسبة نجاحها قليله اووي 

سيف .. انا مستعد اسفره بره مصر اكيد فيه امل 

د احمد .. الامل في الله سبحانه وتعالي وانا من فتره بحاول اقنعه بالعملية لكنه رفض اما دلوقت  الحاله ادهورة اكتر 

سيف .. يعني رايك ايه 

د احمد .. افحصه الاول وقولك 

سيف .. اتفضل معايا وبيطلعه علي اوضة محمد وبيخبطه علي الباب 

شهد .. اتفضله  

بيدخل الدكتور وبيكشف علي محمد وبيطلع بره وبتكون شهد وسيف معاه 

د احمد .. العمليه لازم منها 

سيف .. بس انت بتقول خطيره ونسبت نجاحها قليله 

د احمد .. زي ما قولتلك الامل في الله  وربنا هو الشافي 

سيف .. حضرتك اللي هتعمل العمليه 

د احمد .. لا في دكتور كبير نازل مصر خلال الشهر ده انا هكلمه ورتب معاه 

سيف .. ماشي يا دكتور وبيوصل الدكتور وبيرجع بيلاقي شهد بتبكي 

شهد .. انا خايفه اووي علي عمي يا سيف 

سيف .. ان شاء الله العمليه هتنجح ويرجع احسن من الاول يا شهد بس انتي خليكي قويه 

شهد .. حاضر يا سيف 

وبتعدي الايام وبترجع شهد تروح المدرسه وفي الوقت ده بتكون ليلي وداليا اتفقو مع الواد الي هيعملهم الي عايزينه والواد بدأ يراقب شهد ويعرف كل حاجه عنها ولاحظ انها بتشرب عصير من كافيتريا وفي الكافتيريا كانوا محتاجين حد يشتغل وعشان يعرف يحط المخدر اشتغل هناك 

شهد .. هتيجي النهارده نزاكر سوا 

منه .. اكيد انتي بسم الله ما شاء الله بقيتي بريمو 

شهد .. كله بفضل ربنا عز وجل ثم تعبك معايا 

منه ..  مفيش تعب احنا اخوات وكمان مرجعتي معاكي نفعتني 

شهد .. تشربي ايه 

منه .. عصير فراوله 

شهد .. لو سمحت اتنين عصير فراوله 

صاصا .. حاضر وبياخد العصير ويحط المخدر و يقدمه  لمنه وشهد 

شهد ومنه يمسكو العصير عشان يشربوه