رواية كل ده كان ليه تميم وهند الفصل التاسع 9 بقلم هند ايهاب
رواية كل ده كان ليه تميم وهند الفصل التاسع 9 هى رواية من كتابة هند ايهاب رواية كل ده كان ليه تميم وهند الفصل التاسع 9 صدر لاول مرة على موقع التواصل الاجتماعى فيسبوك رواية كل ده كان ليه تميم وهند الفصل التاسع 9 حقق تفاعل كبير على الفيسبوك لذلك سنعرض لكم رواية كل ده كان ليه تميم وهند الفصل التاسع 9
رواية كل ده كان ليه تميم وهند الفصل التاسع 9
وصلني للعُماره، اتكلمت من غير ما عينيّ تيجي عليه وقُلت:
- شُكراً
طلعت على طول، طلعت وأنا حاسه بحاجه في قلبي، حاجه محسيتش بيها من زمان، يمكن من أيام ما كُنت بحبه.
حاولت أتجاهل مشاعري، دخلت البيت وبعدين التويليت.
فتحت الحنفيه على البانيو، وبعدين دخلت المطبخ.
أنا من عُشاق المكرونات، فى قررت أعمل مكرونه بالصلصه والفراخ البانيه.
رفعت شعري، فتحت الساوند على عبدالوهاب لأُغنية كل ده كان ليه.
"قالي كام كلمه يشبهوا النسمه في ليالي الصيف
فاتني وفي قلبي شوق بيلعب بي وفي خيالي طيف"
خلصت الأكل وبعدين دخلت خدت دُش دافي، طلعت غرفت الأكل ودخلت الأوضه.
فتحت التليفون وفضلت أتفرج على ريلز، لحد ما خلصت الأكل.
دخلت المطبخ وعملت كوباية نيسكافيه، خدت الهيدفون ودخلت البلكونه.
"اللى حيرني واللي غيرني واللي فاتني ف حال
نام وسهرني والا فاكرني والا مش عالبال"
ميلت دماغي شمال ويمين وأنا مُندمجه مع الأُغنيه وقُلت:
- صبحني في هم وويل من طول ما بفكر فيه، نساني أنام الليل خلاني ابات أناجيه
طلع من البلكونه اللي جمبي بأبتسامه، سند خده على دراعه وبص لي.
بصيت له بطرف عيني وخدت بُق من النيسكافيه وأنا بدندن مع عبدالوهاب.
- وحشتيني يا هند
بالرغم من أني حاطه الهيدفون بس سمعته، حسيت بحركه في قلبي.
عملت نفسي مسمعتش، نزلت السماعه من على راسي، بصيت له وقُلت:
- أنتَ قُلت حاجه!!
هز راسه وقال:
- كُنت بقول والله زمان
ابتسمت وبصيت للسما وقُلت:
- كأن مفيش حاجه أتغيرت، سنتين عدوا بس كأنهُم ثواني، يمكن الحاجه اللي أتغيرت هي أنا
- بس أنا شايف أنك متغيرتيش، يمكن اللي حصل معاكي صعب، بس أنتِ لسه زي ما أنتِ، لسه قادره تكوني أطيب قلب وأحن واحده في الدُنيا دي كُلها
بصيت له وأنا ساكته ورجعت بصيت للسما، وقال:
- متحكي لي يا هند، فضفضي لي زي زمان
- زي زمان
هزيت راسي وابتسمت ابتسامه زعل وقُلت:
- تصبح على خير يا تميم
دخلت من البلكونه ورفعت الهيدفون على راسي على أُغنيه لأُم كلثوم.
"وعايزنا نرجع زي زمان، قول للزمان أرجع يا زمان"