مني : مها في ايه من يوم ماعرفتي ان زين اتجوز وانتي مابتطلعيش من الاوضه

مها : انا خلاص حلمي اتحطم حب عمري راح في غمضة عين عاوزاني اعيش ازاي

مها : انا مش عارفه اعيش ياماما مكنتش بعمل حاجه من غير زين ده الحب اللي كان بيحبهولي

مها : ده اكيد مش زين اللي حبيته وحبني ازاي يتخلي عني كده

مني : يابنتي كل شئ قسمه ونصيب

مها : لا ياماما ولا دي قسمتي ولا ده نصيبي

مني : ايه اللي بتقولي ده يامها ميرضيش ربنا

مها : وانا ياماما اعيش ازاي دبلته دي ادفنها وادفن نفسي معاها

مني : يابنتي متعمليش كده في نفسك اكيد هتلاقي اللي احسن منه ويسعدك وميكسرش قلبك

مها : مفيش احسن من زين

مني : ب زعيق خلاص يامها مابقاش ليكي ولوعرفت يامها انك لسه بتفكري فيه تاني هجوزك ل اول عريس افتكري ربنا افتكري تربيتك

مها : بدموع حاضر ياماما

في المستشفي

حازم : ايوه ياعمي

احمد : خير ياحازم مال صوتك

حازم : بيحاول يمسك دموعه زين في المستشفي

احمد : زين ازاي ومفيش حد قالي ليه

حازم : زين كان مخبي وماحبش يقلق حد

احمد : اقفل انا جاي ياحازم

زين : نور امانه في رقبتي ياحسن متخفش عليها

نور ب بكاء: زين انت شايف حسن

جلست نور ب جانب زين

ممكن اتكلم معاك يمكن معرفش اكلمك لما تصحا ان شاءالله

تعرف يا زين انا خايفه اوي من الدنيا دي عارف ليه وانا صغيره كنت دلوعت بابا شوفت ايام عمري ماشوفتها وانا معاه احلي ٨ سنين كانوا معاه وبعد كده بابا مات كسرني اوي يازين الكل كانوا بيقولوا دي صغيره مش فاهمه حاجه بس لا كنت فاهمه كل حاجه حتي لو مش فاهمه ف انا حاسه ب قلبي اللي وجعني بعد كده ماما وحسن حولوا ب كل ماعندهم انهم يعوضوني ولو حتي شويه مرت الايام وكنا كويسين لحد لما ماما وقعت مننا ولما روحنا بيها المستشفي قالوا ماتت ودي بقا اللي مصلبتش طولي بعدها ههههههه وياريت ع كده وخلاص لا اعمامي يطردونا من بيتنا ومن ارضنا ولما قولنا نعمل اي حاجه وتسبونا في حالنا قالوا تمضوا ع كل حاجه علشان كده هربنا انا وحسن بس الحلو مبيكملش تصدق بقيت حاسه ان الدنيا قصداني مات حسن ومات اخر ضحكه ، معاه روحي ماتت يازين ….. زين يمكن تكون العوض اللي بيقولوا عليه معرفش ليه لما ببص في عيونك بنسا كل حاجه

صوت الاجهزه اشتغل ونور اتخضت وجريت تشوف دكتور

دكتور دكتور الحق زين

دخل حازم ويحيي وهنا وامال عند نور

نور: بدموع اناكنت بتكلم معاه عادي والله فجأه الصوت ده ضرب

امال : اخدتها في حضنها اهدي يابنتي

الدكتور : لو سمحتوا مش عاوز حد هنا

قام الدكتور ب عمل اللازم