كانت بتجري بسرعه وهى بتتكلم ف التلفون

-انا دخلت الجامعه اهو وراحه المحاضره يارب ميكنش الدكتور دخل

نورا -ياسمين بسرعه هو دخل خلاص

جريت بسرعه دخلت الجامعه بتخبط فىىالطلاب تقول

-ا..اسفه

-مش شايفه ولا اى

مرديتش ياسمين وهى بتكمل جرى وصلت المدرج وتفتح الباب وبتقف لما تشوف الدكتور قدامها

بتنهج بتعب وهى بتاخد نفسها قالت- ا..اسفه على التأخير يا دكتور ممكن ادخل

قال الدكتور- ادخلى يا دكتوره وبلاش تأخير تانى

فرحت واومات له فورا ودخلت قعدت جمبت صحبتها نورا الى شاورتلها

نورا قالت- معاكى كشكول

حطت ياسمين ايدهاىعلى راسها قالت- نسيت خالص ملحقتش آخد حتى شنطتى

قالت نورا- عارفه نسيانك ده، امسكى جبت كشكوك احتياطي

اديته لياسمين الى ابتسمتلها بامتنان

بصتلها نورا من عينها قالت-مابصيش كده ده مصلحه ليا عشان مبهمش المحاضرات وبذاكر من الى بتكتبيه وراهم مفيش حد مجتهد هنا قدك وانا بستغلك

قالت ياسمين بابتسامه -مفهوم، هحاول اكتب كل كلمه ع قد مقدر

 سمعو صوت الدكتور بصو عشان يركزو

فى اخر اليوم قدام باب الجامعه قالت نورا- ده تانى اسبوع لينا ف الكليه وانتى مش منتظمه خالص يا ياسمين معأنك شاطره جدا

قالت ياسمين- غصب عنى يا نورا صدقيني

قالت نورا- انتى لسا بتدور على شغل

قالت يامسين- اه بس للاسف مفيش

قالت نورا- هتعرف تذاكري، احنا ف كلية السن ولازم الحضور دلوقتى وحساكى كتلخبطه أمال لما تشتغل

سكتت ياسمين تنهدت نورا قالت- انا قلقانه عليكى حساها بدايه مش مبشره وانتى تعبتى عشان توصل للكليه دى

قالت ياسمين- متقلقيش سبيها ع ربنا

اومات بتفهم جه صوت من بعيد لشله- نورا يلا

قالت نورا- جايه.... تيجى تعقدى معانا ف الكافيه

قالت ياسمين- لا متأخره لازم امشي مره تانيه

قالت نورا- كل مره تقولى كده ومش بنخرج ولا نروح ف حته

تنهدت نورا قالت- اوكاي خلى بالك من نفسك

سلمت عليها ومشيت نورا مع صحابها دخلو الكافيه، نظرت لهم ياسمين فهى تتمنى تعقد معاهم وتشارك الشله وحياتها الجامعيه زى اى حد

بتمشي ياسمين لحد عربية النقل العام بتشوف لوحة على مطعم "مطلوب للعمل"

فى المطعم كانت ياسمين قاعده مع راجل قالها- شكلك صغير يا ياسمين عمرك قد اى

قالت يامسين- انا ١٩ وهتم ال٢٠ بس انا بعرف اشتغل

الراجل -اشتغلتى قبل كده

-لا بس بتعلم بسرعه

- بتتعلمى طيب

سكتت ياسمين لان اى حد بيسمع اسم كليتها بيعرف انه هيغط اقل شغل منها لأنها طالبه ف كليه كلها ضغط ومش هياخد كفائه الشغل

قالت ياسمين- انا بدرس بس هعرف اوفق بين الشغل ودراستى

-شكلك ذكيه يا ياسمين انا فعلا ف ضغط شغل ومحتاج حد بسرعه... اقدر تبدأى النهارده او بكره

قالت ياسمين- تمم النهارده عادى يا استاذ...

قال الراجل- امين

قالت ياسمين - تمام يا أستاذ امين ابدأ منين

قال امين- رانيا هتعلمك

بصيت ياسمين جت بنت شكلها أكبر منها قالها امين- وقفيها معاكى ف المطبخ ياسمين هتبقى معانا ف التيم

قالت رانيا- خلاص تمام يلا يا ياسمين

قامت يامسين معاها وراحت المطبخ بعد ما غيرت لبسها للبس الشغل فتحت تلفونها وبعتت رساله لعيلتها "بابا أنا لقيت شغل فهتأخر النهارده شويه كل ومتسنننيش"

فى اجتماع متجهز كانت قاعه فخمه فيها مايكات وصحافه كل واحد قاعد على كرسيه وبيتناقشو بصوت خافت

-شركة حققت أرباح كبيره وهيتم افتتاح فرع ليها ف سويسرا

-ازاى حد ف سنه يعمل كل ده العيلة الهوارى بتنجح اكتر واكتر، فعلا شخصيه ناجحه نفتخر بيها

- نماذج قليله ف بلدنا بس تستحق التقدير

وصمت الجميع فجأه لما الباب اتفتح ودخل رجل فى التلاتين من عمره، العين كلها بصتله رجل وسيم جذاب مفتول العضلات لابس بدلته السودا الراقيه

الجمعه كان مندهش لرؤيته -ده نفسه.. سليم الهوارى

وقف على المنصه وكأن ف رجل واقف جمبه سلم عليها بافتخار قال

-سعيد جدا بشوفت شخصيه مهمه زيك يا أستاذ سليم

قال سليم بكل هدوء- شكرا

التفت الى الجميع قال- شكرا لوجودكم هنا واهتمامك بالحدث الكبير ده

قال صحفى- تحب تقول اى يا سليم بيه لاعداءك

صمت سليم قليلا وحضوره طاغى على الكل قال

- حاولو توصلو للقمه يكفيكم ع الاقل شرف المحاوله

إنه قوى الكل بيهابه تى الى اكبر منه فى السن مبيقدروش يوجهوه، صفقوا له يعلمون إنه متواضع ولكنه أيضا لا يستخف بنفسه، إنه شخصيه راقيه ومهمه فى سوق العمل للجميع

فى شركه فى مكتب كان رجل قاعد بيبص لفيديو العرض وسليم فيه ومبتسم

رن تليفون ابتسم لما كان سليم قال- خلصت بسرعه

قال سليم- انت فين يا معتز

قال معتز- فى الشركة قاعد بشوفك ع التلفزيون

قال سليم- سيب الشركه وتعالى ف عقود لازم نخلصها

قال معتز- عقود... حتى وانت بره دماغك مفهاش غير الشغل وبس

قال سليم- معتتتز

قام معتز قال- جايلك خلاص خمسه واكون عندك

قفل معاه وخد جاكته ومشي قابل امرأه فى وجهه نظرت اليه قالت

-رايح فين

قال معتز- مستر سليم لسا مكلمنى عندنا شغل بره...اهتمى انتى بشركه يا داليا عقبال ما نرجع

قالت داليا- سلملى على مستر سليم قوله ان البلد بتتكلم ع خطوة ارتقائنا

أومأ معتز قال- سليم أكتر واحد عارف نجحاته مش قليله زى منتى عارفه

مشي وهى بتبصله

كان سليم بيمضى على ورقه تشبه العقود الماليه وف شخص اجنبى أمامه سلم عليه بهدوء

قال الاجنبى- نتوقع الأفضل

اومات له سليم بهدوء وفضل هو ومعتز الى باقى معاه اما حراسه كانو واقفين بعيد منعا لازعاجه

قال معتز- كان نفسي تتصل بيا عشان نحتفل مش للشغل

قال سليم- احل الاحتفال لبعدين

قال معتز- يبقا مش هنحتفل ونريح دماغنا من أمور الشركة دى خالص

بص سليم لمعتز الى اتنهد واتعدل فى قعدته قال- خلاص انت ادرى

قام سليم قال معتز- رايح فين مش هتيجي معايا البار

قال سليم - اليوم كان طويل محتاج اروح انام...نتقابل بكره

مشي سليم وفضل معتز قاعد، معتز وسيم وجذاب مسح رقبته بتنهد وظهر ذلك الوشم الخفى الى عليها

ياسمين بتعقد على الترابيزه بعد اما المطعم فضى وخلصت شغل كانت مرهقه قليلا وملابسها اتوسخت

كانت رانيا بدلت هدومها قالت- اول يوم بيبقى تعب بس لازم تتعودي ده طبيعة شغلنا

قالت ياسمين- عادى مش مشكله بس افهم من كده انى هكمل

قالت رانيا- ايوه أستاذ امين شاف شغلك وعجبتيه

قالت يامسين باستغراب- شافه فين مش هو مشي من الصبح

شاورت رانيا على الكاميرات قالت- دى شغاله عشان تراقبنا احنا بردو.... يلا عشان تلحقي تروحى

اومات لها وقلعت التيشيرت ومشيت

وصلت ياسمين على بيتها البسيط دخلت بسرعه قالت

-بابا أنا جيت

مشيت وبتشوف راجل قاعد على كرسي متحرك قال- ياسمين

قالت ياسمين- لسا منمتش ياحبيبى

قال رائف- مستنيكى اما ترجعى

قعدت على رجليها قدامه بابتسامه ومسكت إيده باستها قالت

-اتأخرت عليك

شاف رائف إيد ياسمين حمرا حاولت ياسمين تدارى قالت

-مسكت الحله وهى سخنه بس

قال رائف- اى لزمته بس شغل انا مقصر معاكى المعاش بكفينا

قالت ياسمين - عمرك ماقصرت معايا ياحبيبى بس انا عايز اشتغل عقبال متوظف من شهادتى انشاءالله

قال رائف- التعب مبيلقش عليكى انتى شبه الاميره.....

بص لرجله بضعف وقال- عجزى مقصر ل. كنت قادر اقف كنت نزلت شغل بس المرض بدأها من رجلى منه لله السكر

قالت ياسمين- بابا قولتلك ميت مره الكلام ده بيضايقنى.. حبيبى انت ابويا لولاك مكنتش هنا النهارده

ربت رائف على شعرها ابتسمت ياسمين بحب وقالت

-خدت دواك بقا

قال رائف- لسا لما اكل معاكى

قالت ياسمين- انت مسمعتش الكلام وكلت يبابا

سكت رائف تنهدت ياسمين قالت- خمس دقايق واعمل اكل وناكل سوا

قامت وسابته غيرت هدومها وقفت على صوره فى البرواز

الصوره كانت لثلاث اشخاص رائف وياسمين وهى صغيره وامرأه الى بتكون امها

دخلت المطبخ تعمل الاكل، يامسين وحيده مع ابوها بتعرف تعمل جميع حاجات البيت، بتعتنى با أبوها وكل حاجه تخصه من وهى صغيره ف الابتدائيه اطلق ابوها وامها مشيت وسابتها معاه، اعتنى رائف بياسمين بس مرضه خلاه ضعيف فياسمين اتعلمت عشان تهتم با ابوها اما امها،..تزوجت وخلفت وتعيش حياتها بسعاده

فى فيلا كبيره اتفتح بابها فورا للعربيه الفخمه الى ظهرت

قال البواب عثمان- حمدالله ع السلامه...البيه وصل

وقفت العربيه فى ركن الجراج، نزل سليم ودخل على جوه كانت خادمه واقفه قالت

-احضر الاكل لحضرتك

قال سليم- لا

طلع سليم على فوق دخل جناحه الهادئ الى لونه داكن، وقف عند الكمود بيقلع ساعته

حس بحركه ورا ريحه برفان طاغيه وصوت انوثى

-رجعت يا سليم

كانت امرأه بارزه النعومه قربت منه وحضنته من ضهره قالت

-النهارده وانا ف النادى صحباتي كانو بيتكلموا عليك، بفتخر انى حرم سليم مهران الهوارى

صمت سليم حطت ايده على ايدها ولف وبقى قدامها لمس شعرها

ابتسمت قالت- وحشتنى بتغيب كتير بره

قال سليم- الشغل.... صبغته شعرك تانى

اومات ايجابا قالت- حلو

كان لونه أصفر هاديء قال سليم- بحب الشعر الاسود وانتى عارفه يا سيرين

نظرت إليه وعبثت وجهها قالت- قصدك انه وحش

قال سليم بهدوء - حلو

بعد عنها وقلع الجاكت بتاعه وهو بيفك ازرار قميصه ساعدته سيرين

نظر سليم إليها قالت سيرين- اخليهم يحضروا الاكل

قال سليم- كلت برا

قالت سيرين- كل تانى معايا... استنيتك عشان نتعشي سوا

نظر سليم قربت منه بابتسامه قالت- ها ياحبيبى

اومأ له بابتسامه هادئه قال- هاخد دش ونازل

ابتسمت وهى بتلمس رقبته قالت- هستناك

على السفره نزل سليم كانت زوجته مستنياه قرب منها وقعد معاها قعدت جمبه قالت

-كنت بحسبك هتتاخر بره مع معتز او اى مكان من ضمن الى بتسهر فيه

قال سليم- اليوم كان تقيل فروحت

اومات سيرين بتفهم، قال سليم- البنك كلمنى وانا ف الشغل أن مبلغ كبير اتسحب من الفيزا... انتى الى سحبيته

قالت سيرين- اه عملت شوبينج النهارده مش ملاحظ

شاورت على رقبتها شاف سليم كولين مرصع بلالماز وبارز وباهظ

قالت سيرين- عجبنى اوى فجبته.... سورى انى ملحقتش اقولك انت اضايقت 

قال سليم- مفيهاش حاجه انى مراتى تشترى حاجه عجبتها ف الاخر فلوسي هى فلوسك... جيبى الى انتى عايزاه

ابتسمت سيرين باسته قالت- شكرا ياحبيبى

قاطعهم صوت من بره خادمه قالت- سليم بيه، ثريا هانم فى انتظارك

قالت سيرين - ماما هنا

كانت امرأه كبيره بس جميله وراقيه جدا فى لبسها ومجوهراتها

دخلت سيرين عليها قالت- ماما.... ازيك اى الزياره المفاجئه دى

نظرت له ثريا سلمت عليها بهدوء قالت- جايه اطمن على ابنى وعليكو فيها حاجه

استغربت سيرين من ردها قالت- ل..لا انا مقصدش كده بالعكس زياره جميله جدا

ابتسمت ثريا قالت- انا بهزر معاكى... أمال فين سليم

ابتسمت سيرين قالت- سليم....

دخل سليم قاطع الجلسه قال- اهلا يا امى

قالت ثريا- ابنى حبيبى

قربت منه وحضنته بابتسامه وحضن مشتاق قالت- لازم الواحد ياخد مواعيد عشان يشوفك اما ابنى مبقاش اى حد زى أبوه

قال سليم- لا طبعا انتى مش اى حد... اعقدى واقفه لى

قعدو سويا جت الخادمه بكوباية ساي بلبن خدتها ثريا بابتسامه قالت

- مين الى محضر لزيارتى

قالت سيرين- لما عرفت انك هنا قولتلها يحضرولك مشروبك الى بتحبيه

قالت ثريا - تعرفيني يا سيرين ممكن أكتر من ابنى نفسه الى ميعرفش حاجات كتير عن عيلته ونفسه

ابتسمت سيرين وبصيت لسليم وكأنها انتصرت عليه ف حاجه

قال سليم- منتظرك تقولى ف اى

بصيتله ثريا لان فهم ان زيارتها وراها حاجه،بص سليم لسيرين الى بصيتله وفهمت عينه قامت وقالت

-عن اذنكم

سابتهم لوحدهم قال سليم- سيرين تقدرى تتكلمي قدامها ف اى حاجه تخصنى دى مراتى

قالت ثريا- برتاح لما بكون معاك لوحدنا، ثم انا بحب سيرين من ايام جمعتك وحبكم لبعض وانت عارف ده.. بس كلامى دلوقتى ممكن. يضايقها

قال سليم-بخصوص اى؟!!

ثريا- مهران عامل شمل للعيله وانت اكيد جاي

قال سليم- هشوف جدولى

ثريا- سليم متعاندش مع ابوك خلافكم بسيط وهو مغلطش طول بيفضلك ان اى حد... هو بس عايز حفيد منك

قال سليم- دى حاجه بتاعت ربنا

قالت ثريا- ٧سنين متجوزين مفيش اى جديد دى حاجه بتاعت ربنا بس اهتمو وروحوا لدكاتره او اتجوز تانى مش ده حلالك

قال سليم- انا إلى عقيم يماما مش هي... سيرين هى الى عايشه معايا بدون خلفه هى قادره تتجوز وتخلف بس انا لا

سكتت ثريا بحزن قالت- سيرين مش مغصويه عليك ولا يتتفضل عليك بحاجه يا سليم بانك عقيم وهى لا هى عارفه انها مش هتقدر الاقى راجل زيك وعشان كلنا عارفين حبها ليك من زمان وارتباط عيلتها بيك وعمك الى يكون ابوها

قال سليم- حياتى مستقره يا امى... انا اتأقلمت على ارادة ربنا... ربنا رزقني بكل حاجه الا الخلفه انا اتقبلت ده كده كده الخلفه مكنتش ف يوم من أهدافي.... خلاص اقفل الموضوع

اومات بتفهم قالت- حاضر يا سليم مشرده الى كنت عايزه اكلمك فيه، بس مهران مكنتش يقصد يضايقك... متنساش تيجى انت وريث عيلتك وخلفية ابوك لازم تكون موجود ياحبيبى

اومأ سليم قال- حاضر

ابتسمت إليه قامت مشيت وسابته

 فى اليوم التالى كان المنبه بيرن بقالى نص ساعه وياسمين نايمه وبتتقلب بضيق بس فجأه فتحت عينها بسرعه وبصيت فى الساعه

-لا. لا مفيش مره اصحى فيها ف معاكى من ساعة بدايه الجامعه

قامت بسرعه لبست بنطلون وتيشرت رقيق ولمت شعرها بتوكه ومشيت

قابلت رائف ماسك الجرنال قال- ياسمين 

ياسمين- ازيك يبابا انا متأخره راحه الجامعه والشغل وهرجع علطول...باي

لبست الكوتشي جريت بسرعه على بره تنهد والدها منها قال-ربنا معاكى ويوقف ولاد الحلال ف طريقك

نزلت ياسمين من مترو الانفاق وهى بتجرى، تليفونها بيرن وكانت نورا

طلعت يامسين على فورا وبتشوف الاشاره حمرا بتعدى برغم ذلك والعربيات بتزمرلها

يامسين- انا اسفه بس متأخره اوى

أسرعت وهى تركض فى الشارع مره واحده جت عربيه وقفت ف اخر لحظه بس ياسمين اتخبطت وقعت على الأرض

جوه العربيه قال سليم- اى الى حصل؟!!!!

قال السواق- ثانيه واحده يابيه

نزل السواق بضيق وشاف ياسمين الى ايدها اتعورت بتلم حاجتها

قال السواق-  انتى غبيه بتعدى ازاى فى الشارع كده

يامسين- ا..أنا اسفه

بص سليم على الى بيحصل، مكنش شايف حاجه، نزل من العربيه قال

-انت خبطتها وبتزعقلها

سكت السواق فورا لما سمع صوت سليم وخاف قال- ا..أنا

قرب سليم وبص لياسمين قال- انتى كويسه

أومأت له وبتاخد تلفونها كانت اتكسر دمعت عينها قالت- كنت ناقصه تكاليف

مد سليم إيده ليها بصيتله ياسمين وفجأه هبت ريح جامده لما شافته