" شافني وهو واقف وسط صحابه.. وكان باصص عليا بطرف عينه.. حبست ابتسامتي على نظراته وكنت عارفه انه هيجي.. واستأذن منهم فعلا وجه "

- احممم ايه؟

= ايه انتي؟

- انت حد كلمك!

= آه.. واقفة عماله تبصي عليا..

" رمشت بعيني كذا مره وانا ببصله بأستنكار "

- انا!

مُراد بص لها مباشرًة: تؤ.. ما الناس كلها عارفه يابنتي انك بتحبيني من واحنا صغيرين

"فتحت عيني بتعجب ودهشه من جملتة!!"

- ءءءء أ أ.. ء

" مكنتش عارفه اجمع كلمه واحده واقولها"

- انت بتقول ايه

ابتسم برخامه: نسيتي انك قولتي لي بحبك يا مراد واحنا صغيرين! وكنتي جيبالي كيكه فانيليا

" نهي جملته بتريقه فا غيرت تعابير وشي واتكلمت بسرعه و بنرفزه "

- مراد قولتلك قبل كده متهزرش معايا الهزار ده احنا مجرد ولاد عم ماشي وساعتها انا كنت صغيره ها وبعدين اصلا انت الى علطول بترخم عليا و علطول بتأمر فيا وتقولي اعملي كذا و كذا انا اصلا اصلا مش طيقاك

= طيب حلو اوي انا بتأكد لأننا فعلا مجرد ولاد عم.. واخوات كمان

بصتله بتأكيد: اه اخوات فعلا

- بظبط يا عثمان

زفرت بضيق: اوف

= بتقوليلي اوف؟

" سابته ودخلت بعدها ضحك

 واتبسط اوي لما استفزها.. "

- خدي بس يا عثمان استني

" وهنا كان قرر يواصل باقي رخامته عليها "

" دخلت تدور على فاطمه اول 

لما لاقتها بصتلها بزعل "

- تيته خلي مراد يبعد عني!

" وقف بوقار واتكلم بجديه "

= معرفش بس يا عثمان انت مضايق ليه!

بصتله بعدم تصديق: بطل الاسم ده!!!

" ندي وكنزي دخلوا لاقوهم بيناقروا سوا فا قعدوا بأعتياد على الموقف ده ومحدش اهتم بس ندي ضحكت عليهم بغلب"

فاطمه: ريح بقا واعقل يا مراد الله

مُراد بجدية: خلاص ماشي يا تيته.. بس بقولك.. انا نفسي اليومين دول في كيكه فانيليا

" نهي كلامه وبص على ليان اما هي فا بلعت ريقها بتوتر وهي بتبص لندي الى حبست ضحكتها علطول بخوف من ليان."

فاطمه: اطلبها من الى بتعرف تعملها

" ليان عملت نفسها مش واخده بالها 

و قاطعهم صوت كنزي "

- محدش بيعمل كيكه اجمد من بتاعت ليلو

ليان ابتسمت لها: اعملك الى عاوزاه كله ياحبيبة قلبي

= اعملي كيكه شوكولاته و كنافة بالكريمه بالطريقة بتاعتك الى هي دواير وجواها كريمه

ندي كملت: امممم وعليها مكسرات من فوق

كنزي بحماس: ايوه!

فاطمه: لما الحلويات الى عملناها تخلص الأول بلاش تبذير وكمان عشان صحتكم

"كوثر و نورا دخلوا بالسحور  و الباقي حضروا الاكل بقلمي سلسبيل احمد وبعدين قعدوا كلهم على الأرض فى الصالة حولين الأكل بهدوء واتسحروا.."

>>>>>>>>>>>>>>>>>>>>>>>>>>>>>>>>>>

' اللهم اجعل صيامي فيه صيام الصائمين

 وقيامي فيه قيام القائمين '

|| وقت الفجر | الساعه 4 ونص ||

" كنت قاعده بقرأ قرآن.. وكنت فالجزء التالت خلصته وانا بقفل المصحف بأبتسامه.. ومتحمسه اعرف كنزي و ندي اني سبقتهم فالاجزاء.. "

" موبايلي رن بصوت مسدج كانت من بابا "

" رنيت عليه بسرعه و صورته ظهرت قدامي فالموبايل"

- بابا! وحشتني

= حبيبة بابا

- راجع امتى!!!!

= لسه ياحببتي محددوش معاد الاجازة انتي عامله ايه طمنيني.. وجدتك عامله ايه وماما

- تيته كويسه وماما زعلانه منك عشان مردتش عليها لانها كلمتك كذا مره.. وكمان تيته برضو بص كله عليك محدش معاك غيري

= طب يا ليان قوللهم اني كنت مشغول هي ماما صاحيه

- لا نايمه هصحيها على الفجر نصلي.. 

= طب هاه وصلتي الجزء التاني ولا لسه

ضحكت: بابا انا فالتالت وهحط على كنزي و ندي

ابتسم: طيب يا حببتي انا هقفل دلوقتي.

- ممكن تخلي معاد نزولك بدري طيب!

= حاضر هحاول مع السلامه..

" قفلت معاه.. صعب اوي يبقي وجود الأب مجرد وقت قليل كل فترة! عشان علطول مسافر بره.. ومشغول.. بس لما بفكر في نفسي.. وبعدين ابص على ندي و مراد وكنزي.. الى للأسف فقدوا والدهم بدري.. بقول الحمدلله.. بيدج الفيس بوك بتاعتي سلسبيل احمد عشان حتي لو بابا بيحاول يعوض دور اخوه ويكون جمبهم مش هيبقي زي لو كان عمي لسه عايش معاهم.. "

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على نبينا محمد ' 

|| في الشارع | داخل ورشة عربيات ||

- مراد ايه مش هنروح نصلي الفجر! 

= انا بخلص اهو وهقفل الورشة لحظه

- هو انت تمام يا معلم؟ 

= بتلمح لإيه يا ياسين

- اول لما جيت وانا حاسك فيك حاجه..

" مراد ساب الى في ايده وبصله "

- مفيش انا بس فكرت في موقفك.. انت سبت اختك وابوك وامك  في البلد وجيت قبل رمضان بيوم عشان نتجمع زي كل مره.. نعلق الزينه ونبقي سوا.. قصاد  ده عمال افكر في احمد.. الى لحد دلوقتي مظهرش.. احنا اه مكناش كبار كفاية بس كنا صحاب وكبرنا سوا.. معندوش اي طريقة يتواصل بيها معانا؟ بحس كتير اني نفسي اشوفه واصْربه ونتخانق زي زمان.. وانت تسلك الدنيا بينا

ابتسم بسخريه وكمل: بس معرفش حتي فين اراضيه

" ياسين رتب على كتفه "

- محدش عارف بكره مخبي اي.. وبعدين مصر كلها اوضة وصالة يمكن نتقابل في يوم..

قاطعهم دخول مينا: بتعملوا ايه مش فيه فجر هيأذن

ياسين بتناحه: اتوضيت عشان تصلي معانا؟

مراد ضحك ومينا رفع ايد: يا راجل ده انا كنت فاكر ده صليب

ياسين: مش مبرر هتيجي تصلي معانا.. 

وهتصوم بكره

مراد: الواد كريم راح فين انا قايله يجي يصلي معانا برضو 

ياسين: برضو هرب شكله

مينا: انا هظبطلكم الواد ده

مراد: ياريت عقبال لما نتوضي وننزل..

ياسين: انا متوضي هات المفتاح اقفل الدنيا انا واطلع 

" مراد طلع يتوضي.. و مينا راح جاب كريم من بيته و ياسين قفل الورشة  وبعدين شاف مينا وهو جاي قافش في كريم وجايبه معاه "

ضحك بشماته: كنت فين يا نجم؟

مينا: ملموم على العيال بتوع شارع 

المطبات الى جمبنا

ياسين: متخلناش نسخن مراد عليك وانت عارف انه هيظبطك

كريم: يعم والله انتوا ظالمين العيال دي احنا مش بنعمل حاجه واقفين مع بعض وخلاص

ياسين: انت لسه عيل

كريم: متقلش عيل بس انا راجل وعندي 18 سنه وعارف بعمل ايه 

- ولما انت راجل.. مجتش ليه وكنت قد اتفاقك معايا

كريم لف بص لمراد: هو الفجر اذن؟ احنا اتفقنا هجيلك على الفجر نروح نصلي

مراد ابتسم بسخريه: لا صايع ياض

" قاطعهم اذان الفجر فا ياسين اتكلم "

- يلا يرجالة.. يلا يا مينا

مينا ضحك: اه ومالو يلا 

>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

' إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ '

|| تاني يوم الصبح | 1 رمضان ||

"  صحيت تاني يوم على خبط فظيع على باب بيتنا لدرجه اني اتخضيت ولما بصيت على ماما ملقتهاش فتحت بسرعه وانا قلقانه لقتها ندي "

- فيه ايه !!!

" فجأة ظهرت بنت غريبة من ورا ندي فضلت ابصلها بتركيز وانا مش فاهمه وعيوني مقفوله لأني لسه صاحيه "

= وحشتيني يا لولي 

" فركت عيني وبصتلها بعدم استيعاب وبصيت لندي الى وشها عليه اثار دموع وعينها مدمعه "

" بصيت للبنت مره تانيه.. على شعرها.. وعلى عيونها.. ملامحها وخدودها المميزة "

- فريده ؟؟؟؟؟

" نطت في حضنها بسرعه و ليان كانت واقفة مش مجمعه رفعت ايديها وحضنتها هي كمان.. وبدات تسمع دوشه تحت و صوت حد بيزغرط.. ! "

" دخلوا كلهم البيت وندي وليان مش مصدقين انهم شايفين فريده قدامهم "

ليان بدموع: بعد كل السنين دي! 

ندي: انتي مش فاهمه وحشتينا قد ايه يا فريده

فريده بصتلهم وهي بتمسح دموعها: وانتوا متعرفوش انا كنت بعاني قد ايه..! انا كنت لوحدي اوي بره

ليان بعدن فهم: بره فين

ابتسمت بسخريه: بابا.. سفرنا الإمارات ورجعنا لما سمع اخبار ان الدنيا مش هتبقي احسن حاجه.. حتي الشغل بتاعه عاوز يسيبه..

ليان بصدمه: كل السنين دي مكنتوش في مصر وعمو ابراهيم سفركم !!

ندي: عشان كده عمركم ما عرفتوا تكلمونا !!

ندي: انا فجأة لقيت نفسي في بلد غريبة.. انا وماما اترجيناه كتير نرجع و رفض لدرجه ان انا كنت بفكر اهرب

" ابتسمت بسخريه وبصتلهم "

- انا كرهت كل حاجه بره ومستحيل اسيب مصر تاني.. هو قال هياخد شقه وهنيجي نقعد في بيتنا القديم لحد ما تتجهز.. بس انا حتي مش عايزه بيت جديد انا عايزه افضل معاكم هنا.. فالشارع الى قضيت فيه طفولتي معاكم ولعبنا وجرينا فيه

" حضنوها بحب وكملوا حكايات سوا.. "

" وفي الدور الأرضي كانت موجوده ايمان مامة فريده واحمد مع كوثر و نورا و فاطمه بيرحبوا بيها "

" وعلى جانب اخر كان احمد بيركن عربيته بعد لما وصل ابراهيم مكان تاني بره المنطقه ونزل هو عشان يروح الشارع.. فضل واقف يبص على كل حاجه ولكن بدون اي ريأكشن.. "

" اول حد شافه جمب عربيته كان مينا "

مينا بصله: انت عايز ورشة مُراد؟

احمد بصله: ورشة مراد؟

مينا: اه جاي تصلح عربيتك يعني؟ 

مع اني شايفها الله واكبر عالزيرو

" احمد قلع النضاره وبصله "

" مينا ضيق عينه وبصله "

- استني كده العينين الخضرا دول 

شكلهم مش غريب عليا 

"احمد سكت وضحك"

مينا حط ايده ع دماغه: احمد ابراهيم؟؟!!

احمد: طول عمرك لماح يا مينا

" دخل في حضنه بسرعه وشده ناحيته وهو مش مصدق "

- يخربيتك !!! كنت فين كل السنين دي!!!

= موضوع طويل.. قولتلي بقا مراد فتح ورشة؟ وياسين ؟ ايه الدنيا

مينا: انت مش فاهم هما مش هيصدقوا انا ذات نفسي مش مصدق تعالي معايا

" مشيوا هما الاتنين عند الورشة و مينا رن على ياسين عشان ينزل مراد كان تحت العربية شغال ومينا وصل هو و احمد "

- مراد اطلع يا من تحت العربية 

" مراد كان بيكمل شغله ورد عليه من تحت "

- مش فايق لك الزبون عايز العربية دي بعد الفطار

= يا نجم اطلع بس حوار مهم بقولك مش هكلمك وانت تحت كده

- هخلص واطلع شدلك كرسي واقعد بقا متصدعنيش

" احمد ضحك وبعدين اتكلم "

- طول عمرك خلقك ضيق يا عالمي..

" مراد الكلمه رنت في ودنه و وقف شغل.. وبعدين اتحرك بالجرار وطلع من تحت العربية يبص على الى بيتكلم مين.  "

" قام وقف و بص لاحمد ومن اول بصه عرفه! ولكنه لسه مش قادر يستوعب ازاي "

" مراد بص لمينا.. وكأنه مش عايز يتعشم او يصدق قبل ما حد يأكدله "

" تعابير مينا خلته يبص مره تانيه لاحمد "

- احمد ؟

" احمد حضنه و الحضن كان ع دخله ياسين "

ياسين: مين ده

مينا بتريقه: ده واحد كده..

" مراد خبط على ضهر احمد وحضنه بقوة "

- انا لسه كنت بجيب في سيرتك يلا !!

ياسين استغرب ولف بص لاحمد عينه اتفتحت بصدمه : احمد !!!!!!!!

" دخل فحضنهم بسرعه والتلاتة

 كانوا متبتين في بعض... "

>>>>>>>>>>>>>>>>>>>>>>>>>>>>>>>>>>>

|| في بيت ليان | في البلاكونه ||

- انتي بتبصي على مين يا ندي

" ندي مردتش وليان ضحكت "

فريده: فيه ايه

ليان: احمم مفيش هو فين باقي العيله؟

فريده: ماما تحت عندكم.. وبابا 

واحمد معرفش جم ولا لسه..

" ندي قعدت بصمت وهي حاسه بكركبه في بطنها.. وفضلت سرحانه بتفكر "

فلاش باك # 

" قبل سنين كتير "

- ايه ده ايه ده فيه ايه ياندي!!

ردت بعياط قوي: الفانوس بتاعي ضيعته

= ضاع ازاي

- نسيته هناك ولما روحت اشوفه ملقتوش

= طب بطلي عياط هدور لك عليه

- ضاع خلاص!!

" طب تعالي معايا "

" احمد خدها على اول الشارع عند بتاع فوانيس وخلاها اختارت واحد جديد "

= الله ده جميل اوي

- متعرفيش مراد اني جبتهولك ماشي؟

= ليه؟

- اسمعي الكلام وخلاص قوليله 

لاقيته فالشارع لو شافه وسألك جبتيه منين

= ولو ماما سالت او بابا

- قولي لهم لاقيته برضو انتي ذكيه ليه

ضحكت: اوكيه..اوكيه..

باك # 

ليان: بلاش بقا اقولك يا فريده ندي سرحانه في مين

ندي بقمصه: ليان اسكتي!!

" نزلوا كلهم عند فاطمه وسلموا على بعض و ايمان فضلت تحضن فيهم بحب وحنية.. "

" لحد ما دخل مراد "

- تيته.. احمد عاوز يسلم عليكي

" ندي قلبها دق بقوة وحاولت تخبي.."

فاطمه: دخله يحبيبي دخله

"ليان بصت على ندي"

- السلام عليكم..

يتبع...

>>>>>>>>>>>>>>>>>>>>>>>>>>>>>>>>>>>>