سليمان//محصلش حاجة بقوله امك بتحبني زعل

مودة//..............ينهاري عليك يا سليمان 

عابد//خدي جوزك وخلي يطلع بره عشان انا تعبت منه و.. 

مودة//نعم نعم في ايه......طيب اي رأيك هتطلع انت بره بقي يلاا

عابد//دي اوضتي

مودة//وبيتي....وهتطلع بره 

داوود//صوتكم عالي ليه

عابد//تعاله شوف اللي بيحصل في اخوك

داوود//تاني يا عابد....انت وسليمان تاني 

عابد//بيقولي امك بتحبني 

داوود//..........!!!!!!!!! 

مودة//مش فاهمة فين مشكلتك ما انا بحبه بجد!! 

عابد//؟؟؟؟؟؟؟؟؟؟؟؟؟؟ ارمي نفسي من الشباك طيب 

شااااااااايف امك 

مودة//انا قولت انت مش مرتاح معانا يلا اطلع بره

بخرج علي صوتهم العالي.....فكرتهم بيتخانقوا مش عارفة ليه حسيت انه بسببي عشان كدا خرجت.... 

سليمان//انت غيران ليه....روح اتجوز

عابد//كمان بتقلب عليا المواجع....بتجرح قلبي

داوود//ياعيني يا ضنايا.....كسرت قلب الواد 

مودة//ايه ياربي الخلفه اللي تشل دي جتكم القرف 

عابد//خلفتي تشل انما هو جوازة الهنااااااااااا صح

قبل ما تخرج من الأوضة بترجع تاني وهي نظراتها عليه 

مودة//ايوه

سليمان//غيري مني وولعي

بتخرج وبيقف عابد اثر الصدمة وهو نظراته قاتله عليهم وبيخرج بعدها سليمان 

عابد//شايف ابوك

داوود//معلش معلش 

براقبهم من بعيد محبتش ادخل بينهم او عابد يشوفني بما ان الاجواء بينا مش الطف حاجة....وقبل ما ادخل اوضتي تاني....بيوقفني صوتها

مودة//كويس انك خرجتي يلا عشان ناكل

سليمان//عاااابد.....يلاا عشان الاكل

بتتغير نبرة سليمان......للجد والتحذير لعابد علي وجه الاخص.....كان بينهم من ثواني بس هزار كأنهم صحاب لكن دلوقتي....الوضع اختلف

عابد//هي حور فين؟ 

مودة//كلمتها قالتلي انهم لسه قدامهم شوية وهتاكل مع نوح بره

رؤية//نوح مين؟! 

باخد بالي من ابتسامة عابد بسخرية من سؤالي.... بيقعد علي السفرة وهو بياخد طبق.....ونظراته مش بتقابلني ولا مرة......ولاصدفة حتي

مودة//نوح وحور كتبوا الكتاب....فرحهم خلاص اخر الشهر 

بتصدم....بفكر انهم مخطوبين مثلا..لكن مش بصدق انها خلاص هتتجوز....حجات كتيره واضح انها حصلت واتغيرت.....وانا اللي اخترت البعد....انا اللي اخترت اسمع كلامه وابعد عنهم....باخد طبقي وانا بقلب فيه وبفكر كان فين عقلي وانا بعمل كل ده؟؟ 

داوود//هو عشان كتبوا الكتاب ينزلوا لوحدهم عادي 

بيقولها بتهكم وبصوت واطي وهو بيقعد ومش عاجبه اللي بيحصل.....بتبتسم مودة وبتتجاهل كلامه وعابد نظراته علي سليمان بغيظ....

عابد//ماما يروحي

مودة//روحك!!! خير عاوز ايه

عابد//عاوز اقعد جمبك وحشتيني 

بياخد سليمان باله من عابد اللي عاوز يقعد بينهم ويضايقه بيرفع الشوكه في وش عابد وهو عاوز ياكل

سليمان//كل وانت ساكت عشان بدات تبقي ضيف تقيل غير مرغوب فيه

عابد//دي امي علي فكرة...يعني انا اللي في قلبها انت ممكن تتجوز غيرك انما انا... 

مش بيكمل كلامه وبترد عليه مودة وهي نظراتها في الطبق....ونظرات سليمان عليه بأنتصار

مودة//ممكن اخلف غيرك....انما هو مش هتجوز غيره 

عابد//انتي بتنصريه عليا؟؟؟؟ 

سليمان//شكلك وحشششش اووووي

عابد//طيب مش واكل معاكم....واقولك حاجة متكلمنيش تاني يا سليمان 

سليمان//احسن قوم انت مزعج اصلا مش عارف ايه الإنسان الغيور ده 

مودة//مناخيرة في حياتنا ولا كأنه ام إبراهيم جارتنا

سليمان//صح بيندب كتير اوي 

بيأكدوا الكلام لبعض وعابد بينهم ملامحه مصدومة بكثرة التشبيهات خاصة عدم حبه لام إبراهيم.....وبيبدا يشخصنها مع سليمان......ومودة اللي بتزودها لما بتقف معاااه.....

سليمان//ساكته ليه ياارؤيه؟؟ 

كان غريب فعلا عدم تدخلي في الموقف ده بما ان عابد بيغير علي ماما.....انا كمان كنت بغير جداً علي سليمان ومعاد الاكل كان اكثر معاد يتم اعلان الحرب فيه بنتجادل اكتر ما ناكل......

رؤيه//هااا......لا عادي ده انا بفكر بس هقول ايه لإلياس لو سأل علي يونس....

سليمان//مش وقته نبقي نقوله انه في شغل وخلاص لكن اعتقد وقت مش مناسب خالص انه يعرف حاجة كده كده مش هيستوعبها

مودة//وعابد يبقي يروح يجيبه وخليكي انتي

عابد//عابد مين خلي جوزك ياحبيبتي روح القلب يجيبه 

مودة//اقسم بالله بالڤازة دي وفي دماغك

عابد//اصلا معرفش شكلة 

رؤيه//اصلا انا مش موافقه انك تجيبه مش هيمشي معاك.....

سليمان//خلاص يبقي تروحي.....وعابد معاكي اهو يعرفه عشان يبقي يجيبه هو بسهولة

عابد//يا بابا...... 

سليمان//خلصناااا

♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡

فاطمة//انا بقول نخلي الفرح اخر الشهر ليه نستني كل حاجة جاهزة

يونس//مش بدري اوي اخر الشهر ده؟؟ 

فاطمة//بدري ليه خير البر عاجلة.....ابقي كلم جوز خالتك واتفق معاه عوزه افرح بيك

يونس//ماشي......

فاطمة//شكلك مش مبسوط....بكرة تعرف الفرق بين ذوقي وذوقك....وهتقولي يارتني سمعت كلامك من الاول

يونس//اهم حاجة تكون بتسمع الكلام بس عشان دماغي وجعاني 

فاطمة//هو انت هتلاقي زيها دي هتلاقيها من ايدك دي لايدك دي....اصيلة ومتربية...مش زي التانية اللي الكلمه قصادها كلمة وليه وازاي وعوزة كله يمشي علي مزاجها

يونس//انا نازل

باخد حاجتي وبقرر انزل اقعد مع صحابي....اللي مكنتش بعرف اقعد معاهم إلا والاقي اسطوانة مش بتنتهي بعدها.....من النكد والعياط والكلام اللي حفظاه ومش بيتغير

 مش هنكر اني لما بفتكر عياطها وكلامها ليا واني خذلتها بحس بالزعل.....لكن احساس الراحه وان كل ده أخيراً انتهى بيريحني....شعور ان رجعت حر تاني

مكنتش قادره تفهم ان في فرق بين بيت اهلها وبيتي  

بلال//شكلك مبسوط النهاردة 

يونس//ولا مبسوط ولا حاجة عادي مرتاح بس

بلال//ربنا يريحك ياعم 

يونس//جهز نفسك بقي عشان هعزمك علي فرحي قريب

بلال//فرحك؟؟؟؟؟ 

فارس//اوعا تقول انك هتعملها تاني 

محمد//ياااااجامد ومراتك خلتها توافق ازاي 

محمود//محتاجين نعملك تمثال وناخد دروس كمان 

كلهم كانوا مبسوطين...يمكن اكتر مني اصلا...إلا بلال اللي نظراته كانت حاده جدا ومستنيهم يخلصوا كلام وكنت عارف هيقول ايه..... 

بلال//مراتك عارفة

يونس//ااه عارفه....يمكن كمان الاقيها في المعازيم

محمد//بقولك جااامد 

بلال//ما تسكت يلاا....وهي وافقت؟ 

يونس//هنطلق

محمود//احسن ريحت دماغك....بس خلي بالك متخليهاش تعرف تاخد منك حاجة 

يونس//ده مين ده....انا عارف مصاريف ابني ايه وهبعتهالها وخلاص انا مش عاوز وجع دماغ

بلال//ايه القرف اللي انت فيه ده....وابنك

يونس//ماله ابني هيعيش معاها وهشوفو براحتي احنا متفقين نحل كل حاجة بينا عشانه اصلا لو هو مكنش موجود كنت اتصرفت بطريقة تانية

بلال//فكر احسن ما تندم......محدش عمل اللي بتعمله ده وكسب....صعب تلاقي واحده كويسه دلوقتي متخربش بيتك بأيدك

يونس//لا بقولك ايه انت هتقلب واعظ ليه انا جاي اريح دماغي مش اخد دروس 

بلال//ريح دماغك انا سيبهالكم اصلا جتكم القرف

يونس//ده ماله ده هو كان ابوها

محمود//سيبه سيبه يااعم ده من ساعة ما مراته ماتت وهو خلقه ضيق كده مش عارف في حد مراته تموت يزعل......

فارس//مش عارف اللي عندي دورها مش بيجي ليه

♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡

غفران//ماما......ياماما

سارة//جايه يااا غفران استني الله

بدخل من باب البيت وانا بنادي عليها.....ريحة الاكل وصوت المطبخ....البلاكونة المفتوحه...او اللي دايما بتاكد انها مفتوحه....في الحجات اللي بكون عوزاه يعرفها....

ساكن في البيت اللي في وشي.....الاوضه بتاعته جمبي واللي فيها البلاكونة.....بينه وبين البلاكونة علاقه غريبة.... والنعناع....اللي ريحته بتهدي اعصابي.... الكتب بتاعته اللي بتكون فيها بعشوائيه مع فنجان قهوة بينسي يشربه......

سارة//في ايه

بتدخل الاوضه وانا بقعد علي مكتبي عشان اكون قريبه للبلاكونة.....وبكلمها وبكون متردده من رد فعلها لكن باخد الخطوة بعد تفكير كتير 

غفران//اشتريت الخمار اللي قولتلك عليه

سارة//خمار؟ 

غفران//ليه مصدومة؟؟مش اتفقنا ياااسرسور 

سارة//أنتِ ليه عنيدة نتكلم امبارح تجيبي النهاردة 

غفران//اومال هجيبه الشهر الجاي

سارة//أنتِ حرة

بتخرج من الأوضة وانا بحس بحركة....وبعرف انه واقف وسمعني....ببتسم ابتسامة بلهاء وانا مبسوطه انه عرف.....متاكدة انه كمان هيفرح

يمكن دلوقتي مقدرش اكلمة.....واكتر من سلام عليكم لما اشوفه صدفة مينفعش.....وحرام.....ورغم اني بحبه بس مطلعة عينه.....لكن من وقت ما حبيته وظهر قدامي

حسيت انه كان واحشني.....وانه كان غايب بقاله سنين قلبي عرفه اول ما شافه......حسيت ان هو ده...وانه مش غريب عني.....ولكن مفيش مشكلة من شوية تقل علي القليل من التمنع كأني يعني....كاريزما وكده.... رغم ثقتي بأنها لن تدوم طويلا

مسرة//امك مش طايقة نفسها بره ليه عملتي ايه

غفران//ولا حاجة 

مسرة//متاكده؟؟؟ 

غفران//مش اوي بصراحة....يعني جبت الخمار ده بس

مسرة//ايوه بقي.....

غفران//هلبسه بكرة.....اينعم مش عارفة اوي ممكن البسه ازاي لكن واثقه فياا

مسرة//ربع ثقتك وهحتل سويسرا 

غفران//اشمعنا سويسرا؟؟؟؟ 

مسرة//عشان هموت واسافر هناك

غفران//مش نفسي اسافر بصراحة عوزة ازرع نعناع واكل كيك بس كده

مسرة//نعناع ايوة.... 

بتقولها بغمزة....وبفهم معناها كويس....قبل ما احدف عليها المج....بتكون خرجت من الأوضة....وانا بقفل باب الأوضة وبغير هدومي....وبخرج الشكولاتة اللي خبتها من مسرة

وبشغل اللاب علي الحلقة الجديدة و....بقف قدام البلاكونة عوزة اقفلها......وفي نفس الوقت عوزة اسيبها مفتوحه....بتونس بيه....بحس ان في حد قاعد معايا وفي نفس الوقت مفيش حد

ويا ونس القلب وهو رفيقة....... بتاكد ان كم البيجامة طويل....بمسك طرفها بصوابعي وانا بمد ايدي عشان اقفل البلاكونة.....اهم حاجة الاحتشام بردو 

بقفل بعدها النور وبقعد اتفرج علي الحلقة....وبخلص الشكولاتة.....وبناااااام.....وهنا اقدر اقول ان عكس العاده مؤخرا بقيت انام بسرعة بعد معاناة مع الارق

يمكن هو السبب؟؟؟؟؟؟....واضح ان تأجيل العمل للغد مفيد....

♡_♡_♡_♡_♡_♡_♡_♡_♡_♡_♡_♡_♡_♡_♡_♡

سليمان//عدوي اللادود....قاعد كده ليه

عابد//كنت بشتغل وبرتاح شوية 

نظراته بتروح للبلاكونة بتاعتها.....وانا باخد بالي لكن بتجاهل يمكن عشان متفضحش اكتر من كده.....او يمكن عشان لسه بفكر في كلامها 

سليمان//بقت تنام بدري البنت دي 

عابد//بنت مين؟؟؟ 

سليمان//جارتك..... 

عابد//اي نظرات الخبث دي انا هعرف منين ناموا ولالا وانا مالي اصلا 

سليمان//كان عندها ارق وغالبا خدت منوم.....سيف حكالي

عابد//واقف ليه ما تقعد اعملك نعناع

سليمان//دلوقتي اقعد ياعاق......انا جاي عشان حاجة تانية اصلا 

عابد//قولي بس الاول سيف قالك ايه

سليمان//هيقول ايه كان مضايق لما سألته عرفت ان عندها ارق واضح ان في سبب هو مقالش اكيد بس دلوقتي واضح انها تمام.......واخد بالك انت

عابد//لا ثواني انا مالي اصلا 

سليمان//مش مهم.......المهم دلوقتي لما تنزل مع رؤيه بكرة ترجع وانتوا متصالحين........مش هقبل نقاش منك.......انا بتعامل معاك انك راجل تصرفات العيال دي هتخليني ارميك من البلاكونة 

عابد//طيب اظبط زاويه بقي بالله وارميني يمين البلاكونة عند عم سيف كده

سليمان//انا ازاي اجي هنا من غير الشبشب انا مش فاهم

عابد//هننزل ساعة الكورة ولالا يعني 

سليمان//......مش فاهم اي الحماس بتاعك ده اومال او مكنتش بتخسر كنت عملت ايه

عابد//لالالا ده انا النهاردة نازل الملعب والاكس خذلاني يعني موڤ اون وعدوي موجود كمان خاف مني 

♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡

حور//بتكلم مين؟ 

نوح//داوود.....بدات احس انه ضرتي دي المره المليون يرن ويقولي ما تخلصوا 

حور//كده كده خلاص مروحين

نوح//فكريني لما نتجوز ننزل الساعة 3بليل وارن عليه فيديو كول 

بيقولها وهو بيشيل باقي الشنط وبيحطها في العربية.. وانا بضحك علي خناقه مع داوود المستمر.......وبركب العربية وبنتحرك......وانا من جوايا رغم ارهاق اليوم وان لسه في حجات كتيره ناقصه والفرح قرب إلا ان مكنتش عوزه اروح

لكن ارهاقي غلبني ونمت......وفوقت لما وصلنا.... حسيت اني غمضت عيوني بس معقول لحقنا نوصل؟ 

داوود//افتح الازاز ده انا هنفخك

بيكون داوود اللي واقف و وراه سليمان وعابد نازلين علي السلم ببضحكوا.....غالبا عليه

نوح//عاوز مني ايه بقي تعبت منك

داوود//ليه التاخير ده كله بتجهز عيالك بالمره عشان متنزلش تاني 

نوح//بص مش هرد عليك انت كفاية عليك الحجات اللي هتشيلها

بيبدأو بعد خناق كتير......يشيلوا الحجات اللي في العربية....ونوح وقف يفك الحجات اللي فوق العربية وعابد بيساعده ينزلهم.....وانا بشرب عصير فراولة يمكن افوق شوية لحد ما اطمن علي أشيائي 

عابد//ربع روقانك وهبقي انا وسليمان صحاب

بيقولها وبيطلع قدامي وهو معااه اخر حاجة وبقرر اطلع بما انهم خلصوا..... 

نوح//احم احم....يازوجتي العزيزة

حور//نعم ياازوجي

نوح//.....هخلص ساعة الكورة واكلمك

حور//لو بقيت صاحيه يانوح ده انا هنام للدنيا والاخرة

داوود//انتوا كل ده لسه عندكم كلام تعاله يلاااا

بيشده من ايده وانا واقفه اتفرج عليهم.....وبينزل عابد وبقرر اني اطلع أخيراً.....

مودة//انا خلتهم دخلوا كل حاجة الاوضه بتاعتك عشان مفيش حاجة تتبهدل

حور//كويس طيب انا هدخل انام عشان تعبانه اوي

مودة//علي فكرة رؤيه هنا

حور//رؤيه!!!!!!!!!!!!!!! 

مودة//في اوضتها

حور//طيب اعملها ايه.....تصبحي على خير 

بدخل اوضتي.....عشان انام وبفتكر كلامها ليا وهي مش فارق معاها حد ولا انها بتخسرنا مقابل انها تسمع كلامه وتبقي معاه.......وبتجاهل وجودها وبقرر اتعامل كأنها مجتش..... 

♡_♡_♡_♡_♡_♡_♡_♡_♡_♡_♡_♡_♡_♡_♡_♡

عابد//جاهز ياا عدوي

سليمان//................يتبع