في الورشة

دخل الورشة واول لما دخل بدأت العمال تشتغل بسرعة اكبر بخوف شديد بص لهم ببرود ودخل لاوضة مكتبه.... قعد علي مكتبه وحط رجل علي رجل وهو بيفتكر الوتكة اللي شافها.... عض علي شفايفه بقوة وقال

-دي مشيت من هنا وهيا لسه حتة لحمة حمرا امتي كبرت و أورت كده بنت الرفدي عليها جوز عيون يسحروا.

وبتنهيدة حارة

-ياريتها علي العيون بس ده جسمها كرباج اخخخ ولا شفايفها....

فوق نفسه بصدمة من تفكيره ده وقال

-اي اللي انت بتفكر فيه ده متنساش امها عملت اي زمان وكيف وقعت العيلة في بعض وفي الاخر سافرت هيا وعمك وعاشوا حياتهم ولا كأنها عملت حاجة

خبط الباب في الوقت ده فقال بصوت رجولي

-ادخل

دخل حمزة واحد من الرجالة اللي بتشتغل معاه وقال بتوتر

-احمم معلم عاصم انا جاي وطمعان في كرمك وعارف ان انت الوحيد اللي هتعرف تساعدني

عاصم ببرود

-وانت عارف اني مش هتاخر عليك فقول اللي انت عاوزه

حمزة

-بصراحة كده يا معلم انت عارف ان انا خاطب بقالي سنة ونص وابوها كلمني امبارح وقال لي لو مدخلناش خلال أسبوع هيفسخ الخطوبة فانا جاي عاوزك تيجي معايا تتكلم معاه

عاصم بنظرة ثاقبة

-وانت اي اللي ماخرك كده

حمزة

-تكاليف الفرح كتير وهما عاوزين فرح كبير وفستان وليلة وانا يا دوب لسه مخلص الشقة

عاصم

-اممم طالما شقتك جاهزة انا مش هروح معاك لابوها

نزل حمزة راسه بحزن وقال

-ليه بس كده يا معلم ده انا كنت متأمل فيك

عاصم بحدة

-ارفع رأسك ياض انت هيتعمل لك اكبر فرح في المنطقة كلها ومتقلقش لو علي تكاليف الفرح فدي هدية مني

حمزة بسعادة

-بجد يا معلم انا مش عارف ارد لك جميلك ده أزاي

عاصم

-لا جميل ولا حاجة انت بقالك سنين شغال هنا وشغلك كله علي الشعرة ودي اقل حاجة اقدمها ليك

حمزة

-تسلم لي يا سيد المعلمين تؤمر باي حاجة

عاصم

-احمد جاه ولا لسه

حمزة

-لا لسه يا معلم

عاصم

-خلاص روح انت

خرج حمزة من المكتب.... أما عاصم فطلع تلفونه واتصل لاحمد واول لما رد قال بحدة

-انت فين يا روح امك لحد دلوقتي مجتش ليه

احمد

-انا في مشوار كده

عاصم بحدة

-هو انت رجعت للصت تاني ولا اي

احمد بتوتر

-لا طبعا

عاصم

-خخخ عليا انا يا ابن الكلب هو انت فاكر ان انا نايم علي وداني لا انا صاحي وصاحي اوي كمان وطالما انت ملتزمتش باتفاق الرجالة اللي كان بينا يبقي معندناش بنات للجواز

قال كده وقفل في وشه المكالمة بغضب شديد

مسح احمد علي وشه بضيق شديد وهو بيقول لنفسه

-غبي كل مرة تضيع الفرصة من بين ايديك...

قربت منه البنت اللي كانت معاه وقالت بدلع

-مالك بس يا حبيبي اي اللي عكر مزاجك كده

احمد

-ابعدي عن امي دلوقتي بدل ما اطلع ميتين امك

بعدت البنت عنه بخوف وقالت

-وهو انا عملت اي دلوقتي يعني ده انا بطمن عليك

قام احمد بغضب وقال

-انا سايبهالك خاالص عشان ترتاحي

قال كده ومشي بكل برود

بالليل

دخل البيت فشافته سماح وقالت بعوجة بق .

-اي رجعت عشان تشوف عمك مش كده

عاصم ببرود

-ملكيش دعوة يا مرت عمي واحسن لك تخليكي في حالك عشان مش كل مرة اكسفك كده

قال كده وطلع لاوضته بكل برود.... بصت سماح لحورية بغيظ وقالت

-شايفة ابنك يا حورية

حورية

-انتي عارفة ان عاصم محدش يقدر يقول له رجعت ليه ولا بتعمل اي فبلاش تحرجي نفسك وفي الاخر تقولي لي شوفي ابنك

سماح بخبث

-طب انا كنت عاوزة اتكلم معاكي في موضوع كده

حورية باستغراب

-موضوع اي ده

سماح

-مش آن الأوان أن عاصم وجميلة يتجوزوا بقي البت بقيت عشرين سنة وهو 32 سنة يعني يا دوب يا اختي

حورية برفعة حاجب

-وده مين ده اللي قال ان عاصم هيتجوز جميلة ولا انتوا بتكدبوا الكدبة وبتصدقوها يا اختي... اسمعي مني الكلمتين دول وحطيهم حلقة في ودنك انتي وبنتك.... عاصم مش شايف جميلة اكتر من اخت ليه فبلاش الاوهام دي عنئذنك

مسكت سماح دراعها بغل وقالت

-استني بس اسمعيني للآخر

بصت حورية بطرف عينها علي ايديها اللي ماسكة دراعها فسابته بسرعة وقالت

-معلش يا اختي من غير قصدي

حورية

-خلصي قولي عاوزة اي عشان ورايا حاجات كتير يا اختي ومش فاضية لك

سماح

-البت بهانة شافت بنت سامر الصبح وبتقول لك كيف القمر والبت مدلعة علي الاخر

حورية بترقب

-ايوة وانا مالي بده كله

سماح

-متبقيش عبيطة يا خايبة بكرة البت تلف علي عاصم وتخليه يتجوزها وعلي رأي المثل اضرب البت علي فمها تطلع البت لامها يعني بكرة تعمل زي ما امها عملت ووتسافر وتاخد ولدك بعيد عنك

حورية بسخرية

-انتي خايفة علي ولدي ومش خايفة علي ولدك والنبي يا اختي بلاش كهن الحرايم كده عشان انا عارفاه وحفظاه

قالت كده ومشيت وسابتها... جزت سماح علي اسنانها بغل وقالت

-ماشي بكرة تشوفي بعينك

------------

دخل عاصم اوضته واتفاجئ بحد نايم علي السرير... فظن انها نور اخته فمفيش حد يجرؤ يدخل جناحه غير نور وحورية... قرب منها وهو بيهزها وقال

-بت يا نور قومي يا بت هو انا مش قولت لك 100 مره ما تناميش في اوضتي

ما ردتش عليه فمسكها من دراعها بيهزها وهو بيقول

-اي ده يا بت انتي امتي تخنتي كده

اتململت لونا في نومتها بضيق شديد وشالت الملاية منها على وشها وهي بتقول بضيق

-بابي سيبني لونا عاوز ينام... اهااا

صرخت بفزع اول لما لقيت اللي بيصحيها ما كانش ابوها... حط ايده علي بقها بسرعة وهو متسمر من كتله الجمال والانوثه اللي قدامه كانت لابسه هدوم نوم عباره عن كروب توب وبنطلون... همس بصوت زي صحيح الافعى وقال

-انت بتعملي ايه هنا

بلعت ريقها بخوف من نبره صوته المخيفه... بعد ايده عن بقها فقالت بتلعثم

-دي... دي اوضه لونا وانا ينام هنا

كتم ضحكته من انها تطلع وحرك لسانه بحركات دائريه في خده وقال

-بس ده جناحي انا والكل عارف ده وما فيش حد يقدر يدخل

لونا ببراءة

-بث الشغالة يقول إن دي اوضتي

عاصم

-ده انتي الضماير ضايعة عندك خاالص

لونا بغيظ

-يوووه كله يقول إني مش يعرف يتكلم بس لونا يعرف يتكلم هويس اوي

قام وقف ببرود وقال

-كل ده ما يفرقش معايا اطلعي بره اوضتي وروحي شوفي لك اي زريبه تقعدي فيها

قامت لونا وقفت قدامه بغيظ شديد وقالت

-انت يتكلم مهايا كده ليه... طب انا مش يخرج من هنا وهينام هنا هلي طول بس

شدها من ايديها بعنف وقسوة وخرجها بره اوضته وهو بيقول

-لو لمحت طيفك هنا تاني مش هتخرجي علي رجليكي

لونا بغيظ

-ماشي انا يقول لجدو ويهليه (ويخليه)يضربك

ضحك بسخرية كبيرة وقرب منها وقال بهمس قدام وشها

-بلاش تلعبي معايا يا حلوة عشان لا انتي ولا جدك تقدروا تعملوا حاجة

لفت لونا وشها بغيظ واتحركت عشان تمشي لكن وقفها صوت الرجولي الحاد

-استني

لونا

-هاوزة اي تاني

سحبها من ايديها ودخلها اوضته وهو بيقول بغضب شديد

-انتي عاوزة تمشي بالقرف اللي انتي لابساه ده

بصت لونا للبسها وقالت

-مش يفهم مالها لبسي

ضغط علي ايديها بقسوة وقال

-لبس الرقصات ده مش هنا ولو كان ابوكي ساب لك الحبل وخلاكي تعيشي زي الاجانب فهنا لا يا روح امك... هنا الهدوم تكون مغطياكي من شعرك اللي سايباه ده وفرحانلي بيه لحد صوابع رجلك مفهوم

لونا بعند

-لا مش يفهم وانا هرة وبراهتي يلبس اللي عاوزاه ومش يسمع كلامك

احمرت عيونه بغضب شديد من كلامها اما هيا فطلعت تجري بره الاوضة اول لما شافت معالم الغضب علي وشه

خبطت لونا في جميلة بقوة فوقعت علي الارض... اتصدمت جميلة اول لما شافت جمال لونا الملفت فقالت بغضب وغل

-

ايه اللي انت لابساه ده يا قليله الحيا

البيت في رجاله

نفخت لونا بضيق وهي بتقول

- انا هره يلبس اللي انا عاوز مش كل واحد تقول لبسي وحش

جميلة

-لا يا حبيبتي الكلام ده مش هنا وبعدين انت جايه تجري من جناح عاصم صح

لونا

-مش يعرف اسمها بس هيا رخم اوي

قربت منهم مريم اخت جميلة في الوقت ده وقالت

-يا حلاوه يا ولاد والله والاجانب دخلوا بيتنا.... بس ايه يا بنت الحلاوه دي انا اول مره اعرف ان عندي بنت عم حلوه كده

جميلة بغضب

-فين الحلاوه دي ما هي عاديه اهي

مريم باستفزاز

-لا يا اختي هي حلوه وحلاوتها مش عاديه بس انت اللي صفارك طافح عليها

بصيت لهم جميله بغضب شديد هو مشيت من قدامهم بصيت لونا لمريم وقالت

-مش يعرف هي يزعل ليه لونا ما عملتش حاجه

مريم

-سيبك منها هي بتغل وبتصفر اول لما تشوف واحده احلى منها وانت بصراحه ما فيش مقارنه

احمرت خدود لونا خجل شديد وقالت

-ميرسي انتَ اسمكي اي أنا لونا

مريم

-وانا مريم يا ستي

خرج عاصم من اوضته في الوقت ده احمرت عيونه بغضب شديد لما شافها لسه واقفه بهدوم النوم.... قرب منها بغضب وقال بقسوة

-اممم كده انا فهمت انت حابه تعرضي جسمك لينا علشان توقعي حد فينا واكيد ست الوالده هي اللي طلبت منك تعملي كده بس هقول ايه دي حاجه متوقعه من واحده زيك ما شافتش بربع جنيه تربيه وعاشت طول عمرها بره وسط الاجانب وبقت زيهم دي مش بعيد تكون مشيت مع نص الشباب اللي هناك

نزلت دموع لونا من كلامه وقالت

-انا مش زي ما تقولي وده لبسي ومش هيغيره عشان حد انتي فاهم

قالت كده وطلعت تجري لاوضة امها ودموعها على خدها.... دخلت اوضة والدتها واترمت في احضانها

سمر بقلق

-مالك بس يا بنتي بتعيطي ليه

لونا بدموع .

-اللي اسمها عاصم يقول عليا كلام وحش يا مامي وانتي يعرف ان انا مش كده

سمر بحنان .

-معلش يا بنتي ما انتي عارفة أنهم مش بيحبوني ابعد عنهم خاالص وبلاش نعمل مشاكل ووعد مني اول لما امورنا تتحسن هاخدك ونمشي من هنا انا وانتي وبابي

مسحت لونا دموعها وقالت بعند

-لا انا يعمل مشاكل.... مش هسيب هد يتهكم فيا انا هرة ويعمل اللي انا عاوزاه

سمر بتنهيدة

-يا بنتي بلاش مشاكل ده اول يوم لينا هنا

لونا

-مش تخافي مامي انا يعرف يتصرف هلو (حلو)اوي

قالت كده وراحت اوضتها

بالليل

كان الكل متجمع علي سفرة العشاء... اتكلمت حورية وقالت

-اومال فين بنتك يا سمر مش ظاهره يعني اوعي تكون قاعده في اوضتها بتكلم شباب

سمر بنفعال

-اخرسي انا مربيه بنتي احسن تربيه وهي مستحيل تعمل حاجه زي دي وخليك في حالك يا حوريه وما لكيش دعوه ببنتي علشان انا اللي يقرب من بنتي اكله بسناني اكل

اتكلمي عاصم بحدة

-اظن ان احنا على اكل دلوقتي والكلام ملوش اي لازمه

سكتوا الاثنين من نبرته الحادة ورجعوا يكملوا اكل... وفجأة سمع الكل صوت كعب عالي... رفع الكل يشوفوا مين صاحبة الكعب ده.... لمعت عيونه بغضب شديد لما شافها نازلة وهيا لابسة فستان قصير يكاد يغطي فخادها... همس لنفسه بغضب

-بتتحديني يا بت الرفدي ولابسة لي فستان مبين فخادك بس ماشي لو عمي معرفش يربيكي انا هعرف اربيكي كويس اوي

قربت من جدها بابتسامة واسعة بتبرز جمال ملامحها

-مساء الخير يا جدو

ابتسم صفوان بحنان وقال

-مساء النور يا حبيبة جدو روحي يلا اقعدي جمب عاصم عشان تأكلي

بص بتطرف عنيها لعاصم وقالت

-لا انا مش يقعد جمب هاصم

غمض عيونه بانتشاء من اسمه اللي طالع من بين شفايفها يخليك عاوز تاكلها... حمحم بقوة من تفكيره المنحرف اللي بقي بيراوضه من اول لما شافها الصبح...

صفوان

-ليه بس يا حبيبة جدو هو عاصم بيعض

لونا

-ايوة هو يزهق لي (يزعق لي) كل ما تشوفني وانا يهاف منها اوي

صفوان

-معلش يا حبيبة جدو هو كده روحي بس اقعدي انهاردة جنبه وبكرة اشوف لك مكان تاني

هزت رأسها وراحت فعلا تقعد جمب عاصم اللي كان بيبص لها بغضب شديد من لبسها... مد ايده من تحت الطرابيزة وقرصها بعنف وغل...

-اهااا

صرخت بوجع وهيا بتفرك مكان قرصته وكل الانظار اتحولت ناحيتهم اتكلم سامر بقلق وقال

-في اي لونا مالك يا حبيبتي

لونا

-احمم في هموسة (جموسة)يقرصني... اهاا يقصد نموسة نموسة

غيرت كلامها بسرعة لما قرصها في نفس المكان تاني

دمعت عيونها بوجع وهيا بتحاول تخفف آلام قرصته... ميل عليها وقال بهمس رجولي

-ده انا هطلع ميتين امك علي اللبس ده... هو انا مش قولت لك متلبسيش القرف ده تاني

بصت له بتكشيرة وقالت بضيق

-وانا يقول أنا هرة ويهمل اللي انا عاوزه فملكش دهوة يا هاصم

للمرة التانية تنتطق اسمه بالطريقة دي... دي لو قاصدة تجننه مش هتعمل كده.... كانت جميلة قاعدة وهيا هتطق من كتر الغيظ وهيا شايفة همسهم لبعض وسط الكل من غير اي خجل اتكلمت بحدة وقالت .

-مالك يا مسهوكة انتي لازقة في عاصم كده ليه ما تقعدي في حضنه بالمرة... وانا هستغرب ليه ما هو ده العادي من واحدة زيك عاشت طول عمرها بره

صرخ بصوت جهوري رعب الكل

-جميييلة... كلمة كمان وهقوم اقطم رقبتك دي بت عمك يعني من عيلة الجزار وممنوع حد يهينها مهما كان هو مين

سماح برفعة حاجب

-وانت محروق اوي عليها كده ليه تكونش عاجباك

عاصم ببرود

-وانت مالك... خدي بالك دي تاني مرة تتدخلي وانا بتكلم.... التالتة هتكون تابتة ومش هيفرق معايا حد وههينك وسطهم كلهم

مصطفى بغضب

-لا بقي كده كتير يا ابوي انت شايف عاصم بيقول اي وساكت ليه

صفوان بحدة

-ما انت لو حاكم بنتك ومراتك مكنش ده كله حصل

سكت مصطفي بغيظ وكره... ميلت سماح علي حورية وقالت بخبث

-مش قولت لك البت هتاكل بعقله حلاوة شايفة من اول يوم زعق لجميلة وليا عشان خاطرها اصبري بس وشوفي الايام الجاية هيحصل اي

شحب وش حورية وهيا بتبص للونا ولعاصم.

رجعت نور تكمل اكلها ببرود وفجأة حست برجل بتمشي علي رجلها بكل وقاحة... بصت بغيظ لاحمد اللي كان قاعد قصدها وبعدت رجلها بسرعة ورجعت تكمل اكلها ببرود تحت نظراته العاشقة الولهانة.. وبعد شوية خلصوا اكل وكل واحد طلع لاوضته...

كانت لونا قاعدة في اوضتها وفجأة خبط باب الاوضة قامت بخوف وهيا خايفة انه يكون هو... اتنهدت براحة اول لما شافت اللي قدامها كانت نور ومريم

نور بهمس

-دخليني بسرعة ماما شافتني هتنفخ

فتحت لها لونا الباب بسرعة ودخلوا وقفلت الباب .

نور

-معلش بقي علي اللي حصل علي الاكل ده

لونا بلامبالاة

-انا اصلا مش يهتم

مريم

-ايوة بقي يا جامد انت ياللي مش مهتم

نور

-تعالي بقي كده احكي لنا علي بلاد بره

لونا

-اممم هو مش هلو اوي بس انا يكون مبسوطة هناك ومش حد يزهق لي (يزعقلي) كل شوية وكمان يلبس براهتي

نور

-يا بختك ده انتي عايشة حياتك احنا هنا اللبس اللي انتي بتلبسيه ده الواحده بتلبسه لجوزها وبس

مريم

-اه والنبي يا اختي ده انا مستغربة عاصم ازاي سكت لك تحت علي اللبس ده ومتكلمش ده لو شاف واحدة مننا لابسة ضيق بس بيخرب الدنيا اصل دمه حامي اوي علي أهل بيته ولو يطول يلبسنا خيمة هيعملها

لونا

-ما هو يزهق لي وكمان قرصتني في رجلي بص كده

قالت كده وورتهم العلامة الحمرة مكان قرصته العنيفه.....

نور بصدمه

-علشان كده صرخت واحنا قاعدين ناكل

هزت لونا راسها بقى ايوه فقالت مريم

-بس غريبه يعني عاصم عمرها ما عملها مع اي حد

لونا

-هو مش يهبني وانا مش يهمل حاجه بس انا مش يسكت ليها.... ايه رايكم نخرج بكره لونا هاوزه يتفرج على مصر

نور بضحك

-مصر متبريه منك ومن طريقه كلامك دي بس ما تقلقيش انا هخليك مصريه اصيله وهعلمك الشرشحه كمان لو عاوزة

سقفت لونا بحماس وقالت

-ايوه انا يهب الشرشهه

ضحكوا البنات عليها وفضلوا شويه قاعدين مع بعض يتكلموا وبعدها كل واحدة راحت لاوضتها....

دخلت لونا الحمام اخذت شاور.... خرجت من الحمام وبدات تحط كريمات على جسمها ووشها... شهقت بصدمه اول لما سمعت همس من وراها بيقول

-انا برده قلت البياض ده اكيد مش طبيعي

لفت لونا ليه بسرعه واتصدمت قوي لما شافت عاصم واقف قدامها بهيبته الطاغيه... اتكلمت بتلعثم وقالت

-لونا مش يفهم هاجة

عاصم

-يعني قصدي ان بياضك ده مش طبيعي وبتحطي بلاوي زرقاء على جسمك علشان تبقي بيضاء كده

لونا بسرعة

-لا والله انا مش تهمل كده ده مرطب بس عشان يفضل مترطب

قرب منها عاصم وعينه بتفترسها... بلعت ريقها بتوتر ورجعت لورا وهيا بتقول بتوتر

-في ايه يا هاصم انتي يقرب كده ليه

حاصرها عاصم بايده علي الحيطة وهو بيقول

-ميتين ام لسانك ده يتعدل بقي عاصم الجزار يتقال له هاصم انتي

لونا بتوتر وخدودها بقت شبه الفراولة من كتر الخجل

-انا مش يفهم انتي زهلانة مني ليه انا مش هملت حاجة

عاصم بغضب

-اومال ميتين ام لبسك ده اي... انتي فاكرة رجالة الجزار زي ابوكي الخروف اللي سايبك مصدرهم ولا اي

لمعت عيون لونا بالدموع وقالت

-هلي فكرة بابي يقول البسي هجاب بس انا لسه صغير

عاصم

-مين دي اللي صغيرة يا بنت الرفدي انتي مش بتبصي لنفسك في المراية ولا اي... ولا جسمك اللي قد الست العادية مرتين

شهقت لونا بصدمة وحطت ايديها علي بقها بصدمة وقالت

-انتي يقصد أن لونا تهينة (تخينة) ومش هلوة

حط عاصم ايده في جيبه ببرود طاغي علي شخصيته وقال

-بالظبط كده فداري بقي نفسك عشان الواحد قرف من اللي هو بيشوفه ده وانتي باظة من كل حتة كده

قال كلامه بقسوة قاصد أنه يجرحها عشان تعدل لبسها.. بص لها وشاف عيونها بتلمع بالبرود مهتمش بيها وراح ناحية الباب وخرج من الاوضة بكل برود...

كانت واقفة حورية من بعيد وهيا شايفة عاصم خارج من اوضة لونا فقالت لنفسها

-خدي البت طلعت سهنة فعلا زي ما سماح قالت وهتلف علي عاصم بس لا مستحيل اسمح لبنت سمر انها تتجوزه وتلف عليه زي الحية انا هوريها اللي هعمله