لو كنت اعرف إنك اللي تحت ايدي كنت قت'لتك

قام من سريره وقال اسمعيني يا سارة مكنتش اعرف أن هقبلك بعد السنين دي كلها !!

خرجت بره الاوضة و كان بيجري ورايا كل اللي كنت بفكر فيه أبني اللي راح مني .

فجأة سمعت صوت جسمه وهو بيقع على الأرض قلبي حن تاني و جريت عليه بلهفه .. انت كويس مش قولتلك لازم ترتاح .

بص في عيوني بتركيز وقال : لسة حلوة زي ما انتي بس عيونك كلها حزن .

ساعدته يقوم و رجعته اوضته و بنته بتجري حوليه و صوت ضحكها بيرن في المستشفي فرحتها أن ابوها عايش ...

مكنتش جاهزة لأي عتاب كنت عايزه اسيبه و امشي و اهرب من كل حاجة ..؟

وقلت بوجع .. أنا ابني مات وانا بنقذك كأن الماضي بتاعي بيرجع و الحاضر بينتهي.

رد وقال .. اوقات الماضي ممكن يسبق الحاضر و يكون احلى و بعدين البقاء لله شكراً أن كان ليكي يد بعد ربنا أن اصحى و اشوفك تاني 

دي احلى مرة فتحت عيني و شوفت حاجة كانت وحشاني .

ردت البنوته باستغراب : أنت تعرف ماما يا بابا .

لقيته سرح وبص لسقف وقال : ها ابدا لا لسه عارفها من دلوقت 

بصلي وقال : دي رهف بنتي الحاجة الحلوة اللي فاضله ليا .

ابتسمت وقلت بجمود : حمد الله على السلامة تقدر تخرج النهاردة كتبتله على علاج و بحاول ابعد عيني عنه بكدب مشاعري اللي عمري ما قدرت اتحكم فيها 

وحضنت رهف و خرجت زعق هو وصوته كان عالي 

اسمعيني يا سارة استني أنا ما صدقت اشوفك تاني احنا لازم نتكلم كنت سامعه و قلبي بيوجعني 

ازاي الواحد بيحب مرة مبيعرفش يحب تاني .؟

مشيت بره و مبصتش ورايا ركبت عربيتي و روحت شقتي شوفت حسين قاعد بيشتغل مكلمتوش دخلت اوضتي طلعت بجامة اخدت شور هادي و حضرت أكل و اخدت هدومي و نزلت النادي اتمرن خلصت و صليت و رجعت تاني لقيته نايم على الكنبه بصتله بقرف و قربت منه وقلت بكل قوة 

أنا عايزه أطلق يا حسين و ابقى حره و اعيش حياتي و هسبلك الشقة بكل اللي فيها مش عايزه اي حاجة تفتكرني بيك ولا بريحتك عايزه اعيش حياتي بدون مرض نفسيتي بقت وحشه بسببك .

كان ساكت و فجأة رد : ماشي يا سارة انتي طالق طالق طالق.

حسيت براحه غريبة لما طلقني قولتله بجمود أنا هاخد اللي محتاجه و هرجع بيتنا القديم 

و بالفعل قمت جهزت الشنط و نزلت أنا بقيت حره كنت فرحانه اوي أن مش على ذمة حسين اللي اتجوزته غصب عني عشان مرآة ابويا وافقت عليه 

وأنث عمري ما اخترته عشان مشوفتش الحب في عينه ولا حتى ف كلامه ولا أفعاله .

رجعت بيت بابا الله يرحمه كل حاجة كانت في مكانها كان هادي بشكل غريب وكنت مرتاحه مرآة بابا اتوفت بقالها سنة و البيت اتقفل كنت برجع كل فترة اشغل فيه قران و اروقه و ارجع شغلي .

قمت روقتها و حضرت أكل و صليت و كنت بعيط على ابني حسه أن جزء مني ضاع من التعب نمت مكاني و صحيت روحت شغلي بس كنت بحاول ابقى مبسوطة 

كان عندي عمليات اليوم ده افتكرت ياسين و روحت عند اوضته ملقتهوش و فجأة بمشي لقيته ورايا ابتسم وقال : كنت عارف إنك هنا عايز اتكلم معاكي شوية .

عملت نفسي مسمعتش و مشيت وهو ورايا .. سارة مش عايز افتح في حاجة حصلت من زمان و فات عليها خمس سنين عايز  اتكلم معاكي سارة يا سارة..

دخلت اوضة الدكاترة جوايا حاجة بتقول اسمعيه لكن اللي حصل يومها وجعني و مستحيل اسامح عدا كتير اوي عشان يبقى في فرص تانية أنا مش لسه مراهقه طفلة أنا بقيت ام و كبرت .

لحد ما دخل ياسين و فجأة كل الدكاترة خرجت و قعد قصادي وقال بغضب و عروقه كانت بارزه قلت بخوف : في ايه ؟

لما ابقى عايز اكلمك تقفي و تسمعي أنا تعبان و مش قادر الف وراكي ..

وانا مش عايزه يبقى في بينا تواصل تاني يا ياسين ليه أنا مجرد دكتورة عالجتك وخلاص .

مسك أيدي وحطها على قلبه وقال : فاكرة ده مكنش بيحب غيرك و عمره ما حب غيرك يا سارة أنا مستعد دلوقت اصلح غلطتي اللي غلطها زمان .

سحبت أيدي بغضب وضربها بالقلم .. ايدك متلمسنيش تاني أنت غريب عني و بعدين اللي بيتكسر مبيتصلحش .

قعدني على الكرسي وقال أنا عارف ان وعدتك بالجواز و اتجوزت غيرك ...

ضحكت بوجع : اتمنى اكون فخور باللي عملته .

أنا كنت شايف أن مستحقش حبك وان مش حاسس بقيمتك معايا بس كنت بحبك برتاح معاكي و بلجأ ليكي في كل وقت بس كنت ببعد عشان خايف عليكي لما حسيت أن مش هقدر اكون معاكي مشيت .

صرخت فيه و قولتله بغضب : انت ضعيف و جبان 

وانا مش عايزه اشوفك تاني و مستحيل ارجع لك تاني انساني و طلعني من دماغك .

اسمعيني يا سارة أنا عمري ما نسيتك أنا كنت بتعذب في كل لحظة في غيابك أنا ما صدقت اعرفلك طريق 

و القدر جمعنا تاني يا سارة 

افتكرت صريخي وقتها لما شوفت خطوبته قدام عيني .

لقيته شد كتفي وقال أنا عايز رقمك صرخت في وشه و الناس اتلمت حواليا بصيت عيد عيونه وقلت 

الراجل ده بيحاول يخطفنييييي ..

يتبععععععععععع