اندفع يامان داخل الشركة بخطوات سريعه ،عبر الشبان المتجمعين آمام غرفة الانترفيو فى انتظار دورهم

دخل من الباب دون استئذان وقال للبنت المتقدمه للوظيفة

الى قاعده قدام بسنت السكرتيره، الانترفيو اتلغى النهرده.

بسنت رفعت وشها بتعب وارهاق واستغراب ،عارفه ان يامان رحمها مش شغل كتير ودوشه وان دماغها كانت هتنفجر من اسألة المستجدين لكن عارفه كمان ان دخلته دى وراها مصيبه.

خير يا مستر يامان؟ همست بسنت بنبره احتراميه مقدده

قعد يامان على الكرسى وسند دقنه بأيده

ألغى الانترفيو النهرده ية بسنت من فضلك.

رفعت بسنت صوتها فى السماعه الخارجيه واعتذرت عن تأجيل المقابلات للغد.

رفع يامان وشه عايز كشف وصور البنات إلى قدمو للوظيفه النهرده !!

بقلق وتردد طلعت بسنت الكشف والملفات وقالت ،لكن مش كل صور وأسماء المتقدمين عندى

إلى اترفض من الوظيفه او لم يتم قبوله ملفه او صوره مش عندى.

بصمت مسك يامان الدفاتر وهو بيقول فى نفسه دا هيقلل الاحتمالات للنص لو كانت نجحت فى المقابله اسمها وصورتها هتكون هنا،اما لو مكنتش صورتها موجوده، يبقا تم رفضها.

البنت إلى شافها يامان  مكنتش موجوده من ضمن الصور 

يامان مش عارف ليه متأكد انها جايه تقدم على وظيقه داخل الشركه رغم أنها ممكن تكون هنا لأى سبب تانى، بس شعور جواه بيقول انها كانت عايزه تتوظف

رفع يامان رأسه  ونزع نظارته ،ممكن اعرف الأسماء الموجود هنا دى اتقبلت على اى اساس ؟

سأل يامان وهو بيفتش فى الملفات واضح ان كتير منهم مش معاه شهادة خبره وفيه ناس منهم ضاربه شهادة الخبره  ؟

همست بسنت لازم نعمل كده يا مستر يامان والا مش هنلاقى موظفين يشتغلو عندنا

همس يامان انا مش معارض لكن عايز اعرف المبدأ ؟

الأساس إلى يخلينا نقبل شخص ونرفض غيره ؟

رفعت بسنت ايدها الصراحه مفيش اساس يا مستر يامان

انا بعتمد على خبرتى ونظرتى للى قدامى وحتى لو وافقت عليه بحطه تحت المراقبه بعد ما يتوظف فى الشركه واذا ثبت ضعفه او تلاعبه بنمشية ودا سبب ان عندنا تيرن اوفر كتير لو انت ملاحظ.

نهض يامان وأطلق وأحده من ابتساماته التى تعشقها بسنت

وهمس يعنى ببساطه ممكن نقبل إى حد ؟ حتى البنت اللمضه إلى كانت بتجادل معاكى ؟

قالت بسنت فعلا، لكن بصراحه الشخص إلى بيقول انه هيبذل كل جهده من اول مقابله مش ممكن اثق فيه

ضحك يامان وانا طردتها، ارتحتى يا ستى ؟. همس وهو طالع من المكتب.

فى مكتبه لان يامان نفسه، انت بتفكر اكتر من الأزم يا يامان

بنت واقفه فى إشاره معقول تكون متعلمه ؟

معقول تكون متقدمه لمقابله فى أكبر شركات البلد ؟

إلى انت شفتها اكيد شخص تانى، تهياؤاتك كترت يا عم يامان

منذ وفاة والده ويامان يتابع كل شيء فى شركاته

عدد ساعات نومه تتعد على الايد الواحده، اشعل سيجاره ونظر من زجاج مكتبه يتسأل ماذ يحمل له الغد.

رايحه فين يا تالا؟

هكون رايحه فين يعنى صرخت تالا وهى شايله شنطتها وخارجه من الشقه ،نازله شغلى.

يابنتى ليه تتعبي نفسك؟ انتى مصره على المرمطه ليه؟

الدنيا مستوره والحمد لله.

رزعت تالا الباب وهى بتمتم مش هجوز ابن اختك ولو على جثتي يا ماما.

جلست فى مكانها المعتاد، مكتتش مهتمه تبيع او لا

كانت عايزه تهرب من ألبيت بأى شكل

سندت ضهرها على الحيطه وغمضت عنيها

استمعت بصبر تلميحات أصحاب السيارات اللعينه

تالا لم تنهض لبيع باكو مناديل واحد من لحظة وصولها

حتى إلى كان بيطلب منها مناديل مكتتش بترد عليه

كانت بتفكر فى الشركه ،فى السكرتيره اللئيمه إلى كانت بتقبل معارفها بس ،ومديرها الارعن المتكبر النرجسى المغرور

مش بتقبل موظفين من غير شهادة خبره يا انسه

كررت تالا الكلمه بسخريه ،ان شاله تنشك فى قلبك يا بعيد

شعر يامان بنغزة فى صدره عند اقترابه من إشارة المرور

نغزه فجائيه مباغته وغريبه

وقف فى الأشاره وحس ان الألم بيتضخم بيبتلع كل صدره

نفسه مخنوق يكاد يفقد وعية ،غشاوة فى عينيه

شاور لتالا إلى كانت بتبص عليه

تذكرته تالا فورآ كان اشترى منها باكو مناديل منذ فتره

همست تالا فى سرها اتكل على الله مش رايحه ابيع حاجه النهرده ،رفع يامان يده مره اخرى بصعوبه

هو انت مش بتفهم مش هبيع ،انا اجازه النهرده

ترنح يامان وسقطت يده آلتى رفعها على تابلوه العربيه

بقى جسده ثابت صامت بلا حركه  الاشاره انفتحت والعربيات انطلقت ،وعربيات تانيه كانت بتضرب البوق لان عربية يامان معترضه الطريق ،بقيت سيارة يامان بمفردها

وتالا تنظر اليه بغضب، هو الراجل ده عايز ايه؟ يكونش فاكرني وأحده من اياهم ؟والله لو وقفت للصبح مهعبرك !!

لكن فضولها بعد خمس دقايق دفعها تمشى ناحيته

اتكل على الله يا استاذ انا مش هبيع حاجه وانت معترض طريق الماره ! ؟

لم يتحرك يامان لك يرد

فتحت تالا الباب يا إستاذ انت نمت ؟

لكزته بيدها وسقط جسد يامان على تابلوه العربيه.