وصلت البيت لقيته هادي مفيهوش حد الساعة 12 الضهر طبيعي يكونوا ف الشغل

ظبطت هدومي دخلت خدت شاور وقعدت مستنياهم ومستنية اللي هيحصلي والمواجهة 

بصيت ع الساعة بملل لقيتها بقت 3  وقت العودة صوت المفتاح ف الباب ضربات قلبي بتزيد من الخوف ايدي بترتعش متعودتش ع المواجهة معاهم 

- فيروز انتِ جيتي ياحبيبتي وحشتيني ،

 دي كانت ماما جرت عليا حضنتني بكل حب واشتياق كنت مبسوطة بالحضن ده 

- وانتِ جدا يمامتي والله 

- كده تعملي ف قلبي كده 

- حقك عليا ، كان نفسي اعيش ولو لمرة واحدة بس ف حياتي صح 

- أنا مسمحاكِ يروزي بس باباكِ ..

- عارفة أنه متعصب مني جامد واكيد هيكون ردة فعله صعبة بس هتقبلها 

واحنا بنتكلم حكيتلها ع اللي عملته وع مراد وازاي  كنت مبسوطة 

شوفت ف عينيها مزيج مابين الحزن والفرح مكنتش فاهمة مالها حاولت مشغلش بالي  ، ف وسط كلامنا بابا جه وقف قصادي غمضت عيني مستنية اي رد فعل منه بس لقيته بيحضني ، استغراب ،صمت، توتر، قلبي سرعته بتزيد ، مفتكرش ابدا أنه حضني قبل كده مستغربة ردة فعله ، خرجني من حضنه 

- ريحي دلوقتي ولينا كلام لما تصحي 

-انا اسفه 

- مش وقته ياروز ، مش وقته

بصيت ل ماما لقيتها هزت راسها  ، دخلت اوضتي كنت مستغرباهم الاتنين هدوء غريب منهم مكنتش متوقعة إن ردهم هيكون كده انا خايفة من اللي جاي ، كنت محتاجة انام اوي ف نمت وهربت من التفكير ....

.....

(مراد)

وصلت البيت وانا عارف ان ماما وبابا وتالا اختي مستنيني كنت مبسوط اوي  اني هشوفهم وحشوني بطريقة ، بالرغم اني مبسوط اني هقابلهم بعد فراق سنين الا اني حاسس بوجع ف قلبي وحزن ، خايف ل مقابلش فيروز تاني اتعلقت بيها جامد ، حبيتها ازاي مش عارف ف شهر واحد قدرت تقلب كياني ....

استقبلوني اهلي بترحاب جميل زيهم حضن دافي وبيت دافي، هزار  محستوش بقالي كتير 

- صااحبييي يصحبي 

- ودنااي ، ايه مركبة مايك ف زورك 

- الله اكبر من عينك ياعم 

- مااشيي مااشي ، كنتِ عايزه ايه بقا 

- هو يعني

- بقولك ياتوتي ممكن تجبيلي بس الفوطة من الدولاب 

- من عيوني ، بس يعني ياميمي يحبيبي 

- ميمي تاني والله عيب لما الناس كلها بتحترمني وبتقولي البشمهندس مراد وتقولي ياميمي ، انتِ روحتي فين 

لحظة من الصمت وتالا متنحة للدولاب

- اوووووه انت جبتلي الايفون اللي كان نفسي فيه 

جيت من وراها وحضنتها 

- وانا عندي كام توتي بقا 

- هي واحدة بس 

- بس اهم حاجة تركزي ف مذاكرتك عايزك تجيبي مجموع حلو كده وتشرفيني 

- عيوني ، أنا بحبك اوي يامراد 

-وانا كمان ياعيون مراد ، يلا ع اوضتك ذاكري 

- فوريرة 

- هبلة والله 

مشت وسبتني سارح ف عيونها اللي كانوا سحرني ياترى هنتقابل تاني 

فوقت ع خبطة الباب 

- ادخل 

- صاحي يامراد 

- ايوا يابابا اتفضل 

جه قعد ع السرير 

- أصل كنت عايزك ف موضوع كده 

- خير يابابا ف ايه 

- خير ان شاء الله 

.....

عدا يومين بابا مبيكلمنيش فيه ، رجعت شغلي عادي حياتي رجعت زي ماكانت من الشغل للبيت ولما برجع لازم اشوف كتب جديدة 

وانا قاعدة بذاكر لقيت الباب بيخبط

- روز !

- - نعم ياماما 

- باباكِ عايزك ف المكتب بتاعه 

- ف حاجة ولا ايه 

- مش عارفه ، روحي وشوفي هو عايز ايه 

-تمام 

قلبي مش مطمن خايفة من المواجهة دي 

خبطت واذنلي بالدخول 

- خير يابابا حضرتك عايزني ف حاجة 

- ادخلي يافيروز ، اقعدي 

قعدت ومن كتر توتري كنت ماسكة ف ايدي جامد 

- اوعي تنسي اني نسيت اللي عملتيه 

- أنا اسفة 

- الاسف مش هيعمل حاجة ، أنا فعلا ضغطت عليكِ جامد طول الفترة دي ، بس ده مش هيغفرلك اللي عملتيه 

- يابابا أنا عندي27 سنة دلوقتي معرفش العالم عامل ازاي مواجهتش مشاكل، كل حياتي مابين الكتب والشغل والدراسة وكل حاجة مملة ف الحياة 

- عمر ماكانت الدراسة مملة 

- مش معترضة ع أن الدراسة مش مملة بس ف حدود في فواصل الاجازات معمولة للراحة ، للتنزه ، إنما حضرتك كنت بتجبرني اذاكر 

- كله عشان مصلحتك 

- مصلحتي ف انكم تجبروني ادخل كلية مش حباها بس عشان مكنش أقل من حد ، ولا اني لازم اذاكر 24ساعة عشان محدش يكون احسن مني

- انتِ مبتفكريش غير ف نفسك مش بتفكري ف منظري قدام الناس وخلص الكلام ، تعالي امضي ع الورق ده 

-ورق ايه ده 

- ده ورق كده بتاع ملكية وحاجات متخصكيش امضي وخلاص 

مضيت محطتش ف بالي الكلام ده كنت مضايقة اوي برضو مصمم أنه مش غلطان وان أنا اللي أنانية ، طب ازاي ، أنا ديما بعمل اللي هما عايزينه عشان الناس ومنظرهم وف الاخر اطلع مبفكرش غير ف نفسي طب ده كلام برضو 

رجعت اوضتي بحزن عميق قلبي واجعني حاسة ان ف حاجات غريبة بتحصل هدوء بابا توتر ماما وقلقها لما بتكلمني ديما ، بتتهرب مني مش فاهمة حاجة ، انكمشت ف نفسي وفضلت اعيط من كل حاجة حصلت وبتحصل  وهتحصل ....

عدا ع كلامنا اسبوع من اللاشئ هدوء متماثل مبيكلمنيش كالعادة وماما بتتهرب مني من الشغل للبيت للكتب للنوم  قطع سرحاني دخول بابا عليا الاوضة 

- جهزي نفسك عشان هتروحي ل بيت جوزك 

- بيت جوزي ؟ 

- اه  ، نص ساعة تكوني جاهزة 

- نص ساعة ايه وجوزي ازاي ، قولتها بصدمة كبيرة 

- اكيد مش هتفضلي قاعدة طول العمر معانا 

-  امتا اتجوزت ومين 

- ابن عمك 

- ازاي ، ايه الكلام ده اكيد انت بتهزر 

- انت شيفاني عيل بلعب معاكِ ولا ايه 

- يابابا مهو مش طبيعي انك تيجي تقولي اجهزي عشان تروحي ل بيت جوزك اللي هو ازاي يعني أنا متجوزتش ومحدش اتقدملي ولا اقعدت مع حد 

- أنا جوزتك ومضيتك 

- ازاي ده جواز باطل ده من غير موافقتي 

- اسكتييي ، أنا كلامي بس اللي هيتسمع 

حسيت إن الدنيا بتلف بيا معرفش ف ايه وايه الكلام اللي بيحصل ده  كان بيتكلم وبيزعق مش عارفه كان بيقول ايه بس واحده واحدة الدنيا اسودت ف وشي ....

يتبع..

ياترى هيحصل ايه هل فيروز هتتقبل الأمر الواقع ولا لا ؟، هل هيحصلها حاجة من الصدمة ؟هنعرف البارت الجاي إن شاء الله.