رواية حين يعود المنكسر الفصل الخامس 5 بقلم دعاء فرج
رواية حين يعود المنكسر الفصل الخامس 5 هى رواية من كتابة دعاء فرج رواية حين يعود المنكسر الفصل الخامس 5 صدر لاول مرة على موقع التواصل الاجتماعى فيسبوك رواية حين يعود المنكسر الفصل الخامس 5 حقق تفاعل كبير على الفيسبوك لذلك سنعرض لكم رواية حين يعود المنكسر الفصل الخامس 5
رواية حين يعود المنكسر الفصل الخامس 5
مودة//اهدى يا سليمان المهم البنت دلوقتي
سليمان//بنت ايه دي مخلياها واد وهتلاقي الشيء جوزها ده السبب وهي سمعت كلامه
مودة//اصلا قلقانة عليها واضح انها مش بتحب رؤيه وان فيها حاجة غريبه
سليمان//كل ما اعدي لرؤيه حاجة تطلعلي بحاجه اسوء من اللي قبلها....ولما عرفت اللي يونس عمله رغم اني كنت عارف ان ده كده كده هيحصل.....قولت بنتي ومينفعش اقف ضددها دلوقتي خصوصا اني عارف انها متهورة مش بتفهم صح
مودة//وانت صح لان الكل اصلا متجاهل وجودها خالص.....هي بتحس معاك انت بالامان....مش هتقلق من الكلام معاك.....كلمها يا سليمان لان البنت دي كده رؤيه مش بتتصرف معاها صح.....ويونس مبقاش في حياتها واكيد عدم وجود ابوها هيأثر ميبقاش هما الاتنين معندهمش مسؤليه كده
سليمان//البنت دي تعبتني......مش فاهم قصرت معاها في ايه.......ربتها في حضني عشان لما تكبر ميبقاش حته عيل ويضحك عليها......ادتها الامان عشان تقدر تكلمني من غير ما تخاف عن اي حاجة بتحصل معاها
البيت مكنش سجن بالنسبالها عشان تبقي عوزه تهرب منه بالشكل ده مع واحد زي ده
مودة//ومكنتش غلطان ياغالي......اكبر دليل علي كده ان حور نفسها نوح يبقي زيك......عوزة تعرف تعمل ايه عشان بيتها يبقي زي بيتنا......شافتك وكبرت وهي فاهمه يعني ايه سند.....وآمان في زوج....وهتروح بيت جوزها وهي حاسة ان امانك لسه معاها وانك موجود حتي لو مش قدامها
بتلمس ايديا وهي بتتكلم.....ببقي فاهم انها بتهون عليا واني مكنتش غلطان مع رؤيه.....هي اللي مكنتش قادره تفهم.....ولا قدرت تفرق بين الحب الحقيقي والاستغلال......
ورغم زحمه عقلي وافكاري الكتير في رؤيه وبنتها....إلا ان كل مره ومع مرور السنين بينا بكتشف ان مهما عملت عمري ما هلاقي ونس لقلبي زي مودة.....اللي مهما كبرت بتحلو....
مودة//ربنا يفرحك بس بتضحك ليه
سليمان//انتي بتكبري وتحلوي....
مودة//اوف يا سليمان.....
بتشاور بأيدها بعشوائيه قدام وشها....قبل ما تخبطني في كتفي....الحركة المعتاده كل ما تتكسف.....من اول مره قابلتها فيها......الوحيدة اللي مهما العمر عدا عليها مش بيغيرها ولا بيقدر يطفي نورها.....
مودة//بيقولو يعني هما اللي بيقولو مش انا
سليمان//ااه عارف وخدودك الحمراء دي اكبر دليل
موده//طيب مش هقول حاجة
سليمان//خلاص سكت هاا بيقولو ايه بقي
مودة//ان الست بتحلو ومش بتكبر لما بتكون مع الراجل الصح....اللي مهما عدا سنين لسه قادره يخطف قلبها وقادرة تفضل صغيرة معااه
سليمان//وانا بقي لسه خاطف قلبك....
♡_♡_♡_♡_♡_♡_♡_♡_♡_♡_♡_♡_♡_♡_♡_♡
حور//هتفضلي قاعده لوحدك
إلياس//فين المشكلة؟؟
حور//طيب تعالي معايا الاوضة بتاعتي في شاشة جوه ممكن تتفرجي عليها....وكمان عندي دباديب تعالي افرجك عليها
إلياس//دباديب؟؟؟ بتلعبي بيهم عادي؟؟؟؟
حور//فين المشكلة
إلياس//باباكِ سايبك؟؟؟؟؟؟؟
حور//هو اللي جابهم اصلا تعالي افرجك
بدخل الأوضة بتاعتي.....وبما اني بحب الهدوء بختار دايما الالوان البناتي الهادية......بعد صراع دام لفترة طويله مكنتش بختار فيها غير الأسود والالوان الغامقة
إلياس//واو الأوضة بتاعتك جميله
حور//عيونك اللي جميلة يالوزة
إلياس//هي عيوني حلوة؟؟؟؟
حور//ااه ملامحك جميلة......مريحه
إلياس//ينفع اخد الدبدوب ده اشوفو
حور//خدي اللي عوزاه العبي بيهم براحتك علي ما ارتب الحجات دي
بسيبها وببدا ارتب الحجات اللي جبتها انا ونوح امبارح علي جمب....وبكون ملاحظة استغرابها جدا اني عندي دباديب عادي....
إلياس//باباكِ ده اللي كان مع رؤيه وهي بتجبني؟؟
حور//ااه اسمه سليمان.....مش بيضايق لو قولتيلو يا سليمان براحتك عادي
إلياس//مش بيزعق عشان مش بتقولي يا بابا؟
حور//لا.....هو بيتعامل كأننا صحاب عادي متخافيش منه....
إلياس//اسمك حور صح
حور//ااه ومش لازم تقولي يا خالتو برضو ممكن تقولي حور عادي احنا صحاب
إلياس//انا مش اسمي إلياس علي فكرة
بتقولها بحماس اوي.....وكأنها بدافع عن نفسها وفطرتها وانها مش ولد.....ولا حابه.....يمكن بفهمها كويس في اللحظة دي لاني كنت فيها....وبسبب رؤيه برضو!!!
حور//بجد!! اسمك ايه
إلياس//اسمي همسة......بس ده سر بينا متقوليش لحد
حور//اسمك جميل اوي.....
إلياس//انا كمان بحبه.....الدبدوب ده شكله جميل....احلا واحد فيهم
حور//خلاص خدي....اول هدية مني ليكِ
إلياس//بجد.....اخده ليا خالص
حور//اااه....وفي هدية تانية.......لما عرفت انك هتيجي جبتلك التوك دي هتبقي جميله اوي عليكي عشان شعرك قصير
في الحقيقة مكنتش اعرف بوجودها اصلا.....ولا ان رؤيه عندها بنت......ولكن حسيت انها محتجاهم... محتاجة تفهم انها بنت.....ومش لازم تبقي حاجة تانية غير نفسها.....وتعتز بفطرتها وتحبها.....
إلياس//جبتيهم عشاني بجد؟؟؟؟
حور//اه تعالي نجربهم بقي في شعرك
شعرها كان قصير جدا......البوي كات مش بيكون مناسب معااه انواع توك كتيره....لذالك اكتر حاجة كانت مناسبة ليها التوك اللي علي شكل حلق....وحظي كان معايا.....والقدر فرحان عشانها والانواع اللي عندي كانت علي شكل فراشة....وللسخرية من حالها
ملامحها لما بدات تظهر انها بنت.....كانت جميلة؟؟؟
حور//بتحبي شكل الفراشة
كان باين علي ملامحها انها مبسوطه بشكلها..... وبتلمس التوك كأنها طفل صغير.....وخايفه تقع من شعرها.....بتجاوب براسها وهي لسه عنيها علي المرايا
بخرج تاتو ازرق المفضل بالنسبالي.....ولانه اسرع حاجة هتظهر وبختار شكل الفراشة وشعرها القصير بيساعده يظهر بسهولة في رقبتها.....بما ان مفيش حاجة تغطي عليه
حور//واو......تعالي نفرجهم لداوود
باخدها من ايدها قبل ما تتكلم او ترفض وبدخل علي طول......وانا من جوايا بدعي يكون لسه صاحي وهي واقفه ورايا كأنها بتستخبي!!!!!
حور//كويس انك صاحي
داوود//في حاجة
حور//بص.......
بشدها من ورايه براحه......بحس عنيها علي داوود بترقب لكل افعاله.....وكأنها مستنيه رد معين!!..... وداوود حاله من حالي لان شكلها فعلاً اتغير جدا وبان انها بنت رغم ان التغييرات كانت بسيطة توك وتاتو
لكن عملوا فرق كبير في شكلها.......
داوود//واو.........شكلك تحفة....اي القمر ده...الفراشة لايقه عليكي....وعنيكِ حلوة
بحس انها اتكسفت جدا.....بتبتسم وهي بتحاول تداريها وبتفرك في ايدها....وشكلها بيكون بنت!!!!
وبحمد ربنا ان داوود عرف كلمة تانية غير كلمة«كويس»
ولحسن الحظ.....بيدخل عابد اخر شخص توقعت انه صاحي دلوقتي!!!!
عابد//اي ده؟؟؟؟
بتركز مع عابد.....اللي بكون قلقانه منه بما انه مش بيكره قد رؤيه.....وكان متعصب علي اللي عملته في بنتها......مكنتش قادره احدد موقفه هيكون اي مع البنت دي
عابد//ام لسان طويل؟؟؟؟؟
حور//عابببببد
عابد//شكلك.......فراشة....عسولة اوي اللي يشوفك يفكرك رقيقه لكن مش هتقدري تخدعيني
إلياس//انت زعلان عشان قولتلك روح نام واسكت
عابد//اي الصوت ده؟...........طلعتي منين ده
بنضحك كلنا وعابد عنيه عليها بأستغراب.....فعلا لما جت كان صوتها تخين.....عكس دلوقتي بتتكلم برقة!؟؟؟؟؟؟؟؟
إلياس//خلاص متزعلش.....نتصالح؟؟
وبعد محاولات من عابد يداري بيها شكلة الوحش وهو معندوش مشكلة يصالحها.....بيتصالحوا.....وبحس انها اخف وهي بينا.....وانها خدت علينا بسرعة وبحمد ربنا ان الوضع نوعا ما بقي سهل بعد ما تقبلت تتعامل معانا براحتهاا
عابد//مش هتنزل تصلي؟؟
داوود//لا هنزل استنى ننزل سواء.....اتاكد بس ان سليمان صاحي علي ما البس
حور//انا هشوفو......وخليك معاها
بشاور بأيدي عليها.....مكنتش حابه انادي عليها بأسم ولد.....ومكنتش عارفة اقول اسمها الحقيقي لانها قالت انه سر!!!!
عابد//تعالي لما اختارلك اسم انادي عليكي بيه
إلياس//انا عندي اسم
عابد//إلياس مش حلو عليكي عاوزين اسم بناتي
داوود//اي رأيك تختاري انتي اسم ليكي
إلياس//لالا انا عندي اسم غير إلياس....اسمي الحقيقي
داوود//اسم ايه؟؟؟
إلياس//همسة
عابد//يابنت اللذين امنوا يا رؤيه......عملت من همسة إلياس!!!!!!!!!!!!!!!!!!!!!
داوود//المهم ان اسمها حلو.....اسم عسول اوي انا هنادي عليكي بيه اتفقنا
عابد//وانا كمان حبيته اسم بطعم الفراولة
إلياس//بس انا مش عوزه رؤيه تقولو....
بدخل علي اخر جملة قالتها.....ونظراتي بين عابد و داوود اللي كلهم بيستغربوا كلامها لكن كلنا مش بنظهر حاجة وبنحاول نتعامل طبيعي
عابد//ليه مش عوزه؟
همسة//.......كده محدش يسألني ليه
بنحس انها مش عوزه تقول......او خايفة تقول اللي حاسه بيه وسببها ايه.....
داوود//خلاص احنا هنقولك يا همسة ومش هنخليها تقوله اتفقنا
همسة//..............ماشي هحاول اثق فيك
عابد//اي رأيك تنزلي معانا نصلي....هي صغيرة عادي صح؟؟؟؟؟
نظرات عابد علي داوود مستني يشوف رآيه ايه؟؟...
داوود//اااه بس هنجبلها منين لبس
عابد//عادي يا داوود دي صغيرة مش شرط لبس صلاة يعني.....
داوود//بالتاتو؟؟؟؟؟؟؟؟؟؟؟
حور//احم ده مش بيتشال.....هو بيروح لوحده
عابد//يابني دي صغيرة عادي عادي خلي حد يكلمها عشان تاخد ثواب صلاة الميت بعدها
داوود//انت عمال عادي عادي عادي ايه مش عادي عندك
عابد//عارف لو لابسه قصير كنت قولتلك لا مينفعش... انما دي لابسه اوڤر سايز يعني احتشام ووقار
داوود//وقار ايه دي حاطه تاتو.....
عابد//وريني كده؟؟؟؟؟؟
بيلمس دقنها وهو بيتفحص شكلها بتفكير......وانا متفرجه
عابد//......عاجبك التاتو ده؟؟؟
همسة//ايوة؟
عابد//مالك بتقوليها بتردد ليه....هو فعلاً حلو هننزل بيه
بيفقد داوود الامل وبيسيبنا عشان يتوضي.....وانا بحمد ربنا ان عابد بيتعامل معاها كده!!....لدرجة اني حسيت انها حبته اكتر حد فينا.....مازالت مش بتتصرف بحرية اوي....لكنها مبسوطه علي الاقل
سليمان//عاابد
بنسمع صوت سليمان.....وقبل ما اقرب انا لهمسة عشان اخدها لما عابد يخرج....بيشيلها عابد وبياخدها معااه وهنا الصدمة مكنتش عندي بس.....حتي هي واضح ان الحركة دي بالنسبالها غريبة!!!!.....لدرجة انها كسفتها
عابد//خلصت؟؟؟؟
سليمان//ايه ده؟؟
عابد//احلوت صح؟؟......قررنا ناخدها معانا واحنا بنصلي
رؤيه//بقت عسولة هاتهاا كده
بتاخدها منه كأنها لعبه صغيرة.....وهمسة بتتنقل بينهم وباين عليها الاستغراب او يمكن بتكتشف....مكنتش مستغربه اووي.....واضح ان الاجواء دي غريبه عليها وباين انها كانت بين صراع رؤيه ويونس.....ومحدش فيهم اهتم ليها
رؤيه//اي الحلاوة دي كلها.....واخده حلاوة البنات كلها لوحدك
داوود//انا الحمدلله خلصت خلاص ننزل ولا ايه
عابد//هاتيها بقي عشان ننزل
بياخدها فعلا وبينزل......وللحظات بحس ان فيهم شبه من بعض....بدون انذار عقلي قالي كده.....خدت بالي لما خدها تاني وملامحها بقت جمب ملامحه....حسيت ان تم استنساخ عابد في بنوته
بدخل الأوضة بتاعتي بعدها......وابتسامتي بتختفي وانا من جوايا قلبي واجعني عليها.....وان ازاي امها تعمل فيها كده؟؟؟.....جالها قلب ازاي تسمع كلامه...
«فلاش»
حور//انا مش فاهمه انتي ليه مصممه علي اللي اسمة يونس ده.....ده مفيهوش ميزة واحده تحبي عليها
رؤيه//وانا مش فاهمه انتي ليه بتكرهي رغم انه معملش حاجة يعني
حور//انا مش بكره انا مش شيفااه مناسب بس
رؤيه//والله مش شيفااه مناسب.....ولا شايفه ان مينفعش اتجوز قبلك
حور//انتي بتهزري.....انتي بجد شايفة الموضوع كده؟؟.....انا فعلا خايفة عليكي منه
رؤيه//وليه مبقاش شايفه الموضوع كده.....عادي بتحصل هعذرك الغيره بين الاخوات مش الطف حاجة فعلا
حور//غيره؟!!!!!! ده انتي دماغك راحت منك خاالص
رؤيه//ااه ليه لا......عماله توقفي الموضوع وخلاص وتقنعي بابا انه فعلا مش كويس....عوزة تخليه يبعد عني وخلاص.....زي ما خطيبك قرر يسيبك قبل الفرح
بعد ما عرف ان ملكيش لازمه ومش هتخلفي
حور//انتي ازاي تتكلمي معايا كده يامريضه انتي
رؤيه//اومال عوزاني اكلمك ازاي....حور متدخليش في حاجة تخصني خصوصا الموضوع ده عشان بجد هتزعلي
«بااااااااااااااااااااااك»
بقف قدام المرايا للحظات......وانا بفتكر اسواء فترة عدت عليا في حياتي.......بسببها......وكمية المواقف اللي جمعت بينا وكان محتواها.....معايره بأني عمري ما هبقي ام.....ولا هتجوز.....وان طبيعي محدش يقبل بيا
كانت بتعايرني بقضاء الله عليا؟؟؟؟؟؟........بتستغل نقط ضعفي ضددي......وهي مبسوطه!!!
«فلاش»
سليمان//برضو عملتي اللي في دماغك
حور//هو كدة كدة كل شوية بيقع اكتر
برد عليه وانا بعيط....بعد ما قصيت شعري....بقوم من مكاني وببعد عن المرايا وبقعد علي السرير....وانا بحاول امسح دموعي بضهر ايدي يمكن تقف شوية بقي
سليمان//هو اللي خسرك....وهو اللي مفروض يزعل عليكي مش انتي
حور//بس انا مش زعلانه عليه.....هو مكنش عارف اصلا يخليني احبه......انا بس خايفة كلام الدكتوره دي يكون صح.....
كنت حاسة ان كل حاجة كويسة وهو موجود....وان رغم ان الشيء اللي اسمه خطيبي ده قرر يمشي....إلا ان عدم وجوده مقدرش يكسرني.....بالعكس احساسي ان سليمان موجود كان كفاية عشان يخليني اسيب وانا مطمنه.....ابعد وانا عارفه اني مخسرتش حاجة
سليمان//......متقلقيش من حاجة في ايد ربنا.... بالعكس اطمني لان اللي انتي عوزاه هتاخدي طول ما ظنك في ربنا خير
بيلمس خدي وهو بيحاول يطمني......كنت واخده باله من نظراته لشعري.....وانه زعلان عليا.....اي حد يعرفني عارف انا قد ايه بحب شعري.....اهتمامي بيه جزء اساسي في حياتي
حور//كلام رؤيه جرحني......وانه منها ضايقني اكتر
هي ليه شايفة نفسها مميزة عني وان محدش يقبلني واني بغير منها.....وكل ده مش حقيقي
سليمان//انتي كتير علي اي حد يجي وياخدك مني....صعب يرضيكي وياخد قلبك.....مش هيعملها غير راجل يستاهل يقف جمبك وتكوني الجزء اللي بيحلي حياته
حور//بس ده مش هيحصل وانا مش هقدر اجيب ولاد
سليمان//ويمكن تجيبي ولاد عادي جداً......بس كان لازم ده يحصل عشان التافهه ده يبعد عنك.... وميكملش معاكي غير اللي يناسبك
حور//هتديني بقي فلوس اجيب سيرم لشعري ولا اكمل عياط
سليمان//يعني انتي تقصي شعرك وانا اللي اتعاقب.... ماشي ياستي حاضر
بحضنه وانا ببتسم وحقيقي ده الشخص الوحيد اللي بحس ان قلبي بياخد كلامه عشان ينفذه.....الزعل بيروح وبقدر اقتنع ان مفيش حاجة وان اللي حواليا هما اللي غلطانين......
سليمان//مودة هتموتني انا وانتي دلوقتي
حور//بتحبني انا اكتر ولا مراتك يا سليمان؟؟؟
طريقتي كانت دراميه جداا.....رغم اني عارفه الرد بتاع كل مره.....
سليمان//حور ياحبيبتي دي عوزة كلام؟....اكيد مراتي
«بااااااااااااااااااااااك»
♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡
عفراء//خلصتي ولا لسه......هنتأخر
غفران//ثواني يااابنتي بس الجوانتي مش عارفة راح فين لحق يضيع......
سيف//كل ده مخلصتوش
غفران//اخيرا لقيته.....كده خلاص خلصت
سيف//طيب يلا
عفراء//أخيراً يارب
بننزل للصلاة وانا بدعي مقابلش داوود......مجرد اني اشوفه بس بحس ان قلبي وجعني.....واني عوزة ابيعه قطع غيار.....
بندخل المسجد.....بطلع انا وغفران لمسجد النساء والهدوء وريحة المعطر....بتخليني عوزة اجيب بطانية وانام......!!!!!
بنصلي وبنقعد نستني الاذان.....وغفران بتسيبني وبتقعد في ركن لوحدها.....كنت عارفه انها عاوزة تقعد لوحدها عشان تدعي....مش بيعدي وقت طويل المسجد بيبدا يتملي......لكن مازال الهدوء بينا....بقعد اصلي الصلاة الابراهيميه وانا مستنيه.......مش بيعدي وقت طويل......وبحس ان دقات قلبي زادت....وقف لثواني.....لما بسمع صوته!!!!!!!!
بكذب نفسي......من امتي وهو بيأذن الفاسق التالف ده؟؟؟؟
بحاول اخرجه من بالي.....حتي لو هو.....بحاول اكلم قلبي وافهمه ان دلوقتي وقت الصلاة.....وقتي الخاص مع ربنا....الوقت اللي برتاح فيه وبخرج الدنيا واهلها كلهم من بالي....وكل حاجة بتتحل بعدها
بيخلص الاذان وبتبدا الخطبه.....وبحمد ربنا انه شيخ تاني اللي هيقولها وببدا اركز معاه
♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡
همسة//صوتك حلو اوي
داوود//انتي احلا
عابد//اقعدي هاديه عشان نسمع الخطبه
بتقعد بعد معاناه معاها......عاجبها المسجد وان مساحه كبيره فاضيه قدامها عشان تجري فيها براحتها....كل دقيقة اجيبها من ركن شكل.....وهي بتضحك ومش عوزه تقعد.....
همسة//انت قولتيلي هتسيبني اقوم براحتي بعد الصلاة
عابد//حاضر
ضحكت عليا.....قدرت تخليني اوعدها.....عشان مقدرش اغير رآي بعدها......بسمع الخطبه وانا بحاول خلي حركتها محدودة علي المكان اللي انا فيه.....
عابد//هتنامي؟
همسة//تؤ.....
عابد//اه حيث كده تمام
بتلعب في صوابع رجلها......مكنتش قادر افهم الحكمه في اختيارها للمكان ده بذات......بتخلص الخطبه وبتبدا الصلاة.....وبتكون شبه تعبت وعوزة تنام....
بسيبها قدامي وبنبدا نساوي الصفوف......وبتبدا الصلاة
♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡
بتبدا الصلاة.....وبسمع صوته في الإقامة.....وبيبدا يصلي بينا.....وبين كل سجدة غصب عني بدعي اني انسااه....لان رغم كل حاجة مكنتش قادره اكره!!!!
كنت فاهمه كويس ان محدش يملك سلطان قلبه....لكن انا فعلا حبيته.....وكل محاولات النسيان او التعايش كانت بتفشل.....وبكتشف اني لسه قلبي بيحبه
♡_♡_♡_♡_♡_♡_♡_♡_♡_♡_♡_♡_♡_♡_♡_♡_♡
بنصلي ومن جوايا مبسوط.....كانت اول صلاة لداوود كإمام بينا......حسيت بالفخر كأنه ابني؟؟؟.....وفي عالم اخر.....همسة اللي كانت فكراني بحضنهاا وانا بسجد!!!!
وكانت بتحضني بجد؟؟؟.....لدرجة انها خدت الموضوع لعبه.....فكرتني بكررها تاني عشان عجبتها وبقت تضحك!!!!!!...كانت بتختفي لما بسجد.... لفرق الحجم الكبير بينا....ولاول مره.....افهم بعض المواقف اللي كان يسردها علينا الشيخ.....لفاطمة بنت الرسول....«صل الله عليه وسلم»....وبكتشف اني محتاج اخلف بنوته...!!!!!!!!
وهنا وبعد انتهاء الصلاة......كل دعائي كالعاده بيكون لغفران.....اللي دايما ليها النصيب الاكبر في صلاتي وبعد الصلاة.......يمكن لاني مش بشوفها ولا جمبها
مش ببقي عارف هي كويسه ولالا؟......وبيكون الدعاء الطريق الوحيد اللي بيطمن قلبي عليها وانا بستودعها الله
♡_♡_♡_♡_♡_♡_♡_♡_♡_♡_♡_♡_♡_♡_♡_♡_
حور//ماما......مودة...
مودة//عوزة ايه؟؟
حور//هنزل اقابل نوح تحت وجايه
مودة//ما تخلي يجي
حور//انا هاخد منه حاجة بس عشان عنده مشوار
مش بستني وبنزل.....وبيكون واقف تحت وباخد بالي ان سليمان معااه.....
سليمان//ليه واقف هنا ما تيجي تطلع
نوح//لا انا.....
داوود//انت لسه هتقول اعذار يلاا قدامي
باخد بالي انهم طالعين......برجع تاني وكأني مكنتش علي السلم من خمس ثواني....
مودة//نورت.....
عابد//بنو....
مودة//مش انت
سليمان//بنورك.......
عابد//يارب.....اقسمت عليك بك عاوز واحده بتحبني اكتر من عيالها اكيد مش هبقي المنبوذ وانا ابن و زوج كمان.......ويارب الدعوة اياها
داوود//وليه تدعي بالشفرة كلنا عارفين صاحبة الدعوة اياها
موده//طيب تعاله يا رومانسي انت وهو عوزاكم ضروري......وانت يا نوح البيت بيتك انت مش غريب
بتاخدهم معاها......وانا بخرج لنوح....ورغم اننا كتبنا الكتاب.....إلا ان مش بقدر نقعد مع بعض في مكان واحد وسليمان موجود او عابد و داوود......
حور//منور
نوح//بنورك ياعيوني
حور//يابني خليك مهذب
نوح//ما خلاص ضوابط الخطوبة خلصت
حور//ايوه برضو خليك مهذب و زوج مؤدب كده
نوح//المهم يعني كنت جاي عشان اديكي الشنطة دي بس سليمان و داوود قبضوا عليا تحت
حور//اي دي؟
باخدها وبفتحها......وبتكون شوكولاتة......ولثواني مش بكون عارفه ازاي بنرد في الواقع بأيموشن؟؟؟؟؟؟
نوح//خليكي النهاردة عشان تعبتي امبارح....وانا هنزل وهكلمك فيديو تختاري اللي عوزاه
حور//........الشكولاتة فرحتني جداا بس يعني انا......
نوح//ااه اه عارف بتتكسفي......المهم تحبيها مش لازم تقولي حاجة......
حور//يعني مش مضايق؟؟؟
نوح//لا ياحور.....ومش لازم كل حاجة يكون ليها رد انا فاهمك....فخليكي براحتك علي طبيعتك.....عشان دي اجمل حاجة فيكِ
حور//نووووووح انت بتكسفني اكتر
نوح//خلاص هتكسري سنانك.....انا همشي عشان متأخرش خلي بالك من موبايلك عشان لما اكلمك
حور//وانت خلي بالك من نفسك.......
بقولها بتردد......مكنتش بتكسف منه إلا لما حبيته..... بيبتسم وبيقوم من مكانه......بياخد الموبايل والمفتاح من علي الطربيزة.....وبشكل تلقائي منه....وبصدمة منه بيبوس راسي.....وبينزل وانا مكاني
رغم انها حركة بالنسبالي عادية......متكررة سواء من سليمان او عابد......داوود
إلا اني حسيت انها غريبه......وانها اول مره!!!!!!!!!!
بفهم جزء من كلام مودة.....لما بتاكد علي سليمان ياخد باله من نفسه.....ولما بتركز في تفاصيل صغيرة وتشوف زعل ولالا......لكن الاكتشاف الاكبر ان كل حاجة ظاهرها عادي بالنسبالنا.......عند قلبها ودقاته مكنتش عادية؟؟؟؟؟؟
وده اللي قلبي حاسس بيه دلوقتي......؟؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
فاطمة//رايح فين؟؟
يونس//نازل مع صحابي
فاطمة//طيب عوزين ننزل بكرة عشان تجيب البدلة
يونس//طيب كده كده لسه بدري
مش بستني ردها....باخد المفتاح وبنزل....وبركب عربيتي....بحاول اكلم رؤيه......وبركز في الموبايل وانا متعصب.....لانها مش بترد علياا.....وانا متاكد انها بتتجاهل عمد.......
بقرر اكلم همسة......يمكن واخدها بذنب مش بتاعها لكن في النهاية.....هي انضف حاجة في حياتي
يونس//فين ماما؟؟
همسة//مش عارفه
يونس//ايه؟؟؟؟
همسة//قصدي مش عارف.....انا اصلا قاعد لوحدي
يونس//خليها تكلمني
بقفل معاها......وبستني مكالمة من رؤيه.......اللي برضو مش بترن.....وبرجع تاني انشغل في الموبايل وانا بحاول ارن عليها.....لدرجة ان عصبيتي بتخليني انسى كنت عاوزها ليه؟؟؟
مش باخد بالي اني مشيت غلط.....ودخلت طريق عكس!!!......ومفيش تحويله في الطريق ده لانه سريع وبكمل وانا مجبر......وده بيزود عصبيتي اكتر......
وباخد بالي ان السنيوريتا بتاعتي أخيراً رنت!!!!!
وللحظات ببعد عيني عن الطريق.....وانا باخد الموبايل من جمبي......ومن قبل ما افهم اي حاجة......
كل حاجة فجاء بتسود........دخان كتير.....نفس بيقل.. صوت ناس كتيره بكلام مش واضح.....للحظات اخيرة كنت سامع صوتها......قبل ما كل حاجة تنتهي
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رؤيه//سليمان.......بابا
عابد//في ايه مالك
بيتحرك بسرعة وهو بيقرب عليا......بيقف قدامي قلقان من شكلي.....دموعي اللي بتنزل بأنهيار......قلقي ورعبي اللي باين في عنياا
عابد//ما تنطقي مالك
رؤيه//هو......بابا فين
عابد//مش موجود......اخلصي انطقي انتي تعبانة؟؟
مكنتش عارفة اقوله ايه؟؟؟......او اقوله ازاي.....وانا واثقه انه مش هيساعدني في حاجة
رؤيه//.........يونس عمل حدثة......و....كنت عوزة انزل عشان.....
عابد//انتي عرفتي منين؟؟؟؟؟
رؤيه//رن عليا كذا مره ولما كلمته انا.......
عابد//كلمتيه؟؟؟؟؟؟؟.....
رؤيه//هو رن عليا كتير ومردتش مكنتش واخده بالي من الموبايل و.......
عابد//وانتي عوزة تنزلي عشانه؟؟؟؟
بيمسح علي وشه بعصبيه.........وانا بفكر اعمل ايه؟؟؟ لكن التفكير مش بيستمر كتير......بعد ما بيشد الموبايل مني وبيكسره!!!!!! وبتكون البداية........
رؤيه//اي اللي انت عملته ده
عابد//انتي اللي عوزة تعملي ايه تاني.....هو انتي معندكيش عقل.....انتي مازوخيه يابت؟؟؟؟؟؟؟
رؤيه//انا غلطانه ان فكرت اقولك حاجة
بتعصب بسبب الموبايل.......وبمشي اتجااه الباب.... لاني فعلا كنت قلقانه عليه!!!!!......ومكنتش بكره؟؟؟
عابد//رؤيه......ادخلي اوضتك
بيقولها بتحذير.....يمكن ده اللي خلاني اعند اكتر........ وافتح الباب......لكن بيتقفل تاني.....ومش بيكون عندي وقت ارد عليه......وبسمع صوت ايده علي خدي؟؟؟؟
وللحظات بتظهر لثواني في عنيه نظرات مكنتش قادره افهمها......ندم ولا قلق او يمكن الضربه وجعته هو.... لكنها بتختفي في ثواني......وبيخرج داوود من الأوضة بسرعة وهو بيقف بينا
داوود//عابد انت بتعمل ايه؟؟
عابد//بعمل اللي مفروض يتعمل من بدري دي عوزة كسر رقبتها
بيشدني من ايدي و داوود بيحاول يقف بينا.....لكن عابد مش بيسيب فرصة....وباخد بالي من همسة اللي واقفه بعيد......بيسيب ايدي وهو بيزقني في الأوضة.... وبيقفل الباب بالمفتاح؟؟؟؟؟؟
حور//عابد....بلاش متقفلش عليها ولما بابا يجي هو يتصرف معاها
عابد//.......حور لو سمحت مش عاوز اضايقك الاحسن متدخليش دي انسانة قذره وانا خلاص تعبت دي عوزة تنزله المستشفى.......هانت عليها نفسها واحنا ووصلت بيها لبنتها......البنت اللي ملهاش اي ذنب غير انها جت الدنيا ودي امها.....موجعتش قلبها وهي بتعمل فيها كده ووجع قلبها الاستاذ بتاعها......
بيتكلم بعصبيه شديدة......صوته عالي جدا.....لدرجة اني بسمع صوت نفسه لما بيسكت.....حور بتحاول تهديه.....داوود بيلفت نظره ان همسة واقفه.....يمكن ده اللي بيخلي يسكت......
♡_♡_♡_♡_♡_♡_♡_♡_♡_♡_♡_♡_♡_♡_♡_♡
داوود//خلاص يا عابد كفاية.....البنت خافت منك
للحظات باخد بالي من وجودها.....وفعلا بحاول اهدى عشانها.....وخوفها اللي باين عليها......
حور//ادخل اوضتك يا عابد
بتحرك فعلا من مكاني.....لكن وانا بقرب منها....صعبت عليا....يمكن هي اكتر حاجة زودت كرهي لرؤيه....بنزل لمستواها وانا بمسح علي دقني براحه عشان اهدى
عابد//واقفه عندك كده ليه؟؟؟
همسة//.........................
عابد//متخافيش.....ليه خايفة هو انتي عملتي حاجة؟
همسة//لا؟
عابد//ده سؤال ولا إجابة
بترد براحه......صوتها واطي.....واضح انها خايفة من كلمة لا؟؟؟؟......مكنش في بالي اي حاجة غير انها شافت ايه مخليها خايفة تقول اللي جواها حتي ردها علي السؤال بيكون بصيغة السؤال بخوف
همسة//لا....معملتش حاجة
عابد//يبقي خايفة من ايه؟؟؟.......متخافيش
بحس ان حركة ايدي اتجاه وشها قلقتها....لدرجة انها بعدت وشها كأني ضربتها؟؟؟؟......ومن جوايا بتوعد لرؤيه.....
عابد//همسة متعصبنيش.......انتي ليه جبانه كده قولتلك متخافيش.....معملتيش حاجة ليه بتخافي
عيونها بتبدا توسع......وبيظهر انها بدات تخاف اكتر وانا بتنهد وهي بتزود عصبيتي.....بتحرك من مكاني بسرعة وبدخل اوضتي.....وبتدخل حور ورايا.....
حور//خد........اشرب وانت قاعد واهدى
باخد منها المياة.....وبقعد وانا بحاول اهدى....مكنتش فاهم ازاي حد بالقسوة دي علي بنته؟؟؟.....
عابد//ايه ده بجد هي ازاي كده
حور//براحه ياعابد انت اتعصبت علي همسة وهي معملتش حاجة
عابد//خوفها معصب جدا.......دي محتاجه تأهيل من اول وجديد البنت بتخاف ترد علي كلامي....دي بتقولي لا وهي بتسأل كأنها مش عارفة هي عملت حاجة ولالا اصلا
حور//طيب وده اكيد نتيجة معاملة غلط.....انت بقي بتعاقبها انها خايفة بدل ما تطمنها......كده مش بتعالج حاجة انت بتساعدها تخاف اكتر
عابد//هو بابا نزل يجيب طلبات ولا نزل لسيف؟؟
حور//لالا بيجيب طلبات وماما معااه هتلاقيهم جايين دلوقتي......روح بقي صالح همسة.....
عابد//.............
حور//يلاا ياعابد هي كانت مطمنه معاك اكتر مننا بلاش تخليها خايفة منك.....صدقني بتبقي قمة البشاعة لما تلاقي مصدر آمان بعد معاناة....وبعدها يبقي هو دايرة خوفك
بفتكرها لما كنا بنصلي......وانها فعلا كان باين انها مطمنه وبقرر استني شويه لما اهدى.....يمكن سبب عصبيتي من خوفها.....هو خوفي انا عليها او عدم حبي ليها بالضعف ده.....
بخرج من الأوضة وبدور عليها......بتكون في اوضة حور.....نايمة!!!!!
عابد//نامت امتي؟؟
حور//لما انت دخلت الأوضة بتاعتك هي دخلت بعدك هنا ونامت.....فوقها هي اصلا مش بتنام دلوقتي خالص
بحاول افوقها.....بتفوق بصعوبة.....وهي نعسانة... رغم انها مش بتنام دلوقتي.....اتعودت علي روتين بسبب مدرستها......عشان كدا كان غريب نومها دلوقتي
عابد//همسة انتي زعلانة؟؟
حسيت ان السؤال فوقها.....بتعيط وهي عنيها عليها كأنها كانت مستنيه السؤال......او نامت عشان متعيطش؟؟؟؟
عابد//خلاص حقك عليا.....انا مكنتش هضربك وزعلت عشان فكرتيني هعمل كدا
همسة//وانت خوفتني......وانا اصلا مكنتش خايفة منك
بتعيط......وانا بحضنها بحاول اهديها.....لكن عياطها بيكون زيادة عن حجم الموقف!!!!!!زياده بشكل غريب لدرجة ان بنبدا نقلق عليها؟؟؟؟؟
ببعدها عن حضني وباخد بالي ان وشها بينزف؟؟؟؟
حور//همسة
عابد//...............يتبع