حور//اهدى عشان متخوفهاش......

عابد//هاتيها ننزل اي مستشفى 

حور//مش لازم يا عابد 

باخدها منه....بجيب مناديل بمسح انفها.....بشوف حراراتها....وبسألها لو دايخه....رغم اني متاكده ان مفيش حاجة.....

عابد//انتي متاكدة من اللي بتعمليه ده؟؟؟ 

حور//انا كل اللي متاكده منه انك مخوفها بتوترك ده

عابد//خلاص سكت....

كانت عنيها علينا وساكته.....سكتت لما شافت قلق عابد.....بتاكد ان مفيش حاجة في وشها وببتسم عشان اخفف التوتر شوية وتفهم ان محصلش حاجة لخوفها 

حور//خلاص مفيش حاجة 

عابد//الحمدلله

بسيبها في حضني وانا بطبطب عليها......يمكن لاني خدت بالي ان اكتر حاجة بتأثر فيها اللمسة....حسيت ان دي لغة الحب بتاعتها.....كنت بحاول اوصلها كلام كتير يحسسها اني جمبها لكن بالحضن

باخد بالي من عابد.....رؤيه مش بس مضيقاه...كلنا مش قادرين نتعامل معاها....ولثواني اتمنيت انها تبعد عن همسة خالص ومتبقاش في حياتها....يمكن وقتها البنت تكون كويسه.....بحاول الفت نظرة وانا بطبطب علي ايده.... 

حور//الدنيا ابسط من كده يا عابد....وانت اللي بتختار تهتم بحد زيها....ولا زي همسة؟....الاتنين مش زي بعض كل حد فيهم تاثيره مختلف علي قلبك.....فأختار اللي يخلي قلبك هادي

عابد//هاتيها معايا جوه....وشوفي لو كنتي بتعملي حاجة 

قبل ما ارد عليه باخد بالي ان موبايلي بيرن....وبفهم انه شافه قبلي....بيقرب وهو بياخد مني همسة وبيخرج

♡_♡_♡_♡_♡_♡_♡_♡_♡_♡_♡_♡_♡_♡_♡_♡

عابد//حاسة انك تعبانة؟؟ 

همسة//لا.....

عابد//انتي وشك بينزف علي طول؟؟ 

همسة//اه

عابد//ليه حد بيضربك؟؟ 

همسة//انا لا

عابد//انتي لا!!.....يعني حد غيرك بيضرب؟؟ 

همسة//..................لا مفيش....انا عوزه انام

بيكون واضح انها بتكذب....عوزة تتهرب من كلامي....وخايفة....بقرب منها وانا بشيلهاا.....وبقرر اعمل زي سليمان بخليها تقعد في حضني.....المكان اللي كنت بعترف فيه بكل اخطائي بدون مجهود من سليمان 

عابد//طيب تعالي 

همسة//انا عوزه انام

عابد//اللي انتي حباه اعمليه....نامي

همسة//هنا!!!!! 

عابد//ااه مش احنا بقينا صحاب 

همسة//لا انت كبير 

عابد//وصحاب عادي متصعبيش الدنيا انتي لمضه ليه

همسة//ماشي.....هوافق نبقي صحاب 

عابد//افضالك كترت علينا.....اي الضوافر دي

بشتت انتباها لضوافر رجلها.....كمحاولة لتخفيف خوفها عشان تنسي اصلا انها عوزه تنام وبزغزغ كف رجلها وسبحان الله بلاقي حاجة مشتركه بينها وبين باقي الأطفال عادي؟؟؟ 

عابد//انتي بتغيري؟؟؟؟؟ 

همسة//لا

بتقولها وهي بتضحك.....وللحظات بتجيلي فكرة ان نلعب سواء.....وتجربة مش خسرانة حتي لو مقالتش حاجة هتكون هي كويسه..... 

عابد//لا بتغيري تعالي نسأل بطنك كده

لثواني بحس انها مجربتش اللعب مع امها قبل كده واكيد الدب الاغريقي اللي اسمه يونس مجربتش يهتم بيها.......بتكون مبسوطه كأنها عملت شيء كان مستحيل بالنسبالها......بتتحرك بخفه....مش خايفة مني....

بشيلهاا بأيدي وانا برفعهاا لفوق......مسافة سكة سفر بالنسبالها.....ومكنتش خايفة اوقعها؟؟؟؟؟؟ 

عابد//اسيب ايدي

تهديدات مكنتش بتهتم ليها اصلا.......؟؟؟؟؟ 

عابد//خلاص ارتاحي

همسة//لالا تاني

عابد//تاني ايه انتي بطلعي في الروح 

بقعد وبسيبها علي السرير.......بتتحرك زي قنفذ البحر مكنتش اعرف انها شاقيه!!!!......بتيجي هي لوحدها تقعد في حضني....وهنا بحس ان والله وعملوها الرجاله.....ده انا ادخل منافسة مع سليمان مرتاح

عابد//بتعملي ايه بطلي نكش

همسة//عندك لعبة رسم علي الموبايل؟؟؟ 

عابد//بتحبي الرسم؟؟؟؟ 

بقولها بكل حماس وكأني رسام مغمور مش لاقي سبيل للنجاح وانا اخر حاجة رسمتها في امتحان ابتدائي كانت بطة معاقه

همسة//اه جداً 

عابد//وبتحبي ايه كمان

همسة//عارف الماندلا؟؟؟ 

عابد//اااه بتحبي تلونيها؟؟ 

همسة//ااه اوي انا معايا واحده نبقي نلونها سواء؟؟ 

عابد//ماشي اتفقنا.....انا بقي عندي مجسمات بس قطع بتتركب.....تعالي نكملها مع بعض 

بفرجها الاشكال اللي ركبتها......وبتعجبها وبتكون متحمسة تجرب لكن بتشوف عدد القطع بتقعد قدامهم ساكته.....

همسة//بص ركب انت القطع وانا هتفرج واشجعك

عابد//يسلام.....لا هتركبيهم معايا....اختاري شكل

..وبتبدا تختار شكل لسه مبدأتش فيه.....وبتختار مدينة باريس....وعموما بدا يعجبني ذوقها.....

عابد//تعالي جمبي....هاتي ايدك......ركبيهم كده

ببدا امسك ايدها واخليها تركب القطع......وهي مبسوطة غالبا لانها مش بتبذل مجهود....بدات احس انها فرهوده!! 

عابد//عرفتي تركبيهم ازاي....يلا جربي لوحدك.

بتمسك القطعة وهي بتقلبها بين ايدها.....لحد ما بتمد ايدها ليا تاني.....وهنا اتاكدت انها مش بتحاول تفرهد اصلا هي بتوفر طاقة......

عابد//جربي انتي طيب 

همسة//لو جربت هوقع اللي عملنااه

عابد//عادي فين المشكلة؟؟ 

همسة//متاكد انه عادي!! 

عابد//جربي بس لوحدك 

بتبدا تركب فيها.....لكن للحظات بحس انها بتوقع القطع وهي قاصده!!.....وبعدها تتفقد رد فعلي..... مكنتش فاهم هي بتعمل كدا ليه!!!!.....لكن بدات اساعدها تاني تركبهم ومسكت ايدها وبدات اركبهم انا بس بأيدها هي.......وهنا اتعلمت ان لازم انا كمان اوفر طاقة

عابد//انا احلا ولا يونس.....

همسة//لا انت

عابد//طيب يونس ولا ماما 

همسة//..............

عابد//سكتي ليه

همسة//عادي 

عابد//متخافيش انا مش هقول لحد حاجة قولتيها ليا ده سر بينا......

همسة//ولا ماما ولا يونس

عابد//الاتنين خسروا؟؟؟ 

همسة//مش بحبهم اصلا 

عابد//ليه يونس بيضربك؟؟ 

همسة//مش بيضربني انا

عابد//رؤيه؟؟ 

همسة//ايوه.....كتير هما اصلا علي طول بيتخانقوا

عابد//ليه كده هي ماما بتعصبه

همسة//لا...فاطمة بتكذب وهو بيصدقها وبيتخانق مع ماما......عارف اول مره وشي نزف امتي؟؟؟ 

بتسيب القطع وبتلف.....وببتسم بسرعة قبل ما تاخد بالها اني متعصب....نظراتها عليا وبتتكلم وانا بسمعها وبدعي من جوايا اقدر استمر علي هدوئي

بلمس خدها وانا بحاول اتفاعل معاها وان فعلا الموضوع مهم وبسمع بأهتمام وبدعي ان رؤيه يكون ليها عذر رغم ان مش فاهم عذر ايه اللي هيشفع ليها عندي؟؟؟ 

عابد//امتي 

همسة//في يوم يونس ضرب رؤيه جامد اوي وشها كله اتعور......وخبط راسها في ازاز الطربيزة....وانا خوفت عشان كده وشي بينزف

عابد//امممممم......طيب ليه عمل كده

همسة//عشان كانت هتجيب بنوته......بس انا كنت مبسوطه انها مجتش

بتبعد وبترجع تاني للقطع عشان تركب فيها......وانا بكمل معاها وانا معنديش اي طاقة للصبر عشان افهم 

عابد//ليه كنتي مبسوطه مكنتيش عوزة اخت ليكي

همسة//لا.....عشان يونس كان هيعاملها وحش و رؤيه هتتعصب عليها كل ما يونس يضربها.....

عابد//بس كويس يونس مش بيضربك انتي

همسة//انت شايف الضرب اكبر عقاب؟؟؟ 

عابد//لا بس قصدي عشان شكله بيضرب جامد كان ممكن يأذيكي

همسة//الضرب بيوجع الجسم بس

عابد//هو احنا ممكن نعاقب حد بحاجه تانية؟؟؟

همسة//اه.....يعني أنا مش بضرب......بس كنت بحب شعري وقصيته مش بيسيبه يكبر......مش بحب اصاحب بنات عشان بيكونو احلا مني وانا شكلي ولد يبقي في عقاب غير الضرب بيوجع اكتر وبيعيش لمده اطول......كده كده انا بكرة رؤيه عشان هي اللي اختارت يونس يبقي بابا وبكره يونس عشان اختار رؤيه.....وعشان بيكرهني وكده كده رؤيه مجنونة دي بتحب يونس تخيل!!! 

بسمعها وانا مش مستوعب كلامها.......ساكت بس..... ومش فاهم هي استوعبت الكلام ده ازاي......حسيت ان كتير علي سنها اللي هي قالته.....وفي نفس الوقت كنت حاسس انها محتاجه طفولة طبيعيه....او محتاجة حضن؟!!! 

عابد//بس خلاص بقي مفيش يونس تاني انا مش هخليكي تروحي تاني تقعدي معاااه

همسة//بجد؟؟؟ 

عابد//اه انا و داوود هنضربه لو فكر ياخدك وخليكي هنا معايا

بتضحك......وبحس لثواني انها هديت....اخف كأنها كانت قلقانه فعلا ترجع تاني مع رؤيه.....بتسيب القطع لثواني وهي بتبوس خدي وبترجع تاني تكمل تركيب للقطع

داوود//قفشتك....بتخونيني وبتلعبي معااه لوحدك

مش باخد انه دخل غير من صوته.......وهو بيقرب من همسة وبيبوس ايدها.....وبيبدا يركب معاها القطع وعنيه عليا وهو فاهم ان في حاجة لكن.....مش بيسأل قدام همسة

داوود//تعالي حور عوزاكِ.....ياترا عملالنا حلويات ايه

بياخدها وبيخرج وانا فاهم انه عاوز يخرجهاا.... بتحرك من مكاني وبدخل البلاكونة......وانا أخيراً مش مضطر اداري عصبيتي......

داوود//لا إله إلا الله اجيب همسة تاني طيب ولا ايه

عابد//حاسس اني من العصبيه دماغي هتضرب

داوود//حصل ايه هي همسة حكتلك حاجة 

بحكيله كل حاجة قالتها.......وهو بيسمع.....وحقيقي من جوايا بدات احسد داوود علي هدوئه 

داوود//طيب العصبيه مش حل اهدى عشان نشوف هنعمل ايه.....

عابد//نعمل ايه في ايه؟؟؟.....هي اختك دي مريضة البنت دي مازوخيه صح مفيش حد عاقل يعمل كده

داوود//كويس انك قولتها بنفسك يعني الوضع مش طبيعي ممكن يكون في حاجة يا عابد مع رؤيه

عابد//حاجة اية؟؟ 

داوود//ممكن يكون في مشكلة او حاجة حصلت اجبرتها علي كده 

عابد//تجبرها ليه....واي اللي لو حصل معاها هتخاف تقولو....سليمان مش بيعمل حاجة لحد فينا وكان هيقف جمبها

داوود//ممكن يكون عشان كدا مقالتش مش شرط يكون خوف منه.....يمكن عليه......او انها عملت حاجة كبيرة خافت تخسرة لو عرف

عابد//اي الكلام ده انا اللي اعرفه في حاجة تقولها مهما كبرت....مش هتبقي زي اللي حصل فيها بقولك كان بيضربها وهي ساكته

داوود//انا هكلمها.....هات انت بس مفتاح الاوضة 

عابد//متخليهاش تخرج عشان مش طايقها

داوود//انت استني علي رزقك لما سليمان يجي ويعرف انك ضربتها

بياخد المفتاح بيخرج.....وانا بفضل واقف لوحدي.... وعنيا علي البلاكونة المجاورة......باخد بالي ان النور اتفتح.....بدخل الاوضة بتاعتي بسرعة.....وبجيب علبه من الدولاب....وبحدفها عندها وبدخل تاني 

♡_♡_♡_♡_♡_♡_♡_♡_♡_♡_♡_♡_♡_♡_♡_♡

غفران//متعرفيش بابا عزمهم ليه

عفراء//العادي انتي عارفه انه بيحب عمو سليمان جدا وانهم صحاب حركة متوقعة

غفران//لكن ده داوود وعابد هيكونو موجودين

عفراء//عادي يا غفران مالك ممكن يكون اتكسف ميعزمهمش.....

غفران//مش حاسة كده

عفراء//غفران ياحبيبتي متخليش خيالك يروح لبعيد....عابد حاول كتير وبابا رفض وفهمه انه مش حابب محاولاته الكتيره دي عشان هتعمل مشاكل بينه وبين سليمان وهو مش حابب يخسر صاحبه

غفران//يعني ايه

عفراء//يعني انسي بقي عشان بتتعبي نفسك وبس

بتخرج.....وانا بكمل الاكل لوحدي.....كنت عارفه انها هتضايق....يمكن كلامي قاسي عليها.....بس ده الواقع اللي هي رافضه تصدقه....

يمكن ده واقع قاسي.....وبالنسبالي كانت اشد قسوة حب من طرف واحد.....ورفض من الشخص الوحيد اللي حبيته.....ذكرة مؤلمة لكرامتي....ولقلبي

بتنهد وانا بحاول اخرج كل حاجة من بالي....بلحق اول دمعة كانت ممكن تنزل.....بكف ايدي بسرعة وبكمل الاكل كأن مفيش اي حاجة!!!! 

ويمكن ده اكتر شيء قاسي في العالم «ابتلاع الألم» وجوده زي غصة.....وشكة في القلب 

سيف//ايه ده ليه واقفه لوحدك!!! 

عفراء//عادي غفران كانت لسه معايا....انا جهزت كل حاجة....ناقص بس تطلع علي الروف فوق 

سيف//تسلم ايدك سيبيهم وانا طالع هاخدهم

بيخرج وانا بغسل ايدي.....وباخد النعناع بتاعي وبدخل لغفران وانا باخد نفسي براحة.....أخيراً خلصت....

غفران//خلصتي

عفراء//اممم....أخيراً حقيقي براڤو عليا

غفران//ادعي عليك اقول ايه يا عابد يابن مودة 

عفراء//لا إله إلا الله 

غفران//اول عريس هيجي هوافق عليه اخر قرار عندي

عفراء//قرارات ناريه وايه كمان 

غفران//هروح اسوء سمعته عشان مفيش واحده تقبل بيه هخلي عانس ويا انا يا هو هطلع عينه

عفراء//هو عملك حاجة ما ابوكِ اللي مش راضي 

غفران//فين المشكلة....وحاول مرة واتنين....جميل ليه محاولش بقي الف ومليون؟؟؟؟؟ مقصر ولا مش مقصر؟.....وبعدين ما في مره سيف طلع وراه بالحزام واضربت معااه ومتكلمتش وكنت ست صبورة وجدعة ومسبتوش يضرب لوحده

عفراء//فاكرة اليوم الغريب ده....بس مين اللي كانت جدعة...انتي اصلا سيف كان قايم عشانك وانتي اللي جبتي للواد الضرب

غفران//كنت بشوفو هيستحمل ولالا

عفراء//ياشيخه بقي ارحميني....

غفران//اي الصوت ده!!!!.....سمعتي حاجة 

عفراء//الصوت في البلاكونة 

بتدخل البلاكونة......وبتخرج في ايدها علبه!.....وبتقعد قدامي علي السرير

عفراء//ايه ده؟؟ 

غفران//مش عارفة مش مكتوب هي ايه؟؟ 

عفراء//عادي هسأل زيكو.....

بفتح موبايلي......وانا بكتب الاسم اللي علي العلبه..... 

وغفران نظراتها عليا بعد ما حطتها علي المكتب

عفراء//بتتعمل زي الشاي......لعلاج الارق؟؟ 

غفران//اممممممممممممممممم

عفراء//ايوه ايوه عدي النجوم

غفران//شكله يشجع.....اول مره اعرف بوجود حاجة زي كده اصلا...

عفراء//يارب صبرني.....بت انا داخلة الاوضة بتاعتي 

غفران//اصلا مكنش لازم.......انا كده كده بنام لما بيكون في البلاكونة..... 

عفراء//فين الشبشب.......يامنحله ياا بجحه

بقرب وانا بقرصهاا من كتفهاا.....للحظات انا اللي اتكسفت من كلامها هي......بتكسف للبشر سلف

♡_♡_♡_♡_♡_♡_♡_♡_♡_♡_♡_♡_♡_♡_♡_♡

داوود//رؤيه........باين انك مش نايمة

رؤيه//في ايه جاي هنا ليه

داوود//كنتي عوزه تنزلي ليونس ليه؟؟؟ 

رؤيه//انا مش نازله اقابله....ده عامل حادثة

داوود//بصي يا رؤيه.....متعصبنيش انا بحاول افهم في ايه....انتي مش كده ولا اللي بيحصل ده طبيعي ده اصلا مش بيحبك وكان بيضربك ليه ساكته علي كل ده.... اللي معندهاش اهل مش بتقبل بكده

رؤية//..............عشان حبيته.....مفيش سبب تاني وملكش دعوة بيا يا داوود اللي حصل حصل 

داوود//رؤيه انا اخترت اتجاهل اللي عملتيه واكلمك بدل عابد........يا تتكلمي لو في حاجة يا مش هدخل فعلا في حاجة وهسيبك لعابد

رؤيه//انت بتهددني؟؟

داوود//بطلي غباء شوية......في حاجة صح؟؟ 

رؤيه//.......................

داوود//احكيلي عشان اعرف اساعدك

رؤيه//هتقول لسليمان؟؟؟ 

داوود//لا....بس عرفيني في ايه

«فلاش» 

رؤيه//انت مجنون انت بتمد ايدك عليا؟؟؟؟؟

يونس//عشان انتي ناقصة تربية.....انتي بتردي عليا وعوزاني اعملك ايه

رؤيه//انا هعرف اخليك ازاي تمد ايدك عليا 

يونس//خير ياحبيبتي.....هتقولي لابوكي ولا اخوكي وياترا هتقولي ايه بقي؟؟......انا مرتبطة وطلع شخص نوتي ومد ايده عليا؟؟؟؟ روحي قوللهم عشان اوريهم صورنا مع بعض......

رؤيه//صور ايه انا ماليش صور معاك اصلا؟؟؟؟ 

يونس//هو لازم تكوني اتصورتي معايا؟؟.....ده حتي الصور اللي انا عملتها احلا بكتير تشوفيها

رؤيه//ياحقير........انت بتقول ايه 

يونس//اللي سمعتيه.....ولو اتقدمتلك ورفضتي او حد من اهلك رفض......مش هتبقي علي صورك بس اللي كده كده مش هتأذيكي لوحدك انتي مش صغيرة يعني وعارفة 

رؤيه//انت فاكرني هخاف منك......ده انا اهلي يدفنوك

يونس//......لو بقي حد منهم بره السجن......اعتقد مش محتاج اثبت ان اقدر عادي

«بااااااااااااااااااااااك» 

داوود//ومعرفتيش حد ليه

رؤيه//هو انت مفهمتش كلامي؟؟؟؟ 

داوود//مهما كان وايه اللي هيحصل كنتي عرفينا

رؤيه//انت عاوز تقارن اللي كان ممكن يعمله بجوازنا؟ 

داوود//واللي عمله فيكي

رؤيه//كان ارحم من اللي هيحصل لو سليمان عرف حاجة......وبعدين صوري يا داوود انا مكنتش اعرف ان ممكن يستغلها كده كانت صورة واحده بس وقالي انه حذفهاا......لقيت عليها مليون غيرها مفيش منهم حاجة بتاعتي والله

«فلاش» 

رؤيه//انا تعبت منك......انا هروح لاهلي

يونس//علي فكرة الاول كانت صور فيك.....دلوقتي لا

رؤيه//انت عاوز مني اييييييه.....ما تسيبني في حالي بقي.....

يونس//رؤيه ياحبيبتي......الفرق بينك وبين غيرك ان صورك معايا انا بس.....متعصبنيش بقي بدل ما اقولك روحي لاهلك........انا مش بحب وجع الدماغ ودور الفضيلة بتاعك ده هو انتي لو محترمة كنتي بعتي صورك ليا من الاول

«بااااااااااااااااااااااك»  

داوود//يعني كان في بنات تانية هو بيبتزهم بالصور

رؤيه//ايوه......وانا لو كنت سبته كان هينزل صوري اللي هي اصلا فيك......عادي مش هيفرق معاااه وهو عارف انه مش هيأذيني لوحدي عشان كده كان بيهددني عشان عارف اني هسكت بسبب كده

داوود//واللي انتي عملتيه ده كله ليه

رؤيه//لما عابد رفض هو اضايق منه جدا وهو اللي كان بيقولي اعمل كده......

داوود//ياااااااربيييي عليكِ انتي ازاي كل ده بيحصل ومحدش يعرف

رؤيه//ماشي انا عارفة اني غلطانه لكن يا داوود كان هينفذ تهديده عادي........

داوود//هو انتي غبيه.....وهو احنا كنا هنسكت؟؟؟ 

رؤيه//داوود انا دماغي مشتته لوحدها.......واعصابي تعبانه بما فيه الكفايه......انا حرفيا مدمره نفسيا وجسديا مش ناقصه كلمه واحده منك ولا كنتي عملتي اللي حصل حصل انت مكنتش مكاني

داوود//مش عارف اتعاطف معاكي بصراحة عشان مكنش ناقصك امان مثلا عشان تتكلمي من غير خوف كان ممكن تتحل لو اتكلمتي مهما حصل علي الاقل الاذي مكنش هيوصلك

رؤيه//بس كان هيوصل لسليمان......بما انه زي ما هيبعدني هيبعدك انت وعابد عن اي حاجة.....ويونس يطلع قذارته ووقتها اعيش وانا السبب في اللي بيحصله.......انت مش بتفهمني ليه؟؟؟؟ 

داوود//افهم ايه......انك غبيه وعملتي كده في نفسك وسكتي وسمعتي كلامه ودمرتي حياتك وجبتي بنت تعذبيها معاكي 

رؤيه//اسكت بقييييييي اطلع بره

سليمان//اطلع بره يا داوود 

بيقطع كلامنا صوت سليمان......من ورايا بهدوء....مش بفهم هو موجود من امتي؟؟؟.......نظراته حاده عليا انا!!! وهي غالبا مش قادره تقنع نفسها ان سليمان سمع كلامنا......مغيرتش وضعها....قاعدة علي السرير..... ايدها علي ودنها.... دموعها بتنزل....لكن مكنتش قادر اتاثر 

بخرج بره......وسليمان بيقفل الباب وانا مش فاهم هقول لعابد ايه؟؟......

♡_♡_♡_♡_♡_♡_♡_♡_♡_♡_♡_♡_♡_♡_♡_♡

بحس بخروج داوود......مكنتش مستحملة كلامه ولا قادره لكل ده.....حرفيا اعصابي كانت تعبانة....كل حاجة كانت مدمرة......غلط يمكن في الاول كان صغير لكن فجاة كل حاجة بقت اكبر مني......يمكن داوود مكنش قادر يفهمني.....لكن كل اللي حصل بالنسبالي كان اهون من اللي يونس ممكن يعمله لسليمان 

سليمان//رؤيه.....شيلي ايدك

رؤيه//انت سمعت كل حاجة 

سليمان//انتي عرفتيه امتي؟؟ 

رؤيه//..................

نظرات بتكون علي سليمان اللي قاعد قدامي ملامحه جاده......مستني رد مني......والمرادي دموعي بتنزل لان مكنتش حابه انه يعرف حاجة.....مكنتش عوزه اخذله مكنتش حابه يعرف اني عملت كده رغم كل حاجة عملها وكلامه ليا....... ومكنتش متخيلة ان الموضوع هيكبر كده ولا ان كل ده يحصل 

رؤية//كنا مرتبطين......مش فاكره امتي بظبط

سليمان//اعتقد انتي مش محتاجه اعرفك انك غلطانه وان اللي عملتيه مكنش حل ولا كان اهون ولا حاجة لانه مكنش يقدر يعمل حاجة.....وإلا مكنش هدد وعمل علي طول.....وانه اجبن من ده بكتير دليل علي كده انه باع فعلا صور لبنات مقدرش يحطك معاهم 

رؤيه//.................

مكنتش عوزه ارد........لكن مكنتش فاهمه ليه بظبط! بقيت اخاف بسبب يونس اللي كل رد عنده بالضرب؟ 

ولا عشان خايفة من عتاب سليمان ليا؟؟؟؟؟؟ 

او يمكن كنت عارفة اني غلطانه وماليش عذر ومفيش كلام اصلا!!! 

سليمان//مين ضربك علي وشك؟؟؟؟ 

رؤيه//.....مفيش حد انا وقعت بره

حركة ايده غصب عني كنت مركزه معاها......لاول مره مكنتش قادره اتوقع رد فعله.......وكنت خلاص طاقتي انتهت......مش قادره اعمل اي حاجة.....جسم بيتحرك من غير روح......شخص انتهى.....بيعد الايام يأمل انها تكون قربت تنتهي 

سليمان//واضح ان محدش ضربك

بتخض لما ايده بتقرب اتجاهي.......بيلمس دقني وهو عنيه علي خدي......باين اني كدابة.....

رؤيه//انا اسفة والله مكنتش اعرف ان كل هيحصل 

سليمان//انتي ليه اصلا من الاول تتكلمي معاه 

رؤيه//......................

قبل ما بيخرج بمسك ايده عشان الفت نظره ليا.....كنت خايفة بعد كل ده.......برضو عرف.....كل حاجة....بحاول امسح دموعي.....لكن مكنتش بتقف.....كنت حاسة ان روحي اللي بتتألم......كل حاجة بالنسبالي كانت انتهت مكنش في حاجة اصلا عشان اخسرها

ولكن مكنش فيه امل في حياتي غير همسة وسليمان محاولات بائسة في اوقات منعدمة الطاقة 

رؤيه//انا عارفة ان اسفي مش كفاية بس والله مكنش قصدي انا بس كنت خايفة من كلامه ينفذه بجد 

سليمان//.......ازاي كل ده يحصل معاكي وانا موجود ومتقوليش.....ويضربك بالشكل ده  

رؤيه//.....خلاص بالله بقي مش عوزه اسمع سيرته والله تعبت.....روحي انتهت خلاص اسمه بقي يتعبني

مش هنكر اني فعلا ملامحي اتغيرت جدا......بقيت دبلانة... مطفيه لابعد حد....كل حاجة انتهت......وانا انتهيت معاهم....كبرت سنين ضعف عمري.....كل حاجة عدت سايبه ذكرى وعلامه علي جسمي عشان عقلي ميفكرش ينسي

بيرفع شعري بأيده.....وبيظهر كل جرح حاولت اداريه بشعري.....منهم الجرح اللي احتاج خياطه في جبهتي واللي كان بيذلني عشان دفع فلوس للمستشفي نتيجة ضربه ليا؟؟؟؟؟؟؟؟؟؟؟؟ 

مكنتش بيتكلم.......ولكن كنت حاسة ان تبأ ليونس وامه اللي رميت نفسي بينهم عشان يدمروني وبعدت عن حضن اهلي!!!!!! 

بيتنهد بنفاذ صبر مني......عنده حق انا كمان تعبت..... بيحضني واعتقد ان دي اول مره من زمن حد يلمسني من غير ما تكون ايده مؤذيه.......حضن طبيعي كده عادي!!!!!.......

بيمشي ايده علي شعري.....ولثواني بيجي في بالي فلاش باك لنفس الشعر وهو في ايد يونس بيضربني!! 

دموعي بتنزل......ببدا انهار.....لحظة الوصول لشيء غير معلوم.....لكن علي الاقل الوصول لمنطقة امان 

عابد//يارتني ما دخلت.....بدل ما تربيها!!!!!!! 

سليمان//يبقي انت اللي ضربتها

عابد//انا!!! ضربت مين انا كلمتك

مش برد عليه........ببعد عنيا عنه......مكنتش مستحملة حتي نبرة الصوت العاليه......جدالهم عليا......وكره الجميع ليا.....لكن من جوايا كنت عارفه اني مش مضطره اتعامل مع مشاكلهم الكتيره والاراء المختلفه عني.......بما ان سليمان عرف....كالعاده هيتعامل بدالي ويحلها.....

سليمان//ده انت هتتكسر......يا بتاع النجفة

بيخرج وبيخرج سليمان معاااه......وانا بحس ان عوزة انام......خلاص يونس مش هيبقي موجود تاني. 

♡_♡_♡_♡_♡_♡_♡_♡_♡_♡_♡_♡_♡_♡_♡_♡ 

عابد//انت بجد شايفني غلطان.....اكيد بتهزر

سليمان//........يتبع