قرب منها  انتي هتفضلي واقفه بالفستان دا كتير 

ايلا اتسعت عيونها بصدمه " قاسم". 

قاسم ببرود : ايه شوفتي عفريت 

ايلا تبتعد عنه بخوف : هوا انت العريس

قاسم : ايوة انا طبعاً مش مصدقه نفسك 

ايلا بغرور : ما صدقش نفسي ليه انا الف مين يتمناني و انت  اللي جريت ورايا بعد ما مسحت بكرامتك الأرض.

قاسم اتصدم من ردها.    اوعي تكوني فاكرة اني مجوزك بجد تقدري تقولي هتبقي مجرد وقت وذكري مؤقته مش اكتر.

ايلا لفت وشها : اوضتي فين .

قاسم بغضب : الظاهر ما فهمتيش كلامي انتي ما لكيش اوض هنا .

ايلا  : عادي انا مش مستغربه ردك بس قولي هنام فين.

قاسم : ايه البرود اللي انتي في دا .

ايلا وهي تمسك بفستانها    حد قالك اني فريزر .

قاسم : دا انتي مش همك وبتهزري كمان 

ايلا :  انت اصلا كلك علي بعضك ما تخصنيش ولا تفرق معايا .

قاسم جاب اخره من كلامها    بقولك ايه انت هتصدعيني تعالي ورايا اوريكي  المكان اللي هتتخمدي فيه .

ايلا شالت فستان علي ايديها ومشيت وراها .

قاسم دخل المطبخ بيشاور علي الارض   دا مكانك .

ايلا  لم تقوم باي رده فعل   طيب ممكن بقي حاجه ألبسها عشان عايزة اغير الفستان .

قاسم : مافيش هدوم ليكي هنا .

ايلا : طيب اعمل ايه بقي .

قاسم ببرود : بسيطه البسي لبس الشغالين يناسبك اكيد .

ايلا  اتنهدت بضيق  وراحت اخدت لبس الخدم  ممكن تمشي عايزة اغير .

قاسم : هو انا ماسكك ما تغيري .

ايلا بغضب : طب اتحرك .

قاسم : اوعي تكوني فكرة ان ميت عليكي انسي انتي واحدة خدامه  واهلك ما صدقوا خلصوا منك  .

ايلا بدموع : هو انا عملت ايه عشان تعمل فيا كل دا اذيتك في ايه 

قاسم : انتي واحده منافقه و كدابه  بقالنا سنتين نعرف بعض فضلتي تقربي مني واحده واحده وتحببيني فيكي  عشان ف الاخر اتجوزك . 

ايلا تمسح دموعها : طلقني يا قاسم طالمه انا واحده منافقه و كدابه لو سمحت .

قاسم بسخريه : هو انتي فاكرة دخول الحمام زاي خروجه دانا هعرفك ازاي تخدعيني  انا قاسم  بدران بن الحج بدران   يضحك عليا من واحدة شبهك .

ايلا : احسن منك الف مرة  .

قاسم قرب منها ومسك  ايديها بقوة  طب اعملي حسابك الليله دي  في ناس مهمين  هيكونوا موجودين الساعه 8:00 بالليل تكوني مجهزه اكل وهنادي عليك تخدمي عليهم واياك اشوف غلطه واحده بس هتشوفي مني وش عمرك ما شفتيه وحسك عينك حد يعرف انك مراتي مفهوم. 

ايلا بغضب مكتوم : مفهوم.

ايلا قلعت الفستان بصعوبه  ولبست لبس الخدم فتحت الثلاجه وحولت تعمل اللي موجود  خلصت بعد دقائق وقعدت ترتاح علي الأرض.

قاسم اخدت شاور ولبس قميص اسود وبنطلون رصاصي وحط برفان  لبس ساعته ونزل كان الضيوف وصلوا علي الباب .

قاسم بصوت مرتفع : ايلا افتحي الباب 

ايلا : خرجت من المطبخ وفتحت الباب .

دخلوا كلهم  وكان من ضمنهم مالك وسالي 

سالي بهمس : مش هي دي اللي قاسم كان هيطلب ايديها قدامنا .