رواية الحب المفاجئ سليمان وابرار الفصل الواحد والعشرون 21 بقلم امل بكر
رواية الحب المفاجئ سليمان وابرار الفصل الواحد والعشرون 21 هى رواية من كتابة امل بكر رواية الحب المفاجئ سليمان وابرار الفصل الواحد والعشرون 21 صدر لاول مرة على موقع التواصل الاجتماعى فيسبوك رواية الحب المفاجئ سليمان وابرار الفصل الواحد والعشرون 21 حقق تفاعل كبير على الفيسبوك لذلك سنعرض لكم رواية الحب المفاجئ سليمان وابرار الفصل الواحد والعشرون 21
رواية الحب المفاجئ سليمان وابرار الفصل الواحد والعشرون 21
-أبرار !!!
لفيت وكان عمر قرب مني وهو بيقول باعجاب ،
-شكلك مميز جداً بالفستان
رديت باختصار علشان امشي ،
-ا اه شكراً ليك
-العفو دي الحقيقه
رجعت تاني وقفت مكاني واخد عصير لمون شربته وانا عيني علي سُليمان اي ده هو بيبصلي ؟!!
خلص كلام معاها واجي وقف قدامي وهو بيبص حواليه وبيقول ،
-عمر مهتم جداً وعينه رايحه جايه
-تقصد اي ؟!!
-انتي مش فاهمه ولا اي!!
-هفهم اي يعني من كلامك ده ؟!!
بصلي بثبات وقال،
-معجب مثلاً
هزيت راسي برفض ،
-لا استحاله ده مجرد زميل في الشغل يعني
-انتي شايفه كده ؟!
-مش هشوف غير كده
ابتسم ابتسامه مفهمتهاش قاطعنا راجل وبنت جمبه وقفو جمب سُليمان وهما بيسلمو عليه
الراجل ،
-وحشتني والله ياسُليمان مش هتشتغل مع بعض تاني
-اكيد ان شاء الله قريب
البنت اتكلمت بدهشه وهي بتبص لسُليمان ،
-اي ده انت سُليمان بابا بيتكلم عنك وبيقول ان شركتكم ناجحه نفسي نشتغل مع بعض حتي
ابتسم بهدوء ورد،
-شكراً ده من ذوق هشام بيه
اتنفست بصوت عالي هو اي الرقه دي كلها هي شكلها طيب بس اي المياعه دي برده مش مبرر ابداً
اخدو بالهم مني وانا اتحرجت ،
-مش تعرفنا ياسُليمان
بصلي وقال ،
-بنت عمي
ابتسم ومد ايده ،
-اسفه مش بسلم
نزل ايده باعجاب ،
-انا الي متأسف باين عليها محترمه جداً ياسُليمان
رد عليه ،
-اه فعلاً محترمه جداً
بصلي تاني باصه شكيت فيها وقال بهمس لسُليمان،
-اي رائيك فيها لابني زياد
ريأكشن سُليمان اتغير واتكلم ،
-لا ماهو ابرار مقرء فاتحتها
اي !!! ابرار دي انا هو انا اتقرء فتحتي امتي !! بيقول اي الزفت ده !!!
الراجل بصلي ،
-متأسف مكنتش اعرف
سُليمان هز راسه بتفهم ،
-ولا يهمك حصل خير
بصتله بغيظ وانا مستنيه الراجل يمشي علشان اهزئه حد ندهله فعلاً ومشا بس البنت دي لسه واقفه مسكت كوبايتين عصير من الجرسون الي ماشي وعطته واحدة
-اتفضل ياسُليمان
اخد منها فعلاً وانا بصالهم هما الاتينين بضيق
بصتله وهي بتقول ،
-انت مش بتشتغل حاجه تانيه ؟!
رد عليها وهو عينه بعيد ،
-لاء
-اممم انا محتاجه اشتغل معاك بابا بيتكلم كتير عن شغلكم
-اممم
قربت اكتر منه وهنا نفسي ضاق وفاض بيا هي بتعمل اي !!!!!
-ممكن تجيب رقمك نتواصل
سُلميان لاحظ قربها وبعد شويه ورد وهو عينه عليا ،
-لا والله مش بكلم بنات
اتكلمت وهي بتحاول تخلي شكلها حلو ،
-اقصد علشان الشغل يعني
-ولو برده شغلي كله مع رجاله صدفه بقي لو في واحده
-امم طيب
مشت وسابته اكيد لما ملاقتش من كلامها فايدة بصيت جمبي علي احمد الي اتكلم ،
-ابرار محتاج اتكلم معاكي
بصتله باستغراب ،
-خير في حاجه ؟!
-لا كنت عايز اسالك علي صحبتك
-صحبتي !!! مين
-الي هي كانت في الخطوبه
-تقصد شيرين اه مالها
بص حواليه وقال ،
-ا احم عايز اسألك عليها هي كويسه
ابتسمت لما فهمت انه معجب بيها !
-شيرين كويسه وبنت خلوقه
-انتي شايفه انها مناسبه ليا ؟!
-انا مقدرش اقول حاجه بس لو انت معجب اتقدم وربنا يسهلك لو خير ليكو انتو الاتنين
-طب في حاجه
-اي هي ؟!!!
-هي مش قدك وانتي اكبر بسنه فا اي ؟!!
-لا هي شيرين اصغر مني بسنه بس هي متقدمه في الدراسه علشان كده قدي
ابتسم ،
-يعني هي قدي !!!
-بالظبط
-طب رقم ابوها بقي
ضحكت عليه والي حماسه ،
-ماشي هكلمها واقولها تبعته
-ماشي هستني
-ماشي ياعم المتحمس
-ادعيلي
-ربنا يسعد قلبك يارب يااحمد
-يارب
مشا من جمبي ومفضلش غير سُليمان وعمر كمان اجي قرب مننا ووقف جمب سُليمان وهو عينه عليا مكنتش عارفه اعمل اي غير اني ابعد عيني عنه
سُليمان لاحظ نظراته لابرار وخبط علي كتفه بنفاذ صبر منه ،
-خير بتبص اوي يعني !!!!
عمر اتحمحم باحراج ،
-لا مش قصدي سرحت
-لا متسرحش تاني وخد بالك بتبص لمين
اتحرج منه ورد،
-اكيد
ابتسمت بعبط لاني سامعهم وهما بيتكلمو مسحت الضحكه بسرعه لما بصلي وعمر مشي غمض عينه لوهله وفتحها وهو بيقولي
-انا مش فاهم كل مره بتلبسي فستان احسن من الاول !!!!!
يعني ده مدح ولا ذم مش فاهمه الراجل ده !!!
-هو انت اي حكايتك مع الفساتين ؟!!
-بيعصبوني
قالها وهو فعلاً مضايق
بسخريه ،
-بجد!! طب ابعد عينك بقي علشان متتعصبش اكتر
رفع ايده في الهوا وهو قافلها هو انا عصبته اكتر ولا اي !!! انا عايزه اروح
ولكنه ابتسم بسماجه وقال ،
-لا مقدرش
بلعت ريقي بتوتر،
-متقدرش اي!!!
-ابعد عيني
بعد عيني عنه وانا بتنفس باختناق هو المكان ده ضيق كده لي !!!
-روح اقف مع البنات الي كنت واقف معاهم
رفع حاجبه،
-واشمعنا اقف مع البنات !!!
هزيت كتفي وكأني مش مضايقه مثلاً،
-معرفش مش انت كنت واقف معاهم !!
-عادي يعني دردشه
-اممم طيب
-شكلك مضايقه
-مين دي الي مضايقه انا!!! وانا اضايق لي يعني مش فاهمه !!!!
فضل باصصلي وانا بتكلم وو مبتسم
-انت مبحلق كده لي؟!!
-ده انتي مضايقه فعلاً
-متعصبنيش قال مضايقه قال انا همشي من هنا خنقتني
-طب بس بس اقفي مكانك
-يبقي تسكت
ابتسم بهدوء ،
-طيب
واخيراً خلصت الحفله الي عصبتني دي وروحنا قلعت هدومي ونمت علي السرير بتعب من الهيلز اللعين ده قومت تاني يوم ولبست وانا مش قادره
وصلنا الشركه وروحت علي مكتبي وبدأت اشتغل عادي بس كنت محتاجه عمر لان في لسه حاجات مش فاهمها الباب خبط
بصيت وطبعاً علشان ازاز كان سُليمان دخل
-خير في اي ؟!!
-انا الي هدربك انهارده
-لي عمر موجود
رفع حاجبه ،
-عمر!!!! ده احنا شلنا الالقاب
قلبت عيني بملل ،
-هو انت لي بدقق كده!!!
-ولا بدقق ولا حاجه انا الي هدربك ياريت تفهمي
خلص كلامه وهو بيقعد جمبي علي الكرسي
-وهو فين عمر ؟!!!
-انتي عايزه اي من سي عمر؟!!
-هو الي بيفهمني فابسأل
-اممم اخد اجازه ومحدش بيفهم في الحسابات غيري
بسخريه وانا موطيه صوتي ،
-عبقري اوي
-ركزي معايا بقي مش عايز غباء
-احترم نفسك
بسخريه ،
-طب يلا يااستاذه ركزي
"فهمني الي مش عارفا وبصراحه فهمت "
-كده تمام محتاجه حاجه تاني ؟!
-امم لا تمام فهمت
-يارب تكوني فهمتي
-انت لي مستفز !!!!
-هو كده
-طب اطلع بقي من هنا
-طالع مش فاضيلك ياختي
مشا وسابني وانا اشتغلت لوحدي وخلصت وبعد ساعتين سند ضهري علي الكرسي بارتياح اااه الراحه بعد التعب شعور تحفه بجد
قومت اخد شنطيتي وملاقتش يزن في مكتبه روحت لاحمد نفس الكلام وبابا وسُليمان لقيته موجود بعد لما دخلناه المكتب
-سُليمان بابا واحمد ويزن مش موجودين !!!
رفع راسه من علي الورق ،
-مش موجودين ازاي ؟؟
-معرفش مش لاقيهم
باستغراب مسك موبايله ،
-طب اقعدي هتصل علي يزن
قعد وهو اتكلم
-ايوا يزن انتو فين ؟!!
معرفش قاله اي بس سُليمان قام وقف بخضه ،
-اييي!!! طب هي كويسه ؟!!
-طيب خلاص احنا هنيجي
قفل معاه وهو بياخد المفاتيح والموبايل قومت وقفت انا كمان ،
-في اي !!! مين الي كويسه ؟!!
بصلي وقال،
-هقولك بس تهدي
قلبي وقع من الخوف وقولت ،
-في اي ؟!!
-امك وقعت من علي السلم
برقت بصدمه ،
-ايييي
قرب عليا وهو بيحاول يهديني ،
-اهدي تعالي نروح
ركبنا العربيه وانا منهاره في العياط
-ممكن تهدي كفايه عياط صدقيني هتبقي كويسه
بعياط اتكلمت بسرعه،
-برن مش بيرد في حاجه مش بيرد
-اتفائلي خير بلاش تقولي كده
بصتله ،
-طب اتصل عليه بالله عليك خليه يرد
-حاضر والله
مسك موبايله بس برده مردش عليه
-مش بيرد ممكن يكون مش سامعه
-طب بسرعه سوق بسرعه
وصلنا المستشفي كنت بجري مش بمشي وهو بيحاول يلحقني وصلنا وكلهم كانو واقفين
قربت منهم وانا عيني عليهم ،
-ماما مالهااااا؟!!!
عمو قرب مني وهو بياخدني في حضنو ،
-اهدي ياحبيبتي متعيطيش
طلعت من حضنه وانا الدموع ماليه عنيا وشايفه بابا ويزن وهما واقفين قدام باب
مرات عمو قربت مني ،
-دخلت غيبوبه الوقعه كانت جامدة
-اييي غيبوبه !!!!
احمد اتكلم ،
-ان شاء الله خير ممكن تصحي بكره او قريب بإذن متقلقيش
-طب انا عايزه اشوفها
دخلتلها بعد لما اتعقمت وانهرت من العياط والممرضه اجت طلعتني
يزن اخدني منها وهو بيحضني وبيضبط عليا ،
-بس ياحبيبتي هي هتبقي كويسه اهدي
-يزن ماما مش بتفوق لي ؟!!!
سكت شويه ورد ،
-ادعيلها اقوم بالسلامه الدكتور قال هتفوق قريب
-انا خايفه اوي يايـز ….
مكملتش الكلمه وهي يتقع في حضن يزن كلهم قربو عليها بخضه ويزن شالها بسرعه وسُليمان زعق علشان حد يجي نقلوها علي سرير وحطولها محاليل
فوقت بدوخه وبصيت جمبي ملقتش حد مكنتش فايقه ومش فاكره حاجه جيت اقوم لقيت الباب بيتفتح وداخل منه سُليمان
قرب مني بقلق ،
-بتعملي اي مينفعش تقومي
بصتله ،
-ماما مفاقتش ؟!!
قعد علي الكرسي الي جمب السرير ،
-لسه بس هتفوق ان شاء الله ممكن انتي تهدي بقي
عيط من تاني وانا بحط ايدي علي وشي ،
-انا خايفه يحصلها حاجه ياسُليمان
مكنش عارف يعمل اي كان عايز يخدها في حضنه بس مش قادر يعملها
-مش هيحصل حاجه ادعيلها ومتقلقيش والله مش هيحصل غير الخير وبس
مسحت دموعي في كمي وبصتله بأمل،
-هتبقي كويسه صح ؟!!
هز راسه ،
-هتبقي كويسه
-هو فين بابا ويزن
-يزن بيكلم الدكتور وعمي قاعد قدام الاوضه بيبص علي مرات عمو
-انا عايزة اقوم مش حابه قاعدة كده
-لاء استني المحلول يخلص انتي ضعيفه هتقعي من تاني
-عادي مش هتفرق
بحزم،
-لا طبعاً هتفرق مع الي بيحبوكي اهدي بقي واقعدي مكانك
ضحكت غصب عني بصلي وهو بيعقد حواجبه ،
-بتضحكي علي اي ؟!!
-اصل بصراحه انت انسان سمج فامستغربه طريقتك الجديده دي !!
ضحك هو كمان ،
-مش وقته ابقي علز يعني
-طب الحمدلله انك عارف نفسك
-طب اتلمي بدل احط حقنه هوا في المحلول ده تموتي
-متقدرتش تعملها
ابتسم بهدوء ،
-هو انا فعلاً مقدرش
بصيت بعيد بتوتر هو بقي لطيف كده امتي !!!
-هروح اعمل مكالمه وهرجعلك تاني
-ماشي شكراً لوقفتك جمبي شويه وهقوم اصلاً
اتكلم قبل لما يخرج ،
-هرجعلك تاني قولت اوعك تشيلي
شاور علي المحلول بتحذير وخرج ابتسمت وانا باصه علي الباب هو انا لي مبسوطه من اهتمامه ؟!!
بعد شويه كان قاعد جمبي وفاتح الموبايل وانا باصه في الفراغ
-رايح فين ؟!!
شاور علي المحلول،
-خلص هقول الممرضه تشيله
هزيت راسي بماشي ماخدش بالي انه خلص اجت وشالتلي المحلول وطلعلنا
قربت من بابا وهو باصص بعيد وسرحان ،
-بابا الدكتور مقالش حاجه ؟!
-لا لسه مفيش حاجه يلا قومي روحي انتي تعبتي
-لا هفضل معاكم
-ابرار روحي ملهوش لازمه القعاد انا موجود
روحنا كلنا معدا بابا ونزلت اخد سيف الي نايم في حضن همس ولكن مرات عمو قالتلي سيبي وفعلاً سببته
همس قربت مني وحضنتني وانا واقفه علي الباب،
-متقلقيش هتبقي كويسه
-يارب
طلعت فضلت قاعده بدعي ماما تفوق ونمت من تعبي تاني يوم روحت المستشفي مع يزن وعلي نفس الحال مفيش جديد
فات يومين وفي اليوم التالت فاقت والحمدلله واتنقلت اوضه عاديه
دخنلها كلنا قربت منها وانا بمسك ايديها ،
-ماما قلقتينا عليكي انتي كويسه؟!!
ابتسمت بهدوء ،
-كويسه كويسه
يزن وقف من الجنب التاني ،
-حاسه بإيه ؟!!
بصتله،
-دماغي وجعاني شويه
الدكتور اتكلم ،
-طبيعي هتخف بالدوا واهم حاجه الاكل
خرجنا بالليل من المستشفي والكام يوم الي فاتو كان صعبين اوي حضرت لماما الاكل وافتكرت ان احمد طلب رقم ابو شيرين كلمت شيرين وهي عطتهولي
بعته لهمس واتس ،
-ابعتي لاحمد اخوكي عايزه
-رقم مزه ده ولا اي
ضحكت عليها،
-يعني مزه بس في الحلال
-ولع الكلام ده بجد احمد اخويا مين دي ؟!
-صحبتي شيرين ابعتي ليه واخرسي بقي
-شيرين !!! بيري مش دي صحبتك الي اعرفها
فهمت دماغها وقصدها اي ،
-هموسه هي اتغيرت انا نسيت احكيلك بس هي كلمتني وأتأسف علي طريقتها وندمانه في الطريق الي دخلته وانت اكتر حد هيتفهم ان الانسان بيتغير في اقل من ثانيه حتي بهدايه من ربنا
-اكيد طبعاً عارفه لو فيه الخير ربنا ييسرلهم الامر
-يارب
تاني يوم رجعت الشغل تاني بعد لمًا مرات عمو طلعت اقعد مع ماما لو احتاجت حاجه
بدأت اشتغل عادي وحسيت اني مش مفوقه قومت اجيب قهوة قابلت عمر وهو بيجيب مايه
-ابرار ازيك
-واحد قهوة لو سمحت
بصيتله ورديت ،
-بخير شكراً ليك
-عامله اي في الشغل ؟!!
-كله تمام الحمدلله
-مش محتاجه مساعده ؟!!
-لا ابداً سُليمان فهمني كل حاجه
-طب كويس
"اخد القهوة ومشيت رجعت مكتبي "
عمر كان عايز يكلم يزن ولكنه ملاقهوش شاف سُليمان خارج من الشركه وقفه بسرعه
-ثواني
سُليمان وقفله
-معلش شوفت مستر يزن ؟!
-يزن مشا من شويه
-امم تمام شكراً
-في حاجه ولا اي ؟!
بص حواليه وبعدين اتكلم ،
-يعني عايز اكلمها في موضوع خاص
شُليمان ضيق عيونه باستغراب ،
-خير قول
-تمام بما انك زي اخوها هقولك
-هي مين دي ؟!!
-ابرار عايز اطلب معاد من ابوها بس قولت افاتح مستر يزن الاول
ضحك بدهشه وهو بيبص جمبه وبعدين بصله ،
-عايز تتقدم لابرار بنت عمي !!!
-ايوا .. هو في مشكله ؟!
بعصبيه مكبوته ،
-المشكله انها تخصني
-حضرتك خطيبها
-هخطبها وهي بنت عمي وانا اولي
-بس انا معجب بيها وعايزها !!
بعصبيه مسكه من هدومه ،
-يعني اي عايزها!!! بقولك هي هتبقي خطيبتي اي مش بتفهم !!!!
عقد حواجبي وانا شايفه سُليمان ماسك عمر من هدومه وشكلهم شادين قومت بسرعه وقربت منهم
-في اي ؟!!
سُليمان ساب هدومه وبصلي ،
-مفيش خلصتي شغل
عمر بضيق ،
-لا فيه انا عايز اتقدمتلك وهو بيقولي هيبقي خطيبك صح الكلام ده؟!!
بصيت بدهشه لسُليمان كنت هنطق ولكن اتكلم سُليمان بضيق واضح ،
-متعصبنيش عليك اكتر من كده
-انا عايز اسمع منك لان واضح ان مش بينكم حاجه
بصلي عمر وقال ،
-فعلاً كلامه حقيقي ؟!
معرفش ازاي قولت كده ،
-ايوا صح
سُليمان بصلي بدهشه من ردي وانا ضغط علي ايدي ان ازاي قولت كده عمر هز راسه ومشا وانا اتنفست بضيق
-تعالي هروحك محدش موجود في الشركه
-لا هقعد في شغل وبعدين هروح
-مش هأمن عليكي وانتي لوحدك
-انتي ازاي تقولو كده ؟!!
-يعني انتي عايزا ؟!!!
هزيت راسي ،
-لاء بس برده مينفعش تقول حاجه مش حقيقيه
بضيق بان من نبرته ،
-انتي اي الي مضايقك!!! طالما انتي مش عايزا
-مضايقه علشان كذبت
-ياسلام طب مانتي كذبتي
رفعت حاجبي بنرفزه ،
-انا فعلاً غلطانه اني مخلتش شكلك وحش قدامه !
حط ايده في جيبه وقال ،
-بس انا بقي مكذبتش
-يعني اي ؟!
-يعني هتجوزك فعلاً
-اي!!!!
اتكلم وهو بيمشي امن قدامي و راجع مكتبه ،
-يعني هتجوزك زي الناس اي !!!
حسيته متحكم وعايز يمشي كلامه وخلاص لمجرد انه قال كلام كذب عايز ينفذه وبس لا طبعاً مش هوافق علي الكلام الفارغ ده. !!
-انسي الي بتقوله علشان مش هيحصل تمام !؟؟
مشيت من قدامه بعصبيه واشتغلت بعصبيه عدي نص ساعه لغيت لما حطيت ايدي علي بوقي بصدمه
اتكلمت وانا باصه علي الشاشه بذهول ،
-ينهار ابيض انا هببت الدنيا
دخل واحد بعد لما خبط علي الباب واتكلم بعصبيه،
-انتي لعبطي الدنيا وشغلك وصلي علي اللابتوب
رديت بتوتر ،
-انا معرفش !! انا كنت بشتغل كويس ووو
قاطعني ،
-انتي الي هببتي مش بيتصلح انا هنده استاذ سُليمان هيشوف هيعمل اي معاكي
-لا لا استني مش متستاهله انا هصلح الدنيا
مقولتش كده علشان خايفه من سُليمان بس مش عايزا يدخل ..ومعرفش هصلح الدنيا ازاي وانا مش فاهمه ازاي حصل الغلط ده!!!
-جهزي نفسك انتي اكيد هتطردي
كنت هرد عليه بس طلع هو ميعرفش انا مين ولا اي انا ازاي سكتله يكلمني كده !!!
فضلت ابص للشاشه وانا بحاول افهم الي حصل دخل الراجل ووراه سُلميان
-اتفضل يامستر سُليمان الانسه بوظت الشغل ولخبطت الدنيا !!!
بعصبيه من طريقته ،
-بقولك اي احترم نفسك علشان سكتالك؟!!
رد عليه بعصبيه زي ،
-هتعملي اي يعني !!!
سُليمان بصله ونطق بحزم،
-دي بنت عمي
الراجل بلع ريقه بخوف ومنطقتش وانا بصيت لسُليمان ببرود وقولت
-ابقي اخت استاذ يزن وانا هقوله علي طريقتك دي خد بالك
سُليمان وقال بهمس ،
-فوقت اخت يزن يعني !!!!
مردتش عليه وسُليمان قعد علي الكرسي ،
-اي الي حصل هنا ؟!!!
الراجل اتكلم وشرحله والغلطه كانت كبيره وسُليمان واضح انه متعصب وانا فضلت افرك في ايدي اكتر حاجه بكرها يحصل مشكله بسببي
الراجل رجع شغله وسُليمان كان قاعد قدام الشاشه زعق بعصبيه ،
-ازاي هببتي الغلطه دي ؟!!!!
مقدرتش اتكلم وانفجرت في العياط وانا بقعد علي الكرسي وبحط ايدي علي وشي
اتخض ولفلها اتنهد بهدوء ،
-بتعيطي لي دلوقتي ؟!!!
اتكلمت من وسط عياطي.
-المشكله كبيره !!! وحصلت بسببي انا
-طب بطلي عياط هحاول احلها اهدي بقي
-لا انت بتزعقلي
-انا زعقتلك فين!!!! بس
فضلت تعيط حس انه مش قادر يسببها بتعيط اتكلم وهو بيهودها علي قد عقلها،
-بس اهدي انا مش بزعقلك بزعق للشاشه
رفعت راسي اتكلمت وانا بمسح دموعي بايدي ،
-يعني مش ليا !!!
ضحك غصب عنه ،
-لا ياستي مش عليكي ممكن بقي تبطلي عياط
-هتعرف تحل المشكله دي
-لو بطلتي عياط هعرف
بعصبيه لما افتكرت ،
-ماهو حصل بسببك عصبتني ولما اتعصبت غلط في الشغل اهو
رفع حاجبه ،
-يعني حصل بسببي
هزيتله راسي ،
-ايوا بسببك
-اممم فعلاً انا غلطان
شاورلته علي الشاشه ،
-ركز وشوف هتحل المشكله دي ازاي
ضحك وهو بيهز راسه ورجع يحاول يحلها وانا متابعاه بعد ساعتين سند ضهره علي الكرسي وهو بينتهد بارتياح
-اي حليت المشكله ؟!!!
بصلي ،
-اتحلت.. اي لسه عايزه تكملي شغل!!!
-اه هكمل مكنتش غلطه يعني !
-دي مش غلطه صغيره الشغل كله كان ممكن يبوظ!!
-مش هتحصل تاني انا بس علشان كنت متعصبه
لف بالكرسي وبقي وشه ليا،
-كل ده علشان قولت هتجوزك
-بص انا محدش يبفرض كلامه عليا ومش علشان كذبت يبقي هنمشي فيها تمام ؟!!
رجع راسه لورا واتكلم بخبث،
-بس عمر اكيد هيقول للكل انك هتبقي خطيبتي يعني انتي كده متعلقه بيا وانا مرداش يبقي شكلك وحش بصفتك هتبقي خطيبتي يعني
بنرفزه،
-انت كده بتقنعني يعني!!! من الاخر انا مش موافقه تمام
بثقه،
-هتوافقي
ضحكت بسخريه ،
-هو غصب ولا اي ؟!!
-ثقه
-كبها في الزباله
-عيب تكلمي خطيبك كده
-متعصبنيششش انا اصلاً مش بحبك
-هتحبيني
-انت اكيد مش سُليمان انت اتهبلت بجد
-لسانك طويل بس وماله نعدله
-انا هقوم بدل مااقلب المكتب ده
-اعصابك مش عايز اخدك تعبانه
عضيت علي شفايفي بغيظ واتنفست وهو ضحك بعد لما طلعت
لقيته جاي ورايه قال بجديه،
-استني اقفي مكانك
-في اي تاني ؟!!!
قال حاجه لحد من الموظفين وشويه ولقيت الراجل الي زعقلي جاي
سُليمان اتكلم بحديه عكس الي كان جوه المكتب !!
شاور عليا وقال
-انا منستش طريقتك معها
اتكلم هو بسرعه ،
-انا مكنتش اعرف والله انها اخت مستر ولا بنت عم حضرتك انا متأسف جداً والله
-اعتذارك مش ليا ليها هي
اندهشت منه والراجل بصلي وقال بصدق،
-انا اسف لحضرتك جداً
رديت بهدوء ،
-ماشي بس مش علشان انا بكون اخت يزن يبقي تعاملني باحترام المفروض انك متكلمش حد بالاسلوب ده
هز راسه
سُليمان ،
-روح شغلك وانا ظبط المشكله
-ماشي مستر سُليمان
مشيت خطوة وقفني من تاني ،
-ماتهدي انتي مابتصدقي تمشي
-عايزه اروح سبني في حالي بقي
-هوصلك
لا شكراً
وصلني بالعافيه وانا عند وركبت ورا بليل شيرين كملتني
-بيري احمد ابن عمك طلب معاد يتقدم
ضحكت ،
-اه عارفه ده خبر حلو حددو معاد ؟!
-اه اخر الاسبوع
-كويس اوي.. اي فرحانه ؟!
اتكلمت بنبره هاديه ومرتاحه،
-حاسه اني مبسوطه اوي معأني معرفهوش اصلاً انا اتكلمت معاه بس في الخطوبه كنت بسأله عليكي يعني معرفهوش كفايه بس انا حاسه اني مرتاحه
-احمد شخص محترم جداً صلي استخارة وان شاء الله خير
-هصلي فعلاً بس انا حاسه بشعور حلو اوي يابيري مش عارفه اوصفه بجد
ضحكت بانبساط لفرحتها،
-حبيبتي مبسوطه انك حاسه بشعور حلو
-هتيجي اكيد من الصبح تبقي جمبي
-اكيد طبعاً انتي اختي
<<<<<<<<<<<<<<<<<<<<<<<<<<<<<<
اجي اخر الاسبوع وروحت لشيرين من الصبح لبست فستان اوف وايت منفوش من الوسط نفشه بسيطه وشكلها تحفه
احمد وصل وبقيت العيله وراه كان ماسك بوكيه ورد احمر شكله يهبل واحمد كان شكله حلو شيرين طلعت وانا وراها قعدنا ولحظت سُليمان الي مبحلقلي بصتله الي هو اي !!
قام وقف قريب من الباب الشارع وشاورلي باروحله استغربت عايز مني اي ده !! ولان البيت كبير فاالباب بعيد عن الصالون الي قاعدين فيه قومت وقربت منه
-خير عايز اي ؟!!
-هي مش دي صحبتك الي بقولك ابعدي عنها !!!
اتنفست بنرفزه من نفس كلامه،
-شيرين اتغيرت ومبقتش البنت الي شوفتها في الجامعه ومش علشان شوفتها مره كده يبقي هتبقي علطول بالصوره دي تمام
-اخويا هيخطبها يعني اهم حاجه تكون كويسه
-ايوا واكيد لو هي مش كويسه كنت قولت لاحمد هنا الاتنين عزيزين عليا واتمنلهم الخير
-ماشي ربنا يسهلهم
رفعت صباعي في وشه بتحذير اخير ،
-ولاخر مره تتكلم عليها تاني تمام ياريت تقفل الموضوع ده بقي
بص علي صباعي ،
-طب نزلي صباعك ولا انزله انا!!!
نزلته بسرعه واحد وقح وكنت همشي لقيته اتكلم ،
-علفكره انا هكلم عمي انهارده
-علي اي ؟!
غمزلي ،
-نتخطب
برقت بعصبيه،
-ماشي اتقدم علشان هرفض
-هنشوف
مشيت من قدامه وروحت قعد جمب همس الي غمزلتي ،
-هو الكلام مش بيحلو غير علي الباب ولا اي ؟!!
-بقولك اي مش انتي واخوكي
-في اي ؟!!
اخد نفس وقولت ،
-عايز يخطبني
ابتسمت ابتسامه واسعه،
-لا متقوليش والله كنت عارفه ده احلا خبر اي ياجماعه كلكو بتخطبو اجيب فستانين الوان اي ؟!!!
-انت بتهزري ده كل الي همك ؟!!
-طبعاً في اهم من كده
-في اني رافضه انتي عارفه هو عايز يخطبني لي؟!!
-لا لي؟!
-علشان في واحد اسمه عمر في الشركه كان عايز يتقدملي وهو قاله انه هيخطبني وعمر قالي ده حقيقي علشان طبعاً واضح ان مفيش بينا حاجه معرفش ازاي اتهبلت وقولتله ايوا كلامه صح
-وبعدين ؟!
-فاهو قالي انه مكذبش وعمر هيقول ب
للكل وانا مش عايز شكلك يبقي وحش ومش عارف اي بصي انا مش موافقه قال عايز يخطبني علشان كذب انا مش تحت امر حد !!
اتكلمت بابتسامه خبيثه،
-بيري هو ده الي مزعلك ؟!!
-يعني اي !
-يعني علشان الطريقه بس انتي موافقه عادي علي سُليمان
سكت ثانيه بفكر هو انا فعلاً مضايقه علشان الطريقه وعلشان مبحبش اتحط تحت ضغط ولا رافضه سُليمان اصلاً بس لاء انا مش رافضا لا لا رافضا
-بيري ده انتي واقعه ومحدش اخد باله
قرصتها في رجلها،
-بلاش غتاته زي اخوكي اكيد لاء يعني انا مش بحبه اصلاً
قاطعنا شيرين ،
-تعالو معايا المطبخ وبطلو وشوشه
همس قامت اتكلمت بهزار ،
-تعالي يامرات اخويا
ضحكت شيرين عليها بعد لما دخلنا المطبخ واحنا بنعمل القهوة اتكلمت همس
-شيرين امال انتي هتقوليلي عمتو امتي ؟!!
انا وشيرين بصنالها وموتنا من الضحك
-اي ياشيرين انتي بتضحكي عليا ؟!!
شيرين اتكلمت من بين ضحكها،
-يعني بضحك لوحدي ماهي بيري بتضحك اهي الله
-لا ولو انتي متضحكيش قولي حاضر ياعمتو
اتكلمت وانا ميته من الضحك ،
-يلهوي عليكي ياهموسه طلعتي مش سهله
-بس يابت دلوقتي
-بت!!! علفكره انتي المفروض تقوليلي ياعمتو برده
-عمتو!!! اي الشغل ده
-طيب خلاص وصحبتي برده هتقولك كده لي
شيرين حضنتني من ضهري ،
-حبيبتي ياصحبتي
همس رفعت حواجبها بتمثيل الحزن وانا ضحكت عليها واحدها في حضني ،
-بس ياهموسه متزعليش
شيرين ،
-ههيييي القهوة فااارت
طلعنا القهوة وقرائنا الفاتحه وشيرين واضح انها مبسوطه واحمد كمان حددو الخطوبه بعد اسبوع علشان يلحقو يجهزو واحنا مروحين
-مبروك ياشيري
-الله يبارك فيكي
كملت وهي بتغمز،
-علي ابن عمك سُليمان بقي
-ادخلي ياشيرين واقفلي الباب
قربت واتكلمت بهمس اكتر ،
-طب والله الراجل مبحلقلك طول القاعده ده انا اخد بالي ياشيخه
ضحكت لا ارادي لاني لحظت انا كمان كده بس قولت عادي
-اي موافقه علي الراجل؟!
-باي ياشيري باي هي همس حكتلك !!
همس ادخلت شبه صرصار الحقل ،
-ايوا مرات اخويا حبيبتي حكتلها اي موافقه ؟!
-بعد ماكانت واحده رنانه في حياتي بقي اتنين!!!
ماما قاطعتنا،
-احنا نازلين يلا يابنات
مشيت من قدامهم ،
-انا ماشيه
همس قال بصوت واطي لشرين،
-تفتكري هتوافق ؟!
شيرين ضحكت،
-لو زنينا عليها هتوافق اكيد
مسكت همس الي بتتوشوش مع شيرين ،
-يلا ياحبيبتي اخلصي
روحنا بيتنا وصحيت تاني يوم متأخر ومروحتش الشغل فطرت وصليت وعملتلي كوبايه قهوة وقعد في البلاكونه اشم شويه هوا
وبعد العصر بابا ويزن اجو من الشغل اتغدينا وقعدنا شويه في الصاله بابا اتكلم ،
-سُليمان كلمني في حاجه
ماما ،
-خير في اي ؟!
بابا بصلي وهوب انا فهمت ،
-عايز يجي يطلب ايد ابرار
يزن ،
-اه قالي امبارح بس قولتله يكلمك
بابا ،
-انت رائيك اي؟!
-مفيش مشكله سُليمان كويس
ماما،
-سُليمان ده محترم موافقه
بصتلهم بدهشه هما الي هيتجوزو ولا اي !!!!
والزفت التاني ده كمان عمل برده الي في دماغه !
بسخريه ،
-طب كويس انكم موافقين الراي رائيكم برده
يزن حاوط كتفي بمناكشه،
-احنا جهزنا الشنطه بتاعتك خلاص
-ده الي ناقص فعلاً
بابا ضحك،
-بس يابني بطل مرازيه فيها انت رائيك اي ياحبيبتي ؟!
ماما بابتسامه،
-صلي استخاره ياحبيبتي وقوللنا رائيك
يزن وهو بينكشلي شعري ،
-خلاص خليهم يجو يوم الجمعه علي ما تقولي رائيك
بدهشه،
-واي لازمته رائي طالما هيجو يعني !؟؟
-احنا غلطانين اننا بناخد رائيك عملنالك قيمه
بابا ،
-طبعاً رائيها مهم والي هتقوله هو الي هيحصل
ابتسمت ،
-حبيبي يابابا
بليل كنت قاعده في الاوضه بفكر اوافق ولا لاء لغيت لما لقيت نفسي بتوضي علشان اصلي استخاره بعد شويه خلصت صلاة وقعد استغفر ربنا ولو هو خير ربنا يسهلي الطريق
نمت بعدها وصحيت وانا حاسه اني مرتاحه اوي وهنا افتكرت شيرين وهي بتقولي انه احساس لا يوصف حسيت اني حاسه نفس احساسها فعلاً
قومت دخلت الحمام وبعدين لبست علشان الشغل
نزلت مع يزن وبدأت اشتغل عادي دخل عليا يزن قعد علي الكرسي الي جمبي
بصتله باستغراب ،
-في اي ؟!!!!
-اي موافقه ؟!
-هو بعتك ليا ولا اي !!
-زنان اوي واكل دماغي مش عارف اشتغل منه
-لي دبانه !!
-امر من الدبانه والله
-ايوا عايز اي برده
-عايز رائيك
لفيت بالكرسي ووشي بقي ليه ،
-بص انا مرتاحه بس لاء افرضه
ضحك ،
-ايوا هو ده الكلام انا بقول كده برده
-طيب روح بقي قوله وريحه
-ايوا كده بابت ياأبرار والله قرارك في محله
طلع ولقه سُليمان في وشه
-اي قالتلك اي ؟!
-مرفوض ياحبيب اخوك
بضيق من يزن نفسه ،
-تمام ومفيش كتب كتابك علي همس
-ا احم اي ياعم ده دي الشنطه بتاعت ابرار محطوطه علي الباب تعالي خدها في اي وقت
-لا والله كتر خيرك
لفلي وبصلي بتوتر مزيف ،
-لا ياحبيبتي مش كده انتي فاهمه غلط
-بلا غلط بلا صح بقي
دخلت المكتب من تاني ويزن اتكلم ،
-انت السبب ياشيخ
-هو انا قولت حاجه !
بعد شويه لقيت بابا دخلي
-حبيبت بابا اي فكرتي ؟!!
-هو الدبان ماشي عليكم واحده وآحده
ضحك بعد لما فهم قصدي،
-مش سايبنا في حالنا والله رائيك اي
-انت شايف اي يابابا ؟!
-بصراحه ومن غير هزار ؟!
هزيت راسي بأة
مسك ايدي واتكلم ،
-سُليمان انا الي مربي من صغره بعدنا فتره اه بس هو راجل راجل يعني بجد بيغير علي اهل بيته بيعرف يشيل المسؤليه وانا واثق فيه علشان عارف معدنه وانتي غاليه عليا بنتي حبيبتي واكيد مش هديكي ولا هسلمك لاي حد وخلاص انا هطمن عليكي وانتي معاه مش شاكك في كده
عيني دمعت من كلامه مسحلي خدي بايده ،
-فكري علي مهلك وقولي ردك واوعك تفكري انك لو قولتي لاء هزعل ولا العلاقه بينا احنا وعمك هتتهز لاني كلمت عمك وقالي مفيش اي حاجه هتأثر علي علاقتنا تمام ياحبيبتي ؟!
هزيت راسي بماشي وهو خرج فضلت سرحانه هو اه كل الي فات كنا بنهزر بس فعلاً سُليمان الشخص الصح عشاني !!
بليل شيرين وهمس كانو في اوضي اتكلمت شيرين ،
-انا شايفه انك لما تتخطبو هتعرفي ان كان الشخص الصح ولا لاء!
اتنهد وانا بسمعها اتكلمت همس ،
-انا اضمنلك ان اخويا هو الشخص الصح
ضحكت عليها ،
-هو لو دفعلك فلوس مش هطبليلو كده!!
-ا احم ماهو فعلاً دفعلي فلوس
شاورت عليها وانا بيص لشيرين ،
-شوفي كنت عارفه والله بنت مصلحكيه مفيش منها اتنين
رفعت كتفها بتكبر ،
-طبعاً مفيش مني اتنين انا مميزه من نوعي
"رميت في وشها المخده بغيظ "
-بس يابارده
شيرين ،
-طب سيبك من الهزار بقي اي هتحددو القاعده امتي
ضحكت وانا باصه بعيد
-شكلها قريب
همس وهي بتسقف،
-اوعي الحجر هينطق هروح اقول لاخويا حبيبي
برقتلها ،
-اقعدي مكانك بدل ماافرمك
-خلاص قعد بلاش تبرقي بقي
بعد خمس ايام طلع عمي وسُليمان والباقي وانا كنت متوتره علي الاخر وشيرين وهمس كانو جمبي لبست فستان بيبي بينك سيمبل وهيلز ابيض وطلعت بتوتر كنت حاسه ان هيغم عليا من التوتر
لمحته وهو لابس قميص ابيض وبنطلون رمادي ايوا بقي ده لايق علي فستاني كان شكله تحفه بعد عيني بسرعه لما بصلي وبعد كلام كتير انا مكنتش مركزه ابداً في الكلام لغيت لما حددو معاد الخطوبه
بس بصيت علي سُليمان بدهشه لمًا قال
<<<<<<<<<<<<<<<<<<<<<<<<<<<<<<