رواية الحب المفاجئ سليمان وابرار الفصل الرابع والعشرون 24 بقلم امل بكر
رواية الحب المفاجئ سليمان وابرار الفصل الرابع والعشرون 24 هى رواية من كتابة امل بكر رواية الحب المفاجئ سليمان وابرار الفصل الرابع والعشرون 24 صدر لاول مرة على موقع التواصل الاجتماعى فيسبوك رواية الحب المفاجئ سليمان وابرار الفصل الرابع والعشرون 24 حقق تفاعل كبير على الفيسبوك لذلك سنعرض لكم رواية الحب المفاجئ سليمان وابرار الفصل الرابع والعشرون 24
رواية الحب المفاجئ سليمان وابرار الفصل الرابع والعشرون 24
قلبي دق بعنف اول لما قال للأسف
مقدرتش اخد نفسي ووقعت علي الارض علطول وماما الي عيطها زاد اخر حاجه سمعتها صوت
سُليمان ،
-ابراررررررر
ووقتها اتمنيت مصحاش تاني لاول مره مخافش ان عنيا تقفل
فتحت عنيا وفضلت ابص علي السقف شويه بعدم وعي بصيت جمبي لقيت عمي باصصلي ومستني اني اصحي
اتكلم بصوت مهزوز،
-حبيبت عمك كويسه؟!
عقد حواجبي فضلت ارمش لغيت ماافتكرت دموعي نزلت اول لما افتكرت كلمه الدكتور ومسمعش الباقي
-عمو يـزن يـزن فين هو كـويس علشان خاطري متقولش غير انه كويس
اتنفست بحزن واضح من عيونه ،
-اهدي الاول مش هعرف اقولك حاجه كده
بتعب وانا بحاول افتح عيني ،
-يعني اي مش هتعرف تقولي !!!
مد ايده ليا وهو بيمسك ايدي ،
-هو حالته حرجه بس شويه
-طلع من العمليات؟!!
برفض وصوت مكبوت ،
-لاء لـسة
اتكلمت وانا بقوم وبمسح دموعي ،
-يعني اي لسه في العمليات لي مطلعش كل ده؟!!!!
كان بيحاول يوقفني ولكني طلعت بره الاوضه كلها وروحت عندهم وهما واقفين قدام اوضه العمليات وبيعطو ووو فين سُليمان!!! مكنش موجود
قربت منهم وانا بمسح دموعي بعنف ،
-ما ما هو لي يـزن لسه جوه
رفعت عينها ليه الي مليانه بالدموع وانهارت وهي بتاخدني في حضنها دقيقه وطلعت من حضنها
اتكلمت وانا مش عايزه اصدق احساسي ان فيه حاجه ،
-حد يرد عليـه الدكتور قال للأسـف وانا مسمعتش الباقي قال اي ؟!!!!
بابًا قرب مني واتكلم بنبره مش طبيعيه ابداً،
-حبيبتي اهدي انتي ممكن تروحي فيها بسبب فقدك للوعي هو حالته حرجه بس مش اكتر
بعدم تصديق ،
-بابا لي كلكو بتكذبو عليا انا كويسه قولولي يزن ماله ؟!!!
احمد اتكلم ،
-ابرار يـزن كويس ادعيلو بس
كلهم كلامهم بيأكدلي ان فيه حاجه همس كانت قاعده بتدعي بصوت يكاد مسموع لفيت بعيني عليه ملاقتهوش طب علي الاقل هو يقولي الحقيقه
-فين سُليمان ؟!!
احمد رد ،
-بره بيشم هوا
-هطلعله
احمد اتكلم بسرعه برفض ،
-بلاش هو ي يعني عايز يقف لوحده
كلامه الي مش مترتب خلاني اشك طلعت لعنده ولقيته بيخبط ايده في الحيطه
ندهت عليه ،
-سُليمان
لفلي وكان عيونه مدمعه قربت عليه وانا ببص علي وشه بتركيز
-علشان خاطري قولي انت ماله يـزن ؟!!
اخد نفس طويل وهو باصصلي ،
-مفيش حاجه هو بس حالته حرجه
بغيظ وانا بحط ايدي علي دماغي ،
-لي كلكوووو بتقولو نفس الكلام وكأنكم متفقين!!!!!
-هيبقي كويس والله ادعيلو بس
-طب وانت لي عينك مدمعه ومتعصب وبتخبط ايدك في الحيطه كل ده ومفيش حاجه ؟!!
تجاهل كل كلامي وهو بيسألني ،
-انتي كويسه حاسه بحاجه ؟!!
بزهق من تجاهلهم حطيت ايدي علي دماغي بوجع،
-انا كويسه
مسكني من دراعي ،
-انتي دايخه؟!!!
-لا لا دماغي بس وجعاني شويه
شاور علي كرسي قدام المستشفي ،
-طيب تعالي اقعدي علي الكرسي ده
مشيت معاه وقعد وواحد قرب علينا وسأل سُليمان بحزن
-معلش ياابني كنت عايز اطمن علي الشاب الي عمل حـادثه انهارده
-انت تعرفه حضرتك ؟!!
-اه انا الي ركبت معاه في عربيه الاسعاف هو كويس طمني بالله عليك ؟!
بصلي وبعدين بصله وهز راسه،
-هو في العمليات لسـة ادعيلو يقوم بالسلامه
-ربنا يشفيه ويقومه بالسلامه انا والله مش قادر امشي واقف برة مستني اطمن عليه
سُليمان حط ايده علي كتفه بابتسامه هاديه،
-الله يخليك ياحج انك جبته خلاص روح بيتك ملهاش لازمه الوقفه
-طب بص ممكن تاخد رقمي وتطمني عليه
اداله رقمه ولف ضهره ومشا خطوتين بس سُليمان عقد حواجبه لمًا افتكر حاجه ونده عليه وهو بيروحله
-في حاجه ياابني ؟!!
-اه هو اي الي حصل يعني الحادثـه حصلت ازاي هو كان بيكلمني وبيقولي واحد بيحاول يقفل عليه ومفهمتش بالظبط
اتكلم وهو بيشرح بايدة،
-والله انا كنت راكب عربيتي وكنت ورا عربيه الشاب ده واول لما شوفت العربيه بتخبطه من ورا نزلت علطول رجعت وخبطته من تاني وزعقت وانا بجري عليه بس العربيه جرت وبس كده طلعت الشاب من العربيه
-يعني كان يقصد يعمل كده في يزن
-كان واضح انه مستقصده لانه خبطه مرتين
-طب معلش ياحج مش فاكر شكل العربيه لونها مواصفاتها
-انا اخد رقمها وحفظته في الموبايل بسرعه استنه اجبهولك
"سُليمان بأمل انه يجيب حق الي عمل فيه كده وكان عنده شك في واحد بس ولو طلع انه هو والله ماهيرحمه "
-اهو يابني الرقم
سُليمان كتبه عنده وشكره والراجل مشا رجع وقف جمبي
-ابرار تعالي يلا ادخلي جوه
دخلنا احنا الاتنين جوة قعدني جمب ماما وراح وقف جمب بابا
-عمي دلوقتي انا عرفت رقم العربيه الي خبطت يـزن
حسن بصله بحزن،
-مين الي عمل كده كان حد يقصد؟!!
-معرفش مين بس لازم نعرف ووقتها والله العظيم ماهرحمه
نهي كلامه بقسوة
اتكلم حسن وهو بيمسك دراع سُليمان ،
-يابني انا مش عايز حد يتأذي تاني احنا هنبلغ في القسم وهما الي هيجيبو وانت مش هتعمل حاجه ماشي ؟!
بعصبيه مكبوته ،
-ياعمي ازاي نخليه يفلت بعملته دي انا اصلاً مكنتش مرتاح وكنت عايز اكمل عليه اهو ابويا كان عايز نتصافي وهو عيل غدار
حسن باستغراب وعدم فهم ،
-تقصد اي ؟!!!الولا بتاع الخطوبه الي اسمه هيثم!!!!
-مفيش غيره استني يومين لما الدنيا تهدي وعمل عملته مفكرنا مش هنجيبه ولا هنعرف
اتكلم بعيون مش مبشرة خير ابداً،
-والله العظيم لو هو او غيرة ماهسيبه ولو القانون مجبش حقه انا هقتـ.له بايدي
سُليمان حاول يهدي عمه لما لاقي متعصب ،
-اهدي ياعمي حقه هيجي هيجي اهم حاجه يقوم بالسلامه
كمل بضيق من نفسه ،
-شكله كان مستقصدني انا مش هو يارتني ماسبتله العربيه
حسن بعصبيه من كلامه ،
-بس مش عايز اسمعك بتقول الكلام ده تاني انتو الاتنين اي مش واحد؟!! ده النصيب وابني يـزن مش هيجراله حاجه وربنا هيقومه بالسلامه
-يارب ياعمي يارب
-يلا دلوقتي نروح القسم
-ماشي
فضلت باصه لبابا وسُليمان وهما بتكلمو بوشوشه سُليمان قرب عليا ونزل لمستوايا وهو بيمسح علي راسي ،
-انا دلوقتي رايح مشوار وجاي ماشي
بصتله وانا مش مرتاحه،
-رايح فين ؟!!
-مشوار والله علي السريع وهاجي تاني
اتكلم تاني قبل لمًا اقاطعه،
-خليكي كويسه ماشي ومتقوميش تقفي علشان متوخيش
هزيت راسي وانا مش قادره علي النقاش مسك ايدي وقربها من شفايفه وباسها بلعت ريقي بتوتر
بصتله والدموع بتتجمع في عيني وقولت بهمس،
-سُليمان هو مين الي عمل كده كان يقصد فعلاً ولا حادثـه؟!!
-مقصوده بس متشغليش بالك حقه هيرجع اهم حاجه يقوم بالسلامه دلوقتي
قلبي دق بخوف انه ممكن يتأذي هو كمان كنت هتكلم بس بابا قال
-يلا ياسُليمان
هز راسه وقام مشا مع بابا وانا فضلت متابعهم لغيت لما خرجو
<<<<<<<<<<<<<<<<<<<<<<<<<<<<<<
في التلفون من نفس الرقم المجهول،
بزعيق ،
-يعني اي مش هو الي كان في العربيه؟!!!!!
-انا معرفش والله ياعمـر باشـا انا مشيت ورا العربيه الي قولتهالي
بعصبيه ،
-برده منفذتش الي انا عايزه ياابن******
الراجل سكت بخوف
اتكلم تاني وهو متغاظ من انه مطلعش سُليمان ،
-امال مين الي كان متزفـت جوة ررررد
-يزن حسن الحاوي سألت علي اسمه في المستشفي
اتعدل في قعدته ،
-انت بتقول اييييي!!!!!
-والله ياباشـا ده اسمـه
مسح علي وشه بغيظ،
-متعصبنيشش عليك مشغل واحد غبي معايا !!!!
اتكلم من تاني ،
-وهو حالته اي دلوقتييي
-حالته حرجه جداً ولسـة في العمليات اروح اسأل تاني عليه ياباشا لو تحب؟!
-اوعك تروح هناااك تاني لو حد شك فيك الموضوع مش هيتنهي علي خير
-طب اعمل اي دلوقتي ياباشـا انا خايف ومش عايز اتسجن بالله عليك
بعصبيه منه ،
-ولااااا ماتظبط اي مشغل سوسو عندي استرجل كده
كمل كلامه،
-هبعتلك عنوان بيت متقلقش متأمن وانشف كده معرفش كان عـقلي فين لما شغلتك عندي
بنبره خوف من الي جاي ،
-الله يسامحك ياباشـا بس انا مش عايز اتسجن
-ولاااا اقفل ده انت عصبتنيييي
رمي التلفون بعد لما بص علي الي قدامه ،
-يـزن هو الي اتحط فيها
هيثـم بضحكه استفزاز ،
-وماله مخسرش اهو اي حاجه مش ريحه الحبايب
عمـر وهو مش راضي علي الي حصل ،
-بس احنـا كنا عايزين سِليمان مش يـزن وده كان اتفاقنا
بسخريه علي كلامه ،
-مش انت الي مشغل عندك عيل مش بيفهم قولتلك اخلي حد من عندي هو الي يتفذ قولت لاء
ضغط علي ايده بضيق من كلامه ،
-هو انا كنت اعرف ان ده الي هيحصل !!!! اكيد دلوقتي هيدور علي مين الي عمل كده
فرد هيثـم رجليه علي التربيزه الي قدامه ببرود اعصاب ،
-محدش هيلاقي حاجه حادثـه والعربيه هربت زي بقيت الحوادث علي جداً
-وافرد الشرطه عرفت وجابت الولا ده
بضحكه بارده زي ملامحه،
-تقصد الولاااا بتاعك الجبان !! لا متقلقش نخلص عليه بسهوله قبل لما يوصلوله ده لو عرفه اصلاً
اتعدل عمـر في قعدته ،
-انا مش عايز قتـ.ل
بسخريه وهو بيرفع حواجبه،
-ده علي اساس سُليمان اي كنت عايز تخربشه ؟!!!
-كنت عايز بس اعلم عليه لان انا محدش بياخد حاجه انا عايزها
نهي كلامه بانانيه واضحه
"يقصد علي ابرار وانه كان عايز يخطبها"
-متقلقش هنعلم عليه كده كده
-طب انا هرجع شغلي بكره في الشركه علشان محدش يحس بحاجه
بصله وسأل وهو بيلف الكوبايه الي علي المكتب ،
-غريبه محدش حس بيك ابداً في الشركه وانك مش مجرد موظف عادي !!!!
سند ضهره بتكبر ،
-علشان انا بعرف اتعامل طبيعي ولا اي حد يشك فيا
-والله لو عرفو انك شغال ضضهم وعايز بس يحصل صفقه بينهم وبين الناس الي شغال معاهم علشان تسرب المعلومات هيمحوك وهيمحو اثرك
-لا متقلقش انا محدش شك فيا ولا عمرهم هيعرفو
<<< فلاش باااااك >>>
بعد لما هيثـم طلع بره الخطوبه عمر كان متابع الخناقه وابتسم لما اجتله فكره وفرح اكتر لما شاف الشر والغيظ الي طالع من عين هيثم لسُليمان
وقف جمبه وقال ،
-الي حصل بصراحه ميتعداش ابداً قل منك علي الاخر
هيثـم مسك هدومه بعصبيه ،
-انت بتقوووول اي والله اموتك
شال ايده بهدوء واتكلم وهو بيعدل هدومه،
-بس بس انا جاي بس اقولك لو عايز تاخد حقك فامشكلتنا سوا لكن لو مش عايز فخلاص
عمـر كام هيمشي وهو بيبتسم بخبث بس هيثم وقفه،
-تقصد اي يعني مشكلتنا سوا؟!!!!
لفلي وقال،
-يعني نتفق ونجيب حقك منه اي قولت اي ؟!!
هيثـم سكت ثانيه ورد بسرحان،
-موافق
"ولما عمـر عرف ان هيثـم تقيل زيه ومش شخص عادي فااخدها عصفورين بحجر واحد واهو الاتنين يقوي ببعض "
<<< باااااك >>>
|| في المستشفي ||
الدكتور خرج وكلهم وقفو سألو بتوتر ،
-خير يادكتور ؟!!!!
الدكتور اتكلم ،
-مكذبش عليكم الحادثـه مش بسيطه ابداً والعمليه مكنتش سهله بس الحمدلله نجحت
همس اتكلمت بعدم صبر ،
-ايوا يعني هو كويس ؟!!! محصلش حاجه مش كده زي ماقولت ؟!!
اتنهد واتكلم من تاني ،
-ادعلو هنطلعه دلوقتي العنايه وكل حاجه هتبان اكيد
بصيت للدكتور بتوهان وهو بيمشي من قدامنا وكلام همس الي مش فاهما يعني اي محصلش حاجه زي ماقولت !!!!! ويعني اي كل حاجه هتبان
مسكت دماغي بوجع وانا حتي مش عايزه اسأل تاني مش عايز اسمع خبر وحش عايزه اطمن عليه بس مش عايزة افكر في حاجات وحشه فضلت ادعي كتير بصوت واطي وانا بعيط بحرقه خايفه من الي جاي
-يارب احفظه يارب مضرناش فيه يارب يطلع من هنا علي خير سليم معافي يارب يارب احميه ياالله
بعد شويه خرج وهو نايم علي السرير علي السرير وعلي مناخيره جهاز التنفس بعد عيني بسرعه وانا مش قادره اشوفه بالمنظر ده دخل اوضه العنايه واحنا شايفينه من ورا الازاز بس همس طلبت ادخل الممرضه عقمتها ولبستها مريله وكمامه ودخلت
كانت منهاره مكنتش سامعه بتقول اي ولكنها كانت حاطه ايديها علي وشها وبتعيط وكأنها مش عايزة تشوفه بالمنظر ده هو في حد يبقي عايز يشوف الي بيحبهم وهو تعبانين بتحس ان روحك بتطلع وانتي بتبصي عليه وبتتمني يوم واحد بس نرجع متجمعين ومفيش حد ولا زعلان ولا تعبان
بعد ساعه بابا وسُليمان اجو وكل واحد دخلو
سُليمان قعد جمبي علي الكرسي ،
-مش هتدخليلو ؟!!!!
رفعت راسي وبصتله ،
-مش قادرة اشوفه كدة
ضبطب علي ضهري ،
-خلاص الي يريحك
لفيت بعيني علي الكل واتكلمت بنبره توهان واحساس بشع وانا ببص في الاشئ ،
-سُليمان فيه حاجه ممكن تحصل ليـزن متأكدة من كده بس مش قادرة اسأل ولا قادره اسمع حاجه توجع قلبي سُليمان انا خايفه بشكل بشع بس انت ممكن تقولي حاجه واحدة ان الحاجه دي بسيطه
بصتله لقيته بيبصلي وهو بتنفس بهدوء وكأنه بيمسك نفسه من حزن جواه ،
-ان شاء الله هيخف ومحدش يعرف غير ربنا اي الي هيحصل ده دكتور بشر زينا هو مجرد سبب مش اكتر ممكن بقي تريحي دماغك شويه وطلعي اي حاجه وحشه بتفكري فيها
-نفسي بس مش قادرة
اتنهد وحط ايده علي وسطي وهو بيدخلني حضنه ريحت راسي علي صدره وقفلت عيني يمكن افتحها والاقي كل حاجه طبيعيه
الفجر اذن وكان فيه مسجد قريب من المستشفي عمو قال يلا نروح نصلي وندعي ونطلب من ربنا الشفا ليزن مسجد السيدات كان مفتوح كمان خلصنا صلاة ووقفنا كلنا قدام الجامع
عمو اتكلم ،
-يلا ياسُليمان روح الحريم كفايه قعاد في المستشفي
ماما قالت برفض ،
-لا انا هقعد جمب ابني مش هسيبه
بابا قال،
-ملهوش لازمه القعده لما يفوق هعرفك
وبعد محايله ماما انها تقعد وهمس كمان استسلمو اننا نروح
سُليمان اتكلم بهدوء ،
-احمد وصلهم انت هقعد انا هستني يزن يفوق
هز راسه بتعب وحزن واضح ،
-ماشي هوصلهم وهرجع تاني
-ماشي
احمد وصلنا طلعت البيت كانت السما لسه بتبدء تطلع وتدخل البيت وتنوره بس برده مفيش حاجه منوره طول مايزن مش موجود فيه
ماما دخلت تاخد شاور من ريحه المستشفي وسيف نايم تحت مع مرات عمو مشيت وقفت قدام اوضه يـزن وفتحتها وانا ببص عليها قعد علي السرير ونمت عليه واخد المخده في حضني وغمض عيني بقسوة وانا بقول لنفسي انه بخير ومش هيحصل اي مضاعفات
سبحان الله اليوم الي بنعيشه عادي وبنحس بيه بملل وعايزين اي تغير هو ده النعمه الي ربنا منها علينا نعمه ان اهلنا جمبنا وكويسين بنعرف نمشي وبنضحك وعلاقتنا كويسه حتي لو فيه مشاكل مش مهم …احنا بجد كنا في نعمه كبيره اوي مش حاسين بيها اليوم العادي الي بيعدي من غير حزن ولا وجع ولا مرض فاهو دي النعمه الكبيره اوي اوي كمان
اتكلمت وانا كاتمه نفسي في المخده،
-يارب اشفي يزن يارب نرجع حياتنا الطبيعيه في عفو وعافيه كنت غلطانه والشيطان عامي علي عيوني لما كنت بقول ان نفسي اي تغير يحصل لحياتنا من غير مااقول في عفو وعافيه انه يحصل واحنا كلنا نكون كويسين كنت غبيه لما شوفت حياتنا دي ممله كنت غبيه لما مقدرتش قيمه اليوم العادي ولا قيمه اننا كلنا كويسين ومفيش حد تعبان يارب اعفرلنا ذنوبنا يارب يارب واشفي يزن اخويا من غير ضررر
صحيت تاني يوم الساعه 3:11
قومت بسرعه ازاي نمت كل ده !!!دخلت الحمام اغسل وشي ودخلت اوضه ماما ملاقتهاش موجودة شكلها راحت ليزن
دخلت الاوضه من تاني وانا بتصل علي سُليمان رد
-ايوا سُليمان يـزن فاق ؟!!!!
-لسـة في العنايه ..انتي لسه صاحيه ؟
-اه وملقتش ماما هي عندك؟!
-اه عندي اجت من الصبح
-طيب انا هلبس واجي
-البسي وهاجي اخدك
دخلت الحمام اخد شاور سخن بسبب دماغي الي وجعاني اوي ولبست ونزلت ركبت مع سُليمان عربيه احمد
ركبت وبصتله بحزن بعد لما اتحرك،
-عربيتك باظت خالص!!!
بضحكه خفيفه ،
-معتش ليها ملامح
-ربنا يعوضك يارب وتجيب الاحسن
-يارب اهم حاجه يـزن يقوم بالسلامه
-الدكتور مقالش حاجه ؟!
-قال ان ممكن يفوق بعد ساعه كده
-يارب يبقي كويس
-بإذن الله
-سُليمان
بصلي ،
-هة
-هو مين الي عمل كده ؟!
-بلغنا وهما هيجيبو الي عملها
-يعني انت متعرفش مين يقصد يعمل كده ؟!!
-لا بس كان يقصدني انا مش يـزن انا حاسس بالذنب اني السبب
بعصبيه وانفعال من كلامه بصتله وقولت ،
-انت بتقول اي؟!!! يعني لو كنت انت الي في العربيه كنا هنبقي فرحانين مثلاً اي الفرق مش فاهمه ومين قالك ان انت المقصود؟!!
باستغراب من انفعالها،
-طيب خلاص مش قصدي كده بس العربيه عربيتي ويزن اول مره يركبها مش غريب انها حصلت في المره الي ركبها ؟!!! وبعد الشد الي حصل في الخطوبه كمان !!
-ثواني انت تقصد ان الولا ده هو الي عمل كده ؟!!
بندم انه اتسرع في الكلام قدامي ،
-لا معرفش ده احتمال ولسه البوليس هيشوف مين
-كل ده حصل بسببي انا
مسك ايدي وقال،
-بس بلاش كلام فارغ مفيش حاجه بسببك ده نصيب ومكتوب ان يحصل كده الله اعلم يمكن ده الخير
اتنهد ،
-ونعم بالله
سكتنا شويه وبصتله واتكلمت بضيق منه ،
-وانت كمان لو سمحت متحسش ولا تقول انك انت المفروض الي كنت تبقي في العربيه تمام ؟!!
ابتسم وهو باصص علي الطريق ،
-متقوليش انك خايفه عليا هتصدم
نهي كلامه بهزار
لفيت بجسمي وقولت بنفي لكلامه ،
-ايوا خايفه عليك مصدوم ليه؟!!!!
بصلي وهو بيضحك وقال بخبث،
-اصل بسمع ان الي بيخاف بيحب
قولت بتكشيرة،
-فعلاً تصدق الي بيخاف بيحب بس انا اول لما اغم عليا وصحيت مكنتش انت الي جمبي وكان عمي
بتبرير صادق،
-لا والله انا اتخنقت وطلعت اشم هوا وقولت لبابا يقعد جمبك
-اممم ماشي
بصلي بعد ماركن قدام المستشفي وقال،
-بس انا بحبك
فتحت بوقي بدهشه وهو موبايله رن ورد بسرعه
-ايوا يااحمد فيه جديد
ابتسم بانشكاح ،
-طيب انا داخل المستشفي اهو
قفل معاه وانا بضحك علي ضحكته وانا مش فاهمه،
-في اي ؟!!!
-يـزن يـزن فاااق
حطيت ايدي علي بوقي بحماس ونزلنا بسرعه وقفنا قدام الاوضه
-اي مش هندخل؟!
ماما كانت عيونها مطفيه احمد رد عليا ،
-هو فاق بس واحد واحد يدخلو
ابتسمت بفرحه ،
-طب ممكن ادخلو انا الاول
دخلت وهما كلهم واقفين من ورا الازاز قعد علي الكرسي وانا عيوني مدمعه من منظره الاجهزه الكتيره الي حواليه والي علي صدره بلعت ريقي ومسكت ايده كان مفتح عيونه الي وحشوني
بصلي ورمشلي بعيونه ابتسمت وانا بمسح دمعتي الي نزلت علي خدي ،
-يـزن حبيبي وحشتنا اوي
كان باصصلي ومبتسم بهدوء
-يـزن انت هتبقي كويس ماشي حاسس بايه ؟!
شاور بعينه علي ايده بصيت عليها كنت انا ماسكه كف ايده بس هو مش متبت ومرخيها
بعدم فهم قولت وانا ببصله،
-في اي ايدك بتوجعك؟!!!
دمعه نزلت من عينه مسحتهاله بسرعه وانا بعيط زيه،
-حبيبي انا متعيطش والله العظيم هتبقي كويس كلنا دعنالك امبارح
كملت كلامي وانا بحاول امسك نفسي ،
-مش انت قولتلي لما تبقي مخنوقه وزعلانه متروحيش تشتكي غير لربنا هو الي هيريحلك قلبك انا سمعت كلامك ومن وقتها مبقتش اعمل غير كده
فضلت امسح علي ايده وانا ببص عليها،
-حبيبي امسك ايدي قولي انك هترجع ترازي فيا يلا
هز راسه بنفي وبراحه،
-انت مش قادر تحركها خلاص ارتاح انا اسفه اني تعبتك
قومت وبوسته من خده ودمعتي نزلت عليه بصتله وعملته باي وطلعت اول لما طلعت انهارت والدموع سابقه الي قابلها وكانها في سباق
سُليمان اخدني في حضنه ،
-بس بس اهدي تعالي نبعد هو شايفاك
بعدنا علشان فعلاً ميشوفنيش من الازاز الشفاف
طلعني من حضنه وهو ماسك وشي بين ايديه،
-اهدي واتكلمي براحه
اتكلمت بشحتفه من بين عياطي،
-ه هو مش حا سس بايديه !!!!
غمض عينه بحزن عليه وانها عرفت ،
-بس اهدي الدكتور قال هيتعالج والله
هزيت راسي وكملت بكسرة،
-فضل يشاورلي يعينه علي ايده وانه مش حاسس بيها
كملت وانا بشرح بايدي ،
-كنت ماسكه ايده وهو مش قادر يمسك ايدي م مكنش ح حاسس بيها ياسُليمان م مكنش حا سس
-هيتعالج والله العظيم هيتعالج وهيحس بيها ونرجع زي الاول
رفعت عيني ليه بعد اخد نفس ،
-هو ده الي الدكتور قال عليه هو ده الضرر الي مش عايزين تقولو؟!!!
هز راسه بأة فضل واقف معايا ومرضاش يسبني لغيت لما اهدي بعد يومين كان ضغط بشكل رهيب ودعاء مستمر بإن ربنا ينجي يـزن
لي الانسان مش بيقرب من ربنا غير فيه الابتلاء؟!! لي بنشوف وقتها ان مفيش غير ربنا هو الي هينجينا ويريح قلبنا! مع إن دي الحقيقه الي موجوده ديماً بس احنا مش بنقدرها غير في الوقت الصعب غير لما نبقي ضعفاء ومش بايدينا حاجه مع إننا ضعفاء ديماً حتي لو كنت شايف انك اقوي حد في الدنيا دي ربنا الوحيد هو القادر ان يغير حالك في غمضه عين سبحان الله كل مره بنبهر بعظمه ربنا وبقدرته في كل امور حياتنا ربنا هو الي ساترنا ربنا الي بيسرها عمرها مكانت بسبب مخلوق ابداً
تالت يوم يـزن اتنقل اوضه عاديه دخلو كلهم وقبل لما ادخل سُليمان قالي ،
-احمدي واوعك تبيني زعلك علشان هو ميزعلش كلنا هنطمنو وهنقولو ان فيه أمل وان شاء الله خير
هزيت راسي وانا باخد نفسي
غمزلي وهو بيقول علشان يضحكني ،
-عيطي في حضني وبسسس
ضحكت عليه ودخلنا وكلنا كنا بينتكلم وهمس الي قاعده جمبه وبتبصله وكأنها بقالها سنين مشافتهوش كانت بتاكله بالعافيه واحنا نضحك عليهم
الدكتور دخل وكشف عليه كان بيضغط علي ايده وقال،
-حاسس كده؟!
يـزن هز راسه بنفي ،
-لاء
الدكتور اتنهد وهو بيقول بكل وضوح،
-هو مش حاسس بايده ده واضح بس الحاله فيها امل هيعمل علاج طبيعي وان شاء الله خير مفيش حاجه ربنا مش قادر عليها
هزينا راسنا بتمام ويـزن عيونه كانت حزينه وملامحه واضح عليها قلبي وجعني عليه ومقدرتش استحمل اكتر من كده وطلعت
<<بعد خمس ايام
يـزن طلع من المستشفي وروحنا البيت كنا كلنا حواليه موبايل سُليمان رن طلع في الصالون ورد شويه وطلعت وراه
-تمام ماشي جاي حالاً
خلص مكالمه ولف ضهره،
-في اي ؟!
-الظابط اتصل بيا وقبض علي السبب
-طلع مين ؟!!!!!
-هيثـم وعمـر؟!!!
-عمر الي في الشركه ؟!!!
هز راسه.بعصبيه ،
-اه هو كان بيشتغل معانا علشان يسرب معلومات اول لما نمضي علي التعاقد بينه وبين الشركه الي تبعه
بتوهان ،
-طب ولي يعمل كده !!! وانت عرفت الكلام امتي ؟؟
-امبارح الظابط خلا يعترف بكل حاجه واي السبب الي خلاه يعمل كده
-وهتروح دلوقتي لي ؟!
-علشان امضي علي المحضر
-طب بس بالله عليك ماتعملش مشاكل
-ماشي متقلقيش
فات يومين وهيـثم وعمـر انحبسو ولما يـزن عرف اتعصب جداً وكان عايز يموت عمر في ايده
بدء يعمل علاج طبيعي كان بييأس بس همس كانت معاه وكلنا بس هي الاكتر الي كانت بديله الحافز انه يكمل
بعد مده من العلاج الطبيعي كنت انا وهمس وسُليمان واحمد معاه
وفجأة حرك ايده رفع ايده بهدوء في الهوا وهو مش مصدق
اتكلم وهو باصصلنا بعدم تصديق ،
-انتو شايفين؟؟!!! ايدي اتحركت
صوت بحماس ،
-ايوا ايوا اتحركت فعلاااًً
ضحك وبص لهمس الي بتضحك بفرحه واضحه عليها ،
-اتحركت!!!! انا حاسس بيها!!!
همس هزتله راسها وعيونها مدمعه بفرحه واخيراً
يـزن بيقرب علشان بحضنها
سُلميان منعه،
-اي اي !!!! ياحبيبي ابعد احسنلك
يـزن بضحكه وترجي ،
-طب ماتجيب المؤذون بالله عليك محتاج حضن دلوقتي حالاً
سُليمان رفعله حاجبه ضحكت عليهم وقربت من يـزن بمناكشه
-خلاص ياحبيبي احضنك انا ولا ازعل
حضنا بعض واحنا بنضحك بعد عنه وانا ببص لهمس لاغاظتها ،
-اي ياحبيبتي هتبصلي علي الحضن ولا اي ؟!
-بس بابت هيكون جوزي وانا هفرجك علي الاحضان
يـزن ضحك،
-ايوا ياحبيبتي قولي كمان
الدكتور قال انه حاسس بيها وبيحركها كل ده تمام بس محتاج يستمر في العلاج الطبيعي
"اكتشفت ان الفتره دي كان سُليمان جمبي بجد وحسيت اني احساسي ناحيته اتغير للاحسن كتير بقيت بحس اني عايزه اقوله كلام حلو عكس زمان كنت مش بطيقه "
في يوم بليل كنت عماله افكر ومتردده في قراري اعمل كده ولا لاء
لغيت لما مسكت الموبايل وقولت لسُليمان اني عايزا فوق السطح في كلمتين كانت الساعه وقتها 3:10
طلعت فوق السطح بحماس وتوتر في نفس الوقت وانا عماله افرك في ايدي
طلع بالبيجامه بقلق وهو بيقف قدامي ،
-في اي ؟!! في حاجه حصلت
هزيت راسي وندمت اني طلعته في وقت زي ده
-لا لا مفيش حاجه هو انت كنت نايم ؟!
مسح علي عينه،
-لا كنت هموت وانام الشغل انهارده كان كتير قولي في اي
-احم هقولك حاجه مهمه اوي بالنسبالي بس معرفش بالنسبالك اي بس اظن انها مهمه برده علشان انت قولتهالي وانا مردتش
رمش مرتين ورا بعض ،
-انا مفهمتش حاجه!!!
ابتسمت علي منظره ،
-طيب انا هقول حاجه مهمه جداً
-ايوا عرفت انها مهمه قولي
-لا ماهو مينفعش وانت باصصلي كده
-انزل يعني !!!!
-لا لف وشك
-بلاش هزار ياأبرار اخلصي قولي
-والله هتحرج مش هعرف
-يعني انتي مطلعاني من احسها نومه علشان تقوليلي كده ؟!!
-ياسُليمان بقي انت متعرفش انا كنت متردده ازاي علشان اقولك ولا لاء
-عايزة اي برده ؟!!!
-اقفل عينك
-هتقولي حاجه عيب ايوا بقي هو ده الكلام
برقت بدهشه وانا بضربه في كتفه ،
-اي ده !!! لم نفسك انا تراجعت مش هقول حاجه
-لا والله لتقولي
-اقفل عينك الاول
-اهو قفلت عنيا بس قولي بسرعه لانا كده هنام ووم
قاطعته بسرعه ،
-انا بحبك اووووي ومعرفش ازاي وامتي حبيتك هو كده بقي
فتح عينه وهو بيضحك بعبط محبب ليا ،
-تعرفي اي بس !! ده انا كنت بنام وبحلم انك تقوليها
باحراج،
-طب انا هنزل عايزه انام جداً
مسك ايدي ،
-استني بس وانا كمان بمووت فيكي هنتجوز امتي خلينا اخر الاسبوع حلو ؟!
-اي ده اكيد لاء هو انا علشان قولتلك بحبك يبقي نتجوز !!!!
-امال المفروض اسيبك عايشه في بيت الناس
-ناس !!! ده بيت اهلي
-بهزر ياحبيبي بس احنا بقي لينا بيتنا وبنتنا الي هطبطب عليكي قبلها
-بينتنا مين؟!!!
-بينتنا الي كنتي بتقولي عليها يوم كتب الكتاب
ضحكت لما افتكرت ،
-اه يعني هتحبني اكتر؟!
-اكيد طبعاً
ابتسمت وانا بمشي من قدامه،
-ماشي موافقه
بضحكه عدم فهم،
-علي اي ؟!!
-نتجوز يلا هروح انام
-يعني طيريتي النوم من عيني وهتنامي انتي حسبي الله
<<<<<<<<<<<<<<<<<<<<<<<<<<<<
بعد سنتين
قعد جمبي علي المركيحه الي في البلاكونه،
-نامت وانا بلاعبها
-امممم
بصلي وقال،
-مالك مكشرة ليه؟!!
-مفيش
ضحك بخبث بعد لما فهم السبب،
-دي بنتنا عايزاني اكرها ؟!!!
-اكيد لاء بس انت مش بتهتم غير بيها وانا راميني
-راميكي !!!
ضحك وقال ،
-طب خلاص متزعليش انا بحبك انتي
-اممم واضح
ياسني في خدي ،
-طب اه والله انتي حبيبت قلبي
باحراج وانا بحط ايدي علي مكان البـ.وسه،
-طيب خلاص
باسني من تاني ،
-طب اه والله شكلك مش مصدقاني ووو
-خلاص ياحبيبي مصدقه والله
-عيونك بتقول لاء
-لا والله مصدقه
كان هيتكلم بس أيلا عيطت
-اي ده أيلا بتعيط هشو…
اتكلمت بسرعه بغيره طفله،
-انا عايزه اقولك حاجه مهمه اوي
-ا احم طب نشوف البنت
-ماشي خلاص دي كانت مهمه اوي علفكره
-طب قولي واحنا رايحين نشوف حبيبت بابا
-حبيبت بابا!!! طب والله خسارة الي هقولو
ضحك بغلب من غيرتي ،
-طب قولي
-بحبك اويي
ضحك وهو بيرجعلي شعري ورا ودني وعلا صوته وهو بيقول ،
-خلاص يا إيلا ياحبيبتي نامي لوحدك بقي
ضحكت بصوت عالي وانا راحلها ،
-اكيد مش هسيب بنتي حبيبتي تعيط
رفع حاجبه بدهشه بعد لما وقعته ،
-ياقادره والله طب ماشي
جري ورايا وانا صووت وانا بضحك
<<<<<<<<<<<<<<<<<<<<<<<<<<<<<
""تمت