رواية معجزة الزين الفصل الثاني 2 بقلم اسماء علي
رواية معجزة الزين الفصل الثاني 2 هى رواية من كتابة اسماء علي رواية معجزة الزين الفصل الثاني 2 صدر لاول مرة على موقع التواصل الاجتماعى فيسبوك رواية معجزة الزين الفصل الثاني 2 حقق تفاعل كبير على الفيسبوك لذلك سنعرض لكم رواية معجزة الزين الفصل الثاني 2
رواية معجزة الزين الفصل الثاني 2
_ ألف سلامة عليكِ يا عسل!
" ضحكت بخفة علي آدم،
وقلت وأنا بمسك خده بلطف: "
_ الله يسلمك يا دومي.
" بعد اللِ حصل ليلة إمبارح وأنا
في أوضتي، لسه قايمة من غفوتي
النهاردة... "
" من غير دكتور دي حالة بتجيلي
كل ما افتكر الحادثه بتاعت ماما
آه بغيب شوية في غيبوبتي بس برجع تاني،
ليا علاج مخصص باخده علطول عشان أحافظ علي توازني. "
" خرج آدم اللِ كان قاعد معايا في الأوضة
وقُمت أنا عشان أخد شاور دافي يهدي أعصابي المتوترة.. "
" هدوئي الخارج مش عاكس إضطراب الدنيا جوايا،
ولا النار المشتعلة جوا قلبي
الموضوع اصلة مش جديد بس مش بيتنسيٰ
آثره لسه مازال حديث في قلبي كل ما تيجي سيرته. "
" إتحركت ناحية الحمام بهدوء
وخطوات بطيئة. "
" بعد شوية خرجت
حسيت نفسي أحسن بكتير من شوية
أخدت نفس عميق بإسترخاء
وسرحت شعري قدام المرآيه.."
" كُنت ببص لِ إنعكاسي في المرايه وأبتسم
بحب ملامحي وشكلي اوي عامةً
مش أجمل واحده بس جمالي خاص بيا وفريد. "
" وأوريدي أوريدي
النساء كلهم حلوين وجميلين جداً ومفيش نقاش في الموضوع ده
ربنا خالقنا كلنا حلوين وكل شخص فريد بذاته.. "
" ملامحي لايقة عليا
وملامحك لاقيه عليك وبتميزك عن التاني،
لو كل واحد ركز علي جماله وعلي المميزات اللِ فيه مش هيقدر يقارن نفسه بحد
مش هطيق ده أصلاً
لإنه فاهم إن المقارنة غلط، وغلط كبير كمان
كل شخص لازم يركز علي نفسه ويعرف قيمة نفسه وميركز علي اللِ بيتقال من ده ومن ده
ده وده مش هيبطلوا كلام عامةً
يبقي نفكنا منهم بقيٰ.. "
" رميت لنفسي بوسه في المرآيه
بعد ما لميت شعري وعملته كحكه فيضاوية. "
" وفتحت باب الأوضة ونزلت.. "
_ إزيك يا سارة؟
طمنيني عليكِ؟ بقيتِ أحسن؟!
" إبتسمت ببشوش لما قابلت رزان
في الممر، قربت منها، وقلت: "
_ الحمدلله يا رزان،
ممتنة لِ سؤالك.
_ متقوليش كده يا سارة، ده واجبي كأخت.
" قالتها وهي بمرر إيدها علي دراعي بإبتسامة لطيفة، بادلتها الإبتسامة، وقلت: "
_ حبيبتي والله يا رزان، تسلميلي!
_ طب يلا ننزل!
_ يلا!
" نزلنا مع بعض
بحب البت رزان دي
قعدت معاها ساعة واحده
خطفت قلبي فيها.. "
" بسم الله ماشاء الله عليها
ملامحها عسولة
وكلامها عسول
وطريقة تعاملها مع اللي قدامها عسولة
ولبسها عسول
وإبتسامتها عسولة
اللهم بارك. "
" شكل رزان من الأخوات المتدينات
لإنها متحفظة جداً، وبتتكلم بالدين
وبسم الله ماشاء الله عليها
شفايفها بتتحرك علطول.. "
" لما كنت قاعده معاها إمبارح
هي وملك، وخلصت رزان كلامها
وبدات ملك تتكلم لمحت رزان بتهمس همسات خفيفة كده، وهي بتحاول تركز في اللِ بتقوله. "
" إستغربت جداً من موقفها حقيقي
بس شديني، أنا عارفة إنها بتذكر ربنا
بس اللِ شديني إنها خلصت كلامها وبدات تسبح علطول يعني
ما ضيعتش الوقت ماشاء الله عليها. "
" عشان كده بتكسف منها لما أشوفها لابس حجاب وانا لا. "
" بس شكلي هفكر.. "
_ سالة "سارة".
" ضحكت بصوت عالي علي كلمة ريَان،
اللِ اول ما لمحتني نازلة علي السلم
جرت عليا.. "
" لقطها بين إيدي
ورفعتها وأنا بطبع بوسة علي خدها
وقلت بعشق: "
_ يا عيون سارة.
" حضنت رقبتي، وقالت ببراءة: "
_ وحشتيني!
_ يروحي، إنتِ أكتر!
_ وأنا موحشتكيش يا رَيَان؟
" قالتها رزان لِ رَيَان بتسؤال،
بعدت رَيَان رأسها من علي كتفي، وقالت: "
_ لا يا آبلة رزان وحشتيني.
_ حبيب عيون آبلة رزان.
" وطبعت رزان بوسة علي خد رَيَان. "
" البت رَيَان دي سكره بشكل
ماشاء الله عليها
ملامحها كتكوتة خالص
بحيث إن بشرتها بيضه
وعيونها لونها بُني
وحواجبها ثقيلة
ورموشها طويلة
وجسمها صغير خالص
ولسانها بينقط سُكر. "
_ طب وأنا يا ست رَيَان!
" حركنا كُلنا أنظارنا علي صاحب
الصوت.. "
_ يوسف!
" قالتها رَيَان بفرحة
نزلتها بهدوء عشان هي كانت عايزة
تروح لِ يوسف. "
" إبتسمت بلطف عليها
وهي بتجري
مش باينه من الأرض
حتة البسبوسة دي.. "
_ حبيبت يوسف دي ولا إيه!
" قالها يوسف وهو بيمسكها بين إيده
ورفعها في الهوا وهي بيطبع بوسه علي خدها
وطبع بوسة تانية علي خدها التاني
وصوت ضحكة رَيَان كانت مجلجلة في البيت. "
" ضحكت بإستمتاع وأنا شايفاهم كده
شكلهم حلو
أب مع بنتة.. "
" هزيت رأسي بفوقان،
وبعدت نظري عنه او عنهم
وبصيت جنبي لقيت رزان
واقفة بتبص عليهم بإبتسامة
بصيت مرة تانية علي يوسف ورَيان، وقلت: "
_ عسولة أوي رَيَان.
" بصيتلي رزان بإنتباة، وقالت: "
_ جداً بل فوق ما تتخيلي
والبيت كله بيحبها، وخاصة يوسف.
_ يبان جداً من بعيد إنه باباها.
_ دي حقيقية فعلاً!
ويوسف بيعملها كإنها بنته.
_ ربنا يديم المحبة ما بينهم.
_ آمين يا رب.
" وبصيتلي بإبتسامة، وقالت: "
_ علفكرة إنتِ عسولة أوي يا سارة.
" ضحكت بفرحة، وقلت:"
_ حبيب عيوني دي عيونك اللِ عسل يا رزان والله.
_ اعع، تعالي حضن.
" ضحكت،
وقربت منها وبادلتها الحضن. "
" الأيام بتمر
والأجواء ماشية تمام في مصر
إتعودت جداً علي الجو هنا
الناس واللمة الوشوش
والأماكن والإحساس والمشاعر
والبهجة اللِ في البلد دي عمري
ما حسيتها في أمريكا إطلاقاً. "
" الناس هنا غير
ناس طيبة وبسيطه
بس دايسين في أي مصيبة
كنت من يومين مع بابا ويوسف
في السوبر ماركت، كنت رايحة أشتري شوية حاجات وقابلنا يوسف هناك بالصدفة
كان واقف مع بنت.. وير إفر
ميهمنيش عامةً. "
" وكان في بنتين بيغلسوا علي بنوتة
تانية بس باين عليها إنها هادية وطيبة ومش قاردة عليهم
لقيت تلت بنات كانوا ماشين وشافوا
الموقف، تدخلوا في الموضوع ومسكوا البنتين رزعوهم علقة محترمه.. "
" الموقف مبهج والله
دي جدعنه وروح طيبة سليمة
بس مهتموش ودخلوا نفسهم في مشكله عشان يساعدوا البنوتة دي
وحصل حوار كبير وكام شاب جه
من الطرف البنتين دول وعملوا حوار
بس يوسف إدخل وحل الموضوع.. "
" كيف؟
أنا لمحت الأمن من بعيد وناديت عليهم.. "
" عدي علي وجودنا هنا شهر بالضبط،
او يمكن فاضل يومين من الشهر. "
_ ساااااارة!
_ صوت يا بت!
_ شاطرة يا بت يا رزان إديها.
_ بس يا بت إنتِ كمان!
" بصتلها بصدمه،
ضحكت ملك وقالت: "
_ يا كسفتك يا حازم.
" ضحكت بخفة،
إحنا كل ليلة بنتجمع في أوضتي
بليل. "
" أنا وملك ورزان
أما جنيٰ خلقها في مناخيرها
ملهاش في الكلام ده
سن مراهقة وبتاع. "
" قعدنا في البلكونة علي الأرض
وكنا عاملين دايرة
والأيس كوفي والتسالي قدامنا
كنا جاييبن شكولاته ولب.. "
_ البت رزان مجمعانا النهاردة مخصوص عشان تربينا.
" ضحكت علي ملك، وقلت: "
_ تربينا!
تربينا إزاي يعني يا ملك؟!
قصدك إيه يعني بتربينا؟!
" ضحكت رزان بصوت عالي
وهي بترجع رأسها لورا،
قربت ملك مني وقالت: "
_ دي هتجلدنا دلوقتي، بس إصبري!
_ أنا مش مرتحالك يا بت يا ملك مش عارفة ليه؟!
_ عيب يا سيد تقول كده
إحنا إخوات.
" بصتلها بطرف عيني بإستغراب مصطنع،وقلت: "
_ طب ما ده سبب يخليني اقلق أكتر.
" ضحكت رزان، وقالت: "
_ ما خلاص يا ختي إنتِ وهيٰ.
_ حاضر يا معلمة.
" ضحكت علي ملك، وقلت: "
_ إنتِ عاملة للبت إيه يا رزان؟
_ والله يا ختي ولا جيت جنبها.
_ دي حقيقة فعلاً، هي مجتش جنبي.
_ أومال مالك يغالية؟
" قلتها بسخرية لملك،
هزت رأسها بوعيد، وقالت:"
_ إستني بس وهتشوفي.
" ضيقت عيني بإستغراب، وبصيت لِ رزان، وقلت: "
_ هو إنتِ هتقولي حاجة يا رزان؟
" إتعدلت رزان في قعدتها، وقالت بجدية: "
_ أيوة!
وهقول حاجات مش حاجة.
" بصيت لِ ملك بطرف عيني
بصيتلي وشاورت بعينها علي رزان
وكإنها بتقولي _ مش قولتلك _، ضحكت بخفة
وبصيت لِ زران تاني، وقلت: "
_ خير يا رزان!
_ كل خير متقلقوش.
" بصيت لِيها بتركيز، بصتلينا رزان وقالت: "
_ حابة أتكلم معاكم شوية عن العشر الأول من ذي الحجة.
_ يااه!
أكيد إتكلمي.
" أنا عارفة العشر أيام اللِ قبل العيد الكبير او عيد الأضحي،
شديت مخده من علي الكرسي اللِ في البلكونة وحطتيها ورا ضهري
وبدأت أوسع تفكيري وذهني كله لِ كلام رزان. "
_ حابة إننا نعين بعض علي العشر أيام دول ونجيب آخرنا فيهم
وحبيت أقولكم علي شوية حاجات كده محتاجين نستعد ليها.
_ قولي يا فنانة!
" سحبت رزان المخده من تحت دراع ملك، وحطيتها علي رجليها
وسندت دراعها عليها، وبصيتلنا وقالت بحماس: "
_ أول حاجة
العشر ذي الحجة دول مش مُجرد أيام والسلام، إطلاقاً!
دي أفضل وأعظم أيام عند ربنا، وأعظم أيام الدنيا كمان
والنهار في العشر ذي الحجة أعظم وأفضل من نهار رمضان.. متخيلين؟؟؟
في أيام أعظم من أيام رمضان؟؟
" عدلت قعدتي بتركيز أكتر، كملت رزان، وقالت: "
_ الرسول ﷺ قال:
" ما من أيام العمل الصالح فيها أحب إلي الله من العشر ذي الحجة ، قالوا ولا الجِهاد في سبيل الله، قال ولا الجهاد في سيبل الله إلا رجل خرج بنفسه وماله ثم لم يرجع من ذلك بشيء.
يعني العمل الصالح في هذه الأيام أحب إلي الله من الجهاد، وإحنا طبعاً عارفين قيمة الجهاد في الإسلام
إلا الجهاد اللِ ذكره رسول الله إن الرجل يخرج بنفسه وماله وميرجعش بحاجة منهم، يعني مات في سيبل الله وأنفق ماله في سيبل الله.
متخلين قدر العمل الصالح في الأيام دي، والعبادة في الأيام دي.. عظيمه.
" كنا متنحين أنا والبت ملك مع كلام رزان، انا حقيقي أول مرة اعرف بعظمة الأيام دي
وإنها افضل أيام الدنيا وأفضل من نهار رمضان.. حقيقي صدمة
إزاي هنقدر نفرط في الأيام دي بعد الكلام اللِ عرفناه ده. "
" كملت رزان كلامها، وقالت: "
_ دلوقتي إحنا عرفنا إن العشر ذي الحجة مينفعش تمر كده عادي،
ومينفعش بعد ما ربنا أقسم بالأيام دي نمررها عادي، ومينفعش بعد ما عرفنا إنها افضل أيام الدنيا وأحب العمل الصالح فيها الي الله إن إحنا نعدي عليها كده عادي.. إطلاقاً لا!
طب المفروض نعمل إيه في الأيام دي يا رزان؟
_ الصلاة علي وقتها.
أحب الأعمال إلي الله الصلاة علي وقتها، دلوقتي أنا بتكلم في إن إنتِ المفروض تكوني بتصلي، لازم تدخلي الأيام دي وإنتِ بتصلي مينفعش تكوني مسلمة ومش بتصلي.. ده كُفر
زي ما الرسول قال:
" إن العهد الذي بيننا وبينهم الصلاة فمن تركها فقد كفر. "
إحنا المفروض منتكلمش في حتة إنك لازم تصلي، المسلم الحقيقي عارف قيمة الصلاة، وخاصة صلاة الفجر
اللِ ما بيصليش صلاة الفجر، إنت في كارثة حقيقية، بتكلم بجد جداً!
متخيلة تصحي الصُبح وإنتِ مش مصلية الفجر يعني مش في ذمه الله.
العلماء أجمعوا إن ترك صلاة واحده أشرّ عند الله من شرب الخمر والزنا.. مستوعبة!!
" فتحت عيني بصدمه،
يلهوي إيه الرُعب ده؟؟
صلاة الفجر اللِ بقوم لها مرة
وعشرة لا، خمر وزنا!!!
إحنا إزاي بنعمل في نفسنا كده. "
_ إذا مطلوب مننا في الأيام العشر
ننتظم علي الصلوات الخمس وفي وقتها _ الوقت الأول _.
أما الشباب ف في المسجد، وياريت يحضر في العشر أيام تكبيرة الإحرام.. إنجاز عظيم والله.
تاني عمل صالح وهو الصيام.
الصيام في الأيام دي له أجر عظيم بس لو مصمتيش عادي، صومتي حبة وحبة لا عادي براحتك
لكن صيام يوم عرفة سنه، يعني نصومة.
طب عادي لو صومت التسع أيام كلهم يا رزان؟
طبعا عادي وياريت تعملي جداً
عشان دي أيام العمل الصالح فيها عظيم والصيام من أحب الأعمال إلي الله.
لإن الصيام بيكون لله وهو اللِ بيجزي عنه.
خلصنا النقطة دي ندخل علي تالت عمل من الأعمال الصالحة.
• وهو القرآن.
أحب الكلام إلي الله كلامه
تقرب من الله قدر ما إستطعت فإنك لن تتقرب إلية بشيء أحب إليه من كلامه.
لازم يكون ليكِ ختمة في العشر دول،
لازم تقرأ قرآن وتتدبره
علي الأقل خالص ختمة، واللِ يقدر يجيب أكتر يجيب، وكله بثوابة.
" دول عشر أيام يعني حوار أنا مش بكلمك في شهر بل عشر أيام هتلاقيهم بيجروا.. "
لو قستمهم علي الصلوات هتجيب ختمة،
كل يوم تلت أجزاء مش كتير أهو.
والنبي كان بيقول: " من أراد أن يحبه الله فالينظر إلي كِتابة. "
• أما العمل الرابع وهو الذكر.
طول ما إنت قاعد لازم لسانك يكون شغال في الذكر
التهليل والتسبيح والتحميد والتكبير
" سبحان الله، الحمدلله، لا إله إلاّ الله، الله اكبر. "
أحب الكلام إلي الله أربع وهما دول بعد القرآن.
في كل مكان لازم يفضل لسانك رطب بذكر الله عزوجل،
كلمتان خفيفاتان علي اللسان ثقيلتان في الميزان حبيبتان إلي الرحمن سبحان الله وبحمده سبحان الله العظيم.
إفضلي رددي الذكر ده علطول
وأذكار الصباح والمساء، مننساهمش مهمين جداً.
والعمل الخامس وهو:
• الصدقة.
إدخال السرور علي قلب مسلم من أحب الأعمال إلي الله.
وخاصة الإطعام لما تبادر في إطعام ناس مش قادرين يجيبوا لحمة عيد، او لبس عيد
فرحهم وتصدق وحاول تدخل السرور علي قلب مسلم
لو كل يوم صدقة بسيطة ياااه
حتي لو هتتصدق مرة واحده بس في العشر أيام. عادي
وياريت نصل الرحم
ونِ بر الوالدين، ونعفو.
ونداوم علي فعل الطاعات.
" أحب الاعمال إلي الله أدومها ولو قل. "
" إبتسمت بعدم تصديق
ده أنا بعيد اوي اوي،
ضربت رزان علي جبهتها، وقالت بتذكر: "
_ نسيت أقولكم علي أهم عمل
وهي التوبة
لازم تتوب قبل العشر ذي الحجة، توب توبة نصوحة لله وإقتلع عن كل عمل فاحش بتعمله، سيبه لله
الأيام دي محتاجين لها توبة كبيرة وجدية أوي.
يعني زي اللِ بيكلم يسيب
عادة سرية، غيبة نميمة
بتسمع اغاني، أي حاجة هتعصي بيها ربنا سيبها لله
وربنا هيعوضك أضعافها والله بس سيبها.
وكمان اللِ مش لابس حجاب يلبسه، واللِ لابس طرحة يأخد خطوة ويلبس خمار.. وكده.
" رزان كانت بتتكلم وهي بتبصلي
وبعدين بصت لِ ملك وهي بتتكلم عن الخمار.. "
" رفعت نظري ليها بتوتر، وأنا مصدومة بكم الأعمال الجميلة دي
وأنا مش بعمل منها قد كده.. "
" أنا لازم فعلاً أتوب
لعل الأيام دي تكون بداية لطريق صلاحي وتوبتي. "
" هسيبها لله زي ما رزان قالت
مش هدخل العشر غير وأنا محجبة ومتنظمة اكتر علي الصلاة. "
_ مش قولتلك هتربينا، بس طلع جلد من اللِ بيوجع يا بت يا سارة.
" قالت ملك جملتها وهي بتعيط،
ضحكت وأنا بعيط علي عياطها، وقلت: "
_ أنا عُمري ما حسيت بطعم الجلد غير دلوقتي يا بت يا ملك.
_ وجعكم كلامي،
طب لية ما بتفكروش في النار
وهي نارها شديدة محرقة،
مستنين إيه؟؟؟
لما تموتوا... هتندموا وتقولوا يا ريتني عملت وياريتني خليت
فـ لية منعملش من دلوقت، ونحمي نفسنا ونحافظ عليها.. لية قولولي؟
" بصيت أنا وملك لبعض بخوف أكبر، وقلت لِ رزان: "
_ بس أنا مش هستني، انا هلبس الخمار.
_ وأنا كمان.
_ أيوة وملك كمان،
وإنتِ هتيجي تقومينا ونصلي الفجر جماعه، ونعين بعض علي الصلوات الخمس في وقتها.
_ أيوة، والسنن كمان
هنعين بعض إننا نصلي 12 نافلة عشان يكون لينا بيت في الجنة.
_ مش بس كده يا ستي إنتِ وهيٰ
هنعمل سنن كتيرة عن النبي مع بعض
• زي إننا نصلي اربع ركعات قبل العصر ما بين الآذان والإقامة.
• وأثناء الشُرب خمس سنن لازم نعملها
_ نسمي الله قبل الشرب
_ نشرب وإحنا قاعدين
_ نشرب بإيدينا اليمين
_ نشرب علي تلت مرات
_ وبعدين نحمدلله بعد الشرب.
• ومن السنن المهمه كمان قراءة سورة الملك وآخر آيتين من سورة البقرة قبل النوم.
لو قرأتي خواتيم البقرة ومصلتيش قيام ليل الرسول ﷺ قال كفاتاكِ الليل كله.
" كنا إحنا التلاتة بنتكلم بحماس
حقيقي يا بخت اللِ عنده صحبة صالحة بتسحبه لطريق الصلاح
وأنا مبسوطة إني عندي رزان وملك هيسحبوني علي الخير الصلاح
وإن شاء الله أتوب وأكون أفضل بكتير من الأول
أكون حفيدة عائشة رضي الله عنها بجد. "
" خلصت الليلة،
وكلنا حماس وأمل
صلينا الفجر قبل ما نناموا
وقرأنا قرآن كمان
اللذة في الصلاة حلوة اوي أوي والله. "
" ربنا يديمها علينا نعمه يا رب. "
___
_ الله!
إسم الله عليكِ يا سارة
زي القمر في ليلة بدره حقيقي الخمار عليكِ تحفة.
_ بجد!
" قلتها وأنا بلف حوالين نفسي
بعد ما أستعيرت من رزان دريس
واسع واسع يعني وخمار. "
_ والله مُزة يا بت يا سارة
هجوزك ياسين أخويا.
_ لا أنا هجوزها زين يا ختي.
" قالتها رزان لِ ملك بتحدي،
قامت ملك من مكانها، وقالت: "
_ لا والله أنا اللِ قايلة الأول.
" قامت رزان قصادها، وقالت: "
_ وأنا الكبيرة وكلمتي اللِ هتمشي.
_ عند أمك يا حلوة.
" أنا كنت واقفة أضحك،
مسخرة الإتنين دول. "
_ وربنا لَ أرينك علقة يا ملك مخدهاش حمار في مطلع.
" وطلعت تجري وراها،
فتحت ملك الباب وطلعت تجري
إتحركت وراهم جيت علي وشي
بسبب الدريس الطويل. "
_ آه، منكم لله!
" وقمت بسرعة عشان متفتنيش العركة، وطلعت جري وانا بشلح. "
_ إمسكِ بنتك يا فيروز!
_ فيروز حاف كده يا بت وفاء.
" معلش يا عمتو وفاء، ذلة لسان مني.
" ضحكت عليهم وأنا نازلة علي السلم
كانت عمتو فيروز واقفة في النص وبتحاول تمنع رزان عن ملك.. "
" نزلت، وقلت: "
_ قلبك ابيض يا رزان خلاص.
_ ولو ولو لازم أربيها بت وفاء دي.
_ ومالها بت وفاء يحبيبتي؟
" إتقدمت ووقفت قصاد باب البيت
وقلت لملك: "
_ والله حلال فيكِ اللِ رزان هتعمله فيكِ.
_ بقي كده يا سارة.
" وفي الوقت ده طلعت رزان وجرت ورا ملك، ملك جرت ناحيتي
طلعت أجري عشام مداسش ما بينهم، بس إتكعبلت، ودخلت في حد كان داخل من البيت فجأة. "
_ إسم الله علي الكتكوتة!
" رفعت عيني لِ صاحب الصوت الهادي،
اللِ مسكني قبل ما أقع
كانت ملامحه جديدة عليا تمام
أول مرة أشوفه.. "
" بس يمكن إستوعبت الكائن الل واقف قدامي ده
مين لما سمعت رزان بتقول بصوت عالي وفرحان: "
_ زين!!!
يتبع..