كان آسر يقف فـ الكافيه شارد يتذكر كلام روز له 

بعد وفاة أختها بـ يومين

"كان يجلس مع أصدقائه وجاء أحدهم وأخبره

-آسر فيه بنت عايزاك برا

نظر له بإستغراب وكان يعتقدها جنّه او ما شابه

=طيب

 تكلم خالد وهو يغمز له

-أيوه بقاا يا عم آسر لعبت معاك

خرج وهو يتلفت بـ عينيه حتى وجدها.. 

روز..! 

أخت أشرقت..! 

لم يستبشر بـ الخير اطلاقا

تقدم منها بتوتر حاول اخفائه

=احمم.. فـ حاجه يا روز

نظرت إليه بـ قرف من أعلاه لـ أسفله

ثم تحدثت بـ كره صادق

_هو انت ازاي كده..! 

عايش حياتك بـ كل أريحيّه واستمتاع ولا كإن فيه روح بريئه ماتت بسببك..! 

هرب الكلام جميعه من عقله

ماذا يقول..! 

بـ ماذا يبرر..! 

اكملت هي حديثها

_انت انسان مقرف يا آسر.. 

تعرف قبل ما هيا تموت قالتلي انها مش هتكرهك وقعدت تبررلي كتير وانك تستاهل كل حاجة حلوه فـ الدنيا

تعرف آخر جمله قالتهالي ايه..! 

اقتربت منه والدموع فـ عينيها

_قالتلي انها كانت بتحبك أوي

الغبيه كانت بتحبك بطريقه انت ذات نفسك تتكسف تتحب بيها ومتعرفش تحب نفسك بيها

كانت مستعده تعملك كل حاجة 

بس انت طلعت شيطان وكنت بس بتتسلى بيها

تحدث بـ أسف بالغ

=روز أنا بجد مكنتش أعرف ان هيحصلها كده

صرخت به وهي تقول

_مكنتش تعرف..!

ولو كانت لسه عايشه كانت هتتعذب بسببك انت 

بل ان الموت رحمها منك ومن اللي شبهك

كنت بس بتحاول تتسلى بيها عشان ترضى ضميرك بإنك شخص تتحب وتبين قدام الشياطين اللي جوا دول قد ايه انت شخص جامد

حاول أن يبرر موقفه قليلا ولكنها لم تعطي له فرصه وتحدثت بـ مرار وهي تبكي

_عايزاك تعرف يا آسر انك شخص متخلف.. 

هي حبتك بس انت كنت غبي.. 

حسبي الله ونعم الوكيل مش مسامحاك يا آسر عشان خليتني أخسر أعزّ واحده على قلبي واللي مليش غيرها بعد وفاة أمي

حسبي الله ونعم الوكيل 

ثم ذهبت وتركته ساكن تماما لا يتحرك

عقله مشتت

وقلبه مضطرب

مسح دمعه نزلت من عينه عندما شعر بـ يد توضع على كتفه

التف وجده أحمد صديقه

=اهدى يا آسر

نظر له بـ توهان

=ضميري مأنبني أوي يا أحمد أوي والله

_ياعم خلاص فكك 

تعالى نكمّل سهرتنا

=لا لا انا هروح مش هقدر أكمل

_يابني متخليش كلامها يأثر عليك اوي كده كل واحد وليه عمره

وأشرقت عمرها خلص ملناش دخل احنا

=معلش سيبني المرادي 

وكمان عشان أمي وهصحى بدري للشغل

_ماشي هسيبك بس المرادي "

تذكر أنه لم يستطع أن ينام هذه الليله

بل أسبوع كامل بعد هذه المواجهه ان نام يحلم بـ آخر كلام بينه وبين أشرقت 

أفاق على صوت المدير وهو يحدثه

-ايه يا آسر مش شايف شغلك ليه

=احم معلش يا بوص سرحت بس شويه

-انت هنا فـ مكان شغل يعني مش فاضيين لسرحان

=حاضر

ذهب وتركه وأكمل هو شغله وعندما رفع عينه رآها..! 

نفس الفتاه المجنونه التي أوصلها من قبل.. 

عقد حاجبه بـ استغراب فـ قد كانت تتحدث فـ الهاتف بـ عصبيه ولكن بصوت منخفض

ظل يراقبها قليلا من الوقت حتى اغلقت الهاتف وأمسكت رأسها بـ تعب

=انتي كويسه؟ 

لا يعرف متى أتت به قدميه الى هنا..

 ولكن كان لديه فضول

وفـ المقابل رفعت هي رأسها ونظرت له بتعجب وهي تشبه عليه

=أيوه انا نفس الولد

ابتسمت بهدوء ومن ثم تحدثت

_مكنتش أتوقع اني أشوفك تاني

حك رأسه بحرج خفيف وهو يجاوبها

=ولا انا الصراحه

بس اهي الصدفه بقاا

سكت قليلا ثم تحدث مرّة أخرى

=تشربي ايه

_انت شغال هنا؟ 

=أيوه

_قهوه ساده

=ساده؟ 

_ايوه فـ حاجه 

=مش هتبقى مرّه عليكي اوي؟ 

_متعوده عليها

=طيب

ذهب حتى يعدّ لها طلبها

اقترب زميل له فـ العمل وهو يخبره

-روحتلها انت يعني

=هيا مين

أشار له بعينيه عليها 

نظر لها وجدها تقرأ كتاب بهدوء وهي تبتسم

ابتسم تلقائيا وأعاد نظره إليه وهو يجاوبه

=عادي

-طيب يا بتاع العادي

تركه ليكمل باقي الطلب

أعدّ لها القهوه وأخذها وذهب إليها ووضعها امامها

=يابنتي

رفعت إليه نظرها وهي ترد عليه

_فـ ايه؟ 

=بقالي ساعه بنادي عليكي 

طلبك أهو

أخذته منه بـ ابتسامه

وذهب هو ليكمل عمله

تابعها هو حينما شربت اول بُق من القهوه وابتسمت ابتسامه جانبيه

نفّض أفكاره وذهب ليغير ملابسه فـ انتهت فترة عمله

خرج سريعا وهو يرن على خالد

-ايه ياعم انت فين

=انا خلاص قربت عليكو اهو 

-طيب استعجل شويه البوص مش بيحب التأخير

=خلاص شوفتك سلام

اقترب منه وجد صديقه خالد يقف وبجانبه سياره سوداء لونها أسود داكن بها رجل يلبس نضاره شمس ويركز أمامه 

=اهو جيت

-اتأخرت خلي بالك

قدم له خالد حقيبة ظهر ومعها ورقه صغيره

-يلا خد الشنطه دي و روح وصلها للمكان دا 

نظر بـ تعجب على السياره تابع خالد حديثه

-لا متقلقش دا الإيد اليمين بتاع البوص بيمشي وراك أول مره بس عشان يتأكد انك عرفت تروح وكمان عشان يقولك على الطرق الي مفيهاش كمين

=طيب ياعم

انت مفهم البوص اني هشتغل المره دي بس صح

-ايوه متقلقش

بس الله اعلم يمكن الموضوع يعجبك المهم يلا روح عشان الناس دي بتمشي بـ الثواني

لبس آسر الشنطه ونظر الى العنوان  

لحظه يعرف هذا العنوان..! 

ظل يمشي وورائه السياره تتحرك بهدوء مستفز

دخل فـ شوارع جانبيه كثيره حتى وصل الى العنوان 

بيت قديم بـ الطين يكاد أن يقع

طرق الباب وما لبثت لحظات و فُتح

دخل سريعا وأغلق هذا الرجل الباب

كان هناك رجلين فقط

قدم له الشنطه 

وطُرق الباب مرة أخرى وفتح الباب وكان نفس الرجل الذي كان بداخل السياره 

تقدم منه بـ ابتسامه 

-البوص فرحان منك

يلا خد فلوسك

قدم له 5 باكو

نظر له بصدمه أخذ 5000 فـ مشوار نصف ساعه..! 

كاد ان يذهب ولكن أمسك الرجل بـ يده وهو يخبره

-ان حد عرف فيها قتلك وقتل والدتك

بلع ريقه بـ خوف عندما ذكر والدته هز رأسه وخرج 

وجد الشمس قد غربت

ذهب واشترى عبايه جديده لوالدته

وذهب الى الصيدليه 

=السلام عليكم

_وعليكم السلام ورحمة الله وبركاته

=اتفضل يا دكتور الفلوس بتاعت الدوا اللي أخدته منك قبل كده

وانت كنت قايلي على دوا قبل كده لماما

_ايوه بس الشريط بـ 950

=طيب هاته

أتى له به وتحدث

_لو مش معاك دلوقتي تقدر تجيب الفلوس فـ اي وقت تاني

=لا معايا تسلم يا دكتور

أعطى له الفلوس وخرج وهو فرح

فـ قد تبقى معه مبلغ كبير أيضا

فتح الباب وجد والدته تقرأ قرآن بتدبر

=السلام عليكم 

أغلقت والدته المصحف وهي تبتسم له

_وعليكم السلام ورحمة الله وبركاتة 

عامل ايه يا حبيبي

وضع الأكياس بجانبها وقبّل يدها

=بخير يا ست الكل

_ايه الأكياس دي يا حبيبي

=دا الدوا بتاعك وعبايه جديده كده

_دوا وعبايه..! 

طب الدوا ولسه جايبهولي والعبايه عندي كتير ومش بلبسهم

=دا دوا تاني مستورد هيحسن حالتلك بإذن الله 

_دا أكيد غالي يابني

جايب الفلوس منين

=لسه قابض الحمدلله وبعدين مفيش حاجة تغلى عليكي

_طب كنت جهزت بيهم شقتك يا حبيبي 

=الفلوس بتروح وتيجي اما انتي لا

_ربنا يرزقك يا حبيبي 

=يارب يا ننوسه

وأعيش وأجيبلك يارب

_طيب يا حبيبي انا حضرت الأكل جوا قوم هاته يلا عشان نتعشى

=بتحضريه ليه

مش قولتلك انا اللي هحضر الأكل بعد كده عشان رجلك

_انا بقيت كويسه الحمدلله 

وبعدين كفايه عليك شغلك اللي برا 

قبّل يدها مرة أخرى ووضع الأكل ليأكلوا

غسل الاطباق بعد الانتهاء وذهب ليرتاح قليلا وهو يفكر فـ هذه الشغلانه

وجد خالد قد أرسل له رساله

قرأها ولم يرد عليه

أغمض عينيه وفكر بها..! 

تلك الفتاه

لُجين..! 

ابتسم قليلا ونام

استيقظ وهو متحمس بطريقه استغرب بها نفسه

يريد رأيتها حقا

ذهب الى العمل وعند الانتهاء منه توجه الى بيت جدتها

ذاك البيت الذي أوصلها إليه من قبل

ظل بعض الوقت على أمل ان يراها

ولكنه شعر بـ الخيبه حين لم يراها

كاد أن يرجع ولكنه وجدها تخرج من سوبر ماركت بـ جانب المنزل

ابتسم بـ فرحه وهو يتقترب منها

تحدث بـ كذب

=دا الصدف شكلها هتكتر بقاا

رفعت حاجبها وهي تبتسم

_صدفه برضو

=احم.. مش صدفه اوي يعني

ضحكت بخفه عليه ومدت له يده ببعض اللبّ 

اخذه منها وتمشوا قليلا بعيدا عن البيت

=شكلك حلو بـ ديل الحصان اللي انتي عاملاه دا 

_حساك بتتريق

=لا والله أبدا

شكلك جميل يا لُجين

_ايه دا فاكر اسمي

=امم

انتي بقاا فاكره اسمي

نظرت إليه بحرج خفيف وهي تحاول ان تتذكر اسمه

_احم كنت فاكراه علفكره

=اسمي آسر ياختي

_أيوه آسر

كنت هقوله عامةً

=ايوه ايوه انتي هتقوليلي

مرّ الوقت وهو يتحدثون حتى رن هاتفه بـ رقم والدته

فتح الخط ورد بـ ابتسامه 

=السلام عليكم

لاحظت ملامح وجهه التي تحولت الى خوف 

وجرى سريعا

 لا تعرف ماذا سمع ولكنها قلقت عليه ولم تفكر وجرت خلفه وهي تحاول إلحاقه

وصل الى البيت وحاول فتح الباب وهو خائف وهي خلفه

وعندما فتحه وجد..! 

------------------------------

يتبع..!