همس كتمت ضحكتها،

-خلاص ياأبرار وشك بقي محمر اوي 

اتنفست بضيق وانا بقوم اقف وبلف الطرحه في المرايا ،

-اسكتي خالص انا محرجه اوي 

-ملحقش  والله هو لف وشه بسرعه هو مش بيرجع دلوقتي اصلاً مكنتش اعرف والله انا اسفه 

-عارفه يابنتي اكيد يعني انا بس اتحرجت 

اتكلمت وهي بتحاول تخفف من اخراجي وضيقي في نفس الوقت،

-والله خرج بسرعه يعني ملحقش يشوف 

-بس اكيد لمح يعني والا مكنش اتحرج وطلع

-لا لا ان شاء الله ميكونش  شاف 

خلصت كلامها وهي بتبصلي وبتبلع ريقها بتوتر من ملامح وشي المحرجة

-طب امشي ولا اطلع بيتنا دلوقتي ازاي اطلعي كده شوفي لو قاعدين 

-طب لي ماتقعدي لسه مكملناش القاعده !!

بصيت في الموبايل وانا برد عليها بدهشه،

ده الساعه "١ "ده بقالنا خمس ساعات مخدش بالي من الوقت خالص 

-بجد!!! الوقت اخدنا خالص طب تعالي اوصلك 

فتحت الباب وانا ماشيه وراها مكنش في عمو وطنط حياة واظن نامو اكيد وأحمد كان ماسك المصحف وقاعد في الصالون بيقرء بصوت هادي 

اتكلمت بصوت منخفض لهمس ،

-يلا يابنتي امشي بسرعه اي البطئ ده

-والله ماعارفه  انا بمشي كده لي شبه الحراميه!

أحمد اخد باله مننا واتكلم وهو بيبص لهمس،

-رايحين فين ؟؟

همس ردت بعد مااخدت نفسها وكأنها كان كاتما خايفه لحد يسمعه،

-أبرار طالعه بوصلها 

اتكلم من تاني باحراج وهو بيبعد نظره عني،

-متأسف ياأبرار مكنتش اعرف انك جوه والله 

في اللحظه دي دخل سُليمان بعد لما فتح الباب بالمفاتيح بصلنا ومستغربش وجودي وقال ،

-في اي وقفين كده لي؟!

همس ،

-مفيش بوصل أبرار 

هز راسه ومشي خطوه وانا رديت علي أحمد علشان مردتش عليه ،

-عارفه انك مكنتش تعرف اكيد 

هز راسه وانا روحت فتحت الباب ولما لفيت علشان همس اتكلمت شوفت وراها سُلميان وهو بيبص لأحمد باستغراب وبعدين كمل طريقه وشكله دخل اوضه 

-خلي بالك من نفسك 

ضحكت،

-حاضر الطريق فعلاً طويل 

-ماشي ياخفيفه راحه الكليه بكره؟!!

-مش عارفه انتي هتروحي ؟

-ورايا حفظ قرأن فا مش هعرف 

-خلاص واظن برده مفيش عندي محاضرات فاهبدء من بكره في الحفظ 

-حلو أوي 

-يلا تصبحي علي خير بكلمك بكره 

-ماشي وانتي من اهله متنسيش تصلي ركعتين قيام الليل 

ابتسمت ،

-شكراً والله فكرتيني 

-الشكر لله 

طلعت وهي قفلت الباب

<<<<<<<<<<<<<<<<<<

"همس "

قفلت الباب وكنت هدخل علشان اتوضي سُلميان ندهلي وانا قلبي دق بتوتر بقيت بحس اني بخاف ان سُليمان يكلمني مع إنه يومها مكنش عصبي عليا ابداً 

روحتله وانا بحاول اعرف من ملامحه عايز اي 

اتكلم بهدوء وهو قاعد علي السرير ،

-ادخلي واقفلي الباب 

قفلت الباب وحاولت افتكر انا عملت اي لانه بقاله فتره مش بنتكلم اصلاً ووسط مانا بفتكر قاطع تفكيري 

-هو حصل حاجه؟!

باستغراب وانا بهز كتافي،

-لاء  لي؟!!

اتكلم وهو بيعقد حواجبه،

-هو أبرار كانت بتقول لي لأحمد عارفه انك مكنتش تعرف ؟!

-اه تقصد كده علشان أنا وأبرار كنا قاعدين مع بعض في الاوضه وأحمد دخل فجأة فاهي اتحرجت علشان كانت منزله الطرحه بس أحمد طلع بسرعه علطول يعني بس هي فضلت محرجه 

اتنفس وملامحه اتغيرت مفهتمتش لاي بالظبط اتكلم بسرعه ،

-يعني شافها بشعرها !!!

-لا مازي ماقولت ملحقش طلع علطول 

هز راسه ،

-طيب ماشي اطلعي وسيبيني انام 

هزيت راسي بضيق من طريقته الي من يومها وهي بقت قليله وهاديه أو سُلميان الي بقي كده مع الكل مش عارفه احياناً بقول علشان هو بيطحن نفسه في الشغل وبقنع نفسي بكده بإنه تعبان ومش بيتكلم كتير 

روحت اتوضي وبعدين دخلت أوضي وقفلت الباب علشان اعرف ادعي براحتي حطيت السجاده ولبست الاسدال ورشيت كام راشه من البرفيوم علشان اهيئ الجو للصلاه واكون مرتاحه 

بدأت اصلي وقولت اول حاجه دعاء الاستفتاح لسه عارفا من فتره بيكون قبل سوره الفاتحه وبعد تكبيره الإحرام "الله أكبر"

"اللهم باعد بيني وبين خطاياي كما بعد بين المشرق والمغرب اللهم نقني من خطاياي كما ينقي الثوب الابيض من الدنس اللهم اغسلني من خطاياي بالماء والثلج والبرد".

"وبعد كده بقول الله اكبر كبيرا والحمدلله كثيرا وسبحان الله بكراً واصلا".

سمعت ان قبل كده الرسول صلي الله عليه وسلم كان بيصلي بالناس وسمع حد قال "الله أكبر كبيرا والحمدلله كثيرا وسبحان الله بكرا واصيلا "بعد لما خلص لف وسأل مين الي قال كده؟

راح قال ،

-ده الملايكه مكنتش لاحقه تكتب من كميه الحسنات الي اخدها 

ومن وقتها وانا بقيت الحمدلله منتظمه عليهم وبكمل صلاتي عادي اول ركعتين بقرء الفاتحه وسوره صغيره ،وتاني ركعتين بقرء الفاتحه بس من غير سوره صغيره  والمعلومه دي برده مكنتش اعرفها 

اول لما سجد عيط جامد وانا بدعي ،

-يارب سامحني يارب انا مكنتش اعرف انه حرام يارب اغفرلي ذنبي اللهم ردني إليك رداً جميلاً عاجلاً غير اجلاً

 يارب اللهم الثبات علي الهدايه اللهم القرب منك ياالله. . يارب اهدي واحفظه من كل سوء يارب رده إليك رداً جميلاً يارب اللهم ان كان زوج صالح فقربه مني ياالله يارب ارزقني زوج صالح مثل صفات النبي صلي الله عليه وسلم 

قومت وانا بقول التشهد ودموعي مغرقه وشي ولسه بقول الباب اتفتح جامد وانا وطيت راسي علشان الي دخل ده ميشوفنيش حتي وانا بصلي مش عارفه اخد راحتي  ياربي علي اهلي الي نفسي يخبطو علي الباب 

الي دخل رجع يطلع ويقفل الباب وانا كملت التشهد وسلمت 

وبرده عرفت ان الملائكه بتدعيلي بعد الصلاة فامينغعش اقوم علطول وبقول ايه الكرسي براحه وباستشعر بالايات وبقول كمان 

"اللهم عني علي ذكرك وشكرك وحسن عبادتك ٣ مرات "

"اللهم انت السلام ومنك السلام تباركت ياذا الجلال والاكرام"

وبذكر  الباقيات الصالحات٣٣ مره ولا اله الا الله مره

خلصت وشيلت السجاده وطويتها وقلعت الاسدال وقعد علي السرير احفظ الي عليا علشان هسمع بكره للمعلمه وبراجع مع أحمد 

شويه والباب خبط مصدقتش اخيراً ياربي اهلي بقو محترمين !!

لسه كنت هنطق واقول اتفضل بكل احترام والله بس الباب اتفتح ودخل منه أحمد 

-اي ده بتحفظي 

بصتله بقرف ،

-انت كان هيحصلك اي لو استنيت وقولتك اتفضل ؟!!

اتكلم  وهو بيقعد علي السرير قدامي،

-مفيش بينا الكلام ده ياحبيبتي 

-يابني انا بنت افرض بغير يعني مفيش احترام!!!

-لا ماهو انتي بتقفلي الباب بالمفتاح 

-مااكيد مش عارفه ان في راس مش بتفهم في البيت ده!!

ضيق عيونه،

-انتي تقصديني !!!

اتكلم من تاني ،

-المهم دلوقتي هي أبرار دخلت سجلت 

-اه سجلت 

-طب كويس وانتي حفظتي ؟!

-حفظت شويه امبارح ولسه بكمل انهارده وانت 

-الحمدلله خلصت اسمعلك 

-لا مش فاضيه اطلع بره يلا عايزه اكمل حفظ

قام وقف وهو بيقرب مني وفي لحظه قرصني في دراعي وانا صوتت 

ضحك بفرحه،

-احسن علشان تكلمي اخوكي الكبير كده 

مسكت دراعي بوجع ،

-يباي وجعتي والله هزارك بايخ 

قرب مني من تاني ،

-اي بتقولي اي!!!

بخوف ليعمل حاجه،

-خلاص بقي والله هصحي ابوك ابعد احسنلك 

-طالع اصلاً مش فاضيلك 

-اه ماهو واضح علي انشغالك

قرب وهو بيشيل المفرش الي  علي الكمدينو الي جمبي شال كل الي عليه ورمي المفرش علي الارض وقال بعدم اعجاب ،

-مش عاجبني الحجات دي هنا

فتحت بوقي بعصبيه وصوتي عيلاا بغيظ،

-اي الي عملته ده اعععع يابابااااا

جري فتح الباب وخرج منه وقفله ورا 

-يباي علي دمك ياأحمد يبااااي 

<<<<<<<<<<<<<<<<<

نمت وانا متحمسه لاني بكره هبدء الحفظ 

بعد ساعاااات صحيت علي صوت تلفوني رديت 

اجالي صوت شيرين ،

-اي يابنتي لسه شايفه رسالتك انك مش جايه 

رديت بنوم،

-اه مش هاجي

-طب لي ؟؟؟

رديت وانا بنام علي ضهري وبحط ايدي علي عيني،

-هحفظ انهارده قرأن وبعدين مفيش محاضرات انهارده انتي روحتي 

-اه روحت صحابي اجو فاقولت اروح 

باستغراب وانا مش مركزه ،

-مين صحابك دول!!!

-يابنتي بتوع امبارح

بضيق وحزن عليها،

-تاني ياشيرين هتقعدي مع الولاد !

بخنقه وهي بتغير الموضوع،

-المهم يعني مش هتعرفي تيجي مش كده 

-لا ياشيرين 

-طيب ماشي  باي 

بهدوء 

-باي 

فضلت افكر في طريقه اكلمها بيها بس هي بحسها مش بتحب حتي تسمعني او مش بتحب حد ينهيها علي الي بتعمله عايزاني اشجعها وخلاص اياًيكن اي الي بتعمله قومت وانا مضايقه جداً عشانها ومش حابه انها تفضل ماشيه في الطريق ده كتير وخصوصاً اني بحبها لانها طيبه جداً بس لما عرفت انها اتكلمت عن صحبتها ياسمين كان ممكن تكون مش قصدها او مش عارفه بصراحه لي عملت كده في الاول والاخر هي غلطت لما طلعت سرها 

قومت من علي السرير بعد تفكير بصيت في الموبايل الساعه1:25قومت اتوضيت وصليت ودخلت كان معاد حلقه القرأن 3:00 الحمدلله اني لحقت وصحيت 

قعد علي السرير بعد لما سرحت شعري وحطيت بلاشر وليب جلوس ورشيت  برفيوم ولبست بيچامه جديده ولا أكني طالعه علي المسرح 

الحلقه بدأت وكانت المعلمه بتقرء اتعرفنا الاول واسمها "ميار" وسنها مش كبير اكبر مني بتلات سنين ،…وانا والي في الحلقه بنسمع ليها كنت مركزه جداً والساعه اجت4:5 وانتهت الحلقه ودعتنا وقفلت الموبايل وانا مبسوطه جداً اني اخد خطوه كان نفسي فيها اوي والحمدلله ربنا وفقني وبدأت 

روحت لماما المطبخ ،

-ماما لسه مخلصتيش اكل ؟!

-خلصت اهو بس لسه لما اخوكي وابوكي يجو وناكل 

-لا لا انا جعانه اوي حطلي اكل بسرعه 

باستغراب وهي بتبصلي،

-في اي هتاكليني مش كده!!

شاورت علي نفسي بصدمه،

-انا !!! ده انا بقالي يومين مش باكل وخاسه

-اه فعلاً واضح جداً 

-طب يلا حطيلي اكل 

طلعت من المطبخ وهي بتقول ،

-انا تعبانه حطي لنفسك 

حطيت لنفسي ماهو جعانه مغلوبه علي أمري وسيف اجي وعمال يصيح انه ميت من الجوع وماما حاطيتله الاكل في ثانيه شوفو الفرق والله مفرقه بينا الست دي بتحب الولا سيف عني   وكان لسه شويه والمغرب يأذن 

موبايلي رن رديت وكانت همس 

-بري حبيبت قلبي صاحيه 

ابتسمت بهدوء وانا برد عليها،

-بري!!! انتي سمعتي  سيف اخويا ولا اي ؟!!

-سيف تصدقي احنا ملحقناش نتعرف بسبب انه نام علي نفسه يوم لما اتغدينا مع بعض 

ضحكت وانا بقوم وبطلع البلاكونه،

-ياعيني كان تعبان من الدروس والمدرسه 

-ياحبيبي انا طب هو بيبقي فاضي امتي الصغنن ده 

رفعت حواجبي بسخريه،

-مين ده الي صغنن ده انا الي صغننه ياشيخه 

-لا لا مش شكله شكلك ظالما

-ده هو الي قادر والله خلاني انا ويزن من يومين نلعب معاه خلاويص بس بأمانه انا كنت راضيه بس يزن يلعب معانا من كده طويله غريبه دي 

صوتها بقي اهدي وقالت،

-كويس بيراضي 

-فعلاً هو مش بيحبه يزعله

-ايوا انتي انهارده كان معاد الحلقه حضرتي؟ 

رجعت قصتي ورا ودني وانا مبتسمه،

-ايوا كانت حلوه اوي ياهمس بس لسه هحفظ بقي 

-طب كويس فرحتيني 

-انتي لي محضرتيش؟!

-لا انا ايامي غير علشان انتي لسه في البدايه في دي مواعيدك انا هبقي بكره ان شاء الله 

-ان شاء الله لسالك كتير وتختمي

-لا جزئين بس 

-طب ده حلو اوي ربنا يعينك يارب 

-يارب واياكي المهم دلوقتي 

-خير 

اتكلمت بنبره برائه،

-تعالي انزلي اقعدي معايا 

-هعمل قهوه ولا اي !!!!

ضحكت جامد ،

-لا لا عيب عليكي هتقعدي بس 

-طب ماتيجي تطلعي انتي خايفه ولا اي 

-بكره هطلع وعد .. مش انتي وراكي حفظ تعالي نسمع لأحمد مع بعض 

-طيب المغرب يأذن هصلي وانزل 

-خلاص تمام مستنايكي متتأخريش 

بسخريه من كلامها،

-اي جو المخطوبين ده هو انا حبيبك!!

ضحكت،

-يباي عليكي فصيله يابري 

-هو مفيش دلع غير بري ده!!!

بسماجه،

-لاء يلا متتأخريش يابررري 

-سلام ياختي 

قفلت معها وبابا ويزن اجو وماما حطت الاكل وقعدو علي السفره وبدأو ياكلو شديت كرسي وقعد وانا باخذ صباع محشي وحتت فرخه في بوقي 

<<<<<<<<<<<<<<<<<