اتكلم سُليمان وهو عينه في الموبايل ،

-بلاش أفور القهوه عاديه 

اتكلمت بسخريه ،

-ياسلام علشان كده خلصتها 

بصلي فجأة وانا اتوترت ،

-كنت محتاجها بقي  مش من حلاوتها 

يباي عليه بجد مستفز هو مش كان اول مره شوفته فيه كان لطيف مش اوي بس كان شغال هو ماله بيتكلم كده لي!!! لو كنت اعرف كنت صورتو وهو بيقولي تعالي اوصلك رجاله بوشين صحيح 

معرفتش ارد وأحمد قالي،

-يلا هقرئلك الجزء الي هتسمعي المره الجايه ؟!

هزيت راسي ،

-اه ماشي يلا 

بدء بقرء وانا بقول ورا وقرأت لوحدي مره وهو كان بيعدلي علي حاجات وحسيت اني حفظت شويه ممكن اعيد مره لوحدي بس وبعد لما خلصت سألته ،

-قرأتي حلوه ولا اي ؟!

-لا كويسه بس محتاجه تركزي شويه 

-تمام المهم ان حلوه يعني ؟!

-ياستي حلوه والله

ابتسمت بفرحه وهمس سقفتلي بتشجيع،

-برافو عليكي يابري 

ضحكت عليها ولفيت وشي عيني اجت علي سُليمان وكان بيبص علينا بس لما شافني لف وشه ورجع علي وضعه اجي سؤال في بالي هو لي مش بيحفظ معانا ويسمع وكده ولا هو اصلاً حافظ ومخلص من زمان 

سُليمان بيسأل أحمد،

-انت وراك كليه بكره هتيجي الشغل؟!

-اه بكره ورايه محاضرات مش كده ياطفله؟

همس ردت عليه ببرود،

-اه ورانا اتنين

سُلميان ،

-هتخلص امتي كده 

-الساعه ٢ مش كده ياطفله 

همس بغيظ،

-يباي بقي خلي يحترم نفسه ياسُليمان 

سُلميان ابتسم بهدوء وهو بيطنشها،

-طب كويس خلص وتعالي علشان فيه بضاعه هتيجي الشركه وعايزك تروح  تشيك عليها 

-طب مايزن يروح

-خلاص ياأحمد لو مش عايز متجيش

-هو في اي ياعم مالك متنشن معا كده لي 

اتكلم بنفاذ صبر،

-هو ورا شغل ومش فاضي خلاص !!

همس ميلت عليا وقالت ،

-بقولك اي انا مخنوقه ماتيجي ننزل بكره نتمشي في اي حتي 

ضحكت بحماس وكنت لسه هرد واقولها ماشي اتكلم سُليمان برفض قاطع،

-مفيش نزول 

انا وهمس بصينا ليه الي هو انت سمعتنا!!!

همس بحزن ،

-احنا هننزل نتمشي بعد الكليه شويه اي المشكله !!!

ببرود اعصاب بيخليني عايزه اصوت ،

-هو كده انا قولت لاء

اتكلمت وهي عامله نفسها مش هاممها،

-هقول لبابا وهيوافق 

بصلها واتكلم بحزم خوفني ،

-همس بلاش كلام كتير احسن 

مقدرتش امسك نفسي واتكلمت ،

-معلش يعني هو فين المشكله 

وجه نظره ليا واتكلم بحديه،

-معلش انتي بتدخلي بيني وبين اختي ليه !!!

اتنفست باحراج وحسيت بايدي الي عرقت وقلبي الي سخن بلعت ريقي وانا مش عايزه دموعي تنزل 

لف وشه عني كنت عايزه ارد وفي نفس الوقت عارفه اني لو اتكلمت هعيط لحقني أحمد وهو بيقول  بهمس لسُلميان،

-اي ياعم الكلام ده!!! مينفعش كده 

بصله وهو بيعقد حواجبه ،

-هو انت بدافع عنها ليه !!!

-بدافع اي.  الكلام الي قولتو مينفعش 

قومت وقفت وانا بقول،

-انا طالعه ياهمس 

همس وقفت معايا بضيق وهي بتبص لسُليمان،

-طب اقعدي شويه لسه بدري 

مشيت عند الباب وانا حاسه بنفسي بيضيق،

-معلش ياهمس شكلي ببقي تقيله 

-اي الكلام ده بس متقوليش كده 

فتحت الباب وخرجت وهي قالتلي بكلمك هزتلها راسي واول لما وقفت عند بابنا دموعي نزلت وانا بكلم نفسي،

-خلاص ياأبرار متعطيش مش ده الي هيخليكي تعيطي اهدي 

بدأت اخد نفس وخبط الباب ماما فتحتلي اتكلمت باستغراب ،

-طلعتي بدري يعني !!

رديت وانا داخله اوضي،

-اه ماعلشان خلصت حفظ 

-اممم طيب لو هتيجي تاكلي قبل ما أحط الاكل في التلاجه 

روحت غسلت وشي ودخلت المطبخ مليت طبق علي اخره وقعد جمب ماما وبدأت أكل من غيظي 

خلصت وقومت دخلت اوضي وقفلت النور ونمت علي السرير وانا بتغطي بالبطانيه 

وكنت خلاص هدخل في النوم موبايلي رن مسكته وطلعت "همس"

مردتش عليها بس رنت تاني رديت بزهق،

-ايوا 

-بري حبيبتي متزعليش علشان خاطري هو ا

قاطعتها بعدم اهتمام ،

-ميهمنيش اصلاً في حاجه بس انا مش بحب حد يحرجني بالطريقه دي ولاء كمان مضايقه علشان مردتش عليه 

خلصت كلامي ودموعي بتنزل 

-طب خلاص اهدي 

مسحت دموعي بعنف،

-ماشي خلاص مفيش حاجه هقفل علشان انام 

سمعت صوت أحمد وهو بيقول لهمس ،

-بتكلمي الطفله؟!!

ردت عليه،

-اه مدايقه اوي ياأحمد

عضيت علي شفايفي بغيظ من همس ،

-انتي بابت بارده استغفر الله خلتيني اشتم 

همس شكلها فتحت الاسبيكر لان رد عليا،

-معلش يابري هي الطفله كده لسانها فايت 

ضحكت غصب عني وانا بقول ،

-يادي ام بري !!!

-متزعليش ياستي هخرجو بكره بس بعد لما اخلص شغل 

همس صوتت بفرحه،

-ايوا بقي هو ده الكلام 

-لاء شكراً انا مليش نفس اروح في حتي 

أحمد ،

-بلاش بقي دلع اطفال انا غلطان اني بعرفكو 

همس بفرحه ،

-سيبك منها انا هاجي معاك

أحمد بخبث،

-اهو شوفي باعتك ازاي انا لو منك مأمنالهاش

رديت عليه وانا بضحك وبحط ايدي علي عيني ،

-انا بقول كده برده 

أحمد بمرح ،

-طب يلا طيري متزعليش ياطفله 

بهدوء ،

-ميهمنيش اصلاً مش زعلانه 

همس اتكلمت وهي بتضحك،

-بري وهي بتعيط طول الليل

-أحمد بالله عليك اضربها البت المستفزة دي

-بس كده من عيوني 

سمعت صويت همس وهي بتقول ،

-اااه دراعي طب والله لما اشوفك 

-يلا مع السلامه 

-مع السلامه ياختي 

"سُلميان".

كنت رايح الحمام وسمعت كلامهم واستفزني طريقه كلامها مع أحمد وكأنه اخوها وبتاخد راحتها معا واتعصبت اكتر وهي بتقولهم ميهمنيش!!! 

دخلت الحمام واتوضيت يمكن انسي 

دخلت اوضي وصليت العشا وبعدين فضلت افكر اسلوبي معها لا بس انا مغلطش هي فعلاً بتدخل ليه!!

خلصت صلاة وقعد شويه استغفر ربنا وبعدين نمت وانا حاسس بتأنيب الضمير بس انا مغلطش خلاص مفيش حاجه 

<<<<<<<<<<<<<

تاني يوم صحيت علي المنبه 11:00لبست ونسيت اكلم همس لاني مش متعوده افتكرت وانا علي السلم خبط علي الباب وأحمد فتحلي بابتسامه

-اي ده هو الليل اجي بسرعه كده لي !!

قلبت عنيا وانا برد عليه،

-اي ده نفس الكلام قدامي سبحان الله 

ضحك،

-خلاص ده انتي لسانك فايت بتردي بعشره

بغرور،

-اه طبعاً 

سمعت صوت عمي جاي علينا،

-مين ياأحمد ؟!

-أبرار ياحج 

كمل بهمس ،

-الطفله 

عمو اجي وانا قربت منه وانا بحضنه،

-تعالي خشي ياحبيبتي وقفا لي !!

-لا بس عايزه همس علشان لو هنروح الكليه مع بعض 

أحمد رد،

-همس نزلت من ساعتين صاحبتها رنت عليها وتقريباً طلع وراها محاضره9 وهي متعرفش 

عمو اتكلم وهو بيبلبس الجزمه بتاعته،

-وانت مش رايح ؟!!

-لا هروح الشغل سُليمان بيقول محتاجني بدري انهارده 

-طب خلاص نازله انا 

عمو ،

-استني يابنتي خلي أحمد يوصلك 

هزيت راسي بنفي ،

-لا لا هروح انا مفيش مشكله 

عمو وهو بيوجه الكلام لأحمد ،

-وصلها وتعالي علي الشغل 

عمو فضل مصر وانا كلمت بابا وعرفته ان أحمد هيوصلني

ركبت وطول الطريق كنت بكلم شيرين في الموبايل نزلت وشكرته وقفلت معها وقولتلها ان خلاص جايلها 

دخلت الكليه وشيرين قربت مني وحضنتني ،

-وحشتيني يابروره 

ضحكت وانا بحضنها كمان،

-وانتي كمان بس اي بروره !!! ده دلع بذمتك 

هزت كتفها،

-سيبي دلوقتي علي ما الاقي دلع تاني 

هزيت راسي بقله حيله ،

-طيب اما نشوف 

حضرنا محاضره واحده وانا دماغي وجعتني مقدرتش احضر التانيه وقعدنا انا وشيرين ولكن اتفأجت بواحد بيقعد قدامنا وبيكلم شيرين ،

-مدخلتيش المحاضره ليه ؟!!

ردت عليه ،

-دماغ أبرار وجعتها فاقولنا نشم هوا احسن فين زياد ؟!!

-جوا في المحاضره مع البنات 

-هتروحو في مكان انهارده ؟؟

-اه جايه معانا ؟!

-تمام جايه 

كنت هقوم ولكنه مد ايده وهو بيقولي،

-أزيك انا هشام 

بصيت بعيد بقرف ومسكت شنطتي الضهر ومشيت شيرين ندهت عليا ولكني مردتش وبجد اتخنقت فجأه بوجود واحد قاعد معانا بدون اي مناسبه 

كنت هطلع من الكليه واروح البيت بس لفيت علي صوت همس الي ندهتلي

-اي يابنتي راحه فين؟!!

اتكلمت وانا بشاور علي بوابه الكليه ،

-مروحه 

عقدت حواجبها باستغراب ،

-مالك انتي مدايقه من حاجه؟

هزيت راسي ،

-لا مفيش انتي مش هتروحي ولا اي 

-شويه ياسمين مسافره كمان ساعه فاهنقعد شويه وكمان أحمد كلمني وقالي مش هيعرف يجي علشان فيه شغل 

-تروحي وترجعي بالسلامه يارب .. تمام 

ابتسمت بهدوء ،

-شكراً الله يسلمك 

همس،

-خلينا نطلع نشوف مكان نقعد فيه 

ردينا عليها ب،

-تمام 

شيرين ندهتلي تاني وانا رديت عليها 

-في اي ياأبرار ده تصرف تردي عليه بالشكل ده !!!

فهمت انها تقصد علي الشاب ده،

-نعم!!! وهو مين ده اصلاً 

-زميلي ياأبرار مانتي عارفه احرجتي كده 

-شيرين وانا من امتي وانا بتكلم اصلاً مع شباب مانتي عارفه 

-علفكره هو اتحرج واضايق جداً 

-مايضايق هو انا اعرفه!!!

اتكلمت تاني بانفعال وهي بتشاور بايديها،

-لو سمحت متتكلميش كده عنه علشان هو انسان كويس وبعدين مفيهاش حاجه لو كنتي سلمتي علفكره. . انا ماشيه علشان بقيت بتخنق من تصرفاتك دي 

رمشت لثواني ولتاني مره ازعل وقلبي يدق برهبه من كلامها الي بيخليني عاجزه عن الكلام ومش عارفه اقول اي انا مستغربه تصرفاتها انا عارفها من فتره اه ولكن مكنتش كده نهائي  افعالها بتخليني عايزه ابعد عنها بس في نفس الوقت حاسه بالذنب وعايزه افوقها وانا حبيتها ومش عايزه انها تطلع من حياتي 

فوقت من سرحاني علي ايد همس اتكلمت بهدوء،

-بري تعالي يلا نطلع 

هزيت راسي وطلعت معها وياسمين كمان معانا قعدنا في كافيه قريب من الكليه وهمس وياسمين كانو بيتكلمو ولما يبصولي اتصنع الابتسامه وكأني مركزه معاهم بس الحقيقه انا مش مرتاحه نهائي لتغير شيرين انا مكنتش عارفها كده بالعكس انا شوفتها بنت محترمه ملهاش علاقه بالقاعد مع الولاد ولا اي حاجه من دي هي مازلات بنت محترمه بس الي بتعملو غلط ومينفعش وهي بتصدني كتير وانا مش بقدر اتكلم بعد كلامها 

عدي ساعه وياسمين ركبت ومشت للمحطه علشان هتسافر مع عيلتها وانا وهمس اتمشينا شويه ووسط الكلام مع عقلي اتكلمت هي 

-متزعليش هي ممكن مش قصدها 

<<<<<<<<<<<<<<<<<<<<<