سألت ردينه ،انا بقا هتعيش هنا معانا ية سيد زكريا ؟

قال ناصر طبعآ والدى هيعيش معانا ولو مشلتوش الأرض اشيله فوق دماغى ،انا عارف ان الشقه مش قد المقام

لكن هدور على شقه تانيه تكون أكبر ومريحه.

قال زكريا، وليه تتعب نفسك، احنا عندنا بدل الفيلا اتنين تلاته، اية إلى يجبرنا نقعد هنا ؟

بس انت كتبت كل حاجه باسم فارس يا ابو ناصر؟

قال زكريا، بسيطه هتكلم مع فارس ،حتى لو فارس غلط  فاهم دوافعه

فارس كان خايف يخسر كل حاجه بس لما اتكلم معاه هيكون مطيع ليا فارس بيحبنى

قالت حبيبه، فارس الى اختار اشنع جريمه عشان يفرق بينى وبينك وبين ناصر متوقع يسمعك ؟ فارس إلى كان نلور يقتلك لو عرف فى يوم انى قولتلك الحقيقه ؟ ومش بعيد يعملها ؟ 

فارس مش هيرجع حاجه والأفضل نقعد هنا مع ناصر

همس زكريا بحزن ،طاب وانا ؟ والسنين إلى اشتغلتها وتعبت فيها هتروح هباء كل دا من حق ناصر

لو كنت سمعتنى يا زكريا مكنتش كل حاجه ضاعت

ناصر قال!! ماما ارجوكى بلاش عتاب احنا قولنا ننسى الماضى

انا مش محتاج فلوس، انا محتاجكم انتو تكونو معايا

ارجوك يا بابا بلاش تحتك فارس ،فارس شخص مش كويس

وانت كرامتك عندى أغلى من الدنيا كلها.

لازم أحاول يا ناصر والا مش هسامح نفسى آبدآ

ثم انا عندى وسيلة ضغط اقدر أثر بيها على فارس لو عصلج معايا

ابتسمت حبيبه، يا زكريا عايز شخص بيملك كل حاجه يتخلى عنها بسهوله كده ؟

قال زكريا يمكن يكون عنده شوية آصل يا حبيبه

وحتى لو كان عنده شوية اصل هيتنازل عن كل الفلوس دى؟

انا هعرض عليه ربع التركه يا حبيبه، مهما حصل بينا فارش بيحمل أسمى ودخل مجال الأعمال عشان سمعتى فى السوق

قال ناصر، انا قلبى مش مطمن يا ابوى ،دا اول يوم ليك معانا

من فضلك نأجل الكلام دا شويه

خلينا نشوف رد فعل فارس لما يعرف انك عرفت الحقيقه

انك سبت الفيلا وعايش معايا ،لو كان فيه خير هو الى هيجرى عليك من نفسه، لكن لو حصلت حاجه غير كده

يبقى وفر كلامك وارضى بالمقسوم.

صباح اليوم التالى

قالت رودينه، بصى يا حبيبه يا حبيبتى انا معنديش اعتراض اشتغلكم خدامه ،والله العظيم مفيش اى مشكله هاجى على كرامتى وبرستيجى عشان خاطرك، العشره برضه متهونش غير على اولاد الحرام

ارغى يا رودينه  وقصرى فى الكلام حصل ايه ؟

فردت حبيبه ورقه وهمست بصى يا ستى دى العريضه

بتاعت ابيه زكريا ،انا كتبتها بالعافيه ونزلت بيها السوبر ماركت، الراجل بص بيها وقال يا بنتى دى روشته  لو عايزه تشترى علاج

الصيدليه فى الشارع إلى جنبنا لكن هنا بقالة

طبعا دى بس انواع الجبنه إلى مستر زكريا عايزاها

روحى قوليله هنا أقصى حاجه جبنه رومى ودومتى

ابتسمت حبيبه، معلهش يا قلبى اعذرى زكريا ،قضى طول عمره حياته فى رفاهيه هو كده بيتصرف عادى مش قاصد يضايقك

انا هطلب من ناصر يروح يشترى الحجات دى من أماكن معينه

ضربت رودينه رجليها فى الأرض وناصر هيجيب فلوس للحجات دى كلها من فين؟

انا كنت طالبه منه فستان جديد لو الحجات دى بمبلغ  اكتر من ستميايه  يبقى نفضى لنفسك

اتسعت عيون حبيبه، بنت ؟ فين آداب الحديث إلى انا علمتهالك ؟ بتتكلمى ليه بطريقه سوقيه كده ؟

وبعدين زكريا عندك فى الصاله اطلعى قوليله كل اعتراضاتك

وانا اقوله ليه؟. هو جوزى ولا جوزك يا ست حبيبه؟

من فضلك متخليش خلافاتكم الطفوليه تأثر على حياة الأطفال الأبرياء ذى

خرجت رودينه من الغرفه وقفت جنب زكريا

ابيه انا عابزه فلوس اشترى الحجات دى

اخرج زكريا بطاقته البنكيه وحطها فى ايد رودينه من غير اهتمام

اشترى كل إلى نفسك فيه يا رودينه !!

هى ايام سودة ومطينه بطين همست رودينه، هو زكريا فاكرنا عايشين فى جاردن سيتى ؟

انا كان مالى ومال كل ده ياربى ؟

اخدت رودينه مواصلات لاقرب ماكينة صرف إلى جربت البطاقه اكتر من مره مطلعش فلوس، البطاقه كانت فاضيه

وادى مشوار كمان طلع فشوش كان ايه لازمتها الفشخره الكدابه بقا يا سى زكريا ؟

اشترى إلى انت عايزاه يا حبيبه  !!  طايب اهو حبيبه هترجع مشى عشان خلصت الفلوس فى المواصلات والايس كريم إلى طفحته، مبسوط انت كده يا عم زكريا ؟

لما عرف زكريا ان فارس أوقف بطاقته البنكيه مقدرش يستحمل ،ثار زكريا بقا انا امنحك مليارات وانت توقف بطاقتي ؟

بدل زكريا ملابسه ،حبيبه وقفته على الباب ،زكريا خليك هنا

اسبوع مر وفارس ما حاولش يتصل بيك

وقف بطاقتك منتظر ايه لما تروح لحد عنده؟

ممكن يطردك من الفيلا.

ميقدرش همس زكريا بثقة ،الظاهر انا لازم ارجع زكريا الشرير بتاع زمان ،هو فاكر انه ملك كل حاجه

وحقيقته الشريره ظهرت ،الولد ده مسيتحقش اى قرش من تركتى، انا الى اديته كل حاجه وانا الى هسحب منه كل حاجه