-متقولش كده أنا مش خا.ينة. .

قالتها وصوتها مبحوح من العياط ....فبصلها بغضـ.ب وقال :

-طيب لما انتي مش خا.ينة قوليلي يا هانم يعني ايه تكوني خطيبتي أنا وتروحي تطلعي مع اللي اسمه كريم ده ها؟!ومش مرة واحدة لا تلات مرات ...تلات مرات بتستـ.غفليني وتكد.بي عليا ...تكد.بي عليا أنا يا منة ...

عيطت قدامه ومكانتش قادرة تتكلم ...

باك .. 

خرج من شروده وهو بيتنهد ...مش عارف يعمل ايه ...مش هيقدر يرجع لمنة ولا يقدر يسيب حبيبة ....

 .....

تاني يوم العصر  ....

جم أهلي واهله زيارة لينا ....وقفت قدام المرايا وانا بداري عينيا اللي اتنفخت شوية من العياط بالميكب ...مكنتش حابة أبين اني حزينة ...اهلي واهله طيبين اووي مش عايزة ازعلهم ...ابتسمت وانا بحط الحجاب على شعري ...حسيت بيه دخل وهمس :

-خلصتي ....

بصتله ببر.ود وكنت هخرج بس هو مسك ايديا وقال :

-لازم نبين أننا مبسوطين قدامهم ...مش عايزينهم يحسوا بحاجة ...ممكن 

وبعدين شدني لبرا ...كان قلبي بيدق وهو قريب مني ...قعد جنبي طول القعدة ...اتصرف كأنه واحد عاشق ...قلبي كان وا.جعني اووي ..كان نفسي اصر.خ فيه ...اطلب منه يبعد عني بس مكنتش قادرة ...

بعد شوية روحت عشان اجيب الجاتوه من التلاجة...جات نادية والدة هادي...كانت ست حلوة وأنيقة ولطيفة جدا ...ملهاش في شغل الحموات خالص ...وفورا حبيتها واعتبرتها زي أمي بالضبط ...

قربت مني وقالت :

-هادي مبسوط اووي ربنا يخليكي ليا يا حبيبة ويارب تخلوني تيتة قريب ...

ايدي اتجمدت واتوترت فقربت مني وهي بتمسك ايدي وبتقول :

-ابني اتجر.ح اووي بسبب منة ...فضل سنة قافل على نفسه لحد ما جيتي انتي قدرتي تخليه يطلع من اللي هو فيه ...وانا بطلب منك متتخليش عنه يا حبيبة ....هو بيحاول وباين أنه سعيد معاكي ...متبقيش انتي سبب أن قلبه يتكـ.سر مرة تانية...

مسكت نفسي بالعافية عشان معيطش ...هو اللي كـ.سر قلبي مش العكس ....

بس ابتسمت اخيرا وقولت :

-متقلقيش يا ماما ...

-يعني مش هتتخلي عنه يا حبيبة ...

اتنهدت وانا بقول:

-لا مش هتخلى عنه وعد !

...

خلصت الزيارة...وانا مقهو.رة ومخنو.قة...حاسة بجبل على صدري....كان هو واقف بيبصلي وانا بلم الحاجة وهو جه وساعدني ...دخلت المطبخ وحطيت الحاجة وبدأت اغسلها ودموعي بتنزل على وشي ....بدأ صوتي يعلى بالعياط....

-حبيبة ..

قالها بحز ن وهو بيحط أيده على كتفي وبعدين شدني وحضني ..محاولتش اقاوم ...ووقتها كان قراري اني احا رب عشان يحبني ...قررت متخلاش عنه !

يتبع