-طيب يا أبيه قلل تعامل معاها الفترة دي عشان تنسى ...هي مجرد اختلط عليها بس متقلقش واكيد هتنسى بسرعة لو حضرتك بعدت عنها شوية ...

هز أحمد رأسه وقال :

-عندك حق ...

حسيت بالدموع ملت عينيا وانا بمسك في المخدة فكملت رنا بحماس ؛

-كمان ممكن حاجة تساعدها تنساك بسرعة ...

-هنعمل ايه ؟!

قالها بحيرة فقالت رنا :

-عمرو ابن خالتها بيحبها اووي ايه رايك نجمعهم و....

-بس اسكتي ...

قالها أحمد بغضـ.ب فبلعت رنا ريقها وكمل :

-ايه اللي بتقوليه ده انتي اتجـ.ننتي ...نجمع مين ؟؛عايزاني اخلي ليا ترتبط بالعّيل ده ....

بصتله رنا بحيرة وقالت :

-عمرو مش عيل يا أبيه ده دكتور صيدلي وبيحب ليا ده واضح اووي وهي على فكرة ممكن تحبه لما ...

-أنا قولت اسكتي خلاص عصـ.بتيني!!!

قالها أحمد بغضـ.ب وبعدين كمل ؛

-رنا  ...اياكي اسمع الخر.افات دي تاني ...ومتحاوليش تدخلي الكلام ده لعقل ليا هز.علك بجد ...مفهوم ...

-حاضر يا أبيه ...

قالتها بخوف  ...

اتنهد براحة وقال :

-طيب خلينا نخرج دلوقتي روحي ارتاحي ونامي ....

هزت راسها وخرجوا ...

بعد ما اتطمنت أنهم بعدوا صحيت وانا بمسح دموعي وكنت اخدت قراري خلاص .....

.......

تاني يوم ....

-ممكن ادخل ؟!

قولتها لعمي ماهر اللي ابتسم وقال :

-ادخلي. يا ليا ....

قربت منه وحضني وقال :

-أحمد قال انك تعبتي امبارح ...أنا بعتذر انشغلت بالحفلة ومجيتش اشوفك ...سامحيني ...

-حصل خير يا عمي وبعدين ما أنا زي القرد اهو ...

ضحك عمي وقال وهو بيشد خدي ؛

-وأخلى قرد شوفته في حياتي كمان ....

-عمي أنا حابة اكلمك عن موضوع ...

قولتها بتردد وانا بقعد ...قعد هو على مكتبه وقال بحيرة :

-اتفضلي ايه هو الموضوع ...فيه حاجة يا ليا ...

ابتسمت وانا بمسك دموعي بالعافية وقالت ؛

-ممكن تسمحلي اعيش شوية عند خالتي رحاب ...

بصلي بصدمة وقال :

-فيه حد ضا.يقك يا بنتي هنا؟

ضحكت وانا بتصنع المرح وقولت :

-وهو مين ممكن يضا.يقني بس يا بابا ...الموضوع اني حابة اغير جو ..يعني أنا عيشت عندك كتير وهعيش عندها شهر او شهرين ....ممكن ...

-أنا قصرت يا بنتي ...

يتقـ.طع لساني قبل ما اقول كده يا عمي والله ...بس خالتي طلبت كتير أبقى عندها شوية وانا كنت برفض فقررت انفذ طلبها 

لسه هيرد الباب خبط وأحمد دخل ...قلبي دق  بسرعة لدرجة اني خوفت يكونوا سمعوه ....بلعت ريقي وأحمد بيقول :

-صباح الخير يا ليا ...صباح الخير يا بابا ...

-صباح الخير يا أحمد ...تعالي يا حبيبي شوف اللي هتنقطني دي ...

بصلي أحمد ...عينيه العسلية كانت بتبصلي بلطف شوية المرة دي غير غضـ.به الليلة اللي فاتت وقال:

-فيه ايه يا ليا ...مزعلة بابا ليه ؟ 

بصتله وقولت بقوة :.

-أنا مش مزعلاه يا أبيه أحمد ..انا بس طلبت اني اروح اقعد عن خالتي شوية هي طلبت مني ده كتير ...

-لا معلش تقعدي فيه يا حبيبتي ؟ 

قالها بغـ.ضب فقولت ببرود :

-عند خالتي رحاب. ...

-لا ده مرفوض ...

وبعدين بص لوالده وقال بغضب :

-بابا مينفعش تروح عندها فيه شاب في البيت ...عمرو ..ازاي هتكون في بيت فيه شاب ...

بصتله ببرود وقولت :

-وفيها ايه يعني ....عمرو بالنسبة ليا بيمثل زي ما حضرتك بتمثلي  ...يعني زي اخويا ..وانا حابة اروح اعيش هناك !

يتبع