رواية حبيبة قلبه هادي وحبيبة الفصل الخامس 5 بقلم سوليية نصار
رواية حبيبة قلبه هادي وحبيبة الفصل الخامس 5 هى رواية من كتابة سوليية نصار رواية حبيبة قلبه هادي وحبيبة الفصل الخامس 5 صدر لاول مرة على موقع التواصل الاجتماعى فيسبوك رواية حبيبة قلبه هادي وحبيبة الفصل الخامس 5 حقق تفاعل كبير على الفيسبوك لذلك سنعرض لكم رواية حبيبة قلبه هادي وحبيبة الفصل الخامس 5
رواية حبيبة قلبه هادي وحبيبة الفصل الخامس 5
-أنت رايح فين ؟!
قولتها وهو بيقرب على السرير وهينام...كنا تقريبا الساعة اتناشر بالليل وهنام...بصلي بحيرة وقال :
-هنام على السرير ...
حطيت ايدي في وسطي وقولت :
-هادي احنا اتفقنا صح ؟؛
بصلي بحيرة وقال :
-أيوة ...أنا مش هعمل حاجة يا حبيبة ...هنام بس والله.
-لا معلش انت هتنام على الكنبة ...
ضحك وقال :
-ليه الاستبد اد بتاعك ده حرام عليكي ضهري هيو.جعني ....
ربعت ايدي وقولت ببرود.:
-مش مشـ.كلتي ...
-أوووف منك ..
قالها هادي وهو بياخد مخدة وبينام على الكنبة ...ابتسمت بخـ.بث وانا بنام وانا مرتاحة على السرير الواسع ...هو فاكر اني هنخ بسهولة ...للاسف هو ميعرفنيش كويس ...
غمضت عيني ونومت ....
.......
بعد أسبوع ....
لازم اعترف اني هادي كان ملتزم بإتفاقنا ...قربنا من بعض أنا وهو اووي وبدأ يحكيلي عن نفسه ...عن أسراره ...عن أحلامه وطموحاته ...كان بيتجنب يجيب سيرة منة عشان مضايقش. وحقيقي أنا معرفش عن انفصالهم كتير لانه شخص كتوم ...هو قالي أنها جر.حته وده اللي سمعته من والدته واخته ومن اي حد يعرفه لكن التفاصيل معرفش أنا حتى معرفش ايه شكل منة دي ..ومحدش وراني صورتها ...حتى لما دخلت اكونت هادي مكانش ليهم ولا صورة ...وممكن يكون كان ليهم بس هو مسحها ...حسيت انها كانت مجرد اسم ملهاش وجود بس للاسف هي موجودة بيننا. .وانا كان نفسي اعرف السبب اللي يخليه يقلب عليها كده ...بفضول سألت حماتي قبل كده وحلفتلي أنها متعرفش اي تفاصيل لانه مقالش اي حاجة ...مجرد نهى الخطوبة وهي كانت بتترجاه يرجعلها ......لكن حقيقي أنا مش قادرة افهم ايه اللي حصل وخلاه يقفل منها بالشكل ده ...بس محبتش احط اي تكـ.هنات ...حسيت اني ممكن اظلـ.مها لو ظنيت بيها ظن سئ ...
......
-ماما أنا مش عايزة اقابل العريس ده !
قالتها منة بتعب ....هي جربت مرة مع أحمد وفشلت ...كانت مرتاحة لما فسخت الخطوبة ...مع أحمد كانت بتحاول تبين حماسها واتخـ.نقت في الوقت القليل اللي اتخطبوا فيه وحمدت ربنا أنه اكتشف حبه الحقيقي لليا ..فهي مش عايزة تدخل حد حياتها وتظـ.لمه...مش هتقدر ترتبط بحد تاني وقلبها لسه ملك هادي ....
قربت منيرة والدتها ومسكت ايديها وهي بتقول :
-يا بنتي بالله عليكي ...قابليه بس يمكن يعجبك ...ده ابن صاحبتي ...ودكتور ...تخيلي درس في لندن ...وانسان مثقف ونبيل ...شوفيه واحكمي بنفسك ...حرام عليكي تتعـ بي قلبي يا منة ...
غمضت منة عينيها ودموعها بتنزل ...كان قلبها وا.جعها على والدتها اللي تعبت بسببها ...هي عارفة أن والدتها حاسة بالذ.نب حاسة أن ليها يد في قطـ.ع علاقتها هي وهادي ...
-حاضر يا ماما ..هقابله ....
قالتها بتعب وبعدين كملت :
-بس ده مش معناه اني موافقة !
-ماشي ...شوفيه وبس ...
......
تاني يوم ....
في الكافية ..
كانت منة بتفرك كفها بتوتر وهي قاعدة قدام أوسم شاب شافته في حياتها ...كانت حاطة عينيها في الأرض ...حاسة أنها لو رفعت عينيها هتفضل تبصله وبس ...
-هتفضلي ساكتة كتير ...
قال بنبرة العربي فيها ملخبط شوية ...والدتها قالت إنه قضى فترة طويلة يدرس ويشتغل هناك. ..يعني تقريبا اكتر من سبع سنين وهو برا مصر !
-أنا ...أنا ...
قالتها. رفعت عينيها بس فجاة عينيها اتوقفت على الاتنين اللي داخلين الكافية وبيضحكوا وماسكين ايدين بعض ....
قامت من على الكرسي لدرجة والدتها وصاحبتها اللي قاعدين على الترابيزة اللي جنبهم بصولها بصدمة ....
-دمك خفيف بصراحة ....لما جيت تتقدملي افتكرت من هدوءك انك عندك رهاب إجتماعي ...
قولتها وانا بضحك لهادي ...كنا ماسكين ايدين بعض ...قال النهاردة أنه هيفسحني ...جابني الكافية وقال بعدها هنروح السينما وبعدين الملاهي و .
قطع تفكيري لما هادي اتجمد فجأة وهو بيبص قدامه ...كان بيبص على بنت واقفة وبتبصله والدموع في عينيها...
-منة !
همس بصد.مة فعينيا اتوسعت وانا ببص على لعنـ ة حياتي ....
فضلت هي تتنفس بصعوبة والدموع بتنزل من عينيها ...شدني هادي وكان هيطلع بس فجأة سمعنا خبطة بيبص وراه لقاها منة أغمى عليها!!!
-منة !!!.
قالها بر.عب وهو بيسيب ايدي وبيجري عليها !
يتبع