رواية وجع الماضي امل ومنصف الفصل الخامس 5 بقلم امل بكر
رواية وجع الماضي امل ومنصف الفصل الخامس 5 هى رواية من كتابة امل بكر رواية وجع الماضي امل ومنصف الفصل الخامس 5 صدر لاول مرة على موقع التواصل الاجتماعى فيسبوك رواية وجع الماضي امل ومنصف الفصل الخامس 5 حقق تفاعل كبير على الفيسبوك لذلك سنعرض لكم رواية وجع الماضي امل ومنصف الفصل الخامس 5
رواية وجع الماضي امل ومنصف الفصل الخامس 5
طلعت من حضن أروي واحنا الاتنين بنبص علي الي فتح الباب وكان سليم !!!
قلبي فضل يدق بعنف وهو باصصلي وكأنه مش مصدق قرب مني وقال ،
-أروي سيبينا لوحدنا
أروي بصتلي ،
-هنا حبيبتي انا هطلع
مسكت ايديها وانا بلف وشي بعيد عنه ،
-لا خليكي
أروي بصت لسليم بحزن عليهم ،
-سليم طب معلش سيبها دلوقتي
بزهق من كلامهم الي بيتكرر،
-اروي خلاص بقي انا عايز اتكلم معاها مش هكلها يعني !!
بصتله بعصبيه .
-وانا مش عايزه اتكلم معاك انا هنام اصلاً اقفلي النور ياأروي وانتي طالعه
أروي قامت وطالعه سليم اتكلم ،
-اقفلي الباب وراكي
أروي اتنفست بفراغ صبر منهم
-حاضر حاضر
قعد قدامي علي السرير وانا بفرك ايدي بعنف علشان معيطش
اتكلم بصوت هادي متحاوط بندم،
-هنا انا اسف حقك عليا
"مسحت دمعتي الي نزلت بضيق ومردش عليه"
مسك ايدي وهو بيقرب،
-انا عارف انتي حاسه بايه دلوقتي بس انا مش شبه عارف ان الي عملته انهارده مش هيغير الي حسيتي ..مكنش قصدي والله العظيم معرفش انا عملت كده ازاي يمكن لان كلامك عن ابن خالتك ده استفزني بس مش مبرر انا عارف هنا علشان خاطري متزعليش
بصتله وانا دموعي مغرقه وشي ومسحت علي وشي بعنف ،
-مستني اقولك اي ؟!!!!!!
بص شويه لوشي وقال ،
-مستني تقوليلي انك مصدقه كلامي
بصيت جمبي وانا بتنفس وبعدين بصتله ،
-انت عارف انت عملت اي ؟! عارف انا حسيت بايه ؟انت عارف انك صدمتني ياسليم انا عمري ماكنت اتوقع ده منك بس الله اكبر عليك مقصرتش انك تخليني اتوقع اي حاجه بقي !!!
-هنا بلاش تقولي كده اوعدك ان مش هيحصل الي حصل انهارده تاني
-توعدني !!!! ماانت وعدني وعملت اي يعني ولا حاجه ياسليم !!! سليم انا انهارده اكتشفت ان مليش حد غيرك انا حسيت بشعور وحش اوي ياسليم وانا مش لاقيه اهل اتسند عليهم مش لاقيه غيرك مش عارفه اروح لمين غيرك بس انت الي مزعلني المفروض اعمل اي !! مكنتش عارفه
خلصت كلامي وانا منهارة دخلني في حضنه بدون تردد وانا ماصدقت قلبي كان وجعني بعده من صدره وانا مش قادره اتنفس
رفع وشي ليه بقلق ،
-هنا ..مالك ؟
رديت وانا بتنفس بضعف،
-مش ق قـا دره اتنفس
كان هيلشني وهو بيقول ،
-لازم نروح المستشفي
وقفته ،
-لاء لاء انا كويسه ع عايزه مايه
نده بعلو صوته ،
-اروي تعااااالي بسـرعه
فتحت الباب بسرعه وعمو وطنط يسرا وراها
-بسرعه هاتي مايه
أروي جرت علي المطبخ
طنط يسرا قربت بقلق،
-مالك يابنتي
عمو قرب هو كمان بقلق،
-مالك ياحبيبتي عملك اي ؟!!
سليم اتنهد بضيق ومردش أروي اجت جابتلي المايه واخدها منها وشربت وبدأت اخد نفسي طبيعي
طنط يسرا وهي بتشاور علي الشباك،
-أروي افتحي الشباك علشان يدخل هوا البت محمرا خالص
"ضحكت بتعب علي أروي الي رايحه جايه ياعيني"
عمو وهو بيضبطب علي راسي،
-اي ياحبيبتي احسن ؟!!
هزيت راسي ،
-احسن اه
بص لسليم وقال،
-نطلعه بره لو تعبك؟
سليم قال وهو بيمسك ايدي،
-لاء انا قاعد معاها
يسرا ،
-طب يلا اطلعو الاكل جاهز تعالي ياأروي حضري معايا
أروي طلعت هي وطنط يسرا وعمو قعد جمبي علي طرف السرير وسليم قدامنا
عمو كان ساند ضهره ومحاوط كتفي بدراعه وشبه اخدني في حضنه بحبه جداً وبحب حنيته الي محستش بحنان الابوه غير من عمو وطنط يسرا الي قلبها ابيض وحنيتها عليا الي ظاهره
عمو فضل يتكلم علي طفولته شويه وعلي شبابه شويه وكان مضحكني الحقيقه وفكني شويه
طلعنا كلنا علشان ناكل وهو قعد قدامي مقدرش اقول اني مش زعلانه منه لا زعلانه وقلبي لسه برده متأثر.. وفرحانه علشان معاملت عمو ليه بتحسسيني اني بنته انا مش هو الي ابنه !! رغم ان عمو بيحب عياله جداً الا ان انهارده اتفأجات بطريقته مع سليم الي حاستها قاسيه شويه
خلصنا اكل وقولت اني داخله انام كنت هقفل باب الاوضه بس سليم وقفه بايده
-هتنامي ؟!
هزيت راسي بأة وانا بحاول مبصلهوش
-انتي كويسه ؟! لسه حاسه انك تعبانه
-لاء الحمدلله كويسه
-طيب انتي هتنامي هنا لي ؟! تعالي نطلع بيتنا
-سليم انا عايزه اريح شويه لو سمـحت متضغطش عليا
-طيب
-طيب شيل ايدك هقفل الباب
-انا عايز ادخل انام !!
-تنام فين دي او..
"مكلمته كلامي لانها اوضه اصلاً مش بتاعتي "
-واوضك برده كل حاجه بتاعتي بتاعتك
-ماشي روح نام في مكان تاني
-لاء هنام هنا
زفرت بضيق ،
-ادخل نام انا هطلع اقعد بره
"طلعت تاني وهو دخل الاوضه وقفلها "
طنط يسرا ،
-منمتيش لي ياحبيبتي ؟!!
ربعت ايدي قدام صدري،
-دخل ينام وانا سيبت الاوضه كلها ليه
طنط يسرا اتكلمت بضحكه ،
-طب واي المشكله السرير كبير ادخلي نامي انتي كمان
قولت بضيق،
-لاء ياطنط انا مبحبش حد ينام معايا
أروي وهي ميته من الضحك،
-امال انتي فوق بتنيمي سليم علي الكنبه ولا اي !!!
بصتلها بقرف والي الي بقوله ده!!
عمو حمدي ،
-سيبوها في حالها لو عايزه تنامي اروح اطلعولك
نفيت براسي ،
-لا ياعمو سيبو خليه يشبع بالاوضه
"""""""""""""""""""""""""""""""""""""
سليم في الاوضه رايح جاي مستني ترجع تاني هو دخل علشان يطمن انها مش هتنام زعلانه حتي ولو شويه
بعد نص ساعه زهق وكان هيطلع يقولها نطلع البيت بقي وكفايه قعاد بس موبايله رن برقم مازن
-ايوا يامازن
اتكلم وهو بيتنفس بعصبيه،
-سليم …هاشم وافق علي الشروط وو
-لا يامازن انا رفض عرضه وولقيت واحد غيره مش ازمه ان شاء الله فيه واحد وهيجي بكره او بعده بالكتير وهنتفق
-فارس وافق ووقع علي التعاقد ياسليم
عقد حواجبه بعصبيه ،
-نعم !!!!! وافق ازاي يعني انا قولته لاء هو بيتصرف من دماغه
-معرفش بقي ياسليم لسه توقيعك هتعمل اي ؟!
-مش موافق طبعاً خليه بقي هو الي يشتغل معاه لوحده
-سليم انا شايف ان منرفضش وخلينا نشتغل مع بعض والله اعلم الخير فين
-مازن انت كمان متعصبنيش الي اسمه هاشم ده بيقولي الصبح انه هيوافق علشان مراتي بنت خالته ؟!!
-طلع قريب مراتك !!
-ايوا ….لاء وبيقولها بطريقه بارده تعرف لو كان بيتكلم زي البنأدمين الطبيعين عادي مش هرفض
-بيقولها ازاي يعني ياسليم بطريقه الضفادع!!!
-اقفل يامازن علشان متخلنيش اجيلك دلوقتي
ضحك غصب عنه،
-طيب هنعمل اي دلوقتي؟!
بتنهيده ضيق من اخوه،
-معرفش ومعتش تتصل بيا كل اتصالتك بتعصبني يامازن
-انا غلطان فعلاً اقفل اسليم
""""""""""""""""""""""""""""""""""""
كنت بفتح عيني بصعوبه ،
-انا هقوم انام مش قادره
طنط يسرا ،
-ماشي ياحبيبتي
أروي قامت هي كمان،
-وانا كمان هنام
طنط اتكلمت،
-معلش ياأروي اعمليلي كوبايه قهوة بتعمليها حلوه اوي
ضحكت وانا ببص لأروي ياعيني الي تعبت من الصبح ،
-باي ياأروي بصحيني علي الفجر
بصتلي بقرف ،
-اكيد مش هتنامي للفجر ده لسه الساعه 9
-براحتي انام زي مانا عايزه
شاورتلي بغيظ،
-روحي ياهنا امشي من قدامي دلوقتي
ضحكت عليها ودخلت الاوضه فكرته هيكون نايم بس لقيته واقف بيبص من الشباك وهو صوته نفسه عالي مهتمش ليه وهو اخد باله اني دخلت
لفلي وقال ،
-هتنامي
-اة ممكن انام علي السرير وانت تقفل النور بس لما اقولك اقفل ماشي ؟
ابتسم بهدوء ،
-ممكن
روحت نمت فعلاً وهو متابعني اتغطيت كويس وقولت ،
-اقفل
قفله فعلاً والاوضه كانت ضلمه اتكلمت وانا كاتمه نفسي في المخده ،
-لاء الاوضه دي ضلمه اوي افتح النور
حسيت بيه بيقعد علي السرير ومردش عليا قلبي دق بخوف
-اي ده!! سليم بكلمك !!
حضني من ضهري وقال بهمس ،
-متخافيش نامي وانا جمبك
اتنهد براحه ومردش عليه وفضلت شويه سرحانه لغيت مانمت
<<بعد سااعات
اتقلبت في السرير وفتحت عيني بانزعاج من رنه الموبايل حطيت ايدي جمبي وسليم كان نايم
قولت بنوم،
-سليم الموبايل
الشمس كانت دخلت من الشباك ولكن الستاره كانت مانعها بشكل خفيف
رد علي الموبايل وانا بصيت علي الساعه وكانت 9 الصبح !!! انا نمت كل ده !!
قام وقف بنوم ،
-اوف راحت عليا نومه
-هجهز ونازل سلام
طلع بره الاوضه وشكله كده طلع البيت يجهز
كنت هنام من تاني ولكن الباب اتفتح ودخل منه بسرعه
-هنا انا رايح الشغل عايزه حاجه ؟!
-لاء
قرب وباس راسي ومشي بسرعه
اتنهد بضيق من نفسي معقول انا الي مش كويسه معاه !! نفخت بعصبيه ومن ريحه البرفيوم بتاعته الي لسه في الجو نمت من تاني
""""""""""""""""""""""""""""""""""""""
مازن دخل مكتب سليم
اتكلم بعد لما قعد قدامه ،
-سليم ..هاشم اجي وعايز الامضى بتاعتك
-انا قولت اخر كلامي يامازن مش هشتغل معاه
-سليم انا شايف نوافق انت اكيد مش عايز تضر الشركه
-وعلشان كده انا مش حابب اشتغل معاه
-وفارس اخوك هتعمل اي هتتشاكلو يعني !!!
-هو اخد قراره بنفسه خليه بقي يكمل
فارس دخل عليهم وهو بيحط ورق قدام سليم ،
-سليم وقع خلينا نبدء الشغل
سليم بص علي الورق وبعده علي فارس ،
-انت اخد قرارك مع نفسك!! وانا قولتلك من الاول لاء مش كده!
-ده شغل مش وقته غيره ياسليم مش علشان واحده ست تعمل كده ودخل ده في ده !!!
سليم اتكلم بعصبيه ،
-فارس انت بتتكلم عن مراتي يعني اتكلم باحترام
-وانا مغلطش الراجل مغلطش في حاجه يعني بنت خالته ووافق علي الشروط علشان خاطر القرابه
بنفي واصرار ،
-وانا مش موافق
بص في ساعته وكمل ،
-في واحد هيجي كمان ساعتين هنقعد وهنشوف لو اتفقنا هنمضي علطول
فارس بضيق ،
-يعني انت هتصغرني قدام الراجل علشان دماغك الناشفه ؟!!!
رفع كتافه ،
-انا مصغرتكش انت الي مشيت من دماغك من غير حتي ماترجعلي يبقي تتحمل الي عملته
قبل لما يطلع اتكلم،
-ماشي ياسليم خليك فاكر عملتك دي
طلع ومازن بص لسليم وقال،
-شكله متعصب اوي
-خليه يتعصب اعمله اي يعني !!!
"""""""""""""""""""""""""""""""""""""
طنط يسرا صحتني علشان الفطار قومت صليت وبدائنا ناكل انا وعمو وطنط وأروي راحت الكليه
عمو اتكلم بعد لما بصلي ،
-هنونه عامله اي دلوقتي؟
ابتسمت بهدوء ،
-بخير ياعمو
طنط يسرا ضبطت علي ضهري ،
-شكلك احسن ياحبيبتي انهارده هعملك اكله بتحبيها
-اي ؟!!
-كشري
ضحكت بانشكاح،
-حبيبتي هساعدك فيه
-لاء انتي خليكي مرتاحه
بعد شويه طنط دخلت المطبخ علشان الاكل وانا كنت قاعده مع عمو في الصالون
اتكلمت ،
-عمو انا مش عارفه اقولك اي علي امبارح وعلي وقوفك جمبي رغم ان سليم الي ابنك بس بجد بشكرك ..انت حسستني بالابوه وان حد واقف في صفي لأول مره احس بالشعور ده
ابتسم وهو بيضبطب علي كتفي ،
-هنا انتي بنتي وانا قولتلك كده اول لما اتجوزتي وحتي لو ابني فا الغلط غلط مش هننكر ده واوعك تشيلي هم ولا تزعلي طول ماانا جمبك
ابتسمت بهدوء كمل هو ،
-وحتي لو انتي الي مزعلا هو الي يصالحك برده
"خلص كلامه بهزار وانا ضحكت معاه "
أروي رجعت من الكليه ودخلت تنام شويه
وبعد ساعات
سليم رن الجرس ودخل بعد ماطنط فتحتله
قعد جمبي وقال بصوت مرهق ،
-كويسه انهارده ؟!
مكنتش عايزه ارد عليه بس علشان عمو قاعد مردتش احرجه
-كويسه
عمو اتكلم ،
-اخوك كلمني وبيقول انك خليت شكله وحش قدام ابن خاله هنا صح الكلام ده ؟
ضحك بسخريه وقال ،
-هو لسه بيشتكيلك !! علي العموم هو الي اخد القرار من نفسه من غير مايرجعلي فاخليه يبقي شكله وحش بقي مليش فيه
عمو اتكلم بضيق بعد لما اتعدل في قعدته ،
-يعني اي الكلام ده !!! احكي الي حصل من الاول
"كنت سامعه وانا مش فاهمه حاجه بس مش عايزه اي مشكله تحصل بسببي "
سليم كام هيتكلم بس جرس الباب رن طنط يسرا سمعتها بتقول
-ادخل يافارس
ولان الباب بعيد حبتين عن الصاله فادخلت بسرعه علشان البس الاسدال
فارس دخل وقعد قدام حمدي وبقي هو وسليم قاعدين قدام ابوهم
فارس اتكلم بعصبيه مكبوته ،
-شوفت ياحج الي ابنك بيعمله!!
""""""""""""""""""""""""""""""""""""
رائيكم في موقف سليم مع اخوه صح ولا؟
وان سليم ندمان ولا؟!