رواية وجع الماضي امل ومنصف الفصل السادس 6 بقلم امل بكر
رواية وجع الماضي امل ومنصف الفصل السادس 6 هى رواية من كتابة امل بكر رواية وجع الماضي امل ومنصف الفصل السادس 6 صدر لاول مرة على موقع التواصل الاجتماعى فيسبوك رواية وجع الماضي امل ومنصف الفصل السادس 6 حقق تفاعل كبير على الفيسبوك لذلك سنعرض لكم رواية وجع الماضي امل ومنصف الفصل السادس 6
رواية وجع الماضي امل ومنصف الفصل السادس 6
فارس اتكلم بعصبيه مكبوته ،
-شوفت ياحج الي ابنك بيعمله!!
حمدي اتكلم بحديه،
-اي الي حصل !!
"فارس حكي الي حصل وسليم كمان "
حمدي وجه كلامه لسليم،
-ولي رفض ياسليم مفيهاش مشكله لو قالك كده!!
فارس بسخريه ،
-كل ده علشان مراته وغيره هايفه
سليم ضغط علي ايده وقال بتحذير ،
-فارس لاخر مـره اظبـط كلامـك
-اي كلامي غلط!!! بيدخل الشغل في حاجات ملهاش لازمه
"وهنا وكان سليم فاض بيه وهجم علي فارس بعصبيه وضربه في وشه ولكن عمو بعدهم عن بعض وهو بيزعق "
-بسسس بتضربو قدامي !!!!!
"كنت سمعت كل كلمه فارس قالها وضربه سليم ليه "
فارس حط ايده علي الضربه وقال بعصبيه ،
-ماشي ياسليم بتمد ايدك عليا !!
سليم بعصبيه متقلش عنه ،
-وهمد تاني لو جبت سيرتها تاني يافارس ..انا عمري ماغلط في حد يخصك يبقي تحترم نفسك ومتغلطش
-علشان انا عمر ماحد من طرفي وقع بينا
سليم عقد حواجبه لما فهم كلامه ،
-وقع بينا اي !!! مراتي عمرها ماجابت في سيرتك بالوحش وهي ملهاش علاقه باي حاجه انت عايز تشتغل معاه وانا الي مش موافق
عمو اتكلم بحده ونفاذ صبر منهم ،
-فارس مدخلش مرات اخوك في حاجه وانت ياسليم مش لقيتو واحد غيره
-ايوا لقينا ومضينا كمان انهارده بس مش فاهم كان بينو وبين هاشم ده قصه حب ولا اي !!!
خلص كلامه بسخريه
عمو اتكلم ،
-وانت عايز اي دلوقتي يافارس مش مضيتو مع واحد غيره لي معلق عليه خلاص سيب امبارح لامبارح
شاور بايده بنرفزه ،
-علشان هو مقدرنيش وانا اكتر حاجه بكرها ان حد يصغرني قدام حد وهو اكتر واحد عارف كده ومهمهوش شكلي
خلص كلامه ومشا من قدامهم ورزع الباب وراه وأروي صحت من الصوت
سألتني وهي بتفرق في عنيها ،
-هو في اي؟!!!
بصتلها وقولت بتهوان،
-شكلهم اتشاكلو بسببي
بعدم فهم ،
-هما مين دول !!!
-اخواتك
طنط كانت واقفه في المطبخ دخلتلها علشان اساعدها وأروي اجت تحط الاكل بعد لما جهز
كنا قاعدين كلنا لاحظت سليم الي مأكلش وعمو كمان وانا مجليش نفس اكل
دخلت الاوضه وكلام فارس عمال يتردد مش فاهمه انا عملت اي مفهمتش غير سيره هاشم ابن خالتي بس برده عملت اي انا !!!
حمدي اتكلم ،
-ادخل لمراتك اكيد سمعت الكلام
"سليم فعلاً قام وخبط علي الباب"
-ادخل
قعد قدامي واتكلم بعد اخد نفسه ،
-اكيد سمعتي كلام فارس
بصتله وقولت،
-سمعت مش فاهمه الي حصل واي علاقته بيا !!!؟
"حكالي الي حصل وانا اتكلمت وانا برفع كتافي "
-ولي مشتغلتش معاه كل ده علشاني !!!
-مش فاهم وانت عايزاني اشتغل مع واحد كان عايز يتجوزك !!!!
ضحكت بسخريه ،
-انت بتقول اي بجد!! الكلام الي بتقولو ده زمان جداً وكان مجرد كلام مع امي وبس يعني انا مكنتش موافقه من اساسه !
-ولو انا مش عايز اشتغل معاه براحتي
-ايوا بس ده خلا يبقي فيه مشكله بينك وبين اخوك
-انا معملتش مشكله هو الي عملها من نفسه
-انت مديت ايدك عليه
اتكلم باستنكار ،
-يعني بيجيب سيرتك وبيقول انك السبب وانتي اصلاً متعرفيش حاجه وعايزاني اسكت؟!
-بس ده اخوك !!
-يعني اي اخويا يقل ادبه !!!
-مش قصده مش ديماً بتقول انه بيقول كلام مش حقيقي وهو متعصب
-لاء يبقي يجي عند النقطه دي ويقف
-انا مش عايزة اكون السبب في حاجه
-وانتي مش السبب
اتنهد وقولت ،
-روح اتأسف لاخوك ملكش غيره هو اكيد مش قصده
بصلي وقال بنرفزه من كلامي ،
-هو اي الي بتقولي ده ياهنا !!! يعني يتكلم بالطريقه دي عنك وبتكوني مرات اخوه وعايزاني انا الي اروحله
-معلش ياسليم هو اخوك برده
قام وقف بعدم رضا عن كلامي ،
-هناا اسكتي بجد كلامك كلو غلط في غلط
سكت ومردتش عليه وانا بفكر دلوقتي اني فعلاً انا مليش دخل في اي حاجه ولكن انا حاسه بالذنب قطع تفكير صوته الي هدي عن الاول
-تعالي نطلع بيتنا كفايه قعاد
رفعت عيني فيه ،
-انا مش هطلع وسيبني شويه لوحدي انا منستش ياسليم
قعد قدامي وقال ،
-متزعليش ياهنا والله العظيم انا ندمان ومضايق من نفسي ونفسي امبارح يتمحي من دماغي قبل لما انتي ذات نفسك تنسي
كنت ببصله وهو بيقول كل كلمه بصدق ولكني كنت حابه اقعد هنا علي الاقل يومين كمان.. اتسلل جوايا فكره وكأني حابه اشوف هو فعلاً مضايق من الي عمله!!! ولا اي !!
-معلش ياسليم سيبني
-ماشي ياهنا بس هبقي معاكي انا كمان
قولت باستنكار ،
-يعني انا قاعده هنا علشان ابعد عنك تقولي هتبقي معايا
-تبعدي عني للدرجه مش طايقاني ؟!!!
بعد عيني عنه ،
-مش بالظبط بس ان..
قاطعني ،
-خلاص ياهنا وصلت انا هطلع انام في بيتنا وانتي حطي عقلك في راسك واطلعي مش هستني كتير
خلص كلامه بضيق واضح ورزع الباب وراه خلاني اتخض بصيت في الفراغ وكلامه بيتعاد ثانيه اتنين ولقتني بنفجر في العياط
الباب خبط مسحت دموعي بسرعه ودخلت اروي من ورا الباب قربت مني
-هنا مالك؟! سليم طلع البيت وهو متعصب انتو اتشكلتو تاني ؟!
هزيت راسي بنفي
-طب امال اي الي حصل ؟!!
بلعت ريقي وقولت ،
-شكله زهق ومش عايز يحاول تاني يصالحني
اخدتني في حضنها ،
-معلش ممكن هو بس متعصب دلوقتي هتلاقي بكره ناطط ويقولك متزعليش
-لاء ده شكله زهق ياأروي
-طب خلاص متعيطيش
"كنت متوقعه ينزل تاني ولكن لاء مجاش طلعت قعد معاهم وكلامه بيتعاد في دماغي باصه للتلفزيون بس شايفا هو وهو بيقول اخر كلامه "
عمو ،
-يلا انا هدخل انام وانتو كمان الساعه 1
"دخلنا فعلاً كلنا ننام وفضلت قاعده علي السرير مش عارفه انام مسكت موبايلي وفضلت باصه علي رقمه دقيقه اتنين وبعدين قفلته وحطيته جمبي قومت وقفت راحه جايه في الاوضه "
"تكيت علي اسناني بغيظ من كلامه يعني اي مش هستني كتير !!!! بعدين قولت معلش يمكن متعصب علشان اخوه وكده ..بعدين قولت ده هو بيزعل من اخوه انه بيقول كلام غلط في وقت عصبيته طب ماهو شبه مايختلفوش عن بعض !!! ولا كلامه ده من قلبه !!!"
رجعت قعد علي السرير ونمت غصب عني …
فتحت عيني شوفته قدامي وقريب مني باس راسي وخرج من تاني نمت
فات يوم واتنرفزت اكتر ولا اتصل ولا اجي ولا عبر فضلت قاعده بليل علي السرير يمكن يتصل بس لاء نمت بغيظ صحيت علي صوت أروي
-بت ياهنا اصحي بقي
-اممم في اي !!!!
-اصحي اصحي معزومين خالو اجي من السفر وعازمنا في بيته
بنوم ،
-يوووه ياأروي وانا اعمل اي
-يابنتي العزومه انهارده يعني كمان شويه ونازلين يلا بقي قومي خلينا نجهز
قومت من زنها دخلت اخد شاور وخرجت لقيتها في وشي
-هااا هتلبسي اي ؟
-هو انا جايه معاكو
-ايوا يابنتي عزمنا كلنا بقولك وسليم قالي اعرفك
بضيق ،
-ولي معرفنيش هو !!!!
وهي بتوه في الكلام ،
-المهم يلا اطلعي البسي وتعالي هستناكي
طنط يسرا ادخلت ،
-هنا كويس انك صحيتي يلا اجهزي علشان معزومين
أروي وهي داخله اوضتها علشان تكمل تجهيز ،
-عرفتها ياماما
يسرا ،
-طيب يلا ياحبيبتي متتأخريش اجهزي يلا
خلصت كلامها ودخلت تجهز هي كمان باستعجال ..طلعت فعلاً دخلت اوضي وفتحت الدولاب اخد منه فستان هادي لونه اسود كنت جيبا جديد لبسته وخلصت فتحت باب الاوضه علشان انزل
شهقت بخضه وانا شايفا قدامي وكان لسه هيدخل
حطيت ايدي علي قلبي وقولت بضيق ،
-اوف خضتني مش كده !!
بسخريه دخل وقال ،
-لي نسيتي اني عايش هنا ولا اي !!
مردتش عليه ونزلت كان لسه بيجهزو قعد علي الكنبه وفتحت الموبايل وشويه وخلصو كنا لسه واقفين علي السلم وهو نزل كان لابس زي.. تيشرت اسود هيتفرتك من عليه وبنطلون ابيض
اتنفست بضيق لاني بقوله مش بحب يبين جسمه كده أروي بصتلي وهي بتغمزلي
-اي ياعسل اجيب مايه تطفي الحريق
"بصتلها بقرف بعد لما فهمت قصدها"
نزلنا كلنا وهو بصلي وقال بعد لما فتح باب العربيه الي جمبه ،
-تعالي اركبي
ركبت فعلاً وطول طريق مبوزه اتكلم هو وقطع السكوت ،
-وحشتيني
قلبي دق فجأة اي ده هو فجأني كان ممكن انجلط علفكره معرفتش ارد لساني ارتبك وكأني لسه مخطوبه !!
ضحك بصوت عالي بعد لما بصلي ،
-انتي مكسوفه !!!
"""""""""""""""""""""""""""""""""""""