رواية وجع الماضي امل ومنصف الفصل السابع 7 بقلم امل بكر
رواية وجع الماضي امل ومنصف الفصل السابع 7 هى رواية من كتابة امل بكر رواية وجع الماضي امل ومنصف الفصل السابع 7 صدر لاول مرة على موقع التواصل الاجتماعى فيسبوك رواية وجع الماضي امل ومنصف الفصل السابع 7 حقق تفاعل كبير على الفيسبوك لذلك سنعرض لكم رواية وجع الماضي امل ومنصف الفصل السابع 7
رواية وجع الماضي امل ومنصف الفصل السابع 7
ركبت فعلاً وطول طريق مبوزه اتكلم هو وقطع السكوت ،
-وحشتيني
قلبي دق فجأة اي ده هو فجأني كان ممكن انجلط علفكره معرفتش ارد لساني ارتبك وكأني لسه مخطوبه !!
ضحك بصوت عالي بعد لما بصلي ،
-انتي مكسوفه !!!
بصتله بضيق وقولت ،
-انا مش بتكلم معاك وبعدين هتكسف من اي يعني !!!
-اه اه واضح وشك هينفجر
بصيت جمبي من الشباك وانا بضحك بجانبيه مسك ايدي وقال
-خلاص بقي كفايه زعل حقك عليا طب تعرفي انا معرفتش انام اليومين دول كويس علشان انتي مش جمبي
بصتله وقولت بسخريه ،
-لا فعلاً واضح ده السرير مكنوش كنشه باين قد اي كنت مرتاح علي الاخر وواخد راحتك
غمزلي ،
-لا واخده بالك فاهمه غلط ده انا عمال افرك من الزعل
-اممم
-طب اي اكيد انتي بتحبيني ومش هتبعدي اكتر من كده صح ؟!
-يعني انت بتستغلني علشان انا بحبك !!!
-اكيد لاء يعني بس مش ههون عليكي وهترجعي البيت بقي
-علفكره انت الي المفروض تصالحني !!
-طب مانا بعمل كده اهو
-لاء مش حاسه
وصلنا قدام فيلا خال سليم وضحكت جوايا عليه وعلي محاولاته اصل بصراحه حبيت اللعبه وعايزه اكمل الله شكلو حلو وهو بيصالحني
دخلنا وانا ماسكه دراعه واهلو وصلو قبلنا خال سليم قرب واخد سليم بالحضن وبعديه سلم عليا وابن خاله عبدالله وبنت خاله رحمه
قعد وانا قعد جمبه وانا بحط رجل علي رجل بدوء يتكلمو في مواضيع وانا مش شغاله بالي غير في اني ارجع البيت بقي ولا اسيبه شويه ؟!! هو الصراحه انا معتش زعلانه بس في نفس الوقت حابه اوي وهو بيحاول يصالحني وكمان وحشني البيت بشكل
قطع تفكيري صوت خالو ،
-اي بقي مش هتجيبو عيل نلعب بيه؟!!
ضحكت بسخريه جوايا قال نلعب بيه قال مايشتري احسن من السوق لعبه بلاستيك !!
سليم رد عليه بضحكه ،
-اكيد طبعاً هنجيب عشره كمان
ضحكو كلهم وانا بصتله بغيظ عشره اي !!!
هز راسه الي هو اي !!
بهمس وانا عامله نفسي بضحك ،
-انت بتقول اي ؟!! هتجيبهم مع نفسك يعني ولا علشان ولا بتتعب ولا بتعمل حاجه الكلام سهل !!
-مالك ياهنا كلنا هنساعد
-بس بس كل ده كلام في الهوا
-الله مالك ياهنا متنرفزه كده لي ؟!!
-بس ياسليم بس علشان انت معصبني كلك علي بعضك
ضحك ضحكه لعوبه وهو بيقولي في وداني بهمس ،
-للدرجه التيشرت عامل مفعول
"بعد وهو بيبص علي ملامحي المندهشه"
-تيشرت اي وبتنجان اي انا اصلاً مختش بالي انت لابس اي
قطع كلامنا دخول فارس ومراته امنيه سلمنا علي بعض ولحظت سليم الي مسلمش علي فارس
لاحظت امنيه الي بتبصلي بضيق وكأني عملتلها حاجه !!ممكن يكون فارس حكلها موضوع الشغل وهي فكرت زيه اني السبب مثلاً!!!
خالو قال ،
-طيب يلا ياجماعه الاكل جهز
قومنا كلنا وقاعدنا علي السفره طنط يسرا كانت فرحانه برجوع اخوها جداً وده كان باين علي وشها
وبعد الاكل قومت علشان اساعد واشيل الاكل بس مرات خال سليم وقفتني
-بس ياحبيبتي متتعبيش نفسك
-لا ياطنط عادي والله
-انا ورحمه هنشيل علطول اصل الخدامه مجتش انهارده اقعدي استريحي انتم ضيوفنا
هزيت راسي بهدوء ودخلت غسلت ايدي ووسط ماكلنا قاعدين وبنتكلم فارس لفت انتباهنا وقال
-طيب بما اننا متجمعين عايز اقولكم خبر حلو
اتعدلنا كلنا في قعدتنا بانتباه وانا كنت مستنيه الي يقولو لان كان باين انه خبر حلو
فارس بص لامنيه بابتسامه وبعدين بصلنا كلنا ،
-امنيه حامل
اندهشنا كلنا بفرحه وبركنالهم وقومت حضنتها
-مبروك ياامنيه الله يجعله ذريه صالحه ليكم
ردت عليا بهدوء وحب وهي بتحضني غير نظراتها ،
-الله يبارك فيكي عقبالك يارب
ابتمست بهدوء وروحت قعد مكاني وابتسمت وانا باصه لسليم وهو بيحضن فارس وبيباركلو وبعدين ادخل خال سليم بهزار وعمو كمان وطلعو هما الاربعه بره في الجنينه كنت شيفاهم من ورا الازاز
طنط يسرا اتكلمت بفرحه واضحه ،
-احسن خبر سمعته والله عرفتو امتي ياامنيه ؟!
-لسه امبارح والله ياطنط
-بقي كده ومتقولوش
-كنا عايزين نتجمع علشان نعملكم مفأجاة
-اجسن مفأجاة والله
-لسه قايله لماما الصبح عاملا تزغرط ومش مصدقا
بلعت ريقي وحسيت ان المكان سخن فجأة بحب جداً اسمع الحكاوي وحب الام لعيالها واجواء العيله بس انا كنت شايله وقت لما ابقي حامل ياتري اهلي هيفرحو؟ معرفش .. هما اصلاً مش بيسألو عليا وكل لما بتصل كلام علي القد عامله اي وبس موحشتهمش؟! وحاسه ان الكلام اجي علي الجرح
مرات خال سليم ،
-الله يباركلك فيها
-عايزاني اروحلها اقعد معها في وقت الحمل
طنط يسرا بتصنع الغيره ،
-وانا كمان هتجيلي تقعدي عندي ولا اي !!
امنيه بضحكه،
-لا طبعاً هجيلك بس علشان دلوقتي هنا عندك بلاش زحمه في البيت
خلصت كلامها وهي بتبصلي وفي الوقت ده سليم والباقي دخل وهما مبتسمين
رديت عليها بابتسامه هاديه ،
-لا ياحبيبتي انا في بيتي دلوقتي كنت بس بغير جو عادي
سليم قعد جمبي من تاني وهو بيسمع بنقول اي
امنيه ،
-طب كويس عقبال لما تجيبي البيبي
مسكت طرف فستاني بخنقه لي مصره تضايقني!!
مردش عليها ابتسمت وبس
سليم اتكلم بابتسامه وهو بيقوم يقف ،
-نستأذن احنا اكيد هنتجمع تاني
خالو قال ،
-طب لي كده ده لسه بدري ؟!
-معلش ياخال ورانا مشوار
مرات خالو قالت ،
-ماشي مش محسوبا المرادي وانتي ياهنا بتعالي عرفت تختار ياسليم شكلها محترمه اللهم بارك اوعك تزعلها
قومت وقفت وانا مبتسملها وسليم حضن مرات خالو وقال بهزار ،
-حبيبتي يامرات خال بس اخر كلمتين غلط معتيش تقوليهم تاني
ضحكت هي كمان وهي بتضربه بخفه ،
-يبقي مزعلها تعالي ياحبيبتي اقعدي معايا وسيبي الولا
ضحكنا وسلمنا عليهم وطلعنا بصتله ،
-لي مشينا ؟!
-علشان مضايقه
-مضايقه !! مين انا ؟!
-ايوا انتي
-انا مقولتش اني مضايقه القاعده لطيفه يعني
"خلصت كلامي وانا مش عايزا يفهم حاجه"
فتحلي باب العربيه وقال ،
-انتي لي مش بتحبي تقولي الصراحه
ركبت وهو لف وكمل ،
-انتي مش بتضحكي غير علي نفسك وبس
-لي كل الكلام ده انا مش بخبي بس مش كل حاجه هحسها هقولها !
دور العربيه وبصلي بضيق ،
-ولي متقوليش ؟! هتخبي جواكي وهتستفادي اي ؟!
-مش هستفاد حاجه بس هصدع الي قدامي
بصلي وقال،
-انتي بتخدي القرار من نفسك!! تقدري تحكيلي الي حاسا ياهنا
بصيت قدامي ،
-متعودش علي كده
-يبقي تتعودي
-بس انت كده هتزهق
كملت بسرعه وبضيق ،
-عملت اي يعني لما حكلتك حزني عملت اي !!! كررته تاني يبقي الافضل معتش احكي حاجه
اتنفس بصوت مسموع وهو باصص قدامه علي الطريق ثانيه اتنين وقال
-انا اسف فعلاً غلط وعلفكره الموضوع كله غلط مش علشان انتي حكتيلي بس يعني مينفعش مد الايد من اساسه
مردتش عليه اتكلم من تاني
-انتي لسه زعلانه بجد ؟! قولي الصراحه
ابتسمت بجانبيه لاني مبقتش زعلانه وعندي احساس اني مش هيكرره تاني بس في نفس الوقت خايفه وده مش بايدي
-خايفه ليحصل تاني ياسليم
مسك المصحف الي في العربيه ،
-والمصحف ده وعهد بيني وبين ربنا مش هيحصل تاني ابداً ابداً
خلص كلامه وبصلي ابتسمت وقولت وانا برفع حاجبي ،
-انت واخد بالك؟! انتي خلفت ومينفعش تعمل غير كده !
هز راسه بتأكيد ،
-وانا علشان كده حلفت متزعليش
ضحكت بصوت عالي وقولت ،
-طيب خلاص مش زعلانه
-اي ده انا بقالي كتير مشوفتكيش بتضحكي !
-احسن انا اصلاً عايزه اقعد عند عمو كمان يومين كده
-ولا ربع يوم كفايه الي فات انا سيبتك علي راحتك علي الاخر
-انت مكنتش بتاكل؟!
قال بدراما مزيفه ،
-ابداً ده انا هفتان حتي بروح الشغل دايخ مش عارف اركز
-ياحبيبي للدرجه
-اه والله وحشني اكلك
-اممم والهدوم اخبارها اي كنت بتغسل ؟!
-الهدوم ده حكايه تانيه امبارح فضلت ابص علي الغساله ساعه بالظبط اني افهم
-اي فهمت؟!
-لا مفهمتش برده قولت فين هنا حبيبتي بتخلي الهدوم شمعه سودا
-نعم!!!
-احم اقصد يعني بتخليها نضيفه جداً
-وانت بقي عايزني علشان كده مش كده
-هو في غير كده!
-نعم !!!
-اقصد انك وحشتيني جداً ماكفايه تحقيق والله عرقت بصي وشي اصفر
ضحكت عليه اتكلم هو من تاني
-مالك بقي واضح انك كنتي مضايقه هناك في حاجه حصلت ؟!
-ا اي لاء مفيش
-قولي ياهنا لو سمحت مالك ؟!
اتنهد وقولت يمكن هو يفهم لاني مش فاهمه ،
-امنيه معرفش كلامها بقي بيضايقني وكأنه قصدها
بصلي بانتباه وبينقل نظره بين التانيه والتانيه علي الطريق ،
-لي اي الي حصل ؟!
حكتله وبعد لما خلصت قولت،
-مش فاهمه بقي حاجه !
-بالنسبه انها كررت كلامها مرتين فانا كده هدخل وهزعلها
خلص كلامه بضيق واضح لفيت بجسمي وانا بقوله بخوف ليدخل فعلاً
-سليم اوعك تدخل والله هزعل جداً منك يمكن هي مش قصدها حاجه وانا الي بفهم غلط
سكت وقولت من تاني ،
-انت لو قولت حاجه بجد هزعل…انا اصلاً غلطانه اني حكتلك
-اصل لي الكلام بالطريقه دي مش فاهم!!!
-طيب خلاص المفروض انا الي اقول كده مش انت ..مكنتش اعرف انك هتزعل كده مكنتش قولت من الاول
كان عاقد حواجبه بضيق وبعد شويه قال،
-مع علينا من المواضيع دي بس بقوليلي اي حاجه انتي حابه تحكيها او مش عايزه حتي اي حاجه
قولت وانا مش متقبله فكره احكي الي حاسا ،
-ماهو انت ممكن تصدع
-باخد برشام صداع ياستي
-افرض ملاقتش في الصيدلايات
-اعمليلي كمادات
-افرض المايه قاطعه
-يبقي كده مفيش غير حل واحد
-اي هو !!
-تبوسيني والصداع هيسافر المريخ
فتحت عيني ،
-قول كده انت واحد قليل الادب
-الله يسامحك انا الكل يشهد باخلاقي
-يعني سافل معايا بس !!
بصلي وقال بسماجه ،
-يعني ابقي قليل الادب مع الي بره
شديته من التيشرت الي فرحان بيه ده ،
-اعملها وانا هوريك قله الادب علي حق
-بموت فيكي وانتي شريره
سيبته وانا بحاول مضحكش بصيت علي التيشرت وقولت ،
-والتيشرت الي هيتقطع عليك ده شكلك بشع
حط ايده عليه من علي صدره ،
-ده انا حاسس انه هياكلني مش هياكل حته بس ..بفكر اغير الاستايل بتاعي واخليه كله كده اي رائيك؟
وانا بحاول اقنعه انه وحش ،
-فكرة طين ..علفكره التيشرتات والقمصان مش بيليقو عليك
رفع حاجبه وهو مش مصدقني ،
-ياسلام !!! انتي الي بتقولي كده .. معلش يعني المفروض البس اي فلانه قطونيل لوحدها!!
-لا طبعاً عيب انت ممكن تغير استايلك لجلاليب واسعه كده شرحه وبرحه
-جلاليب!!!
-ايوا وانا هلبس عبايه سودا ونسافر الامارات بس مينفعش العبايه تكون ساده
-امال المفروض تبقي ازاي ؟!
شاورت علي ايدي وانا مبتسمه بانشكاح،
-لازم شويه دهب كده علشان الحلو يكمل
-شويه دهب انتي بتتكلمي ببساطه كده لي ؟!!
-يعني انا يغلي عليا الدهب يارجلي؟!
-لا طبعاً يامرتي
غيرت لهجتي وانا بقول ،
-والله كنت عارفه ان چوزي هيبسطني يلا يانور عيوني خلينا نعدي علي محل الدهب
قال بنفس لهجتي،
-اتهبلتي يامرا في عقلك ولا اي عايزاني اخدك معي محل الذهب !!!!
حطيت ايدي علي بوقي بكسوف ،
-غيران عليا يانور عيوني !!
-لا مش كده بس انتي مش لابسه عبايه لو حد شافك كده هيكتب علي نفوخك جبتلنا العار
-لي كده ماالفستان حل اهو وواسع حتي
-لا مقدرش اخاطر بيكي ياحبيبت قلبي السنه الجايه ان شاء الله نكون اشترينا عبايه ونچبلك الدهب الي نفسك فيه
-بعيد قوي سنه يانور عيوني ماالفلوس اهي في الكرسي الي ورا كتيره وماليه الكنبه
-ياحبيبت قلبي انا دي فلوس الفيلا الچديدة
-ياحبيب عيوني انا هتشتريلي ڤيلا !!!
بصلي وهو بيحاول ميضحكش وبيكمل بنفس اللهجه ،
-انتي عارفه انتي مرتي الاوله ونور قلبي بس دي ڤيلا مرتي التانيه
اتكلمت عادي وقولت بضيق ،
-اي ده !! بس بس قفلتني
ضحك وهو فطسان ضحك ،
-مش قادر !!
ضحكت انا كمان ،
-شكلك مسخره وانا بتتكلم
وهو مزال بيضحك،
-مش اقل منك
"""""""""""""""""""""""""""""""""""""
رجعنا البيت وبعد كام يوم فارس وامنيه اجو عند حماتي وحمايا تحت وسليم الي عرفني
-مش هتنزلي؟!
نفيت براسي وانا باكل من الكيكه،
-لا مش عايزه
-مش هضايقك ولو قالت حاجه هرد انا
بصتله وقولت ،
-لا ياسليم لو سمحت متاخدش موقف منها بسببي انا عادي مش مضايقه يعني
-امال مش عايزه تتزلي لي ماما قالتلي انها عايزاكي تقعدي معاهم
-مش عارفه حاسه ان مليش مزاج
-طب خلاص علي راحتك
-انت نازل ؟
-اه
-طب مين الي تحت ؟
-مبصتش كويس بس اهل مرات فارس تحت برده
-ممم طيب استني البس الاسدال وانزل معاك
-اي الي اتغير !
رديت عليه وانا داخله اجيب الاسدال،
-يعني الناس تحت لازم انزل اسلم برده
"نزلنا مع بعض وزي ماقال اهل امنيه موجودين امها وابوها واختها الي اكبر منها بسنتين كنت اتكلمت معها مره كلام بسيط "
وكنا كلنا قاعدين بيتكلمو ومندمجين وامنيه واختها سلمي قاعدين جمب بعض وبتهامسو وعين سلمي باصه قدامها وبتضحك
"مش عارفه لي اجالي شعور عايزة اعرف بيقولو اي ولكني بعد نظري عنهم وقولت مليش فيه وانا مالي وحاولت مشغلش بالي ولكني بصتلها لما نبرتها عيليت سيكه بس محدش اخد باله صوت الباقي كلامهم اعلا من كده "
عقد حواجبي لما سمعتها بتقول ،
-يااااه لو ده حصل
وبعدين قامو هما الاتنين راحو المطبخ معرفش لي الفضول دخل جوايا رغم اني مش فضوليه ابداً ومش بحب اشغل بالي ولكني قومت وعملت نفسي رايحه الحمام
كانو واقفين في المطبخ قالت بصوت واطي بضيق لاختها امنيه ،
-بس هو هياخد باله مني ازاي !!
-ماتبعديه عن تفكيرك ياسلمي مش عايزة يحصل مشاكل ليا ولا تبوظي جوازهم
نبرتها اتحولت لضيق اكبر وقالت وحستها نبره تهديد ،
-امنيه لو مش عايزة تساعديني براحتك انا
هقول لفارس كل حاجه
"عقد حواجبي بدهشه وفضول اكبر حاجه اي ده الي هتقوله لفارس!!! "
امنيه ردت عليها بسرعه ،
-لا لا خلاص هساعدك بس بطلي كل شويه تقولي الكلمتين دول
-طيب انا تعبت من بعيد لبعيد انتي عارفه انا بحبه من وقت لما شوفته في فرحك.. حاولت معاه مره وفشلت
بعدم رضا لكلام اختها سلمي قالت ،
-حبتي ازاي وانتي عارفه انه متجوز انا مش فاهمه!!!
-معرفش بقي حبيتو وخلاص المهم اني بفكر ادخل عليه بحجه انه لسه مخلفش
-رغم انك خلتيني ازعلها بالكلام بس ده طبيعي مش وقت كبير واكيد قريب هتبقي حامل ان شاء الله
بعصبيه ردت عليها ،
-بس انتي بتقولي اي !!! تفي من بوقك ان شاء الله ميحصلش ابداً
-حرام عليكي ياسلمي متدعيش علي حد بالله عليكي
بتحذير قالت،
-امنيه اخرسي خالص
اتنهدت بعصبيه وكملت ،
-وبعدين مش كفايه انتي الصغيره واتجوزتي قبلي!!!!
برقت بصدمه وانا بحط ايدي علي بوقي معقول حد يقول الكلام ده لاختو!!!! الي من دمه !!
قلبي وقع في رجليا اول لما حد حط ايده علي كتفي اخد نفسي بصعوبه انا عمري مااتحطيت في الموقف البشع ده ..لفيت بسرعه وانا ببص علي الي ورايا
بلعت ريقي بصعوبه لما لقيتها حماتي!!!!
-واقفه كده لي ياهنا !!!
"""""""""""""""""""""""""""""""""""