زين رجع البيت بوقت ابكر من كل يوم ودخل اوضته وكانت سلطانه خارجه من الحمام ابتسم بخبث لما شافها مش واخده بالها أنه هنا و بتدندن بصوت واطي حضنها من وروى ودفن وشه في شعرها المبلول 

سلطانة عرفته من ريحة عطره وقالت :

زين انت رجعت.

زين بتوهان :

معرفتش ابعد اكتر خلصت بدري وارجعتلك..

سلطانة لفت ليه وقالت وهي بتحاوط رقبته :

همممم ياريتك ترجع كل يوم بدري كده

زين بغمزه:

 ده هيكون حسب شطارتك والاغرائات اللي بتقديمها ..

سلطانة احمر وشها ولفت عشان تمشي

زين منعها وقال :

على فين

سلطانة بكسوف :

زين انا لسا تعبانه انت عارف

نفخ بضيق وقال وهو يتحرك كفه على وشها:

 عارف ومش هعمل حاجه هما كم حضن وكم بو*سه 

ضربته بخفه على كتفه بخجل وقالت:

 بطل بقى كلاممك ده 

باس خدها وقال خدودك دول لما تتكسفي بيتاكلو 

***********

هناء بتعيط لوحدها في أؤضتها لما عرفت أن حازم اتتجوز خلاص ومش بس كده ده بيحب اللي اتجوزها ومخلف منها وهي اللي كانت مستنيه رجوعه بفارغ الصبر عشان هو حب طفولتها ..

مسحت دموعها وراحت خزانتها وخرجت منها صورة قديمه لحازم حضنتها وزاد عياطها وهي بتقول:

 ليه كده يا حازم ليه كسرت قلبي كده..

لكنها سمعت صوت من تحت مسحت دموعها بسرعه ونزلت  واتصدمت اما شافت جدها بياخد نفسه بصعوبه والشغاليين حوليه عيطت وهي بتجري ناحيته 

هناء : جدي ... جدي حبيبي مالك..

في الوقت ده نزل زين بسرعه وشاف جده كده وخده على المستشفى بسرعه ..

***********

سماح بضحكه منتصره : انا عرفتلك حاجه ممكن تخلي سلطانة تتطلق النهارده..

منى بحماس :

حاجة ايه دي

سماح : 

زين باشا طلع مستخبي بهدومه

منى :

مش فاهمه 

سماح :

ياستي طلع واخد شقه بعيد عن هنا ومعيش فيها عشيقته..

منى بصدمه :

انتي بتقول ايه

سماح :

زي ما بقولك بالضبط

منى : 

كدب زين مش ممكن يعمل كده

سماح : 

مش مصدقه ... انا هخلي سلطانه تروح تشوفه في عينيها ازاي بيقضى الوقت كل هناك .معاها وسايبها محبوسه في البيت ده

منى بحزن :

طب ولو فيه وحده تانيه انا ايه

سماح : 

انتي هتبقى مراته والست دي باين انه واخدها يتسلا بيها مش اكتر

منى :

لا لا زين مش كده

سماح :

لا كده ياحبيبتي انا هشوف الوقت المناسب واخلي سلطانة تمسكه متلبس مع عشيقته..

***********

زين : 

خضيتنا عليك ياجدي..

الجد :

 سيف مش كفايه يازين انا بموت عاوز اشوف حفيدي عاوز اطمن عليك انت ومراتك

زين :

أن شاء الله ياحج أن شاء الله ارتاح انت دلوقتي

سيف :

مش هرتاح لحد ما اشوف عيالك عاوز اموت وانا مطمن انك  نفذت وصيتي

زين  بطاعه :

حاضر يا جدي حاضر كل اللي انت عاوزه هيكون

الجد :

ربنا يبارك فيك يابني يارب ..

***********

هناء بتعيط خايفه على جدها وسلطانة بتحاول تهديها 

سلطانه :

اهدي يا هناء أن شاء الله هيقوم بالسلامه

 دخلت سماح وبصت ناحيتها بتريقه وقالت : 

عامله بروحك كده ليه يا هناء جدك هيخف ياحبيبتي ..

هناء مش بترد حاسه بخنقه كل حاج جت فجأه تعب جدها وخبر زواج حازم كل حاجه نزلت عليها مع بعض

قربت سماح من سلطانة وهمست في دونها بخبث:

انت عارفه جوزك أما يتأخر بيكون فين 

سلطانه بغيظ :

ابعدي عني يا سماح مش فيقالك دلوقتي ..

سماح : 

هقولك عشان بخاف عليكي جوزك اما بيتاخر بيكون في حضن عشيقته ..

كانت سلطانة بتحاول تهدي هناء وبيدها كوبايه ميه وقعت الكوبايه من أيدها وبصت لسماح بصدمه 

سماح ضحكت وطبطبت على هناء وقالت :

جدك هيخف ويرجعلك ياحبيبتي بلاش توجعي قلبك وراحت أوضتها وهي حاسه بالانتصار 

***********

تاني يوم الصبح ..

يا انسه 

بصت هناء للصوت وشافت عربيه كبيره واقفه جنبها وفيها شاب وسيم بيبص ناحيته 

هناء:

 افندم 

الشاب :

ممكن تقوليلي فين الاقي العنوان ده 

قربت هناء عشان تشوف العنوان وحست بحد كتم بقها ودخلها العربيه ..

يتبع