إسراء: يلا ادخلوا..

مازن اول ماشاف خديجه جري عليها..

خديجه ابتسمت وشالته: عامل ايه يا زيزو وحشتني..

مازن: وانتي كمان يا ديجاا..

مالك: وانا يا زيزو..

مازن : وانت كمان وحشتني بس خديجه اكتر..

مالك: بقي كده يا زيزو ماشي...

خديجه وهي بتفتح شنطتها: بص جبتلك ايه..

مازن: الله شكولاته...

خديجه: خد واحده كمان اهيه..وادي كمان واحده..

مازن: كل ده ليا يا خديجه..وحضنها وقال: انا بحبك يا ديجا..

مالك واقف يبصلهم وهو مبستم.. 

خديجه: وانا كمان بحبك قوي..احنا عندنا كام زيزو يعني...

إسراء: يلا تعالوا اقعدوا...عشان الاكل هيبرد..

مالك وخديجه قعدوا جنب بعض..

مازن ربع ايده بزعل وقال: مش تقعدي جنب عمو يا خديجه..اقعدي جنبي..

خديجه ضحكت وبصت لمالك وقالت: طب خلاص..وسع شويه يا عمو عشان مازن يقعد جنبي..

مالك: تعالي يا عم..اقعد..

مازن قعد في النص بينهم...

إسراء قربت من ادهم وهمست: شوف الواد..بوظ اللي عملته..

أدهم ضحك وقال: معلش يا سوسو... 

مالك: مازن تعالي وانا اكلك وسيب خديجه تاكل..

خديجه: لا سيبه انا باكل اهوه..

مالك: انتي مكلتيش حاجه كلي..يلا يا زيزو افتح بوقك... 

مازن فتح بوقه..ومالك بيأكله..

خديجه بصتله وهي مبتسمه..

◇◇◇◇◇◇◇◇◇◇◇

خلصوا الاكل وقعدوا في الصالون...

مالك: بس يا ادهم..وفكرت افاتح بابا في الموضوع..واشوف رأيه..

أدهم: كويس والله فكره...حلوه..والتجديد بيخلي المكان يجيله ناس اكتر..

مالك: ايوا فعلا..وبص لخديجه وقال: وانتي ايه رأيك يا خديجه..

خديجه: والله انا مع الفكره جدا..بس مع التجديد منغيريش اجواء الكافيه..يعني نخليه هادي وكلاسيكي زي ماهو..لان الناس حبته كده..

مالك ابتسم وقال: معاكي حق يا خديجه..دايما بتشوفي المواضيع من زاويه مختلفه بتبقي صح..

خديجه ابتسمت وقالت: يعني عشان انا بفكر في كل حاجه وبحسبها بالمللي...

مالك بصلهاوابتسم: دي حاجه كويسه...وفضل باصصلها..

وهي كمان بصاله...

إسراء جات وهي شايله العصير..شافتهم..كده وابتسمت...

إسراء: احم العصير..

خديجه شالت عنيها بسرعه...

إسراء حطت العصير قدامهم...

مازن شال كوبايته..وراح ناحيه خديجه..

والكوبايه وقعت من ايده علي هدوم خديجه..

خديجه: ينهار ابيض..

مالك جاب المناديل بسرعه وادهالها..

أدهم: كده يا زيزو...

مازن: انا اسف يا ديجا..

خديجه ابتسمت وقالت: ولا يهمك يا حبيبي..فداك..

مالك: هدومك باظت اوي..

خديجه: ايوه..

إسراء: مش مشكله تعالي وانا اجيبلك هدوم غيرها..

خديجه: طيب..وراحت معاها...

مالك: تعالي يا زيزو..

مازن: نعم يا عمو..

مالك: تعرف ان انت شطور وانا مبسوط منك..

مازن: ليه..

مالك: عشان انت اعتذرت لخديجه..

مازن: انا اصلا زعلت عشان هدومها كلها باظت..

مالك بابتسامة: لا متزعلش..ده غصب عنك..وهي هتلبس غيرها..بس انت شطور..

مازن: طيب..

مالك فتح دراعه وقال: حضن لعمو..

مازن حضنه وهو بيضحك..

مالك حسس علي شعره وقال بحنيه: حبيبي يا زيزو..

بعد حوالي عشر دقايق>>>>

خرجت خديجه وهي لابسه دريس كافيه مشجر  وطرحه هاديه..وكان شكلها بسيط..

مالك رفع رأسه واول ماشافها مقدرش ينزل عينه من عليها..

خديجه لحظت نظراته اتكسفت وبصت في الارض..وقعدت مكانها..

مازن سقف وقال: كده كأني موقعتش حاجه..

كلهم ضحكوا عليه...

مالك قرب منها  وابتسم وقال وهمس: شكلك حلو اوي..

خديجه ابتسمت بخجل وقالت:  شكرا..

إسراء غمزت لأدهم وقالت بمكر:بقولك يا ديجاا..في عريس متقدملك..

مالك لما سمع كده ملامحه اتغيرت وحس انه اتضايق..وبص لخديجه..

خديجه باستغراب: عريس ايه..

إسراء: عريس كويس شغال في دبي..

خديجه: شافني فين ده..

إسراء: هو عارفك من زمان..اخو فاطمه صاحبتنا عرفاها..

خديجه: اه..اخوها ايوا ايوا افتكرته..

مالك وهو بيحاول يبان عادي : انا..انا هروح اقف في البلكونه اشم هوا شويه..

ادهم: استني يا مالك خدني معاك..

خديجه حست انه اتدايق..وهي مش فاهمه السبب..

إسراء ابتسمت وقالت: احساسي عمره ما بيخيب..

خديجه: احساس ايه مش فاهمه حاجه..

إسراء قامت وقعدت جنبها وقالت: قوليلي بصراحه يا خديجه..مالك ايه بالنسبه لك..

خديجه سكتت ثواني وابتسمت.. وقالت: مش عارفه يا إسراء انا مش فاهمه شعوري ناحيته..

إسراء: طب اوصفيلي الشعور وانا اقولك..

خديجه خدت نفس وقالت: مش عارفه بس انا..ببقي مبسوطه وانا معاه ببقي مش عايزه كلامنا يخلص..بقيت بطمن بوجوده..وساعات بقي تحصل حاجه غريبه مره قالي خلي بالك من نفسك قلبي فضل يدق جامد..

إسراء ضحكت عليها وقالت: كملي يا خديجه..

خديجه: بعدين بليل..بقعد افكر فيه كتير..واوقات بحلم بيه..وساعات مثلا بخاف عليه وبصت عليه في البلكونه وقالت وبزعل لو اتضايق او كده..فهماني.

إسراء ابتسمت جامد وقالت: فهماكي..يا خديجه..

خديجه: ده ايه بقي..

إسراء: ده كل خير يا حبيبتي..انتي بتحبي مالك يا خديجه..

خديجه : لا ستي مش للدرجادي..

إسراء: ده للدرجادي ونص.. كل الحاجات دي تدل انك بتحبيه..

خديجه: طب وانا هعمل ايه افرضي هو مش بيحبني..

إسراء: هنعرف كل حاجه مع الوقت بس اظن هو كمان بيحبك...

خديجه سكتت ثواني كده وقالت: لا مستحيل..

إسراء: مستحيل ليه..دانتي قمر يا خديجه..

خديجه : بس برضو مش عارفه..

>>>>>>>>

مالك واقف باصص من البلكونه وساكت..

أدهم: ايه يا صاحبي ساكت ليه..

مالك: لا مفيش سرحت بس..

أدهم: ايه اللي خلاك تقوم وتيجي البلكونه..

مالك: عادي يعني..حبيت اشم هوا..

ادهم خبطه في كتفه وقال: علي اخوك..الكلام ده..

مالك: مش فاهم..كلام ايه..

أدهم: انت اتضايقت يا مالك لما جابوا سيره العريس..

مالك بص قدامه وفضل ساكت..

أدهم: رد يا مالك..احكيلي اللي في قلبك..

مالك بصله وسكت ثواني وقال : بحبها يا أدهم...

أدهم ابتسم وقال: كنت عارف..

مالك: وعرفت منين بقي..

أدهم: عرفت من خوفك عليها..ويوم لما مسكت اللي اسمه عادل ده ضربته مع ان عمرك ما بتحب الخناق..ويوم لما شفتها قايمه همشي قمت انت كمان واتحججت بالمشوار عشان توصلها..

مالك ضحك وقاله: انت خدت بالك..

أدهم: عيب عليك..

مالك ابتسم وقال: معرفش والله يا ادهم  بحب اشوفها مبسوطه..مش بستحمل عليها الهوي..يعني يوم ما قالت علي خطيبها ده يومها انا كنت سايق وانا مش شايف قدامي اصلا..بعدين اتأكدت ان بحبها..متقبلتش فكره انها تبقي مع غيري..

أدهم حط ايده علي كتفه..وقال: قولها يا صاحبي..متستنهاش لما تضيع من ايدك..

مالك: انا نفسي اقولها والله بس ما اتأكد انها كمان بتحبيني..مش عايز اتسرع وابوظ كل حاجه..

أدهم: معاك حق يا صاحبي..ربنا ينولك اللي في بالك يا حبيبي..

مالك ابتسم وقال: يارب يا حبيبي..

خديجه: طب وانا كده اعمل ايه يا إسراء..

إسراء: متعمليش..انتي هتسيبي الايام هي اللي تثبتلك ده..وانتي اللي هتحسي بحبه ليكي..

◇◇◇◇◇◇◇◇◇◇◇

تاني يوم في الكافيه>>>>>>>>

الخطوبة كانت بدأت... والمكان كله مليان ناس ومزيكا هادية...

خديجة ومالك كانوا واقفين ، كل واحد فيهم مشغول في تحضير المشروبات..

مالك: خديجة... العصير ده على الترابيزة رقم خمسة.

خديجة: حاضر.

أول ما خديجة لفت عشان تودي الطلب... بنت من المعازيم قربت عند مالك..

البنت بابتسامة: لو سمحت... ممكن كوباية مية..

مالك ابتسم باحترام وقال: أكيد... اتفضلي.

البنت: شكراً... على فكرة المكان جميل أوي.

مالك: ده من ذوق حضرتك..

خديجة سمعت الكلام وهي بتحضر الطلبات...بس مقالتش حاجه..

بعد شوية...البنت رجعت تاني...

البنت: معلش... هو الواي فاي عندكم إيه؟

مالك قالها الباسورد..

البنت: شكراً... واضح إنكم تعبانين النهارده.

مالك: لا مفيش اي تعب ده شغلنا..

خديجة كانت بتقلب المشروب وخبطت بالمعلقه جامد..

ساره ضحكت عليها....

بعد كام دقيقة...البنت رجعت تاني..

خديجه همست: هي شغلانه ولا ايه..

البنت: ممكن تصورني هنا؟ الديكور عاجبني أوي.

مالك: أكيد.

خد منها الموبايل وصورها كذا صورة.

البنت وهي بتبص للصور: الله... الصور حلوة أوي.

مالك: الحمد لله إنها عجبتك.

خديجة كانت واقفة مراقباهم..ومتضايقه اوي..

ساره قربت منها وقالت: خديجة..

خديجة كانت سرحانة.

ساره نادى تاني: يا خديجة!

خديجة انتبهت بسرعة: نعم..

ساره بخبث..: مالك؟ سرحانة في إيه؟

خديجة: لا... عادي..بفكر في حاجه..

مالك لاحظ ان خديجه كانت مركزه معاهم قرر يستغل الفرصه...ويتأكد من مشاعر خديجه..

 لمح البنت جايه تاني بص لخديجة وقال:

يلا بينا..

البنت: هو حضرتك اسمك إيه؟

مالك اتعمد يعلي صوته: مالك.

فخديجه بصت ناحيته وقالت: استغفر الله العظيم..وبتعرف اسمه كمان..دقيقه كمان وهتاخد رقمه..

البنت: تشرفت يا مستر مالك.

مالك: وأنا كمان.

البنت ضحكت وقالت: واضح إنك محترم جدًا... وكمان شكلك هادي.

مالك ابتسم  وقال: تسلمي.

خديجة حطت الكوباية على الرخامة جامد..فعملت صوت..

مالك بصلها...وقال: ايه يا خديجه..

خديجه: نعم..

مالك: رزعتي الكوبايه..

خديجه بضيق..: معلش مختش بالي..

مالك بص ناحيه البنت..وابتسم بخبث وكمل..

مالك : لو احتجتي أي حاجة أنا موجود.

البنت: أكيد... شكرًا.

بعد شوية>>>>

البنت وقفت وهي ماشية وقالت: على فكرة... أنا ممكن أجي المكان تاني مخصوص.

مالك: تنوري في أي وقت.

خديجة أخدت الصينية وقالت بهدوء وهي ماشية:

هودي الطلبات.

مالك: استني... هاجي معاكي.

خديجة من غير ما تبصله:لا... أنا هعرف..كمل شغلك..

<<<<<<<<

بعد ما خلص شغله... خرج وراها.

لقاها واقفة عند الترابيزة...ابتسم وراح...ناحيتها..

مالك قرب منها وقال: مالك يا خديجة؟

خديجة: مالي منا تمام اهوه..

مالك: متأكدة؟

خديجة: أيوه.

مالك ابتسم بخبث وقال: البنت دي  كانت واقفه دي لطيفة..

خديجه: اه باين..

مالك: وقعدت تشكر في المكان وكده..

خديجة بهدوء: كويس..لفت تمشي.

مالك مسك الصينية وقال: استني نتكلم..

خديجه: نتكلم في ايه..عن الصور اللي صورتلها يعني قد ايه هي حلوه..

مالك: بس انا مجبتش سيره صور..انتي متضايقة اني صورتها..

خديجه رفعت كتفها: لا هضايق ليه...انت حر..هيفرق انا متضايقة او لا...

مالك ابتسم وقال : اه هيفرق..

خديجه ابتسمت وقالت بتوتر : انا..انا هروح اشرب مايه اصلي عطشانه..ومشيت..

مالك فضل باصص عليها وابتسم وقال: مبتعرفيش تكدبي يا خديجه...دايما مكشوفه...

يتبع....