مالك: خديجه لا كده رجلك في الهوا..وراح ناحيتها بسرعه..

خديجه وقعت علي الارض...

مالك قرب نحيتها وقال بخوف: خديجه انتي كويسه؟

خديجه مسكت رجلها بوجع..: اااه..وقعت علي رجلي جامد بس..

مالك بعتاب: مش تخلي بالك يا خديجه...مين قالك اصلا اطلعي وفكي الزينه..كنت هعملها انا..

خديجه: قلت اساعد شويه..

مالك: متتحرق الزينه يا خديجه هيجرالها ايه يعني..

خديجه دموعها نزلت..

مالك بقلق: طب انتي بتعيطي ليه..

خديجه بعياط: مش عارفه..عشان اتخضيت لما وقعت..ورجلي وجعاني..

مالك: طيب خلاص معلش..متعيطيش..وطلع علبه مناديل من جيبه وقال: خدي طيب امسحي دموعك..

خديجه خدتها..منه..ومسحت دموعها..

مالك بص لرجلها بتوتر وقال :هي بتوجعك جامد..

خديجه هزت رأسها بمعني اه..

مالك: طب تعالي هسندك تقعدي علي الكرسي..ومدلها ايده وقال: هاتي ايدك يا خديجه..

خديجه بتردد: هي ساره مشيت..

مالك: ايوا مشيت..امسكي في ايدي يا خديجه مش هكلك..

خديجه بصلته وبعدين مسكت في ايده..

مالك: براحه علي مهلك...

خديجه وهي بتقوم كانت هتقع..فمسكت في التيشيرت بتاعه...

مالك ابتسم تلقائي لما هي مسكت فيه..

خديجه قعدت علي كرسي..

مالك: خدي يا خديجه..اشربي مايه..هتهدي..

خديجه ابتسمت وخدتها منه...

مالك: حاسه بإيه..اوديكي المستشفى..

خديجه: لا لا مش مستاهله..

مالك: استني..ودخل جابلها تلج..: خدي حطيه مكان الوجع عشان متورمش..

وجابلها كرسي تاني..وحطه..: افردي رجلك عليه..عشان تبقي مرتاحه..

خديجه بابتسامة: مش عارفه اقولك ايه والله..

مالك: متقوليش..

خديجه ضحكت وقالت: اصلك بتكسفني بذوقك الصراحه..

مالك بصلها وقال باهتمام: ده اللي المفروض اعمله يا خديجه..انا خفت بجد يكون حصلك حاجه..

خديجه سكتت..وفضلوا باصين لبعض...وعيونهم بتحكي كل حاجه..

بعد ثواني..خديجه نزلت عنيها وقالت بتوتر: ال..التلج ده ساقع اوي..

مالك بص في الارض وضحك..

خديجه حست بأحراج وبصت الناحيه التانيه وضحكت هيا كمان..

>>>>>>>>>>>

مالك: يلا يا خديجه..انا هوصلك..

خديجه لسه هتتكلم..

مالك: بالله عليكي..توافقي من غير كلام..انا مش قادر اناهد بجد...

خديجه ضحكت وقالت: خلاص..مش هتكلم..

مالك: شاطره..قادره تمشي؟ولا اساعدك؟

خديجه قامت براحه وقالت: لا انا تمام..همشي لوحدي..

مالك: طيب..

و راح عند العربيه..وفتحلها الباب..: اتفضلي..

خديجه ركبت..وهو لف وركب..

بعد شويه خديجه كانت راحت في النوم..

مالك بص عليها وابتسم وقال: انتي حلوه اوي في كل حالاتك يا خديجه...

بعد حوالي نص ساعه...

مالك بلطف : خديجه..اصحي يلا احنا وصلنا..

خديجه فتحت عنيها ببطء وبصت لمالك وقالت: احنا فين..

مالك وهو بيضحك: صباح الفل..احنا وصلنا..

خديجه بصت للبيت وقالت: ايوا صح..ده بيتي..

مالك ضحك عليها وقال: اه شوفتي سبحان الله..ونزل فتحلها الباب..

خديجه ابتسمت وقالت: شكرا يا استاذ مالك..

مالك: بس خليكي مكانك..

خديجه: ليه فيه ايه..

مالك: ايه استاذ دي..قوليلي مالك بس..

خديجه: لا مش هعرف..

مالك: خلاص هقفل الباب..خليكي جوه بقي..

خديجه بصتله وسكتت ثواني وابتسمت وقالت: شكرا يا..مالك..

مالك ابتسم وقال: ايوا بقي..شفتي كده احلي ازاي..

خديجه ابتسمت وقالت: شفت..ممكن اطلع بقي ايه..

مالك:اه صحيح..اطلعي..

خديجه نزلت من العربيه...وشورتله بإيدها قالت: مع السلامه..

مالك بابتسامة: سلام..

<<<<<<<<<<<<<<<<<<

موبايل مالك رن...

مالك: الو..

إسراء: الو يا مالك..عامل ايه..

مالك: الحمد لله..انتي عامله ايه..

إسراء: بخير الحمد لله..بقولك ايه..

مالك: نعم..

إسراء: خديجه عيد ميلادها بكره..عايزين نعملها مفجأه..

مالك: بجد بكره..مقلتيش بدري ليه عشان نلحق نفكر..

إسراء: لا منا عملت خطه..هنعمله بكره بليل في الكافيه..

مالك: هنجيبها بليل ازاي؟

إسراء: عندي خطه..

مالك: قولي..

إسراء: بص...

خديجه: ايوا يا تيته..بس انا مش عايزه اتجوز دلوقتي..عايزه اشتغل واثبت نفسي..

فاطمه بابتسامة: تشتغلي وتثبتي نفسك..ولا في حد تاني..

خديجه اتوترت وقالت: حد تاني مين بس..يا تيته....مفيش الكلام ده..

فاطمه: خالص..

خديجه: خالص..انا هدخل الاوضه عايزه انام....ومشيت

فاطمه بابتسامة: اهربي اوي يا خديجه..باين علي وشك..

خديجه دخلت وقفلت الباب وسندت عليه : وافتكرت مالك وابتسمت...

فجأه موبايلها رن...لقت مالك اللي بيتصل..

خدت نفس عميق وردت: الو يا مالك..

مالك: الو يا خديجه رجلك عامله ايه دلوقتي؟

خديجه: الحمد لله احسن بكتير..

مالك: الحمد لله..كنت قلقان تكون وجعاكي..

خديجه ابتسمت وقالت: لاء متخفش..

مالك : هتنامي ولاايه..

خديجه: يعني..شويه كده..هقرأ شويه من الروايه وانام...

مالك: انتي بتحبي الروايات..

خديجه : اه جدا..

مالك: بتحبي نوعها ايه بقي..

خديجه: بحب الخيال والرومانسيه..

مالك ابتسم وقال: حلو..تمام يلا روحي كملي..

خديجه: تمام..تصبح علي خير..

مالك: وانتي من اهله..مع السلامه..

خديجه: سلام..

مالك قفل معاها وابتسم وقال : انا عرفت انا هجيب ايه..وخاد مفتاح العربيه...وخرج

◇◇◇◇◇

تاني يوم...في الكافيه>>>>>>

مالك شاف خديجه واقفه راح ناحيتها..

مالك: صباح الخير..

خديجه بابتسامة: صباح النور..

مالك: متتعبيش نفسك في الشغل عشان رجلك..

خديجه بابتسامة: حاضر..

بعد شويه خديجه وهي ماشيه لمحت مالك واقف مع ساره واحمد وبيتكلموا بصوت واطي..

خديجه قربت ناحيتهم..

ساره: خديجه جايه..

مالك كان بيشاور علي الجدار نزل ايده...

خديجه: في حاجه مهمه ولاايه..

مالك: لا خالص بنتكلم عادي..

خديجه: اصل شفتك رافع ايدك وبتشاور..

مالك: اه اه..كنا بنتكلم علي التجديدات..

ساره: اه بيسألنا علي اللون..

خديجه: امم تمام كملوا...ولفت عشان تمشي..

مالك: ماشيه ليه...اقفي معانا..

خديجه: عندي شويه شغل بس..

مالك بابتسامة: تمام..

خلص اليوم وسط شغل وتخطيط وخديجه كل شويه تلاحظ ان في حاجه غريبه..بس معلقتش..

الساعه تمانيه بليل>>>>>..

إسراء: كده كل حاجه جاهزه..

مالك: اه تمام..

ساره: كله فل..

إسراء: طيب هرن عليها...بس بس ردت..

خديجه: الو يا إسراء..

إسراء: ايه يا خديجه انتي فين كده..

خديجه: في البيت فيه حاجه..

إسراء وهي بتمثل القلق: اصل..مالك تعب..هنا في الكافيه ومش راضي يروح المستشفى..

خديجه قامت وقفت: مالك..ماله فيه ايه..

إسراء: مش عارفه يا خديجه..تعب ومش قادر ياخد نفسه..

خديجه بخوف: ازاي يعني...طب اعملوا اي حاجه..

إسراء: مش راضي يروح المستشفى..

خديجه بتوتر..: طيب..انا هلبس بسرعه واجي..

إسراء غمزت لمالك وقالت: طيب بسرعه...

مالك: جايه صح؟

إسراء: امال عيب عليك..

خديجه لبست وطلعت من اوضتها..

فاطمه: راحه فين يا خديجه..

خديجه: إسراء عايزاني في الكافيه ضروري..

فاطمه: خير يا بنتي..

خديجه: ان شاء الله خير..يووه نسيت الموبايل..ودخلت خادته بسرعه ونزلت..

فاطمه: علي مهلك...

<<<<<<

خديجه وصلت ودخلت المكان...لقيته ساكت خالص...و النور طفي..

خديجه: ينهار ابيض..مفيش حد هنا..إسراء..مالك....انتوا فين..

فجأه النور اشتغل..الكل في صوت واحد " كل سنه وانتي طيبه يا خديجه"

خديجه ضحكت بصدمه ودمعت من الفرحه..

مالك جه وهو شايل التورتة وعليها شموع..وبيغني..Happy birthday to "

you..Happy birthday khadiga"

خديجه حطت ايدها علي بوقها..ودموعها نزلت..

مالك قرب منها وقال: لا..بلاش دموع يا خديجه عشان خاطري.

خديجه بصتله وابتسمت وقالت:طيب.. يعني انت كويس..

مالك: انتي شايفه ايه..

خديجه بصت لاسراء وقالت: كده يا إسراء..

إسراء: طب بذمتك مش مفجأه حلوه..

خديجه حضنتها وقالت: حلوه اوي والله..

ساره بابتسامة: كل سنه وانتي طيبه يا ديجاا..عقبال مليون سنه يا عيوني..

خديجه حضنتها وقالت: وانتي طيبه يا قلبي..

وبصت لمالك وابتسمت 

مالك ابتسم بحب وقال: كل سنه وانتي طيبه يا خديجه..وعقبال مليون سنه...

خديجه بابتسامة : وانت طيب يا مالك...

مالك حط التورته علي الترابيزه وقال: تعالي يا خديجه يلا عشان تطفي الشمع..

أدهم: حرام عليكوا باين عليها لسه مخضوضه من المكالمه..

خديجه ابتسمت: ده بجد والله..

مالك فرح انها كانت خايفه عليه..

إسراء: يلا تعالي...

وبدأو يغنولها ويسقفوا.." فيحيي ابو الفصاد هااااه"

مالك:  يلا اتمني امنيه..

خديجه غمضت عنيها واتمنت..وبعدين طفت الشمع...

وبعدين قطعوا التورته وكلوا..وهزروا  وادوها الهدايا وخديجه كانت مبسوطه اوي...

مالك جاب بوكس وحطه قدام خديجه..

خديجه بابتسامة: ايه ده..

مالك بابتسامة: هديتك..

خديجه: مكنش ليه لزوم..كفايه اللي عملته..

مالك: افتحي بس..

خديجه شالت الغطا..وابتسمت وبصت لمالك..

مالك: طلعيها..

خديجه طلعتها كانت مريله لونها اوف وايت مكتوب عليها اسمها..خديجه: دي توحفه اوي..كمان لوني المفضل..

مالك ابتسم: كويس انها عجبتك...شوفي الباقي..

خدت مدت ايدها طلعت..روايه..

خديجه بصت لمالك بصدمه: مستحيل..

مالك ابتسم وقال: حلوه؟..

خديجه بابتسامة: دي روايتي المفضله..

مالك: عارف..سألت إسراء..

خديجه: انا بجد مش عارفه اقول ايه والله..

مالك مد ايده في البوكس وطلع ميداليه عليها واحده لابسه مريله ورفعها عشان تشوفها..

خديجه ضحكت جامد وقالت: لطيفه اوي..يعني مفيش جمال كده بجد..شكرا يا مالك..

مالك بابتسامة: العفو يا خديجه..انتي تستاهلي كل حاجه حلوه..

ساره بابتسامة: الله..عسل اوي..

إسراء: ايوا فعلا..

أحمد : يلا تعالوا ناخد صوره كلنا..

وقفوا كلهم وخدوا الصوره....

مالك: حلوه اوي..

واتصوروا مع خديجه..

إسراء: خديجه اصوري مع مالك..

خديجه بتوتر: ماحنا اتصورنا كلنا..

إسراء: يلا يا خديجه...للذكري..يلا يا مالك..

مالك وقف جنبها..وهي كانت متوتره..

إسراء بابتسامة: ايوا كده..خطيره...

مالك بابتسامة: ايه رايك في المفجأه..

خديجه ابتسمت وقالت: احلي مفجأه في حياتي..

◇◇◇◇◇◇◇◇

في الكافيه>>>>>>

مالك: انا بقي احاول تاني..

خديجه: تمام ان شاء الله يرضي..

مالك دخل المكتب وهو متردد...

مالك: بابا...آخر مرة هفتح الموضوع ده.

صبري: موضوع التجديدات؟

مالك: أيوه.

صبري: يا ابني أنا قولتلك نستنى شوية.

مالك: نستنى لحد إمتى؟

صبري: لحد الوقت المناسب..لما اطمن..

مالك سكت ثواني، وبعدين قال بهدوء:

يعني...أنت مش واثق فيا.

صبري: مين قال كده؟

مالك: أمال إيه؟ كل مرة أقول فكرة ترفضها من غير حتى ما تديني فرصة أجرب.

صبري: أنا برفض عشان خايف على شغلنا.

مالك: ولا عشان شايف إني لسه صغير ومش هعرف؟

صبري: يا مالك...الموضوع مش كده.

مالك وقف وقال:

لأ يا بابا...هو كده. أنا بقالي سنين واقف في الكافيه، بتعامل مع الزباين، وبشوف كل كبيرة وصغيرة...ولحد دلوقتي كل ما أطلب منك فرصة تحسسني إني لسه مش قد المسؤولية 

 صبري: وأنا إمتى قلت إنك مش قدها؟

مالك: من غير ما تقولها...أفعالك بتقول.

صبري سكت..

مالك كمل وهو متضايق:لو كنت واثق فيا بجد، كنت قلتلي: "جرب"...حتى لو مرة واحدة.

صبري: ولو التجربة فشلت؟

مالك: يبقى أنا اللي أشيل مسؤوليتها.

صبري: ومسؤوليتها مش هتقع عليك لوحدك يا مالك...دي هتقع علينا كلنا.

مالك قرب منه وقال:

تمام..انا مش هفتحك في الموضوع ده تاني..بس من دلوقتي مسؤوليه المكان مش شغلي..انا موظف هنا بس.. لحد ما تحس اني جاهز وخرج..

صبري: مالك..استني..يا مالك..

خديجه شافت مالك طلع...جريت نحيته وقالت..

خديجه: رضي صح..

مالك بضيق: مش عايز افتح الموضوع ده تاني..

خديجه: اهدي بس ايه اللي حصل..

مالك: مفيش حاجه..

خديجه: امال مالك متضايق ليه..

مالك بعصبيه: قلتلك مفيش يا خديجه..خلاص ممكن تسيبيني لوحدي..

خديجه زعلت وقالت: تمام ومشيت..

مالك بلوم: غبي..اديك زعلتها..خديجه وراح...وراها...

يتبع....