إسراء: وبعدين ايه اللي حصل؟

خديجه بابتسامة: قالي انه..انه يحبني..

إسراء بفرحه: قولي وربنا..

خديجه وهي بتضحك: اه والله..مش مصدقه دي احلي حاجه حصلتلي في حياتي..

إسراء: يا حبيبه قلبي..فرحتلك اوي والله 

خديجه: وانا مبسوطه اوي..

إسراء: طب وايه مقالش حاجه تانيه..

خديجه: زي ايه..

إسراء: انه هيخطبك او كده. 

خديجه: لا مقلش..هيقول بسرعه كده..

إسراء: ايوا يا خديجه..لازم احنا معندناش ارتباط وكلام ده مينفعش..

خديجه:اكيد انا مش هوافق علي الكلام ده..

إسراء: خلاص يا حبيبتي..انتي حطي حدود لحد ما ياخد الخطوه..

خديجه: اكيد..بس هو ممكن يخطبني ده وقتها الغرفه مش هتسع اجنحتي..

إسراء ضحكت وقالت: اكيد لازم يا خديجه..ربنا يفرح قلبك ويسعدكم يارب...

خديجه: يارب يا حبيبتي..

إسراء:ماشي يا ديجا..تصبحي علي خير..

خديجه: وانتي من اهله يا حبيبتي..مع السلامه..

إسراء: مع السلامه...

وقفلوا المكالمه..

خديجه طفت النور عشان تنام بس قعدت تتقلب علي السرير.. مش جايلها نوم..عماله تفكر في مالك..

فالموبايل عمل صوت ماسدج...فبصت في الموبايل لقت مالك اتعدلت بسرعه..وفتحت الموبايل..

مالك: نمتي؟

خديجه: لا مش جايلي نوم..

مالك: وانا كمان برضو..عمال افكر ومش عارف انام..

خديجه: تفكر في ايه..

مالك : فيكي..

خديجه ابتسمت بس مردتش..

مالك: ايه؟؟

خديجه: ايه نعم..

مالك : مردتيش يعني قلب او اي حاجه طيب..

خديجه ابتسمت..وبعتتله قلب ابيض..

مالك: مش ده..مش قصدي علي ده..

خديجه ضحكت وكتبتله: عايز اسود طيب؟..

مالك : اسود خلاص يا خديجه مش عايز فصلتيني..

خديجه: معلش بقولك صحيح هتبدأ التجديدات امتي؟

مالك: بعد بكره..يعني بكره اخر يوم شغل..وناخد اجازه اسبوعين كده..

خديجه: بجد..يعني هناخد اجازه..

مالك: ايه مبسوطه ولا زعلانه..

خديجه: يعني نص ونص..اصلي بحب الشغل اكتر مش بحب القاعده بتبقي ملل..

مالك: متقلقيش انا مش هخليها ملل خالص..

خديجه: هتعمل ايه يعني..

مالك: هتعرفي..

خديجه: يوه الفضول هيموتني كده..قولي لمحه..

مالك: لا يا خديجه..

خديجه: والنبي يا مالك..

مالك: يلا يا خديجه..روحي نامي..

خديجه: بقي كده..ماشي..

مالك: يلا تصبحي علي خير..

خديجه: ماشي..

مالك: هو ايه اللي ماشي مفيش وانت من اهله..

خديجه: مفيش..

مالك: خلاص بقي متقفشيش..هقولك بكره..

خديجه:طيب مستنيه..روح نام يلا..

مالك: ماشي سلام يا ديجا..

خديجه ابتسمت وقالت: مع السلامه..

مالك: بس..

خديجه: يلا يا مالك..نام..

مالك ضحك وقال: حاضر..

>>>>>>>>>>>>>>>>>>>

في الكافيه..

خديجه دخلت لقت مالك  واقف يشتغل..ابتسمت وراحت ناحيته..

مالك شافها جايه ابتسم..

خديجه: صباح الخير..

مالك بابتسامة: صباح الفل..

خديجه ضحكت وقالت: انت مالك؟..

مالك: انتي شايفه ايه..

خديجه: انا شايفه انك باين عليك رايق كده مش عوايدك..

مالك غمزلها: ما لازم ابقي رايق..

خديجه ضحكت وقالت: مالك انت طبيعي..

مالك: ميه ميه..

خديجه:  ايه المفجأه انتي قلتلي هقولك بكره..

مالك: أنا؟

خديجه:مالك متهزرش بقي..

مالك: طيب هقولك بس بشرط..

خديجه: قول..

مالك: بعد ما نخلص..نروح مكان ونشرب حاجه وانا هقولك..

خديجه: لا مينفعش..

مالك: ليه. 

خديجه: بص يا مالك انا اخلاقي متسمحليش بكده يعني مش عايزه جو ارتباط وكده .

مالك: طيب وانا محترم ده اوي..طب خلاص هنبقي نتكلم هنا اخر اليوم..

خديجه بابتسامة: تمام..هروح اشوف شغلي بقي..احسن المسؤول هنا فظيع اوي..

مالك: عصبي..؟

خديجه: اوي وبيزعق ويشخط..

مالك: وبيخصم..؟

خديجه: لا شفت بقي عشان طيب كده وبيساعدنا مفيش منه الصراحه..

مالك ضحك جامد وقال: ايوه كده الحقي نفسك..

خديجه ضحكت وقالت: لازم...

ساره: خديجه يلا عشان الاوردرات..

خديجه: حاضر جايه..انا هروح انا..

مالك: تمام..

خديجه دخلت ولبست المريله للي مالك كان جايبهالها..وبصت لنفسها وابتسمت.. 

ساره: ده جهز ؟..

خديجه:ايوا..

دخلت بنت المكان..

وقفت قصاد خديجه وقالت: لو سمحتي..

خديجه لفت وبصتلها وقالت في نفسها: انتي تاني..

البنت: هو مستر مالك موجود..

خديجه: ليه..

البنت: عايزاه موجود ولا لا..

مالك طالع بالصدفه شافهم بس وقف يسمع..

خديجه: عايزاه ليه..

البنت: عايزاه وخلاص..قوليلي هو فين..

خديجه: خرج..

البنت بحزن: خرج..يعني هيغيب..

خديجه: للأسف اه..

مالك ضحك...

البنت: يخساره..طب بقولك ايه..

خديجه: نعم..

البنت: ممكن رقم موبايله..

خديجه اتعصبت بس قالت بهدوء: مش معايا..

البنت: ازاي يعني امال بتتواصلي معاه ازاي..

خديجه: بعتتله ايميل..

مالك ضحك جامد وقال: انتي فظيعه يا خديجه..

البنت: ايميل..طيب شكرا بس ابقي قوليله ملك جاتلك..

خديجه: ملك..

البنت: اه..

خديجه: لو افتكرت..

البنت: نعم!!

خديجه:اصلي بنسي..هبقي اكتب علي ايدي..

البنت: مش مهم الطريقه المهم تقوليله..انا ماشيه..

خديجه في سرها: في داهيه..

ملك شاف البنت مشيت راح عند خديجه..

مالك: كده تطفشي معجبيني..

خديجه: ايه ده انت هنا..فكرتك خرجت..

مالك: طرت يعني ولا ايه..

خديجه: معلش اصلي بنسي..

مالك ضحك عليها جامد وقال: مش قادر بجد..

خديجه: ايه  كانت عجباك..

مالك ابتسم بمكر وقال: هي مش استايلي بس كان ممكن اغيره..

خديجه: والله..

مالك:اصلها بتحبني اوي..

خديجه بضيق: طيب واتجاهلته وكملت شغلها..

مالك: خديجه..

خديجه مردتش عليه..

مالك: خديجه..يا خديجه..

خديجه: ممكن تسيبني اكمل شغل..روح وراها يلا..

مالك: ولا يشغلوني كلهم..انت بس اللي شاغلني يا قمر..

خديجه اتبسمت بخجل وقالت: شكرا..

مالك : شكرا!!! لا انا هروح وراها بقي. 

خديجه ضحكت.. 

مالك: بعد ما الشغل يخلص..اعمليلنا حاجه نشربها وهقولك عايزك في ايه..

خديجه بابتسامة: تمام..

>>>>>>>>>>>>>>

أدهم: والله العظيم جدع..

إسراء: ايوا فعلا..واضح انه بيحبها فعلا..

أدهم: ايوا لما اتكلمت معاه حسيت كده..

إسراء: لو يفرحنا اكتر بقي..ويتخطبوا..

أدهم ابتسم وقال: قريب..

إسراء: انت عارف حاجه ولا ايه..

أدهم: هحكيلك بس متقوليش لخديجه..غير لما هو يقول..

إسراء: متخفش. 

أدهم: بصي مالك امبارح...........

خديجه: هااه عايز تقول ايه..

مالك: استني اشرب الاول..

خديجه: يا مالك يلا قول وانت بتشرب..

مالك ابتسم وقال: طيب بصي يستي..

خديجه: سمعاك..

مالك: طبعا انتي عارفه اني بحبك..وانتي احلي حاجه في حياتي..ف انا مش عايز اضيعك مني ولا اعمل حاجه حرام وعايز ادخل البيت من بابه..

خديجه ابتسمت بفرحه وقالت: يعني تخطبني وكده..

مالك ضحك وقال: ايوه هخطبك..انا يا خديجه..دايما بحب احافظ علي الحاجه اللي بحبها..وكنت عمري ما كنت هفكر في الموضوع الارتباط ده حتي انا لما اعترفتلك وكده انا كنت عايز اتأكد من مشاعرك نحيتي..واول ما اتأكدت قررت اخد خطوه علطول..

خديجه ابتسمت وقالت: انا فرحانه بكلامك ده اكتر ما تتخيل..عشان حبيت راجل بجد..زي منا كنت اتمني..انت من ساعه ما دخلت حياتي وانت واقف جنبي في كل حاجه..يامه حليتلي مشاكلي..يما هونت عليا زعلي..اديتني حب واهتمام فنا هتحتاج ايه تاني..انا موافقه يا مالك..موافقه ابدأ معاك حياتي..ومش هندم لحظه...

مالك بابتسامة: خديجه من اول ماشفتك شدتيني كنت مميزه في كل حاجه..يعني جايز الكلام ميعبرش عن اللي حاسس بيه بس خلي الايام هي اللي تثبتتلك بس عايز اقولك اني اخترت صح عموما..

خديجه بابتسامة : وانا كمان...

◇◇◇◇◇◇

يوم الخطوبه>>>>

إسراء بفرحه: احلي عروسه شافتها عيوني..

خديجه بتوتر: بجد شكلي حلو..

إسراء بابتسامة: قمر والله..

فاطمه: بسم الله ماشاء الله..ايه الحلاوه دي..

خديجه: حبيبتي يا تيته..

فاطمه: كبرتي وبقيتي عروسه يا حبيبتي..

خديجه: بس يا تيته بقي احسن اعيط دلوقتي..

إسراء: لا والنبي بلاش عياط..زغرطي يا تيته فاطمه..

فاطمه: عنيا وبدأت تزرغط..

مازن: ديجاا..انا صحيت..انتوا فين

خديجه: تعالي يا زيزو احنا هنا..

مازن: الله يا خديجه..شكلك حلو اوي..

خديجه شالته وبسته وقالت: حبيبي يا زيزو..

الجرس رن...

إسراء: وصلوا يا خديجه..

خديجه مسكت ايد إسراء وقالت: انا متوتره اوي..

إسراء: اهدي يا ديجا..متوتره ليه..

خديجه: مش عارفه وخدت نفس عميق وقالت: خلاص اهدي اهدي يا خديجه..

إسراء: وصلوا بره مش عايزه تشوفي مالك..

خديجه بابتسامة: اه عايزه اشوفه اوي..

إسراء: تعالي بصي من ورا الستاره..

خديجه ابتسمت وقالت: الله شكله قمر اوي..يا اسراء..انا مش مصدقه حاسه اني في حلم جميل اوي..

إسراء بابتسامة: لا صدقي يا حبيبتي..

يتبع...