مالك كان ماسك موبايله وعمال يتفرج علي صور الخطوبه..

مالك بابتسامة: اخيراا يا خديجه..انا حاسس اني ملكت الدنيا كلها وانا لابس دبلتك...

الموبايل رن وطلعت خديجه..

مالك: الو يا خديجه..

خديجه: الو يا مالك بتعمل ايه كده..

مالك ابتسم وقال: بتفرج علي صور الخطوبه..

خديجه: اه بجد حلوين اوي..

مالك: اه..كل ما ابص فيهم اقول ايه القمر اللي جنبي دي...

خديجه ابتسمت وقالت: وانت كان شكلك حلو اوي علفكره..

مالك: بس مش احلي منك يا عسل..

خديجه ضحكت وقالت: ماشي يا عسل..بقولك صحيح..

مالك: نعم..

خديجه: كتب كتاب احمد وساره بكره متنساش..

مالك: تصدقي كنت ناسي..طيب بكره هاجي اخدك ونروح سوا..

خديجه بابتسامة: تمام..هستناك..

مالك: ماشي يا حبيبتي..تصبحي علي خير..

خديجه: وانت من اهله..مع السلامه..

مالك: سلام...

>>>>>>>>>>>>>>>>>

تاني يوم...

خديجه: الو يا مالك انا لبست انت فين؟..

مالك: انا وصلت اهوه..وزمرلها بالعربية..

خديجه ابتسمت وطلعت بصتله من البلكونه..وشاورتله..

مالك: انزلي يلا..

خديجه: حاضر ونزلت..

مالك اول ما شافها ابتسم وقال: خديجه ايه الحلاوه دي..

خديجه ابتسمت وبصت في الارض..

مالك: تعالي عايز اوريكي حاجه..

خديجه: ايه..

مالك: غمضي عينك..

خديجه: اهوه..

مالك فتح باب العربيه من ورا وقال فتحي..

" كان فيه ورد احمر  وشكولاتات كتير  ودبدوب ومعلق فرع صغنن كده مكتوب عليه "love you khadiga "

خديجه بابتسامة: الله يا مالك...انتي عملت كل ده عشاني..

مالك ابتسم وجاب ورده وحطاها عند طرحتها..وابتسم وقالها: الورد مش بيليق الا علي الورد اللي زيه..

خديجه ابتسمت بفرحه وقالت: ربنا يخليك ليا يا حبيبي..

مالك ابتسم وقال بحب: ويخليكي ليا يا روحي..

وطلع موبايله وقال: تعالي ناخد صوره..

خديجه بابتسامة: يلا..

مالك: الله حلوه اوي..اقفي لوحدك اما اصورك بقي..

خديجه وقفت وهي ماسكه الورد..ومالك بيصورها .

خديجه: استني اما ابص في الورد وانتي تصور..

مالك بابتسامة: اللي انتي عايزاه..

خديجه وهي بتقلب في الصور حلوين اوي..ابعتهم لي بقي..

مالك: حاضر...بعتهم..

خديجه:  وصلوا اهوه..

مالك: بتعملي ايه في الموبايل..ومبتسمه كده 

خديجه حطت الموبايل في وشه وقالت: ايه رأيك..حطيت صورتنا خلفيه..

مالك ابتسم وقال: حلوه اوي..هحطها انا كمان.. وطلع موبايله وحطها..

مالك بابتسامة: شوفي الموبايل نور ازاي..

خديجه ضحكت وقالت: اه تصدق..

>>>>>>>>>>>>>

 "امضي هنا يا عروسه "

ساره: حاضر..

خديجه: الله يا مالك شكلهم حلو اوي..

مالك: عقبالنا..

خديجه ابتسمت وقالت: ان شاء الله..

"مبروك "

احمد قام وحضن ساره وهي كمان حضنته..

خديجه سقفت لهم جامد وقالت: ماشاء الله..

مالك كان باصصلها وهو مبتسم..

احمد بفرحه: انهارده اسعد يوم في حياتي..

مالك بابتسامة: مبروك يا عريس..

احمد: الله يبارك يا مستر مالك..

خديجه حضنت ساره:الف مبروك يا روحي..

ساره: الله يبارك فيكي يا ديجا..

"وفضلوا يسقفوا وفرحوا معاهم وكل واحد منهم اتمني اليوم اللي هييجي ويبقوا لبعض رسمي"

>>>>>>>>>>>>

بعد حوالي خمس شهور..

إسراء كانت في المستشفى بتولد..

أدهم رايح وجاي وقلقان اوي..: يارب..

مالك: اهدي يا أدهم ان شاء الله تقوم بالسلامه هي والبيبي..

أدهم: يارب..

خديجه: احنا اتفقنا ان انت شاطر يا زيزو..

مازن: اه بس انا عايز ماما..هما خدوها ودوها فين..

خديجه: هي راحت معاهم عشان تجيب النونه اللي انت بتحبها..

مازن بفرحة: يعني هيبقي فين نونه..

خديجه: اه وهنلعب معاها وتسليك وانت تحبها وتحميها..

مازن: اه مش خلي حد يزعلها..

خديجه: شطور يا زيزو..

مالك كان باصصلهم وهو مبتسم..وراح ناحيتهم..

مالك: زيزو اجيبلك ايه تأكله؟

مازن: امم شكولاته..

مالك: حاضر...خديجه هجيبلك قهوه معايا..

خديجه بابتسامة: تمام..

بعد شويه...خرجت الممرضه وهي شاليه البيبي..

أدهم بابتسامة: الحمدلله يارب..وقرب منها وشالها..وفضل باصصلها وهو مبتسم وباسها بحنيه..

خديجه بابتسامة: بسم الله ماشاء الله..حلوه اوي..

مالك بابتسامة: ايوا فعلا..

أدهم: طب ومامتها عامله ايه؟

الممرضه: كويسه الحمد لله..هتروح الاوضه دلوقتي وتقدري تدخلوا..

أدهم: تمام شكرا..

مازن: انا عايز أشوف..

خديجه: تعالي وشالته وقربته منها..

مازن بصلها وابتسم وقال: دي صغونه اوي..عاوز ابوسها..

خديجه: بوسها بس براحه..

مازن قرب منها وباسها : اهوه براحه خالص..

خديجه: شاطر..

ودخلوا لاسراء..

إسراء كانت نايمه ومش هتقدر تشليها..

أدهم قربها منها وقالها: شوفي جميله ازاي..

إسراء ابتسمت بتعب: اه جميله اوي ومسكت ايديها وباستها..

خديجه: ربنا يخليهالك يا حبيبتي..

أدهم: هتسميها ايه بقي..

إسراء بصت لخديجة وقالت: انا وخديجه اختارنا هنسميها ليلي..

خديجه ابتسمت وقالت: احلي ام ليلي..

مالك: حلو اوي..بحب الاسم ده اوي..

خديجه بصتله وقالته: نعم!!!

مالك ضحك وقال: ايه..بس بحب اسم خديجه اكتر..

أدهم: ايوا الحق نفسك..

كلهم ضحكوا...

وخديجه شايله البنت  وعماله تلاعبها وتضحكلها ومالك واقف جنبها وهو مبتسم وقال في نفسه: قد ايه انتي حنينه يا خديجه..

>>>>>>>>>>>>>>>>>>>>

عدي تلت شهور وفي الوقت ده مالك وخديجه كان بيجهزوا ترتيبات كتب الكتاب والفرح..

خديجه: انا تعبت اوي انهارده بجد..

مالك: ايوه لفينا كتير..

خديجه: الحمد لله الحاجه طلعت زي منا عايزه بالظبط..

مالك: انا بجد والله مش مصدق ان كلها كام يوم وهتبقي مراتي وفي بيتي..

خديجه بابتسامة: وانا والله..الحمد لله ربنا يكملهالنا علي خير يا حبيبي..

مالك: يارب يا حبيبتي..

يوم كتب الكتاب>>>

إسراء كانت بتحط ميكب لخديجه..

خديجه: لسه كتير..

إسراء: لا قربت اخلص..ده صوت ليلي..يا مازن شوف اختك صحيت ولا ايه..

مازن: حاضر..

خديجه: الديكور اللي بره ده حلو اوي..

إسراء: ايوا قلتلك البنت دي شغلها حلو اوي..

خديجه: حاسه اني مش مستوعبه اي حاجه يعني كلها كام ساعه ومالك هيبقي جوزي ويومين وهنعيش في بيت واحد حاسه اني خلاص مش عايزه حاجه تانيه من الدنيا..فرحتي متتوصفش والله العظيم..

إسراء بابتسامة: والله انا اللي فرحتي بيكوا متتوصفش والله..كنت اكتر حاجه كنت بتماناها اشوفك مرتاحه مع واحد يحبك زي مالك كده..صدقيني مالك بيحبك اوي وهيشيلك في عينه..

خديجه بابتسامة: وانا واثقه في ده...

"بارك الله لكما وبارك عليكما وجمع بينكما في خير"

في اللحظه دي دموع خديجه نزلت لوحدها..مالك بصلها كأنها اعظم انتصارته...

مالك قام وقف وفتح ايده الاتنين وقال لخديجة: تعالي..

خديجه حضنته وغمضت عنيها براحه" كأنه حضنه كان الامان اللي بتدور عليه طول حياتها..وهو كان الحضن المخلوق عشانها وبس"

>>>>>>>>>>>>>

بعد فتره..مالك وخديجه عملوا الفرح واتجوزوا وبالنسبة لجدتها فهي رفضت انها تعيش معاهم في نفس الشقه..مالك اقترح عليها تعيش في الشقه اللي قدامهم عشان يبقوا قريبين منها وهي وافقت..

مالك وخديجه كانوا قاعدين يتفرجوا علي الفيلم ومبسوطين..

خديجه: مالك شم كده دي ريحه شياط صح..؟

مالك: ايوا..انتي بتعملي حاجه في المطبخ..

خديجه قامت تجري علي المطبخ..وهي بتقول: الكيكه..

مالك راح وراها..

خديجه طفت الفرن بسرعه وفتحته وقالت بحزن: الكيكه باظت خالص..مش تفكرني يا مالك..

مالك: وانا هعرف منين بس يا حبيبتي انك عامله كيكه..

خديجه: منا كنت هعملهالك مفجأه..

مالك ضحك وقال: انا اتفجأت والله..

خديجه: اتفجأت ايه بس..دي بقت فحمه..

مالك ابتسم وباس ايديها وقال : فداكي الف كيكه يا روحي..كفايه انك فكرتي فيا..

خديجه بابتسامة: طب قصاد الكلام الحلو ده هعملك واحده تانيه دلوقتي..

مالك ابتسم وقال: طب وايه رأيك بقي نعملها انا وانتي..

خديجه بابتسامة: موافقه..البس المريله وتعالي..

مالك لف وقالها : اربطيلي..

خديجه ضحكت جامد....وقالت: حاضر..

مالك: بتضحكي علي  ايه..

خديجه: المريله اللي عليها ميكي ماوس دي هتاكل منك حته

مالك ضحك وقال: اه حبيتها..

>>>>>>>>>>>>>>>>>>

في يوم مالك رجع من الشغل..ودخل البيت..

مالك: انتي فين يا ديجاا..

خديجه: انا هنا في المطبخ يا حبيبي..

مالك دخلها وابتسم وقال:  ايه الريحه الحلوه دي..انا عندي ليكي مفجأه..

خديجه بابتسامة: مفجأه ايه..

مالك: مش انتي قلتيلي قبل كده ان كان حلمك تكملي وتدخلي كليه الهندسه..

خديجه بابتسامة: يااه انت لسه فاكر.. بس فتحت الموضوع ليه دلوقتي..

مالك بابتسامة: عشان انا رحت الكليه وسألت وقالوا انك عادي تكملي ومجموعك قبل..

خديجه: بس انا مش عايزه اكمل..

مالك: ليه مش ده كان حلمك..

خديجه ابتسمت ومسكت ايده وقالت: ده كان حلمي بس زمان دلوقتي انا مش عايزه حاجه من الدنيا تاني غير وجودك معايا واني اشوفك مبسوط ومرتاح واعملك أكل علي ما تيجي من الشغل ونتفرج علي فيلم الحاجات دي بالنسبه لي بالدنيا كلها...والاهم من ده كله..

مالك بابتسامة: ايه هو..

خديجه مسكت ايده وحطتها علي بطنها وقالت: ونربي ابننا..

مالك بصدمه: ابننا مين..ثانيه انتي..

خديجه عنيها دمعت وقالت بفرحه: ايوا انا حامل يا مالك..

مالك ضحك بفرحه وحضنها بقوه..

خديجه وهي بتضحك: براحه هتخنق كده..

مالك سابها وقال: يعني انا هبقي اب..

خديجه حطت ايديها علي وشه وقالت بابتسامة: هتبقي احلي واحن اب في الدنيا..

مالك بابتسامة: انا بحبك اوي يا خديجه..انتي اللي احلي زوجه وام واحلي حاجه في الدنيا...

خديجه حضنته وقالتله: وانا بحبك اوي والله..

مالك فضل يحسس علي بطنها بفرحه..وهي بصه عليه بحب..

"في اللحظه دي كل واحد فيهم حس انه مكتفي بالتاني..مفيش حاجه في الدنيا تعوض وجودهم مع بعض..حبهم كمل لان كل واحد فيهم خلي سعاده التاني اوليويته...حافظوا علي حبهم لبعض"

تمت بحمدلله